د ملي دفاع وزارت د ویاند مرستیال صدیق الله نصرت ويلي، چې د افغانستان دفاعي ځواکونو تېره شپه په ننګرهار، پکتیا او خوست ولایتونو کې سخت غچ اخیستونکي عملیات پیل کړل.

په دې عملیاتو کې د ۲۰۳ منصوري، ۲۰۱ خالد بن ولید او ۲۰۵ البدر قول‌اردو ځواکونو ګډون کړی و او د لیزر تجهیزاتو او پرمختللې ټکنالوژۍ پر کارولو ترسره شول.

تر اوسه پورې، د دښمن څلور پوځي اډې نیول شوي او د ماینونو پر چاودنو ۳۲ پاکستانیان وژل شوي او لسګونه نور یې ټپیان دي.

د دښمن دوه بې پیلوټه الوتکې هم ویشتل شوي او یو شمېر پوځي تجهیزات ویجاړ او له منځه وړل شوي دي.

چارواکو ټینګار کړی، چې دفاعي ځواکونو خپل عملیات پر بشپړ چمتووالي روان ساتلي  او د سیمې امنیت یې لومړیتوب لري.

د آریانانیوز خبریال محمود نعیمي، چې فرضي ډیورنډ کرښې ته نږدې له تورخم سیمې څخه راپور ورکړی وايي، چې تېره شپه د افغان امنیتي ځواکونو په ځوابي بریدونو کې د پاکستان پوځي رژیم ځواکونو ته درانده تلفات اوښتي دي.

نعیمي زیاته کړې: “سیمه‌ییزو چارواکو ویلي، چې د دښمن اغزن تار ویجاړ شوی؛ د کمیشنرۍ دفتر او د پاکستاني رژیم پوځي پوستې له منځه وړل شودي او وضعیت په بشپړ ډول نظامي دی. هره شېبه د جګړې بیا پیلېدا شونې ده.”

د تورخم سیمې اوسیدونکو هم آریانانیوز ته ویلي، چې له تېرو څو ورځو راپدېخوا په سیمه کې جګړه روانه ده او ډېری کورنۍ اړ شوي، چې خپل کورونه پریږدي.

په سیمه کې امنیتي وضعیت اوس هم بې ثباته دی او سیمه‌ییز چارواکي له هر ډول احتمالي ګواښ سره د مقابلې لپاره د امنیتي ځواکونو پر چمتووالي ټینګار کوي.

دا پېښه د سې‌شنبې پر ورځ( د کب پېنځمه د سیستان او بلوچستان په ولایت کې رامنځته شوې ده.

حال‌وش راپور ورکړی، چې ایرانی پوځیانو پر موټر له قانوني درېدا او خبرداري پرته ډزې کړي، چې په کې یو شمېر سپرلۍ پر مرمیو لګېدلي؛ موټر چپه شوی او اور یې اخیستی دی.

د راپورونو له مخې؛ د ۶ ټپیانو روغتیایي حالت د اندېښنې وړ دی.