Connect with us

تازه خبرونه

په تېرو شپږ میاشتو کې د ۵۰۰۰۰ افغان ټپیانو درملنه شوې – د سره صلیب راپور

خپور شوی

 په

(Last Updated On: چنګاښ ۳۱, ۱۴۰۰)

په افغانستان کې د سره صلیب کمېټې په خپل یوه تازه راپور کې په ډاګه کړې، چې له تېرو شپږ میاشتو راپدیخوا د پنځوس زره ټپیانو درملنه شوې ده.

په هېواد کې د جګړو له کبله د ملکي ځاني زیانونو له زیاتوالي سره سم د سره صلیب نړیوالې کمېټې په خپل یوه تازه راپور کې څرګنده کړې، چې په تېرو شپږ میاشتو کې يې د نږدې پنځوس زره ملکي وګړیو درملنه کړې او دا هغه کسان دي، چې په جګړو کې ټپیان شوي.

دې بنسټ په خپل یوه تازه راپور کې افغانستان یو له خطرناکو هېوادونو نومولی دی.  

په افغانستان کې د سره صلیب نړیوالې کمېټې د ویاند مرستیال حمیدالله حسن زاده ویلي؛ افغانستان یو له هغو خطرناکو هېوادونو څخه دی، چې د ښځو او ماشومانو په ګډون په کې ملکي ځاني زیانونه ډېر دي.

د نوموړي د څرګندونو له مخې؛ هره ورځ په افغانستان کې د جګړو له کبله نږدې دوه سوه تنه ټپیان کېږي، چې بیا بېړنۍ درملنې ته اړتیا پیدا کوي.

د بشري حقونو خپلواک کمېسیون د جګړې له اړخونو غواړي، چې د نښتو پرمهال د ملکي خلکو ژوند ته پوره پاملرنه وکړي.

د بشري حقونو خپلواک کمېسیون د رسنیو مشر ذبیح الله فرهنګ هم په جګړو کې د ملکي تلفاتو اوښتل د اندېښنې وړ بولي او د جګړو له اړخونو غواړي، چې له ملکي کسانو قرباني وانخلي.

سره صلیب په داسې حال کې ملکي تلفات د اندېښنې وړ ښودلي، چې تېره ورځ مازیګر مهال د ننګرهار په اچین ولسوالۍ کې پر یوه کور د هاوان مرمۍ د لګېدو له کبله پېنځه ماشومان وژل شوي او دوه نور ټپیان دي.

د دې ولایت چارواکو يې پړه پر طالبانو اچولې؛ خو طالبانو تراوسه په دې اړه څه ندي ویلي.

تازه خبرونه

زیربنا: د دیورند کرښې په اوږدو کې د څو نورو دروازو جوړولو غوښتنه

خپور شوی

په

توسط

(Last Updated On: غبرګولى ۵, ۱۴۰۱)

Continue Reading

تازه خبرونه

زیربنا: له یوه اماراتي شرکت سره د افغانستان د درې هوایي ډګرونو د ځمکنيو چارو د ترسره کولو تړون

خپور شوی

په

توسط

(Last Updated On: غبرګولى ۴, ۱۴۰۱)

Continue Reading

تازه خبرونه

په کابل کې چاودنې ۲۷ کسانو ته مرګ و ژوبله اړولې

خپور شوی

په

توسط

(Last Updated On: غبرګولى ۴, ۱۴۰۱)

د کابل ایمرجنسي روغتون د راپور له مخې؛ نن ماښام د کابل ښار د څلورمې امنیتي حوزې په یوه جومات کې د چاودنې له کبله لږ تر لږه پېنځه کسان وژل شوي او ۲۲ نور ټپیان دي.

کورنیو چارو وزارت پېښه تائید کړې او څرګندوي، چې دغه چاودنه د کابل ښار د څلورمې امنیتي حوزې اړوند د ترافیکو څلور لاري ته نږدې په زکریا نومي جومات کې رامنځته شوې، چې ۱۸ کسان ترې تبیان دي او ۶ نور وژل شوي دي.

تر اوسه کومې ډلې د دې چاودنې مسوولیت ندی منلی.

Continue Reading

Trending

Copyright © 2022 Ariana News. All rights reserved!