Connect with us

تازه خبرونه

په مزار شریف ښار کې پر خبریالانو برید غبرګونونه راوپارول

خپور شوی

د

(Last Updated On: )

د شنبې پر ورځ د بلخ ولایت د تبیان په فرهنګي مرکز کې د شنبې د ورځې چاودنې، چې په کې یو شمېر سیمه ییز خبریالان ټپیان شول؛ کورني او بهرني غبرګونونه راوپارول.

د بشري حقونو په برخه کې د ملګرو ملتونو ځانګړي استازي او په کابل کې د اروپايي ټولنې د پلاوي مشر دغه پېښه غندلې او دا يې د بيان پر آزادۍ بريد نومولی دى.

د افغانستان لپاره د امريکا ځانګړي استازي توماس ویست په لړ تویتونو کې دا پېښه غندلې او وایي: زه په تبیان فرهنګي مرکز کې پر خبریالانو تروریستي برید غندم او سخت پرې خواشينی یم. دا پرلپسې تاوتریخوالی غندو. مونږ د افغانانو پر زغم او وړتیاوو باور لرو.

په کابل کې د ملګرو ملتونو مرستندویه  دفتر یا یوناما هم په بلخ کې د خبریالانو پر نښه کول غندلي او له خبریالانو سره یې د تاوتریخوالي د پای ته رسولو غوښتنه کړې ده.

په کابل کې د ملګرو ملتونو د مرستندویه دفتر ( یوناما) په اعلامیه کې راغلي: یوناما په مزارشریف ښار کې پر خبریالانو وروستی برید په کلکه غندي او دا په دغه ښار کې د نه منلو وړ پېښه بولي. تاوتریخوالی باید ودرول شي. افغان خبریالان ډېر زړور دي او باید ساتنه یې وشي.

د افغانستان لپاره د اروپايي ټولنې چارسمبالې رافیلا ایودیس د بلخ ولایت په مزارشریف ښار کې د وروستیو ورځو دواړه بریدونه وغندل. رافیلا آیوډیس تویت کړی: دا تاوتریخوالی باید ودریږي.

د ایران د بهرنیو چارو وزارت ویاند ناصر کنعاني په مزارشریف ښار کې د خبریالانو پر یوه غونډه چاودنه وغندله.

ناصرکنعاني د دغه برید له قربانیانو سره خپله خواخوږي په ډاګه کړه او ټپیانو ته یې د عاجلې روغتیا دعا وکړه.

د خبریالانو د ملاتړ یو شمېر بنسټونه په بلخ کې د شنبې ورځې چاودنه د خبریالانو پر وړاندې د ګواښونو د زیاتېدو نښه ګڼي او ټینګار کوي، چې حکومت باید د خبریالانو د خوندیتوب لپاره جدي ګامونه واخلي.

د اسلامي امارت له واکمنۍ وروسته دا لومړی ځل دی چې په خبریالانو چاودنه کیږي.  تر اوسه کوم کس یا ډلې د دې پېښې مسوولیت پر غاړه ندی اخیستې.

اسلامي امارت ویلي، چې امنیتي ځواکونه د خبریالانو خوندیتوب ته ژمن دی.

دغه چاودنه د شنبې پر ورځ د کب پر شلمه شاوخوا ۱۱:۳۰ بجې د مزارشریف ښار د دوه‌یمې امنیتي حوزې په تبیان فرهنګي مرکز کې رامنځته شوې ده.

د چارواكو د څرګندونو له مخې؛ په دې چاودنه كې يو تن وژل شوى او اته نور ټپيان دي، چې پېنځه يې خبريالان او درې نور ماشومان دي.

تازه خبرونه

د کانونو او پټرولیم وزارت نوي چارسمبالي په کانونو کې د پانګونو غوښتنه وکړه

هدایت الله بدري نن (سې شنبه د چنګاښ نولسمه) د کانونو او پټرولیم وزارت کارکوونکیو ته د معرفۍ په مراسمو کې ویلي؛ دوی به اجازه ورنکړي، چې خام مواد له هېواده بهر ولېږدول شي.

Published

on

(Last Updated On: )

د کانونو او پټرولیم وزارت نوي چارسمبالي هدایت الله بدري پر کورنیو او بهرنیو پانګوالو غږ وکړ، چې د هېواد د کانونو په برخه کې پانګونه وکړي.

هدایت الله بدري نن (سې شنبه د چنګاښ نولسمه) د کانونو او پټرولیم وزارت کارکوونکیو ته د معرفۍ په مراسمو کې ویلي؛ دوی به اجازه ورنکړي، چې خام مواد له هېواده بهر ولېږدول شي.

هغه په ​​دوامدار ډول په قراردادونو کې پر شفافیت ټینګار وکړ.

بدری وایي: مونږ کورنۍ او بهرنۍ پانګونه راجلبوو. مونږ هڅه کوو، چې د هېواد دننه کانونه پروسس او د اومه توکو د صادراتو مخه ونیسو. مونږ پر بشپړ شفافیت قراردادونه تر سره کوو او خپله تخنیکي وړتیا لوړوو.

په دې مراسمو کې د چارو ادارې مشر ټینګار وکړ، چې په حکومت کې تبدیلي او بدلون یوه عامه خبره ده او د کارونو په ترسره کولو کې هیڅ ډول ستونزې نه رامنځته کیږي.

د چارو ادارې مشر نورالحق انور وايي: د شريعت له مخې امير ټاکونکی او خپل مکلفيتونه لري او څوک، چې ټاکل کېږي هم خپل مکلفيتونه لري. شريعت د دواړو خواوو لپاره خپلې سپارښتنې او هدایتونه واضح کړي دي. تر ټولو مهمه مسله دا ده، چې امیر په خپلو ګمارنو کې د شریعت ټول معیارونه مراعاتوي او څوک، چې په جوړښت کې دننه کیږي په رښتیا هم وړ اهلیت لري.

دغه راز د کانونو او پټرولیم وزارت پخوانی چارسمبالی شهاب الدین دلاور هم په حکومت کې د بدلون راوستل اصولي بولي او وايي، چې دوی د مشرتابه د امر تابع دي.

شهاب الرین دلاور هم د سرې میاشتې ادارې د مشر په توګه خپله دنده پیل کړه.

هغه ويلي: د اسلامي نظام خدمتونه بايد د ټولو لپاره يو شان وي؛ خو لومړيتوب بايد هغو کسانو ته ورکړ شي، چې ډېر ځورېدلي دي.

په دې وروستیو کې د اسلامي امارت رهبر د اسلامي امارت ۹ مسوولان له خپلو پخوانیو دندو ګوښه او پر نویو دندو وګمارل، چې نن یې دې دوه کسانو پر دندو پیل وکړ.

اوږند خبرونه:

اسلامي امارت د کانونو وزارت او د مرکزي بانک چارسمبالي بدل کړل

                                                                    

Continue Reading

تازه خبرونه

پاکستان له افغانستان سره د ستونزو پر حل ټینګار وکړ

بلاول یو ځل بیا ټینګار کړی، چې ډېر هېوادونه او ځواکونه هلته ناکام شوي دي.

Published

on

(Last Updated On: )

د پاکستان د خلکو ګوند مشر بلاول بوټو زرداري د دوشنبې پر ورځ (د چنګاښ اتلسمه) په یوه خبري غونډه کې ویلي، چې د پاکستان او افغانستان تر منځ ستونزې یوازې د ساده ناستو له لارې حل کېدی نشي.

هغه د دواړو هېوادونو پر وړاندې د پېچلو مسايلو د حل لارې موندلو پر اړتیا ټينګار وکړ.

بلاول یو ځل بیا ټینګار کړی، چې ډېر هېوادونه او ځواکونه هلته ناکام شوي دي.

 هغه وايي: افغانستان ته په سفر کې د چايو پر څښلو ستونزې نه حل کېږي. ما د بهرنیو چارو د وزیر په توګه د چین، پاکستان او افغانستان ترمنځ د خبرو اترو زمینه برابره کړه. د افغانستان او پاکستان ستونزې د حل وړ دي؛ خو باید وپوهیږو، چې ټولې مسلې د افغانستان تر ادارې لاندې ندي.

ویل کیږي، چې اسلامي امارت له ګاونډ هېوادونو سره ښې اړیکې غواړي او باید د افغانستان او نورو هېوادونو ترمنځ د مثبتو اړیکو، ښو سیاسي اړیکو او د باور فضا زمینه رامنځته شي.

اړوند خبرونه:

د پاکستان لنډمهالي حکومت له نورو سره له مشورې پرته افغان کډوال ایستلي – بلاول بوتو زرداري

اسلام‌آباد باید د افغانانو او ترهګرو ترمنځ توپیر ومني – د پاکستان بهرنیو چارو پخوانی وزیر

Continue Reading

تازه خبرونه

له ۲۴ سلنې ډېر افغان ماشومان له رواني ناروغیو کړیږي – یونیسف

 یونیسف ويلي، چې د جنګ، کډوالۍ، بې ځایه کېدا، بې‌وزلۍ زیاتېدو او د ناچاودېدونکیو توکو د چاودنې خطرونو دغه ماشومان له رواني ناروغیو سره مخ کړي دي.

Published

on

(Last Updated On: )

د ماشومانو لپاره د ملګرو ملتونو وجهي صندوق (یونیسف) په خپل یوه راپور کې اندېښنه ښودلې، چې د افغانستان له ۱۷ کلنو ټیټ عمره ماشومانو څلیریشت سلنه له رواني رنځ څخه کړېږي، چې د نړۍ پر کچه ۱۰ سلنه زیاتوالی ښيي.

د دغه راپور د څرګندونو له مخې ۱۵ سلنه افغان ماشومان خفګان لري.

 یونیسف ويلي، چې د جنګ، کډوالۍ، بې ځایه کېدا، بې‌وزلۍ او د ناچاودېدونکیو توکو د چاودنې خطرونو دغه ماشومان له رواني ناروغیو سره مخ کړي دي.

ملګرو ملتونه ویلي، چې د نجونو پر منځنیو ښوونځیو، لیسو او پوهنتوني زده‌کړو د طالبانو بندیز د راتلونکي په اړه د ډېرو افغان ماشومانو ناهیلي رامنځته کړې، چې روغتیايي او نور لومړنیو خدمتونو ته لاسرسی یې هم ننګولی دی.

یونیسف وايي، چې تېر کال یې څلور میلیون ماشومانو او د هغو له پالونکیو رواني ملاتړ کړی دی او په راتلونکي کال کې ۳ اعشاریه ۶ میلیون کسان به تر ملاتړ لاندې ونیول شي.

دغه بنسټ په افغانستان کې د روان پوهانو او رواني روزونکیو له کمښت سره مخ دي. سره له دې، چې دوی تېرکال په دې برخه کې ۳ زره کسان هم روزل شوي دي.

اړوند خبرونه:

د بغلان روزنتون ماشومانو د آسانتياوو غوښتنه وكړه

له ماشومانو سره د تاوتریخوالي په اړه د م.م راپور د اسلامي امارت او ولس پر ضد پروپاګند دی

Continue Reading

Trending

Copyright © 2022 Ariana News. All rights reserved!