نړۍ
په نیویارک ایالت کې یوه وسلوال ۱۳ کسانو ته مرګ او ژوبله اړولې

یوه ۱۸ کلن سپین پوستي وسلوال د شنبې پر ورځ د نیویارک ایالت اړوند د تور پوستو په یوه پلورنځي کې ۱۰ کسان پر ډزو وژلي او درې نور ټپیان دي.
چارواکو دا پېښه افراطي تشدد نومولی، چې پر تورپوستو امریکایانو تر سره شوی دی.
د دغه ښار د پولیسو د څرګندونو له مکخې؛ بریدګر پر وسلو سمبال و او له تاکتیکي وسایل هم برخمن و. نظامي خولۍ یې هم پر سر وه او پخپلې خولۍ کې یې کمره نصب کړې وه، چې دا پېښه انلاین هم خپره کړي.
د چارواکو د څرګندونو له مخې؛ له ۱۳ زیانمنو کسانو څخه ۱۱ یې تور پوستي وه او دوه نور سپین توکمي امریکایان ول.
د رویټرز د راپور له مخې، د وژل شوي توکمیز توپیر روښانه ندی.
اړوند مسوولینو د نیول شوي شکمن کس نوم کانکلین پیټون ګینډرون یاد کړی، چې د پنسلوانیا پولې ته نږدې د سویلي ټیر سیمې اوسېدونکی دی.
دا لومړی ځل ندی، چې یو سپین پوستی امریکایي آفریقایي الااصله امریکایان وژني. په ۲۰۲۱ کال کې هم د کلوراډو ایالت په یوه پلورنځي کې ۱۰ کسان پر ډزو وژل شوي وه.
نړۍ
د امریکا په تکزاس ایالت کې ۴۶ ناقانونه کډوال مړه شوي

د یو لړ راپورونو له مخې؛ د دوشنبې پر ورځ د امریکا په تکزاس ایالت کې له یوه کانتینره د نا قانونه کډوالو ۴۶ مړي راایستل شوي دي.
د رویترز د څرګندونو له مخې دغه پېښه د چنګاښ پر ۶ د جون پر ۲۷ د ټکزاس ایالت د انتونیو ښار په اړوند سیمه کې رامنځته شوې ده.
سرچینې په ډاګه کړې؛ دا کانتینر په یوه تېلر موټر کې بار و، چې د انتونیو ښار د سویل لویدیځ لوري ریل پټلیو ته نږدې درول شوی و.
یادې سرچینې د پولیسو د څرګندونو له مخې راپور ورکړی؛ له موندل شوي کانتینر څخه د څلورو ماشومانو په ګډون شپږ نور کسان، چې روغتیایي حالت یې د تودوخې او ستړیا له کبله د اندېښنې وړ دی روغتون ته لېږدول شوي دي.
د یو لړ راپورونو له مخې؛ د تېلر چلوونکی له سیمې تښتېدلی او پولیسو یې د پلټنې چارې پیل کړې دي.
چارواکو دا هم ویلي، چې د پېښې په تړاو یې درې کسان نیولي هم دي.
د امریکا ټکزاس ایالت له مکسیکو سره ګډه پوله لري او له مکسیکو څخه هره ورځ سلګونه کډوال ټکزاس ته داخلیږي.
د امریکا او مکسیکو په پوله کې د کډوالو پر تګ راتګ بندیزونو د دې ایالت د دیموکراتانو اندېښنې راپارولي د امریکا د ولسمشر جو بایډن د کډوالۍ پر پالیسیو نیوکې کیږي.
د مکسیکو د بهرنیو چارو وزیر مارسیلو ابرارد تویت کړی؛ دا یوه خواشینوونکې پېښه ده او څرګندويٍ، چې تر دې دمه د زیانمنو کډوالو تابعیت او ځای تائید شوی ندی.
د یادونې ده، چې ځايي پولیسو تر دې دمه د دې پېښې بشپړ جزئیات ښکاره کړي ندي.
نړۍ
د G-7 مشرانو له اوکراینه د ملاتړ ژمنه څرګنده کړه

د اووه اقتصادي قدرتونو مشرانو له اوکراین څخه د اوږدې مودې د ملاتړ ژمنه کړې او ټاکل شوې، چې د آلمان د آلپس په غرنۍ سیمه کې د ناستې پر مهال د اوکراین له ولسمشر ولادیمیر زیلینسکي سره انلاین خبرې وکړي.
د G-7 مشران به د دوشنبې پر ورځ خپله درې ورځنۍ سرمشریزه له اوکراین څخه پر ملاتړ پیل او راوڅرخوي.
د اسوشیتید پریس د څرګندونو له مخې؛ د پېنځه دیموکراتیکو مخ پر ودې اقتصادونو مشران ( هند، اندونیزیا، سویلي آفریقا، سنګال او ارجنټاین) د اقلیم د بدلون، انرژۍ او نورو مسلو په اړه له خبرو اترو وروسته هم له هغو سره یوځای شي.
د اوکراین جګړې د دغو هېوادونو د مشرانو ذهنونه اغېزمن کړي او د یکشنبې پر ورځ یې د سیمې په یوه ښکلي هوټل کې خپله سرمشریزه په داسې حال کې پرانیستله، چې روسي توغنديو له څو اوونیز ځنډ وروسته یو څل بیا د اوکراین مرکز کیف تر برید لاندې ونیوه.
د امریکا ولسمشر جو بایډن ویلي، چې د روسیې ولسمشر ولادیمیر پوتین له پیل څخه په دې فکر کې دی، چې ناټو او G-7 به ووېشل شي؛ خو مونږ دا کار ونکړ او کوو یې هم نه!
د بریتانیا بوریس جانسون مشرانو ته خبرداری ورکړ، چې ځانونه ستومانه احساس نکړي.
د آسوشیتید پریس د څرګندونو له مخې؛ د دوشنبې پر ورځ، دوی فرصت لري، چې زیلینسکي ته خپل دا یووالی وښيي او له کیف سره د مالي او نور ملاتړ لپاره خپله ژمنه بیا تائید کړي.
بایډن هیله من دی، چې اروپا ته له خپل سفر څخه ګټه پورته کړي؛ د ائتلاف د یووالي اعلان وکړي، روسیې ته پر اوکراین د برید سزا ورکړي او فشار پرې راوړي. په داسې حال کې، چې پر اوکراین برید پېنځمې میاشتې ته غزېدلی دی.
د سرمشریزې کوربه هېواد لومړی وزیر اولاف شولز ډاډمن دی، چې له دې ناستې د اوکراین لپاره د مارسال پلان د پلي کولو لپاره ګټه پورته او دا هېواد بیا ورغول شي.
شولز ویلي، چې د اوکراین بیا رغول به نسلونه وخت ونیسي.
د G-7 هېوادونو هوکړه کړې، چې د اوکراین سمدستي اړتیاوې تمویل کړي.
د دې ډلې د مالیې وزیرانو تېره میاشت هوکړه کړې وه، چې کیف ته ۱۹ اعشاریه ۸ میلیارد ډالرو اقتصادي مرستې چمتو کړي، چې وکولی شي د روسي ځواکونو پر وړاندې دفاع وکړي.
نړۍ
د اووه هېوادونو ډله له روسیې څخه د سرو زرو پر وارداتو بندیز لګوي

د امریکا ولسمشر جوبایډن ویلي، چې د اووه هېوادونو ډله به له روسیې څخه د سرو زرو پر وارداتو بندیز ولګوي.
د بریتانیا لومړي وزیر بوریس جانسون هم ویلي، چې امریکا، انګلستان، جاپان او کاناډا به د روسیې اولیګارشان پر نښه او د پوتین د جنګي ماشین زړه ولړزوي.
تېر کال روسیې د سرو زرو له صادراتو څخه شاوخوا ۱۵میلیارده او ۵۰۰ میلیون ډالر عاید ترلاسه کړی و.
د اووه هېوادونو ډله به د سې شنبه، چې د دې ډلې د سرمشریزې وروستۍ ورځ ده؛ د آلمان په سویل باواریا کې پر رسمي بڼه له روسیې څخه د سرو زرو واردات وځنډوي.
جي – ۷ هېوادونو ډلې له دې مخکې پر مسکو د اوکراین د یرغل له کبله سخت بندیزونه لګولي دي.
بایډن لیکلي: امریکا د روسیې د ولسمشر ولادیمیر پوتین د هڅو د مخنیوي لپاره بې ساري لګښتونه کړي او امریکا غواړي روسیه له هغو عایداتو بې برخې کړي، چې د اوکراین پروړاندې ترې د جګړې اړتیاوې پوره کوي.
-
تازه خبرونه3 days ago
له کوم هېواد یا بهرني شرکت سره د ډبرو سکرو د صادراتو تړون نلرو
-
تازه خبرونه5 days ago
د کولرا له خطر سره مخ په زرګونه زلزله ځپلي پاکې اوبه او خوراکي توکي غواړي
-
تازه خبرونه4 days ago
افغاني سرې میاشتې ټولنې زلزله ځپلیو ته لس میلیون افغانۍ ځانګړې کړې
-
تازه خبرونه4 days ago
د نشه يي توکو د کښت، توليد او قاچاق پر وړاندې کلکه مبارزه روانه ده
-
تازه خبرونه4 days ago
په تخار ولایت کې د نس ناستي پېښې مخ پر ډېرېدو دي
-
تازه خبرونه5 days ago
د افغانستان په لویدیځ ولایتونو کې د ګوزڼ واکسین کمپاین پیل شو
-
نړۍ4 days ago
د G-7 مشرانو له اوکراینه د ملاتړ ژمنه څرګنده کړه
-
تازه خبرونه3 days ago
په کاناډا کې ۳۰ زره کلن بشپړ کوچنی مومیایي شوی فیل موندل شوی