تازه خبرونه
په کابل کې د کور او ښارجوړونې وزارت مخې ته چاودنه رامنځته شوې
د افغان د څرګندونو له مخې؛ په چاودنه کې یو کس وژل شوی او درې نور ټپیان دي.
د کور او ښارجوړونې وزارت ویاند محمد کمال افغان تائید کړې، چې نن سهار (پنجشنبه، د سلواغې پېنځویشتمه) یو بریدګر، چې هڅه یې کوله د ښاري پراختیا او کور جوړونې وزارت ته ننوځي؛ خپل هدف ته له رسیدو مخکې د امنیتي ځواکونو لخوا ووژل شو.
د افغان د څرګندونو له مخې؛ په چاودنه کې یو کس وژل شوی او درې نور ټپیان دي.
دغه راز د اسلامي امارت د کورنیو چارو وزارت ویاند عبدالمتین قانع د کور او ښار جوړونې وزارت مخې ته چاودنه تائید کړه او رسنیو ته یې ویلي، چې چاودنه شنډ شوې ده.
قانع زیاته کړې، چې د امنیتي ځواکونو ځانمرګی بریدګر خپل هدف ته له رسیدو مخکې له منځه وړی دی.
د کورنیو چارو وزارت ویاند په برید کې د مرګ او ژوبلې د شمېر په اړه څه ندي ویلي.
تر اوسه کومې ډلې د دې پېښې مسؤلیت نه دی منلی.