Connect with us

تازه خبرونه

په کابل کې پر کاسټر موټر چاودنې ۱۵ ملکي وګړي ټپیان کړل – پولیس

خپور شوی

د

(Last Updated On: کب ۲۵, ۱۳۹۹)

د کابل پولیسو منلې، چې نن دوشنبه مازیګر(د کب ۲۵) په کابل ښار کې له یوې چاودنې ۱۵ ملکي وګړي ټپیان شوي او روغتونونو ته ولېږدول شول.

د پولیسو د څرګندونو له مخې؛ پېښه د کابل د دوه یمې حوزې په دهن باغ سیمه کې رامنځته شوې ده.

د مخابراتو وزارت تائید کړې؛ هغه موټر، چې نن د کابل د دوه یمې حوزې په دهن باغ سیمه کې پرې چاودنه شوې، د افغان مخابراتي شرکت او افغان پوسټ کارمندان یې کورونو ته لېږدول.

د کابل پولیسو هم تائید کړې، چې د چاودنې په ځای کې یې د مخابراتو وزارت د موټر کارت ترلاسه شوی دی.

د پېښې لیدونکیو ويلي، چې په دې پېښه کې یوه میرمن وژل شوې او د ښځو په ګډون ۱۵ نور کسان ټپیان شوي دي.

په ټولنیزو رسنیو کې خپرو شويو انځورونوښودلې، چې یو کاسټر او یو سراچه ډوله موټرې ویجاړ شوي دي.

تر دې دمه د پېښې مسوولیت چا ندی منلی.

پرون ماښام هم په کابل ښار کې دوه چاودنو پېنځه کسان مړه او ۱۶ نور ټپیان کړي وه.

تازه خبرونه

د سوداګرۍ وزارت له ۲۲ بنسټونو سره هوکړه لیکونه لاسلیک کړل

Published

on

(Last Updated On: کب ۱, ۱۴۰۲)

د سوداګرۍ او صنایعو وزارت د دوشنبې پر ورځ (د سلواغې دېرشمه) د درې اعشاریه پېنځه میلیون ډالرو پر ارزښت له ۲۲ کورنیو بنسټونو سره د کوچنیو او منځنیو تشبثاتو د ودې، پراختیا او همکارۍ هوکړه لیکونه لاسلیک کړل.

د یاد وزارت د څرګندونو له مخې؛ د یادو هوکړه لیکونوموخه د کوچنیو او منځنیو تشبثاتو پراختیا او هڅونه ده.

دغه وزارت زیاته کړې، چې ټاکل شوې دغه پروژې د ۱۴ ولایتونو په بېلابېلو سکتورونو کې پلې شي او ورسره به ۶۰۴۵ کسانو ته د کار زمینه برابره شي.

Continue Reading

تازه خبرونه

ناروې په افغانستان کې د اقلیم د بدلون په اړه غونډه جوړوي

Published

on

(Last Updated On: کب ۱, ۱۴۰۲)

اسلامي امارت د افغانستان لپاره د ناروې د کمیټې د مشر تاريه مګنوسین د څرګندونو له مخې ویلي، چې ناروې به په افغانستان کې د اقلیمي بدلون د پایلو په اړه غونډه جوړه کړي.

نوموړي د اسلامي امارت د چاپېریال ساتنې چارو له مرستیال زین‌العابدین عابد سره په کتنه کې څرګنده کړې، چې دغه غونډه به په کابل کې دوه میاشتې وروسته جوړه شي.  

په دې کتنه کې موګنوسین زیاته کړې، چې دوی به په کابل کې د چاپېریال ساتنې له ملي ادارې او نړیوالو موسسو سره په افغانستان کې د اقلیم د بدلون په اړه غونډه جوړه کړي.

دغه راز زین‌العابدین عابد هم په کرنه، اوبولګولو، روغتیا او ځینو نورو برخو کې د اقلیمي بدلون د منفي پایلو په اړه خبرې کړې دي.

د تېر کال د سرطان په میاشت کې د ملګرو ملتونو د بشري مرستو د همغږۍ دفتر ویلي وه؛ افغانستان له هغو لس زیانمنو هېوادونو څخه دی، چې له اقلیمي بدلون او طبیعي پېښو سره مخ دي.

دې ټولنې په افغانستان کې د وچکالۍ د زیاتوالي په اړه هم خبرداری ورکړی او دا یې د خلکو هوساینې او لوږې لپاره ګواښ ګڼلی و.

د ملګرو ملتونو د اټکلونو له مخې؛ افغانستان د اقلیمي بدلون له خطر سره مخ څلورم او اتم زیانمن هېواد پر ګوته شوی دی.

Continue Reading

تازه خبرونه

هېوادونه هیله من دي، چې اسلامي امارت به په راتلونکیو غونډو کې ګډون وکړي – ګوترش

Published

on

(Last Updated On: کب ۱, ۱۴۰۲)

د ملګرو ملتونو عمومي منشي انټونیو ګوترش څرګنده کړی، چې د افغانستان لپاره د هېوادونو استازي هیله من دي، چې اسلامي امارت به د دوی په راتلونکیو غونډو کې حضور ولري.

ګوترش د دوشنبې پر ورځ( د سلواغې دېرشمه / د فبرورۍ نولسمه ) په دوحه کې د افغانستان لپاره د هېوادونو د استازو د غونډې له پای ته رسېدو وروسته یوې خبري غونډې ته څرګنده کړه، چې دوی په راتلونکې غونډه کې د افغانستان د واکمنو چارواکو د حضور د شرایطو پر رامنځته کولو خبرې کړې دي.

ملګرو ملتونو اسلامي امارت ته بلنه ورکړې وه، چې د افغانستان په اړه د دې ټولنې په دوه‌یمه غونډه کې ګډون وکړي؛ خو اسلامي امارت د خپلو شرطونو د نه منلو له کبله په غونډه کې ګډون ونه‌کړ او هغه یې بې ګټې یاده کړه.

ګوترش زیاته کړې؛ د اسلامي امارت شرایط د منلو وړ نه‌ول.

هغه په دې اړه ویلي: د دې شرایطو منلو له هر څه مخکې له مونږ څخه د افغان ټولنې له نورو استازو سره د خبرو حق انیسته.

د ملګرو ملتو عمومي منشي ویلي، چې د هېوادونو یو له اصلي هدفونو څخه په افغانستان کې د کړکیچ د اواري لپاره د یوې داسې لارې نقشې جوړول دي، چې د نړیوالې ټولنې او اسلامي امارت اندېښنې په کې له پامه ونه‌غورځول شي.

ګوټریس څرګنده کړې، چې د غونډې ګډونوال د افغانستان په اړه د ملګرو ملتونو د خپلواکې ارزونې د وړاندیز په اړه پوره هوکړې ته ورسیدل.

یو له وړاندیزونو څخه د افغانستان لپاره د ملګرو ملتونو د ځانګړي استازي ټاکل دي، چې اسلامي امارت رد کړی دی.

ګوټریس زیاته کړې؛ هغه به د مشورې یو بهیر پیل کړي او وبه‌وګوري، چې ایا د ملګرو ملتونو د استازي د ټاکلو شرایط  رامنځته شوي او که نه.

هغه په ډاګه کړه، چې وړاندیز شوی استازی کولی شي د همغږي کوونکي رول ولوبوي او له افغان چارواکو سره په اغېزمنه توګه کار وکړي.

ګوټرش ویلي، چې له یو شمېر هېوادونو څخه د اړیکې ډلې پر رامنځته کولو هم  بحثونه شوي، چې کولی شي د حکومت له چارواکو سره د اړیکو لپاره غوره همغږي رامنځته کړي.

هغه دا هم څرګندوي، چې په دې ډله کې د ملګرو ملتونو د امنیت شورا دایمي غړي، ګاونډ هېوادونه او مرستندویه هېوادونه هم ونډه لرلی شي؛ خو د جوړېدو د څرنګوالي په اړه پرېکړه به د غړیو هېوادونو پورې اړه لري.

هغه زیاته کړې: زه باور لرم، چې دا د افغانستان له واکمنو چارواکو سره د نړیوالې ټولنې د اړیکو په اړه د همغږۍ د رامنځته کولو یوه ښه لار ده.

د افغانستان لپاره د هېوادونو د ځانګړيو استازو دوه‌یمه غونډه د دوشنبې پر ورځ په دوحه کې پای ته ورسېده.

په دې غونډه کې د ګډون لپاره اسلامي امارت د افغانستان د یوازني استازي او د تعامل لپاره د ملګرو ملتونو له عمومي منشي سره د لیدنې غوښتنه کړې وه.

Continue Reading

Trending

Copyright © 2022 Ariana News. All rights reserved!