Connect with us

تازه خبرونه

په ۱۴ هېوادونو کې د افغانستان سفارتونه سفارتي او دیپلوماتیکې هڅې لري – ذبیح الله مجاهد

خپور شوی

د

(Last Updated On: )

د اسلامي امارت ویاند وايي، چې د سیمې او نړۍ له هېوادونو سره مو دیپلوماتیکې اړیکې د غزېدا په حال کې دي او تر اوسه په څوارلس هېوادونو کې د افغانستان سفارتي او دیپلوماتیکې چارې څارو.

د اسلامي امارت ویاند ذبیح الله مجاهد وايي، دا مهال په شاوخوا څوارلسو هېوادونو کې د افغانستان سفارتونه د اسلامي امارت تر واک لاندې دي اود هرې ورځې له تېرېدو سره د افغانستان دیپلوماټیکې اړیکې مخ په ښه کېدو دي.

ذبیح الله مجاهد وایي: زمونږ اړیکي له ټولو ګاونډ هېوادونو او همدارنګه د سیمې له اسلامي هېوادونو او نړۍ سره خورا ښې دي او مونږ هڅه کوو، چې دغه اړیکې پراخې کړو. اوس په شاوخوا څوارلس هېوادونو کې د افغانستان سفارتونه دیپلوماتیک او سفارتي فعالیتونه لري.

ذبیح الله مجاهد د ځینو هېوادونو لخوا د اسلامي امارت د دیپلوماتانو منل او همدا راز په کابل کې د یو شمېر هېوادونو د سفارتونو پرانیستل له نړۍ سره د ښو اړیکو پر لوري یو مثبت ګام بولي.

هغه زیاته کړې: په کابل کې د بېلابېلو هېوادونو سفارتونه پراته دي. یعنې اړیکې یې اوس هم د پراخېدو او ښه کېدو په حال کې دي او هیله لرو، چې په راتلونکي کې به پوره پراختیا ومومي.

دا مهال د روسیې، چین، ایران، ترکیې، پاکستان، قطر، قزاقستان او اروپايي ټولنې په ګډون یو شمېر هېوادونه په افغانستان کې خپل دیپلوماتیک ماموریتونه لري او یوناما هم خپلې اړوند هڅې تر سره کوي.

 د دې ترڅنګ یو شمېر هېوادونو د افغانستان سفارتونه د اسلامي امارت دیپلوماتانو ته سپارلي دي.

د بهرنيو چارو وزارت وياند تویت کړی، چې د دغه وزارت د مالي او اداري مرستيال پر مشرۍ يوه پلاوي اوړمه ورځ د تاجکستان د بدخشان په مرکز خاروغ ښار کې د افغانستان له قونسلګرۍ څخه ليدنه کړې او د دې قونسلګرۍ د ستونزو د اواري په اړه يې څېړنې کړې دي.

که څه هم یو شمېر سیاستوال د سیمې او نړۍ له هېوادونو سره د اسلامي امارت تعامل او نږدې اړیکې مهمې ګڼي؛ خو ټینګار کوي، چې اسلامي امارت باید په بهرني سیاست او د هېوادونو تر منځ په اړیکو کې توازن وساتي.

د ۱۴۰۰لمریز لېږدیز کال د زمري د میاشتې پر ۲۴ نېټه / د ۲۰۲۱ کال د اګست پر ۱۵ د اسلامي امارت د واکمنۍ له پیله تر اوسه نړیوالې ټولنې اسلامي امارت پر رسمیت ندی پېژندلی او د بشري حقونو په ځانګړي توګه د ښځو او اقلیتونو د حقوقو خوندیتوب یې د رسمیت پېژندنې لپاره شرطونه ایښي دي.

د ټولګډونه حکومت جوړول او د افغانستان له خاورې څخه نورو هېوادونو ته د ترهګریزو فعالیتونو نه پېښېدل یې نورې هغه غوښتنې دي، چې نړۍ یې له اسلامي امارته د عملي کیدو غوښتنه کوي.

تازه خبرونه

د کانونو او پټرولیم وزارت نوي چارسمبالي په کانونو کې د پانګونو غوښتنه وکړه

هدایت الله بدري نن (سې شنبه د چنګاښ نولسمه) د کانونو او پټرولیم وزارت کارکوونکیو ته د معرفۍ په مراسمو کې ویلي؛ دوی به اجازه ورنکړي، چې خام مواد له هېواده بهر ولېږدول شي.

Published

on

(Last Updated On: )

د کانونو او پټرولیم وزارت نوي چارسمبالي هدایت الله بدري پر کورنیو او بهرنیو پانګوالو غږ وکړ، چې د هېواد د کانونو په برخه کې پانګونه وکړي.

هدایت الله بدري نن (سې شنبه د چنګاښ نولسمه) د کانونو او پټرولیم وزارت کارکوونکیو ته د معرفۍ په مراسمو کې ویلي؛ دوی به اجازه ورنکړي، چې خام مواد له هېواده بهر ولېږدول شي.

هغه په ​​دوامدار ډول په قراردادونو کې پر شفافیت ټینګار وکړ.

بدری وایي: مونږ کورنۍ او بهرنۍ پانګونه راجلبوو. مونږ هڅه کوو، چې د هېواد دننه کانونه پروسس او د اومه توکو د صادراتو مخه ونیسو. مونږ پر بشپړ شفافیت قراردادونه تر سره کوو او خپله تخنیکي وړتیا لوړوو.

په دې مراسمو کې د چارو ادارې مشر ټینګار وکړ، چې په حکومت کې تبدیلي او بدلون یوه عامه خبره ده او د کارونو په ترسره کولو کې هیڅ ډول ستونزې نه رامنځته کیږي.

د چارو ادارې مشر نورالحق انور وايي: د شريعت له مخې امير ټاکونکی او خپل مکلفيتونه لري او څوک، چې ټاکل کېږي هم خپل مکلفيتونه لري. شريعت د دواړو خواوو لپاره خپلې سپارښتنې او هدایتونه واضح کړي دي. تر ټولو مهمه مسله دا ده، چې امیر په خپلو ګمارنو کې د شریعت ټول معیارونه مراعاتوي او څوک، چې په جوړښت کې دننه کیږي په رښتیا هم وړ اهلیت لري.

دغه راز د کانونو او پټرولیم وزارت پخوانی چارسمبالی شهاب الدین دلاور هم په حکومت کې د بدلون راوستل اصولي بولي او وايي، چې دوی د مشرتابه د امر تابع دي.

شهاب الرین دلاور هم د سرې میاشتې ادارې د مشر په توګه خپله دنده پیل کړه.

هغه ويلي: د اسلامي نظام خدمتونه بايد د ټولو لپاره يو شان وي؛ خو لومړيتوب بايد هغو کسانو ته ورکړ شي، چې ډېر ځورېدلي دي.

په دې وروستیو کې د اسلامي امارت رهبر د اسلامي امارت ۹ مسوولان له خپلو پخوانیو دندو ګوښه او پر نویو دندو وګمارل، چې نن یې دې دوه کسانو پر دندو پیل وکړ.

اوږند خبرونه:

اسلامي امارت د کانونو وزارت او د مرکزي بانک چارسمبالي بدل کړل

                                                                    

Continue Reading

تازه خبرونه

پاکستان له افغانستان سره د ستونزو پر حل ټینګار وکړ

بلاول یو ځل بیا ټینګار کړی، چې ډېر هېوادونه او ځواکونه هلته ناکام شوي دي.

Published

on

(Last Updated On: )

د پاکستان د خلکو ګوند مشر بلاول بوټو زرداري د دوشنبې پر ورځ (د چنګاښ اتلسمه) په یوه خبري غونډه کې ویلي، چې د پاکستان او افغانستان تر منځ ستونزې یوازې د ساده ناستو له لارې حل کېدی نشي.

هغه د دواړو هېوادونو پر وړاندې د پېچلو مسايلو د حل لارې موندلو پر اړتیا ټينګار وکړ.

بلاول یو ځل بیا ټینګار کړی، چې ډېر هېوادونه او ځواکونه هلته ناکام شوي دي.

 هغه وايي: افغانستان ته په سفر کې د چايو پر څښلو ستونزې نه حل کېږي. ما د بهرنیو چارو د وزیر په توګه د چین، پاکستان او افغانستان ترمنځ د خبرو اترو زمینه برابره کړه. د افغانستان او پاکستان ستونزې د حل وړ دي؛ خو باید وپوهیږو، چې ټولې مسلې د افغانستان تر ادارې لاندې ندي.

ویل کیږي، چې اسلامي امارت له ګاونډ هېوادونو سره ښې اړیکې غواړي او باید د افغانستان او نورو هېوادونو ترمنځ د مثبتو اړیکو، ښو سیاسي اړیکو او د باور فضا زمینه رامنځته شي.

اړوند خبرونه:

د پاکستان لنډمهالي حکومت له نورو سره له مشورې پرته افغان کډوال ایستلي – بلاول بوتو زرداري

اسلام‌آباد باید د افغانانو او ترهګرو ترمنځ توپیر ومني – د پاکستان بهرنیو چارو پخوانی وزیر

Continue Reading

تازه خبرونه

له ۲۴ سلنې ډېر افغان ماشومان له رواني ناروغیو کړیږي – یونیسف

 یونیسف ويلي، چې د جنګ، کډوالۍ، بې ځایه کېدا، بې‌وزلۍ زیاتېدو او د ناچاودېدونکیو توکو د چاودنې خطرونو دغه ماشومان له رواني ناروغیو سره مخ کړي دي.

Published

on

(Last Updated On: )

د ماشومانو لپاره د ملګرو ملتونو وجهي صندوق (یونیسف) په خپل یوه راپور کې اندېښنه ښودلې، چې د افغانستان له ۱۷ کلنو ټیټ عمره ماشومانو څلیریشت سلنه له رواني رنځ څخه کړېږي، چې د نړۍ پر کچه ۱۰ سلنه زیاتوالی ښيي.

د دغه راپور د څرګندونو له مخې ۱۵ سلنه افغان ماشومان خفګان لري.

 یونیسف ويلي، چې د جنګ، کډوالۍ، بې ځایه کېدا، بې‌وزلۍ او د ناچاودېدونکیو توکو د چاودنې خطرونو دغه ماشومان له رواني ناروغیو سره مخ کړي دي.

ملګرو ملتونه ویلي، چې د نجونو پر منځنیو ښوونځیو، لیسو او پوهنتوني زده‌کړو د طالبانو بندیز د راتلونکي په اړه د ډېرو افغان ماشومانو ناهیلي رامنځته کړې، چې روغتیايي او نور لومړنیو خدمتونو ته لاسرسی یې هم ننګولی دی.

یونیسف وايي، چې تېر کال یې څلور میلیون ماشومانو او د هغو له پالونکیو رواني ملاتړ کړی دی او په راتلونکي کال کې ۳ اعشاریه ۶ میلیون کسان به تر ملاتړ لاندې ونیول شي.

دغه بنسټ په افغانستان کې د روان پوهانو او رواني روزونکیو له کمښت سره مخ دي. سره له دې، چې دوی تېرکال په دې برخه کې ۳ زره کسان هم روزل شوي دي.

اړوند خبرونه:

د بغلان روزنتون ماشومانو د آسانتياوو غوښتنه وكړه

له ماشومانو سره د تاوتریخوالي په اړه د م.م راپور د اسلامي امارت او ولس پر ضد پروپاګند دی

Continue Reading

Trending

Copyright © 2022 Ariana News. All rights reserved!