د روغتیا نړیوالې ټولنې خبرداری ورکړی، چې XBB.1.5  نومی د Omicron کروناویرس نوې خپرېدونکې بڼه کشف شوې ده.

اوسمهال د دې نوې بڼې په اړه ډېر څه پېژندل شوي ندي؛ خو لومړنۍ څېړنې ښیي؛ شونې ده، چې دا نوې بڼه د Omicron کروناویرس د پخوانیو بڼو پر پرتله ډېر ساري او خپرېدونکې وي.

د روغتیا نړیوالې ټولنې د کرونا ویروس تخنیکي مشر ماریا وان کرکوف یوې خبري غونډې ته ویلي؛ مونږ د XBB.1.5  بنې د ودې د غوره والي په اړه اندېښمن یوو.  

ساینس پوهان اوس هم نه پوهیږي، چې آیا دا نوې بڼه د ډېرې سختې ناروغۍ لامل کیږي یا به د اوږدمهاله کرونا جدي پایلې ولري.

څېړونکي د XBB.1.5 پر وړاندې د واکسینونو څخه د ژغورنې کچه هم څېړي. دوی وايي، چې د دوه اړخیز (mRNA) واکسین د دې نوې بڼې پروړاندې د ژغورنې غوره لار ده.

رویترز راپور ورکړی، چې اروپایي اتحادیې چین ته د کرونا ویروس د خپرېدو د مخنیوي لپاره د وړیا واکسین وړاندیز کړی دی.

د اروپایي ټولنې د سې شنبې پر ورځ څرګنده کړې، چې د بیجینګ لخوا د کرونا په اړه د پالیسۍ له نرمولو وروسته هلته انتانات ډېر شوي.

د اروپایی کمیسیون یوه ویاند په یوه عادي خبري ناسته کې ویلي؛ چین تر دې دمه دې وړاندیز ته ځواب ندی ویلی.

نوموړي د واکسینونو کچه او تولیدوونکی مشخص نکړ.

هغه ویلي: په چین کې کرونایي وضعیت ته په پاملرنه د روغتیا کمیشنر ستیلا کیریاکایزز خپلو چینايي همکارانو ته له اروپایي ټولنې سره د پیوستون او ملاتړ وړاندیز کړی دی.

د چین د بهرنیو چارو وزارت ویاند مائو نینګ د دې پوښتنې په ځواب کې، چې آیا بیجینګ به د اروپايي اتحادیې وړاندیز ومني؛ له ځواب ورکولو ډډه کړې او رویترز ته یې ویلي، چې د چین د واکسین کولو کچه او د درملنې وړتیا مخ په ډېریدو ده او ورته پوره چمتووالی لري.

دغه راز ویل شوي، چې چین له نړیوالې ټولنې سره د پیوستون او همکارۍ پیاوړتیا ته چمتو دی، چې له دې ناروغۍ ننګونې ته پوره چمتووالی لري. که څه هم کولی شي د هر هغه چا غوښتنه پوره کړي، چې واکسین کول غواړي.

د رویترز د څرګندونو له مخې؛ چین تر دې دمه د خپلو وګړیو لپاره یوازې په چین کې د جوړ شويو واکسینونو پر کارولو ټینګار کړی، چې د غیر فعال ویروس یوه بڼه ده، چې د خپلو خلکو لپاره تولیدیږي.

تیره میاشت، آلمان په چین کې د آلماني شرکتونو، سفارتونو او قونسلګریو لپاره ۱۱۵۰۰ خوراکه واکسین د پلي کولو لپاره استولي دي.

د رویترز د څرګندونو له مخې؛ د چین ولسمشر شي جین پینګ د شنبې پر ورځ په چین کې د کرونا ویروس پروړاندې د پوره هڅو او یووالي غوښتنه وکړه؛ ځکه، چې چین له دې وبا سره د مبارزې نوي پړاو ته ورننوځي.

شي جين پينګ د نوي کال د نمانځنې په ویاړ په يوه تلويزيوني وينا کې څرګنده کړې؛ چين د کرونا ویروس پر وړاندې له بې ساریو ستونزو او ننګونو سره مبارزه کړې او د هېوادوالو د راتلونکي پر لوري یې پر پوره لیوالتیا ګامونه پورته کړي دي.  

شي جين پينګ ويلي: له هغه وخته، چې وبا خپره شوې… د کدرونو او خلکو اکثريت په ځانګړي توګه طبي پرسونل، وګړنیو کارګرانو سخته زړورتيا، زغم، ډاډ او مېړانه ښکاره کړې ده.

نوموړی وایي: اوسمهال، د ناروغۍ مخنیوی او څارنه خپل نوي پړاو ته داخلیږي؛ اوس هم د مبارزې وخت دی، هرڅوک کاري هڅې او کار کوي؛ ځکه، چې سهار راتلونکی دی. راځئ، چې مټې رابډوهو، کار وکړو، پرلپسې هڅې د بریا معنی لري، او یووالی مو بریاوو ته رسوي.

د رویترز د څرګندونو له مخې؛ بیجینګ د روانې میاشتې په پیل کې پر ډله ییزې ازموینې، مرکزي قرنطین او محدودیتونه، چې نږدې درې کلونه پرې ټینګار شوی؛ ډډې ته کړل.

دغې نوې پالیسۍ په ټول هېواد کې د انتاناتو څپې پراخې کړې، په اقتصادي فعالیتونو کې نور کمی راغی او نړیوالې اندیښنې ورسره رامنځته شوې؛ انګلستان او فرانسه دوه وروستي هېوادونه دي، چې له چین څخه د مسافرینو پر ورتګ یې بندیزونه لګولي دي.

د چین دې پرېکړې، چې کوید یې صفر ته رسولی؛ غواړي له هغو هېوادونو سره ځان سیالۍ ته چمتو کړي، چې په پراخه کچه یې له ویروس سره ځانونه؛ ژوند کولو ته چمتو کړي دي.