تازه خبرونه
آسيا پراختيايي بانګ له افغانستان سره د ۷۶ميليون ډالرو مرسته کوي
د آسیا پرمختیایي بانک د اوبو رسولو د یوې پروژې له پاره د لسګونو میلیون ډالرو مرسته کوي چې په دغو پیسو به د امو پر سيند کانال جوړ شي.
آسيا پراختيايي بانک دغه تړون له مالیې وزارت سره لاسلیک کړی چې د قرارداد له مخې به د آمو پر سیند یو کانال جوړ شي، چې په پنځو ولایتونو کې به د ۳زره ۷۲جرېبه ځمکه خړوبه کړای شي. د آسیا پرمختیایي بانک د افغانستان له زیربنایي او پراختیایي پروژو سره د خپل ملاتړ د دوام ډاډ ورکړ.
د آمو پر سیند د اوبو یو کانال جوړیږي، چې پیسې به یې د آسیا پرمختیایي بانک ورکوي. د دغې پروژې لپاره دغه بانک شپږاویا اعشاریه پنځه اویا میلیون ډالر بیل کړي دي. مسولین وایي چې د اوبو رسولو دغه کانال به پنځو ولایتونو کې درې زره دوه اویا جریبه ځمکه خړوبه کړي. پروژه به شپږو کلونو کې بشپړیږي او له اوبو به یې ۵۵زره کورنۍ استفاده کوي.
د ماليې وزیر اکلیل حکیمي وايي: “له دغو اوبو څخه به د بدخشان، کندوز، تخار، بغلان او بامیان ولایتونو اوسېدونکي ګټه واخلي او د دې کانال په تېرېدو سره به کرنه او مالداري پراختیا ومومي.”
د کرنې او مالدارۍ وزیر اسدالله ضمیر وايي: “دا زمونږ یوه ګډه پروژه ده د انرژۍ او اوبو له وزارت سره او دا پروژه به زمونږ پر اقتصاد مثبت تاثیر ولري او دا له مهمو پروژو څخه ده.”
د آسیا پرمختیایي بانک وایي چې د افغانستان له کرنیزو او اقتصادي پروګرامونو سره د ملاتړ دوام ته ژمن دی.
په کابل کي د اسیا د پرمختیايي بانک رییس توماس نیلا وايي: “مونږ له ۲۰۰۲م کال راهیسې له افغان حکومت سره د ۳،۴ ملیارده ډالرو مرسته کړې چې په دې کې ځینې پورونه هم شامل دي او له اقتصادي پروګرامونو څخه به نور هم خپل ملاتړ جاري ساتو.”
د ماليي وزارت وايي چې د بروکسل له غونډې وروسته دا د مرستو بله برخه ده چې له حکومت سره د زیر بنايي پروژو د تطبیق په برخه کي کېږي خو د اقتصادي چارو کارپوهان بیا د افغان حکومت په ظرفیت اوس هم شک لري چې د داسې لویو پروژو د پلي کولو وړتیا دې ولري.
خبريال: اسلم حجاب
تازه خبرونه
جاپان د افغانستان له سیلاب ځپلیو سره د بېړنیو مرستو ژمنه وکړه
په افغانستان کې د جاپان سفارت د پنجشنبې پر ورځ په ډاګه کړه، چې د افغانستان د شمال له سیلاب ځپلیو خلکو سره به بېړنۍ مرستې وکړي.
د سفارت د خپرې شوې خبرپاڼې له مخې؛ دا مرستې به د جاپان د نړيوالې همکارۍ ادارې (JICA) له لارې د سره صليب او سرې مياشتې ټولنې (IFRC) او افغاني سرې مياشتې ټولنې (ARCS) پر همکارۍ ترسره شي.
دا مرست خیمې، کمبلې او نور اړین توکي رانغاړي.
په یادې خبرپاڼه کې راغلي؛ جاپان پرېکړه کړې، چې ډېر ژر به د افغانستان د سيلاب ځپلیو خلکو د مرستې لپاره بېړنۍ مرستې وکړي. مونږ تل د افغانستان د خلکو تر څنګ ولاړ یوو.
دغه راز د ملګرو ملتونو د بشري چارو د همغږۍ دفتر (OCHA) ویلي، چې په بغلان، بدخشان او تخار ولایتونو کې د سختو بارانونو او سیلابونو له کبله ۸ زره ۹۷۵ کورونه ویجاړ شوي او یا هم زیانمن شوي دي.
روسیې هم د اړتیا په صورت کې د مرستې ژمنه کړې ده.
دا په داسې حال کې، چې د اسلامي همکاریو ټولنې (OIC) هم له اسلامي هېوادونو او مرستندویه ټولونو غوښتي، چې د افغانستان له سیلاب ځپلیو سره مرسته وکړي.
تازه خبرونه
د ترکیې سفیر د افغانستان سیلاب ځپلیو ته د ۶۷۰ ټنو مرستې اعلان وکړ
په کابل کې د ترکیې سفیر د اقتصاد وزارت له چارسمبالي سره په کتنه کې څرګنده کړې، چې سبا (جمعه د غویی ۲۸ ) ته به د افغانستان د وروستیو سیلاب ځپلیو لپاره د لومړنیو توکو څه باندې۲۰ ټنه مرسته راولېږدول شي.
د اقتصاد وزارت د خبرپاڼې له مخې؛ جنګ اونال له دین محمد حنیف سره په کتنه کې له ترکیې څخه د ۶۵۰ ټنو نورو بشري مرستو له رالېدولو هم خبر ورکړی، چې په کې خیمې، خوراکي توکي، درمل، جامې او نور توکي شامل دي.
هغه دا ډاډ هم ورکړی، چې افغانستان ته به دا مرستې د اوسپنېپټلۍ له لارې د هرات تورغنډۍ بندر ته رادننه شي.
په دې کتنه کې دین محمد حنیف له دغو مرستو څخه د هرکلي تر څنګ ویلي، چې د ترکیې هېواد د تاریخ په اوږدو کې د افغانستان یو ښه دوست او همکار پاتې شوی دی.
تازه خبرونه
ملګري ملتونه غواړي په افغانستان کې د ځمکو خړبولو لپاره سولري پمپونه ولګوي
د ریاست الوزراء اداري مرستیال عبدالسلام حنفي د سې شنبې پر ورځ ( د غویی پېنځهویشتمه ) د ملګرو ملتونو د پروژې خدمتونو د دفتر (UNOPS) له اجرائیوي رییس جورج موریرا داسیلوا سره وکتل.
په دې کتنه کې جورج موریرا داسیلوا اداري مرستيال ته د خپلو تېرو هڅو او لاسته راوړنو په اړه معلومات ورکړل او څرګندوي؛ دا اداره غواړي، چې په افغانستان کې د سولري پمپونو پر لګولو د کرنيزو ځمکو د خړوبولو يوه نوې پروژه پيل کړي.
عبدالسلام حنفي د دې ادارې د فعالیتونو او لاسته راوړنو د ستاینې ترڅنګ ویلي، چې اسلامي امارت په افغانستان کې د (UNOPS) ادارې له هڅو ملاتړ کوي او د پروژو د پلي کولو لپاره یې لازمې اسانتیاوې برابروي.
ویل کیږي، چې عبدالسلام حنفي له ټولو نړیوالو مرستندویه بنسټونو وغوښتل، چې کروندګرو ته د کوکنارو د بدیل کښت او افغان ځوانانو ته د کار د زمینې په برابرولو کې همکاري وکړي.
-
تازه خبرونه5 days ago
الله ګل مجاهد د قتل پر تور ونیول شو
-
تازه خبرونه4 days ago
په بغلان کې سېلابونو ۱۹۴۵ کسانو ته مرګ او ژوبله اړولې
-
لوبی3 days ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه4 days ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
تازه خبرونه3 days ago
د یوناما استازې د ایران له بهرنیو چارو وزیر سره وکتل
-
سوداگري5 days ago
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه
-
تازه خبرونه4 days ago
څو ایراني شرکتونو د افغانستان په کانونو کې د پانګونې پرېکړه وکړه – قدیر قیافه
-
تازه خبرونه2 days ago
په ننګرهار کې د ناکامورا کانال پروژه بشپړه شوه