تازه خبرونه
اسلامي شریعت اول پخپل ځان او بیا پر نورو تطبیق کړئ – مولوي هبةﷲ آخوندزاده
مولوي هبةﷲ آخوندزاده زیاته کړې: د عبادت او قربانۍ دا ورځې په داسې حال کې لمانځو، چې له شرعي نظام او سرتاسري امن څخه د مسلمانانو د دعاوو له کبله برخمن یوو؛ نو پکار دي، چې له موجوده فرصت څخه ښه استفاده وکړو.
د اسلامي امارت رهبر مولوي هبةﷲ آخوندزاده د نېکمرغه لوی اختر د مبارکۍ په پیغام کې له عالمانو، متنفذینو، سوداګرو، صنعتکارانو، امنیتي او ملکي کارکوونکو، د مدرسو طالب العلمانو، د پوهنتونونو محصلینو او د ښوونځیو زدهکوونکي څخه وغوښتل، چې اسلامي شریعت اول پخپل ځان او بیا پر نورو تطبیق کړئ.
مولوي هبةﷲ آخوندزاده زیاته کړې: د عبادت او قربانۍ دا ورځې په داسې حال کې لمانځو، چې له شرعي نظام او سرتاسري امن څخه د مسلمانانو د دعاوو له کبله برخمن یوو؛ نو پکار دي، چې له موجوده فرصت څخه ښه استفاده وکړو.
مولوي هبةالله آخوندزاده په خپل اختریز پیغام کې له عالمانو وغوښتل، چې د شرعي نظام د پرمختګ او کامیابۍ لپاره خپل اتفاق او اتحاد نور هم تقویه کړو او هر مسوول خپل مسوولیت ته متوجه شي؛ غفلت ونکړي، خپل وظائف پخپل وخت سر ته ورسوي، یو له بل سره همغږي وکړي، یو د بل په کارونو کې مداخله ونکړي.
هغه ویلي، چې د هېواد متنفذین او د خلکو مشران مسوولیت لري، چې پخپل استقامت د شرعي حکمونه په جامعه کې نافذ کړي، د خلكو حقوق خپلو حقدارانو ته ورسوي او هر شی پخپل ځای وکاروي؛ ځکه که دوی له دین کاږه شي دا ټول شرعي نظام او امن به له منځه ولاړ شي.
مولوي هبةالله آخوندزاده د شریعت په پلي کولو کې د امامانو او مشرانو د مسوولیت په اړه ویلي؛ مشران او مخور باید د شرعي نظام، خلکو او وطن په ګټه دريځ ولري؛ پخپلو تحلیلونو، څېړنو، ویناوو، لیکنو او توصیو کې د خلکو ښه ذهن سازي وکړي، په ټولنه کې د اتفاق او وحدت ساتلو او د فتنو او فساد د مخنیوي لپاره جدي مبارزه وکړي.
د اسلامي امارت رهبر د محاکمو قضاتو او مسوولینو ته سپارښتنه کړې، چې د خپل مسوولیت له مخې د خلکو د حقه حقوقو په ترلاسه کولو او د منازعاتو د حل په برخه کې ډېر جدي وي او په قضاوت کې د قوي کس او ضعیف تر منځ توپير ونکړي؛ په حدودو کې دې د مجرم شخصیت ته نهګوري؛ بلکې جرم ته دې وګوري، د مظلوم دفاع دې وکړي، د ظالم مخنیوی دې وکړي او د خلکو د قضیو په حل کې دې له ځنډ او خنډ پرته کوښښ وکړي.
دغه رازهغه د ارشاد، حج او اوقافو، امربالمعروف او نهی عن المنکر، پوهنې او لوړو زدهکړو وزارتونو پر هڅو د ټینګار تر څنګ ویلي، چې له عالمانو او متنفذینو سره دې یو ځای د خلکو د دعوت، نېکو اعمالو د ترویج او د خپلو مسوولیتونو په دایره کې د شرعي نظام لور ته د خلکو بلنې کار ګړندی کړي او په دې برخه کې خپل ټول توان وکاروي.
نوموړي له سوداګرو او صنعتکارانو وغوښتل، چې د هېواد د ځانبسیاینې لپاره هڅې وکړي او افغانستان د نورو له احتیاجه وژغوري.
مولوي هبةالله اخوندزاده په دې اړه زیاته کړې: که مونږ د استقلال او آزادۍ ساتنه او د هر ډول تهدید پر وړاندې درېدل غواړو؛ نو په اوس زمانه کې دا شیان ټول پر امکاناتو او اقتصاد پورې اړه لري او د اقتصاد تقویه بیا د تجارت او صنعت تر ودې پورې اړه لري. راځئ په ګډه د هېواد د جوړېدو او په پښو درېدو په کار کې ونډه واخلو.
هغه د اسلامي امارت له اړوند اقتصادي ارګانونو و غوښتل، چې د خپلو سوداګرو او صنعتکارانو ډېر ملاتړ وکړي؛ هغوی ته ښه زمینه مساعده او له پرمختګ سره یې مرسته وکړي.
دغه راز نوموړي په خپل پیغام کې ټینګار کړی، چې د اسلامي امارت د مهاجرینو وزارت او نور اړوند ارګانونه او په ولایتونو کې ټول والیان باید د راستنېدونکو مهاجرینو ښه خدمت وکړي، هغوی ځای پرځای کړي او د حمل او نقل په برخه کې تر وسه – وسه ورسره همکاري وکړي.
همدارنګه د اسلامي امارت له امنیتي او ملکي کارکوونکي وغوښتل شول، چې خپلو کارونو ته ښه او جدي پاملرنه وکړي؛ د یو بل په کارونو کې له مداخلې څخه ځانونه وساتي، چې د ګډوډۍ، بې اعتمادۍ او خفګان سبب نشي. د خلکو خدمت کول عبادت دی اوغفلت په کې عذر نلري.
نوموړي ویلي: د امیر د فرمانونو او حکمونو اطاعت لازم او واجب دی؛ باید ټول یې مراعات کړي او ټول د اطاعت په چوکاټ کي پر مخ ولاړ شي.
دغه راز پر بشپړ ټینګار ویل شوي، چې د مدرسو طالب العلمان، د پوهنتونونو محصلین او د مکاتبو زدهکوونکي ټول باید خپلو- خپلو درسونو او مسوولیتونو ته متوجه شي؛ د استاذانو، کتابونو او علم احترام وساتي او ورته د رامنځته شوي فرصت قدر وکړي او ښه ګټه ترې پورته کړي.
د اسلامي امارت رهبر «د فلسطين په غزه او نورو سیمو کې پر مېرمنو، ماشومانو او مظلومو مسلمانانو د صیهونستانو بریدونه او ظلمونه لوی انساني جنایت او سخت ظلم بللی او وایي؛ اسلامي امارت د فلسطین له مظلومو خلکو څخه یوځل بیا خپل ملاتړ اعلانوي، د فلسطین پر خلکو هر ډول ظلم او زور زیاتی په کلکه غندي او د عاجل بندېدو غوښتنه یې کوي.
د اسلامي امارت مشر د هغو ښوونځیو او پوهنتونونو د بیا پرانیستلو په اړه څه ندي ویلي، چې له شاوخوا څلورو کلونو راپدېخوا د نجونو پر مخ تړل شوي دي.
تازه خبرونه
په افغانستان کې له نیمايي ډېر ماشومان له رسمي زدهکړو بېبرخې دي- ملګري ملتونه
د دې دوه بنسټونو په ګډ راپور کې، چې« په ۲۰۲۶ز.کال کې د افغانستان د زدهکړو وضعیت» نومېږي؛ خبرداری ورکړ شوی، چې د هېواد ښوونیز نظام د زدهکړو لپاره د غوښتنې زیاتوالي، د نفوس د ودې، پرلهپسې کړکېچونو، د پانګونې د کموالي او له پاکستان او ایران څخه د افغان کډوالو د پراخې بېرته راستنېدا له کبله له زیاتېدونکو فشارونو سره مخ دی.
د ملګرو ملتونو تعلیمي، علمي او فرهنګي بنسټ( یونسکو) او د ماشومانو د ملاتړ صندوق( یونیسف) په یوه تازه راپور کې څرګنده کړې: د افغانستان له نیمايي ډېر هغه ماشومان، چې د لومړنیو زدهکړو عمر لري؛ رسمي زدهکړو ته لاسرسی نهلري او څه باندې ۲.۶ میلیون نجونې هم نهشي کولی له شپږم ټولګي پورته خپلې زدهکړې روانې وساتي.
د دې دوه بنسټونو په ګډ راپور کې، چې« په ۲۰۲۶ز.کال کې د افغانستان د زدهکړو وضعیت» نومېږي؛ خبرداری ورکړ شوی، چې د هېواد ښوونیز نظام د زدهکړو لپاره د غوښتنې زیاتوالي، د نفوس د ودې، پرلهپسې کړکېچونو، د پانګونې د کموالي او له پاکستان او ایران څخه د افغان کډوالو د پراخې بېرته راستنېدا له کبله له زیاتېدونکو فشارونو سره مخ دی.
د راپور له مخې: په افغانستان کې د زدهکړو عمر لرونکو کسانو، چې له اووه څخه تر ۱۸ کلونو پورې عمرونه لري؛ شمېر په ۲۰۱۹ز.کال کې له شاوخوا ۱۰.۴ میلیون څخه په ۲۰۲۴ کال کې ۱۱.۵ میلیون کسانو ته لوړ شوی، چې له کبله یې پر ښوونځیو، ښوونکو او ښوونیزو خدمتونو فشار زیات شوی دی.
دغه راز سږ کال له ګاونډ هېوادونو څخه څه باندې یو میلیون افغان کډوال هېواد ته راستانه شوي، چې څه باندې ۲۴۵ زره یې ماشومان دي.
په راپور کې زدهکړو ته د لاسرسي نابرابرۍ ته نغوته شوې، چې د ۲۰۲۱ز.کال په اګست کې واک ته د اسلامي امارت له بیا رسېدا راپدېخوا څه باندې ۲.۶ میلیون نجونې له شپږم ټولګي څخه پورته له زدهکړو بېبرخې پاتې شوې دي.
د دغو دوه بنسټونو د څرګندونو له مخې؛ د ځوانو نجونو لپاره د بدیلو زدهکړیزو فرصتونو لکه ټولنیزې زدهکړې، د سواد زدهکړې او مسلکي مهارتونو پروګرامونه، له لرې واټنه زدهکړې او خصوصي تدریس، د هغوی د اړتیاوو د پوره کولو لپاره بسنه نهکوي.
په راپور کې راغلي، چې د ټولنې پر بنسټ شاوخوا پنځه زره او ۳۰۰ ښوونیزو ټولګیو نږدې ۱۶۲ زره زدهکوونکو ته د زدهکړو زمینه برابره کړې، چې ۶۴ سلنه یې نجونې دي؛ خو دغه پروګرامونه د رسمي او حضوري زدهکړو ځای نهشي نیولی.
دغه راپور همدارنګه په ښوونیز نظام کې د هلکانو د ګډون د کموالي یادونه کړې او ویلي یې دي، چې د لومړنیو زدهکړو د عمر شاوخوا ۵۳ سلنه ماشومان له رسمي عمومي زدهکړو بېبرخې پاتې دي.
له دې ننګونو سره- سره افغان کورنۍ اوس هم خپلو ماشومانو ته د زدهکړو د فرصتونو برابرولو هڅې کوي.
د راپور له مخې، تېر کال شاوخوا ۶.۶ میلیون ماشومان په دولتي لومړنیو ښوونځیو کې شامل شوي، چې د ۲۰۲۲ز.کال پر پرتله شاوخوا ۵۶۰ زره کسان زیاتوالی ښيي؛ خو د نوملیکنې دغه زیاتوالی د زدهکړو عمر لرونکو ماشومانو د نفوس له ودې سره سمون نهلري.
په راپور کې د زدهکړو کیفیت هم د اندېښنې وړ بلل شوی او راغلي، چې د یوې ټولهېوادیزې ارزونې له مخې؛ د څلورم ټولګي له نیمايي کم زدهکوونکي د ژبې په برخه کې اړینو لومړنیو مهارتونو ته رسېدلي دي.
دغه راز د افغانستان د لوړو زدهکړو برخه هم د ۲۰۲۱ز.کال له مخکنیو کلونو سره پر پرتله د پام وړ کوچنۍ شوې ده.
په راپور کې راغلي، اوسمهال د هېواد په پوهنتونونو کې شاوخوا ۲۰۸ زره زدهکړیالان پر زدهکړو بوخت دي. په داسې حال کې، چې دغه شمېر په ۲۰۲۴ز.کال کې شاوخوا ۱۸۹ زره او په ۲۰۲۰ز، کال کې نږدې ۴۳۰ زره کسان و.
یونسکو او یونیسف د افغان نجونو او ښځو د اړوند زدهکړو د حق د بېرته ورکړې غوښتنه کړې او د پوهنې په برخه کې یې د پانګونې پر زیاتوالي، د ښوونکو د وضعیت پر ښهوالي او د درسي توکو پر برابرولو ټینګار کړی دی.
دغو دوه بنسټونو خبرداری ورکړی، چې که د شته ننګونو د اواري لپاره بېړني ګامونه پورته نهشي؛ د افغانستان د ماشومانو او تنکیو ځوانانو یو بشپړ نسل به له زدهکړیزو فرصتونو پاتې شي؛ دا هغه څه دي، چې د هېواد پر راتلونکې بیارغونه او پرمختګ ناوړه اغېزې لرلی شي.
تازه خبرونه
په افغانستان کې د ډیپلوماسۍ او اسلامي همکاریو ټولنې د هڅو په اړه علمي ناسته تر سره شوه
په دې ناسته کې د بهرنیو چارو وزارت د کارکوونکو ترڅنګ د بېلابېلو وزارتونو او امارتي ادارو یو شمېر مسوولانو هم ګډون کړی و.
د اسلامي همکاریو ټولنې د دفتر عمومي رییس او سفیر ډاکټر محمد بن سعید العیاش د افغانستان د بهرنیو چارو وزارت د ډیپلوماسۍ په انستیتوت کې د ډیپلوماسۍ او د دې ټولنې د هڅو په اړه علمي وینا او څرګندونې کړې دي.
په دې ناسته کې د بهرنیو چارو وزارت د کارکوونکو ترڅنګ د بېلابېلو وزارتونو او امارتي ادارو یو شمېر مسوولانو هم ګډون کړی و.
محمد بن سعید العیاش په خپله وینا کې د عامه او څو اړخیزې ډیپلوماسۍ پر ارزښت، مهمو وسایلو او کاري میکانېزمونو خبرې وکړې او ګډونوالو ته یې د اسلامي همکاریو ټولنې د تاریخ، بېلابېلو اداري او تشکیلاتي جوړښت معلومات وړاندې کړل.
نوموړي همدارنګه د اسلامي همکاریو ټولنې په سرمشریزو او د بهرنیو چارو وزیرانو په غونډو کې د افغانستان په اړه د شویو پرېکړو په اړه معلومات ورکړل او څرګنده یې کړه، چې په کابل کې د دې ټولنې دفتر د یادو پرېکړو د پلي کېدا بهیر څاري.
د نوموړي د وینا یوه مهمه برخه په بېلابېلو برخو کې د افغانستان د ملاتړ لپاره د اسلامي همکاریو ټولنې هڅو او رول ته ځانګړې شوې وه.
د غونډې په پای کې ګډونوالو خپلې پوښتنې او لیدلوري شریک کړل او د مطرح شویو موضوعاتو په اړه هراړخیز بحث او اندونه وړاندې شول.
تازه خبرونه
امریکايي محکمې پاکستان او افغانستان ته د نیول شویو افغانانو د لېږدولو بهیر ودراوه
اسوشیتیډ پرس خبري آژانس راپور ورکړی، چې دغه پرېکړه له هغې وروسته شوې، چې د کډوالو د حقونو مدافع بنسټونو او د امریکا د کانګرس لسګونو غړیو افغانستان ته د دغو کسانو د بېرته لېږلو په صورت کې د شکنجې، ځورونې او ان د مرګ له ګواښ څخه اندېښنه څرګنده کړه.
د امریکا په نیویارک کې یوې فډرالي محکمې د سېشنبې پر ورځ په لنډمهالي بڼه د ډونالډ ټرمپ د حکومت هغه پلان ودراوه، چې له مخې یې په امریکا کې نیول شوي افغان وګړي پاکستان یا افغانستان ته لېږدول کېدل.
اسوشیتیډ پرس خبري آژانس راپور ورکړی، چې دغه پرېکړه له هغې وروسته شوې، چې د کډوالو د حقونو مدافع بنسټونو او د امریکا د کانګرس لسګونو غړیو افغانستان ته د دغو کسانو د بېرته لېږلو په صورت کې د شکنجې، ځورونې او ان د مرګ له ګواښ څخه اندېښنه څرګنده کړه.
فډرالي قاضي والري کاپروني په یوه حکم کې امریکايي چارواکو ته لارښوونه کړې، چې تر شنبې ورځې پورې د دغو افغانانو له لېږدولو ډډه وکړي.
د دغه حکم له صادرېدا مخکې د امریکا حکومت محکمې ته ویلي وه، چې د دې هېواد د کډوالۍ او ګمرکونو اداره لږ تر لږه د اوونۍ تر پایه پاکستان یا افغانستان ته د افغان وګړو د لېږدولو لپاره د چارټر یا سوداګریزو الوتنو پلان نهلري.
د محکمې د هغو اسنادو له مخې، چې اسوشیتیډ پرس ترلاسه کړي، د امریکا حکومت پلان درلود، چې د دوشنبې پر ورځ د لويیزیانا ایالت له توقیفخونو څخه یو شمېر افغان کډوال په الوتکو کې پاکستان ته ولېږدوي.
دغه راز د امریکا د استازو جرګې او مشرانو جرګې له ۶۵ ډېرو غړیو د دغه هېواد د بهرنیو چارو وزیر مارکو روبیو او د کورني امنیت وزیر مارکوین مولین ته په یوه لیک کې د زیانمنونکو افغانانو د لېږدولو په اړه خبرداری ورکړی او څرګندوي، چې د دغو کسانو بېرته لېږل ښايي هغوی د شکنجې، څارنې او ان د مرګ له ګواښ سره مخ کړي.
د کډوالو د حقونو مدافع بنسټونو ويلي؛ له ۸۰ ډېرو افغان وګړو وروسته له هغې له بشري حقونو بنسټونو سره اړیکې نیولي، چې د امریکا د کډوالۍ ادارې له پاکستان څخه د احتمالي لېږدولو په اړه خبرتیاوې ورکړې دي. په دغو کسانو کې ښځې، د پولیسو یو افسر، د مذهبي لږکیو غړي او هغه کسان شامل دي، چې د کورنۍ غړیو یې د امریکا په پوځ کې دنده ترسره کړې ده.
د اسلامي امارت غبرګون
پاکستان ته د افغان وګړو د لېږدولو په اړه د راپورونو له خپرېدا وروسته د بهرنیو چارو وزارت د ویاند مرستیال ضیا احمد تکل د حکومت جدي اندېښنه څرګنده کړې ده.
هغه له امریکا غوښتي، چې د افغانستان د وګړو د برخلیک په اړه د پرېکړې پر مهال د هغوی مشروع حقونه او غوښتنې په پام کې ونیسي.
نوموړي ټینګار کړی، چې درېیم هېوادونه باید د یوه هېواد د وګړو د حقونو له په پام کې نیولو پرته د هغوی د برخلیک په اړه پرېکړه ونهکړي.
د لېږدول شویو افغانانو د برخلیک په اړه اندېښنې
د بشري حقونو بنسټونو خبرداری ورکړی، چې افغانستان ته د دغو کسانو بېرته لېږل ښايي هغوی له خپلسرو نیونو، اعدام، په عام محضر کې د دورو وهلو او غچاخیستونکو تاوتریخوالو له ګواښ سره مخ کړي.
د افغان ایواک (AfghanEvac) بنسټ مشر شان ونډایور د محکمې له پرېکړې هرکلی کړی او ویلي یې دي، چې دا پرېکړه یو لنډمهالی فرصت دی، نه د افغانانو د لېږدولو د مخنیوي د هڅو پای.
هغه ټینګار کړی، چې په امریکا کې د نیول شویو افغان وګړو د خوندیتوب لپاره مبارزه به روانه وي.
د امریکا د ټاکنو پایلې؛ یو شمېر جمهوريغوښتونکو د ټرمپ په سیاستونو کې د بدلون غوښتنه وکړه
په افغانستان کې له نیمايي ډېر ماشومان له رسمي زدهکړو بېبرخې دي- ملګري ملتونه
په پنجشېر کې دودیزه زروینځنه پیل شوه
په فلوریډا کې وسلهوال برید؛ یوه ښځه وژل شوې او څلور کسان ټپیان دي
د افغانستان او ایران سوداګریزې خونې د کندهار او خراسان رضوي د اړیکو پر پراختیا ټینګار وکړ
سوریه د حوثیانو پر وړاندې په جګړه کې سعودي عربستان ته خپله پوځي مرسته ارزوي
په ایران کې نږدې ۶۰ زره افغان زدهکړیالان زدهکړې کوي
په مسکو کې پر افغانستان او منځنۍ آسیا امنیتي غونډه جوړېږي
دوغارون افغانستان ته د ایران د ۷۰ سلنې صادراتو اصلي لاره ده
په پېښور کې د یوه ښوونځي د چت د لوېدا له کبله ۲۲ کسان مړه شوي
تحول: په مسکو فرمټ کې د افغانستان د ستونزو پر حل د روسیې ټینګار
څار: د اقلیم بدلون په نړۍ واله غونډه کې د افغانستان دوم ځل ګدون
ډیموکرات عبدال السید د امریکا د مشرانو جرګې لومړنی مسلمان غړی شو
تحول: د افغانستان په اړه د ایران د څلور اړخیزو خبرو کوربهتوب
څار: له فرانسې څخه د بېاسنادو افغانانو ایستل
-
تازه خبرونه4 days agoد داعش غړی اوغور بهادر اسلامآباد هوايي ډګر ته له ننوتلو وروسته په بلوچستان کې روزل شوی و- سرچینې
-
تازه خبرونه2 days agoایران د افغانستان په اړه د څلور اړخیزې غونډې له جوړولو خبر ورکړ
-
نړۍ4 days agoد جرمني د ځوان نسل په تاوتریخجنو لاریونونو کې د فرانکفورټ هټۍ لوټ شوې
-
نړۍ3 days agoټرمپ له کانګرس پرته د حکومتولۍ پر پلان کار کوي- رویټرز
-
تازه خبرونه4 days agoامریکا غواړي یو شمېر افغان کډوال د پاکستان له لارې افغانستان ته ولېږدوي- اسوشیټډ پرس
-
تازه خبرونه2 days agoد امریکا ۶۶ سناتورانو د افغان کډوالو د ایستلو د بهیر د درولو غوښتنه وکړه
-
نړۍ1 day ago
ډیموکرات عبدال السید د امریکا د مشرانو جرګې لومړنی مسلمان غړی شو
-
نړۍ1 day agoډیموکراټان کانګرس ته بریالي شول؛ ټرمپ له سترې سیاسي ماتې سره مخ شو