تازه خبرونه
افغانستان او ازبکستان د سوداګریزو اړیکو او همکاریو د پراختیا ډاډ څرګند کړ
د صنعت او سوداګرۍ وزارت د خبر پاڼې له مخې؛ د ازبکستان هېواد د بندرونو له مسوولینو سره د افغان سوداګرو، صادروونکیو، ټرانسپورټ، ټرانزیټ او صنعت کارانو ستونزې شریکې او د یادو ستونزو د حل او د اومه توکو د صادراتو او وارداتو په برخه کې یې د خصوصي سکتور لپاره د ډېرو نور آسانتیاوو د رامنځته کولو غوښتنه وکړه.
د خصوصي سکتور غړي هم د صنعت او سوداګرۍ وزارت له دې هڅې هرکلی کوي او وایي، چې له ازبکستان سره باید د هېواد اقتصادي اړیکي نورې هم پراخې شي.
د افغانستان د خصوصي سکتورغړي ازبکستان ته د افغان پلاوي ګډ سفر له لاسته راوړنو ډک بولي او وايي، د دې سفر له پایته رسیدو سره سم به د افغانستان او ازبکستان ترمنځ د سوداګریزو اړیکو او اقتصادي فعالیتونو نوی فصل پرانستل شي.
د کرنې او مالدارۍ خونې مرستیال میرویس حاجي زاده وایي: مونږ په دې سفر کې، چې د صنعت او سوداګرۍ وزارت تر مشرۍ لاندې تر سره شو؛ د اقتصادي اړیکو د پراختیا لپاره مو د دواړو هېوادونو ترمنځ پر مثبتو هڅو او همکاریو ټینګار کړی دی.
د خصوصي سکتور غړی خان محمد فروتن وایي: زمونږ د سفر لاسته راوړنې ډېرې دي؛ مونږ د ازبکستان له سوداګرۍ خونې، ترانزیت او د کرنې بنسټونو سره د همکاریو هوکړې کړې دي.
اقتصادي کار پوهان هم له منځنۍ آسیا سره د اقتصادي اړیکو د پراختیا لپاره له ازبکستان سره د اقتصادي اړیکو پراختیا او د دواړو هېوادونو ترمنځ د ګډې پانګونې د تر سره کېدو لپاره د آسانتیاوو برابرول اړین بولي او د افغانستان له اسلامي امارت څخه غوښتنه کوي، چې له ګاونډ هېوادونو سره ښې اقتصادي اړیکې کولی شي افغانستان له اقتصادي بحران راوباسي.
د اقتصادي چارو شنونکی تاج محمد تلاش وایي: زما پر نظر له ټولو ګانډ هېوادونوسره مو اقتصادي اړیکي مهمي دي او په دې اړیکو کې باید بلانس وساتل شي، چې هېواد له اقتصادي انزوا خلاص او له ټولو ګانډیو سره معیاري اقتصادي حرکت تر سره کړي.
د خصوصي سکتور د غړيو د څرګندونو له مخې؛ دمګړۍ د افغانستان او ازبکستان ترمنځ د کلنۍ راکړې ورکړې کچه ۴۰۰ میلیون ډالرو ته رسېږي، چې په دواړو هېوادونو کې د اقتصادي اړیکو د لا پیاوړتیا وړتیاوې شته، چې باید عملي هڅې ورته وشي.
تازه خبرونه
افغانستان او چین په سیمه کې پوره همغږۍ او همکاریو ته اړتیا لري – امیر خان متقي
د بهرنیو چارو وزارت چارسمبالي ویلي، چې په سیمه کې وروستۍ پېښې او پرمختګونه ښیي، چې افغانستان او چین د ګډو ګټو د ساتلو لپاره پوره همغږۍ او همکارۍ ته اړتیا لري.
امیر خان متقي دغه څرګندونې په کابل کې د چین له سفیر ژاوشینګ سره په کتنه کې کړې دي.
د افغانستان بهرنیو چارو وزارت نن (سې شنبه د غویی څلورمه) په یوه خبرپاڼه کې ویلي، چې دواړو لوریو په سیمه کې د افغانستان او چین ترمنځ پر دوه اړخیزو سیاسي، اقتصادي او فرهنګي همکاریو او وروستیو پرمختګونو خبرې کړې دي.
د بهرنیو چارو وزارت چارسمبالي د دواړو هېوادونو ترمنځ د سیاسي، اقتصادي او فرهنګي اړیکو له پراختیا څخه خوښي څرګنده کړه او وایي، چې اسلامي امارت د سوداګرۍ او پانګونې په برخه کې ښه فرصتونه رامنځته کړي دي.
امیرخان متقي وایي: چین ته د انارو او جلغوزیو د صادراتو زیاتوالی او د مس عینک او واخان دهلیز په پروژو کې پرمختګونه د اسلامي امارت د متوازن اقتصادي سیاست ښکاره بېلګې دي.
د بهرنیو چارو وزارت د خبرپاڼې له مخې؛ د چین سفیر له افغانستان سره په بېلابېلو برخو کې شوي پرمختګونه مثبت وګڼل او زیاتوي: چینايي سوداګر او پانګوال به وهڅوي، چې له افغانستان سره د اوږدمهاله اقتصادي همکاریو په برخه کې خپل رغنده رول ولوبوي.
هغه دا ډاډ هم ډاډ څرګند کړی، چې هېواد به یې د واخان دهلېز د مسلې په اړه د دوه اړخیزو همکاریو لارې چارې او امکانات وارزوي.
تازه خبرونه
راشد خان د افغان بیسیم سوداګریز سفیر شو
د افغان بیسیم مخابراتي شرکت څرګنده کړې، چې راشد خان د دې شرکت د سوداګریز سفیر په توګه ټاکل شوی دی.
یاد شرکت په فیسبوک پاڼه کې څرګنده کړې؛ راشد خان ځوان، ټولنیز او نومیالی شخصیت دی، چې د هېواد د کرکټ په ډګر کې ښه ځلیدلی دی.
راشد خان هم په فیسبوک پاڼه کې د افغان بیسیم د سوداګریز سفیر په توګه د ټاکل کېدو په اړه خوښي څرګنده کړې ده.
هغه افغان بیسیم د یو غوره شرکت په توګه یاد کړی او څرګندوي، چې افغان بیسیم د مخابراتو په برخه کې یو مخکښ شرکت دی.
تازه خبرونه
د اسلامي همکاریو ټولنې پلاوي د اروپايي ټولنې له استازې سره ولیدل
د اروپايي ټولنې او اسلامي همکاریو ټولنې استازو په افغانستان کې د بشري او تعلیمي وضعیت په اړه خبرې وکړې.
په افغانستان کې د اروپايي ټولنې چارسمبالې رافایلا یودیچه په کابل کې د اسلامي همکاریو ټولنې له ځانګړي استازي طارق علي بخیت او مل پلاوي سره وکتل.
میرمن یودیچه په ایکس پاڼه کې لیکلي، چې دوی د افغانستان پر بشري، اقتصادي او تعلیمي وضعیت خبرې کړې دي.
هغې زیاته کړې: بنسټیز ملاتړ اوس هم د خلکو لپاره اړین دی. د ښځو غږ باید په افغانستان کې د هر راز خبرو اترو او رغنده تعامل برخه وي.
له دې مخکې د اسلامي همکاریو ټولنې پلاوي د اسلامي امارت له چارواکو سره کتلي دي.
-
نړۍ2 days ago
د جاپان دوه پوځي چورلکې بحر ته وغورځېدې
-
تازه خبرونه2 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
تازه خبرونه13 hours ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
لوبی1 day ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
سیمه ییز خبرونه1 day ago
د ایران ولسمشر پر درې ورځني سفر پاکستان ته ولاړ
-
تازه خبرونه3 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري
-
نړۍ11 hours ago
د مالیزیا بحري ځواکونو د چورلکو په ټکر کې ۱۰ کسان مړه شول
-
سوداگري1 day ago
د اوسپنې پټلۍ له لارې ترکیې ته د افغانستان صادرات پیل شول