تازه خبرونه
افغانستان دې د تحریک طالبان پاکستان مشران راوسپاري – پاکستان
د پاکستان د کورنیو چارو وزیر اسلامي امارت ته خبرداری ورکوي، چې د تحریک طالبان پاکستان او نورو هغو ډلو مشران، چې د پاکستان هېواد امنیت ته ګواښ دي؛ پاکستان ته وسپاري.
رانا ثناالله خبرداری ورکوي؛ که دا کار ونشي؛ نو د پاکستان پوځ به اړ شي، چې په افغانستان کې دننه د دغو ډلو پر ضد اقدام وکړي.
نوموړي ګواښ کړی، چې که د افغانستان اسلامي امارت پاکستاني طالبان پاکستان ته ونسپاري د نړیوالو قوانینو پر بنسټ دوی حق لري، چې د پاکستانيو طالبانو او همدارنګه د امنیت نورو ګواښوونکيو د لمنځه وړلو لپاره لاس په کار شي.
د پاکستان کورنیو چارو وزیر رانا ثناءالله وایي: افغانستان یو اسلامي هېواد او زمونږ ورور دی؛ مونږ د دغه هېواد حکومت ته وایو، چې له خپلې خاورې زمونږ پر ضد د طالبانو د بریدونو مخه ونیسي او د دغې ډلې مشران مونږ ته وسپاري، خو که دا کار ونشي؛ مونږ به هغه ډلې ووژنو، چې زمونږ ملي امنیت ته ګواښ ګڼل کیږي. مونږ دا حق د نړیوالو اصولو او قوانینو پر بنسټ لرو.
اسلامي امارت په افغانستان کې د تحریک طالبان پاکستان د مشرانو او خلکو شتون رد کړی او ویلي یې دي؛ اجازه به ورنکړي، چې د ګاونډیانو په ګډون د هیڅ هېواد امنیت له افغانستان څخه وګواښل شي.
ملي دفاع وزارت په ډاګه کړې، چې په افغانستان کې د تحریک طالبان پاکستان د حضور او په افغانستان کې پر هغوی د احتمالي برید په اړه د پاکستان د کورنیو چارو د وزیر وروستۍ څرګندونې لمسوونکې او بې بنسټه دي.
د ملي دفاع وزارت ویلي: که څه هم داسې شواهد شته، چې د تحریک طالبان پاکستان مرکزونه په پاکستان کې دي، خو د پاکستانيو چارواکو دا ډول ادعاوې د دواړو ګاونډ او وروڼو هېوادونو ښې اړیکې زیانمنوي.
زمونږ غوښتنه دا ده، چې هر ډول اندېښنې او ستونزې باید د تفاهم له لارې حل شي.
د ملي دفاع وزارت دا هم څرګنده کړې؛ افغانستان بې خاونده ندی، مونږ د تل په څېر د هېواد له ځمکنۍ بشپړتیا او خپلواکۍ څخه دفاع ته چمتو یوو او د خپل ګران هېواد د دفاع په برخه کې تر بل هر چا ښه تجربه لرو.
د پاکستان د پوځ او پاکستانيو طالبانو تر منځ د اوربند له پای ته رسېدو راپدیخوا تي تي پي د پاکستان په شمال او جنوب لویدیځو سیمو کې خپل بریدونه زیات کړي دي.
پاکستانيو طالبانو په اسلام آباد کې د یوه ځانمرګي برید مسوولیت هم ومانه. په دغه برید کې لږ تر لږه یو پولیس وژل شوی او پېنځه نور ټپیان شوي دي.
په دغه هېواد کې د سیاسي کړکیچونو له کبله په پاکستان کې د بریدونو زیاتېدو د دغه هېواد په ښارونو کې بریدونو اندېښمن کړی دی.
بل لوري ته تحریک طالبان پاکستان د نوي میلادي کال لپاره خپل تازه اداري جوړښت اعلان کړ.
پاکستانيو رسنیو لیکلي، چې ابو منصور عاصم د امیر په توګه او مولوي سلیم حقاني بیا د استخباراتو د مشر په توګه ټاکل شوي دي.
په خپره شوې خبرپاڼه کې لیدل کیږي، چې د حکومت په څیر یې واليان او همدارنګه وزارتونو ته هم خپل کسان ورپېژندلي دي.
یوه اوونۍ مخکې امریکا د پاکستانيو طالبانو او نورو ډلو پر وړاندې خپل حرکتونه اعلان کړل او څرګنده شوې، چې واشنګتن د دې ډلو د لمنځه وړلو لپاره د پاکستان له اردو سره مرسته کوي.
تازه خبرونه
افغان او ایراني حکومتي مشرانو د سیاسي، اقتصادي، سوداګریزو او ټرانزیټي اړیکو پر پياوړتیا خبرې وکړې
د ریاستلوزراء اقتصادي مرستیال ملا عبدالغني برادر او د حکومت یو شمېر وزیرانو د ایران د ولسمشر له ځانګړي استازي او په کابل کې د ایران له سفیر حسن کاظمي قُمي سره وکتل.
د ریاست الوزراء د مرستیالۍ دفتر ویلي؛ د لیدنې پر مهال د سیاسي، اقتصادي، سوداګریزو او ټرانزیټي اړیکو پر پياوړتیا او په بېلابېلو برخو کې پر دوه اړخیزو همکاریو خبرې وشوې.
د ریاست الوزراء اقتصادي مرستیال د افغانستان او ایران اړیکې ښې او مثبتې وبللې او څرګندوي، چې د اړیکو د پراختیا او پياوړتیا لپاره ګډ کار ته اړتیا ده.
ملا برادر وایي: سږ کال د اورښتونه د ډېروالي له کبله نیمروز ولایت او د ایران سیستان ته د هلمند سیند اوبه ورسېدې، چې دا به د دواړو هېوادونو د ولسونو ډېری ستونزې حل کړي.
دغه راز ملا عبدالغني برادر اخوند د ایران له لارې اروپايي هېوادونو ته د افغانستان تولیداتو ته د ټرانزیټي اسانتیاوې له برابرولو خوښي وښوده او د دواړو هېوادونو ترمنځ یې د ټرانزیټ او سوداګرۍ کچې د زیاتېدو غوښتنه وکړه.
په کابل کې د ایران سفیر سیستان ته د هلمند سیند د اوبو رسېدو په اړه خوښي څرګنده کړه او د دواړو هېوادونو د اقتصادې ودې او پراختیا لپاره اړینه بولي، چې هېواد به یې له افغانستان سره د سوداګرو د بانکي ستونزو د له منځه وړلو، د چاپېریال ساتنې پر وړاندې د ګډې مبارزې، د کرنې سکټور عصري کولو او همدارنګه د ایران له لارې د افغانستان د سوداګرۍ او ټرانزیټ کچې زیاتولو په برخو کې همکاري وکړي.
د ریاست الوزراء اقتصادي مرستیال په ایران کې د میشت افغان کډوالو د ستونزو د یادونې تر څنګ له ایراني لوري وغوښتل، چې په جبري بڼه افغان کډوال را ونهباسي او په دې اړه د دواړو لوریو ترمنځ ښه همغږي رامنځته شي.
ویل کیږي، چې په دې لیدنه کې د اوبو او انرژۍ، کرنې، اوبولګولو او مالدارۍ، د اطلاعاتو او کلتور وزارتونو چارسمبالو او په تهران کې د افغانستان چارسمبالي استازي فضل محمد حقاني هم حضور درلود.
تازه خبرونه
ملا برادر د قزاقستان د لومړي وزیر له مرستیال سره د اوسپنې پټلۍ پر رامنځته کولو خبرې وکړې
د اسلامي امارت د ریاست الوزرا اقتصادي مرستیال او د قزاقستان د لومړي وزیر مرستیال سیرک ژومانګارین د ترکمنستان او افغانستان له لارې پاکستان ته د اوسپنې پټلۍ پر رامنځته کولو خبرې وکړې.
د افغانستان اقتصادي مرستیالۍ په خبربانه کې راغلي، چې په دې لیدنه کې ملا عبدالغنی برادر د دواړو هېوادونو د سوداګرو د بانکي ستونزو د حل، د افغان – قزاق د ګدو شرکتونو رامنځته کولو او سوداګرو ته د ویزو د ورکړې لپاره د هوکړه لیکونو پر لاسلیک ټینګار وکړ.
سیرک ژومنګارین په پام کې لري، چې د قزاقستان د صنعت او سوداګرۍ ګډه خونه او د دواړو هېوادونو د سوداګرۍ او کار ګډه ډله رامنځته کړي او چمتو دی، چې د برښنایي حکومتولۍ، صنعت، لوړو زدهکړو، پوهنې، روغتیا او بانکدارۍ په سکټورونو کې له افغانستان سره همکاري وکړي.
تازه خبرونه
ایران او پاکستان په افغانستان کې پر ترهګرو ډلو اندېښنه څرګنده کړه
ایران او پاکستان په یوه ګډه اعلامیه کې د یو سولهییز، متحد، خپلواک او له ترهګرۍ او نشهیي توکو قاچاق څخه د پاک افغانستان په اړه پخپلو ژمنو ټینګار څرګند کړی دی.
دواړو لوریو د ترهګریزو ډلو شتوالي ته په افغانستان کې نغوته کړې، چې سیمې او نړۍ ته امنیتي ګواښ دی؛ نو پر وړاندې یې پر مبارزه، همکارۍ او متحدې جبهې جوړولو ټینګار کړی دی.
دوی دغه راز د سیمې د امنیت او ثبات د ډاډمنولو لپاره د سیمهییزې او نړیوالې همغږۍ د اړتیاوو پر اهمیت خبرې کړې دي.
دواړه لوري د افغانستان حاکمیت او ځمکنۍ بشپړتیا ته د احترام کولو تر څنګ څرګندوي؛ د دې هېواد ټولې خواوې باید په بنسټیزو پرېکړو کې ونډه ولري، چې په هېواد کې د سولې او ثبات لامل شي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
تازه خبرونه2 days ago
راشد خان د افغان بیسیم سوداګریز سفیر شو
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ