تازه خبرونه
افغانستان په جګړه کې ښکېل نهدی، چې ملګري ملتونه ورته استازی وټاکي – ذبیح الله مجاهد
د افغانستان لپاره د ملګرو ملتونو د امنیت شورا د نوي استازي د ټاکلو په اړه د ملګرو ملتونو د امنیت شورا د پرېکړه لیک د تصویب په اړه له اعتراضونو وروسته د اسلامي امارت ویاند ويلي، هېواد یې په داسې شخړه او جګړه کې ښکېل نهدی، چې ملګري ملتونه یې د ځانګړي استازي له لارې منځګړتیتوب وکړي.
د افغانستان لپاره د نوي استازي د ټاکلو په اړه د ملګرو ملتونو د امنیت شورا د پرېکړه لیک د تصویب په اړه اسلامي امارت د اعتراض ګوته پورته کړې او څرګندوي؛ افغانستان په داسې شخړه او جګړه کې ښکېل نهدی، چې ملګري ملتونه د جګړې د ښکېلو خواوو ترمنځ د منځګړیتوب لپاره استازی وټاکي.
نوموړي ټینګار کړی، چې اسلامي امارت د ځانګړي استازي د ټاکلو مخالف دی او په افغانستان کې د ملګرو ملتونو د مرستندویه پلاوي (یوناما) شتون کافي ګڼي.
د اسلامي امارت ویاند ذبیح الله مجاهد زیاتوي، چې په افغانستان کې جګړه پای ته رسیدلې، ثبات او امنیت ټینګ شوی دی.
د نړیوالو اړیکو په برخه کې کارپوهان هم په افغانستان کې د یوناما حضور کافي ګڼي او څرګندوي، چې د ملګرو ملتونو لهخوا د نوي استازي ټاکل به د یوناما له موازي کولو او د جنجالونو له رامنځته کولو پرته پر افغانستان کوم مثبت اغېز ونهکړي.
د دوی د څرګندونو له مخې؛ که له اسلامي امارت سره تعامل د ملګرو ملتونو هدف وي؛ نو دغه موضوع دې په کابل کې د دې ټولنې د دفتر له لارې تر څارنې لاندې ونیسي.
د افغانستان ګاونډ ایران ويلي، چې د ملګرو ملتونو په ملاتړ د ګاونډ هېوادونو او سیمهییزو ټولنو په نوښت په افغانستان کې د شرایطو د ښه کېدو لپاره زمینه برابریدای شي.
د افغانستان لپاره د ملګرو ملتونو د نوي استازي له ټاکل کېدو سره د کابل له پرلهپسې مخالفت سره – سره امریکا له دې مخکې ویلي، چې د دغه ډول ماموریت ملاتړ کوي او د اسلامي امارت په ګټه دی.
تازه خبرونه
د تېرو څلورو ورځو بارانونو له کبله ۸ کسان مړه شوي
د طبیعي پېښو پر وړاندې د مبارزې وزارت ویاند ملا جانان سایق ويلي؛ په تېرو ۴ ورځو کې د بارانونو او سېلابونو له کبله ۸ کسان مړه شوي، درې ټپیان دي او شل هکتاره کرنیزه ځمکه ویجاړه شوې ده.
ملا جانان سایق دا هم ویلي، چې په هېواد کې د وروستیو اورښتونو له کبله ۱۴۰ کورونه بشپړ او یا څه ناڅه ویجاړ شوي او ۲۰ کیلومټره سړکونه سیلابونو وړي دي.
د نوموړي د څرګندونو له مخې؛ ٣٠ څاروي هم له منځه تللي دي.
د طبیعي پېښو پر وړاندې د مبارزې وزارت ویاند زیاته کړې: له نېکهمرغه وروستیو اورښتونو په هېواد کې د اوبو کچه لوړه کړې، د ځمکې لاندې اوبه راپورته شوي او کروندګر خوښ دي.
ویل کیږي، چې د طبیعي پېښو پر وړاندې د دولت وزارت په ولايتونو کې خپلو ټولو رياستونو ته سپارښتنه کړې، چې د پېښې قربانيانو ته د لاسرسي لپاره له خپلو ټولو امکاناتو کار واخلي.
تازه خبرونه
د بغلان ولایت د غوري سمنټو تولید زیات شوی
د بغلان ولایت د غوري سمنټو شرکت چارواکو ويلي، چې په ۱۴۰۲ لمریز لېږدیز کال ۱۵۰ زره ټنه غوري سمنټ تولید شوي او هڅه کوي، چې سږ کال یې د تولید کچه ۱۸۰ زره ټنو ته ورسوي.
په بغلان ولايت کې د غوري سمنټو شرکت د چارواکو د څرګندونو له مخې؛ په دې شرکت کې د سمنټو توليد زيات شوى دى.
د بغلان غوري سمنټو د شرکت مالي او اداري مرستیال عبدالوکیل قیومي ویلي؛ تېر کال مو ۱۵۰ زره ټنه سمنټ تولید او بازار ته وړاندې کړل. له نېکه مرغه په ۱۴۰۲ لمریز لېږدیز کال کې مونږ له ۲۰۰ میلیون افغانیو څخه زیاتې پیسې درلودې.
د بغلان د غوري سمنټو شرکت د بسته بندۍ څانګې مدیر محمد طاهر د تولیدي وړتیاوو لوړولو لپاره هڅې روانې دي، چې له لوړېدو سره به یې هره ورځ ۱۰۰۰ بورۍ سمنټ تولید شي.
محمد طاهر وایي: اوسمهال، زمونږ څلور داشونه فعال دي او په څلیریشت ساعتونو کې نږدې له ۱۰۰۰ څخه تر ۱۲۰۰ ټنو سیمنټ تولیدوو او ۷۵۰ کسانو ته د کار زمینه برابره شوې ده.
د دې شرکت کارکوونکی حکیم وایي؛ له پانګوالو غواړو، چې په هېواد کې پانګونه وکړي او ځوانانو ته د کار زمینه برابره کړي.
د بغلان غوري سمنټو شرکت يوه بلف کارکوونکي محمد يوسف ويلي: بايد په هېواد کې څو نورې کارخونې جوړې شي، چې د سمنټو واردات لږ شي او له خپلو توليداتو ګټه واخلو.
د بغلان ولایت د غوري سمنټو شرکت شاوخوا ۴۰ کاله مخکې جوړ شوی او په افغانستان کې د سمنټو د تولید له سترو شرکتونو څخه شمېرل کیږي، چې د مدیریت چارې یې د ملي پرمختیايي شرکت لهخوا ترسره کیږي.
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
تازه خبرونه16 hours ago
د بغلان ولایت د غوري سمنټو تولید زیات شوی
-
سیمه ییز خبرونه1 day ago
په عراق کې به همجنسبازان پر۱۵ کاله بند شي –پارلمان
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
تازه خبرونه1 day ago
ترکمنستان د ټاپي پروژې بشپړولو ته ژمن دی – امانوف
-
لوبی5 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
لوبی1 day ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل