تازه خبرونه
افغان او ترکمن چارواکو د ټاپي پروژې پر پیلیدا خبرې وکړې
د اسلامي امارت د لومړي وزیر دوه یم مرستیال عبدالسلام حنفي تېره ورځ د ترکمنستان د بهرنیو چارو وزارت له مرستیال وفا حاجي یایف او راغلي پلاوي سره په پلازمېنه کابل کې وکتل.
د اسلامي امارت چارواکو څرګنده کړې؛ په دې کتنه کې د ټاپي مشر محمد مراد امانوف او په افغانستان کې د ترکمنستان سفیر خواجه اویزوف هم حضور درلود.
د ټاپي پروژې محمد مراد امانوف هم د ټاپي پروژې د تخنیکي ستونزو او د کارموندنې او سوداګرۍ د آسانتیاوو په اړه معلومات ورکړل.
مولوي عبدالسلام حنفي ويلي: له ترکمنستان سره د افغانستان اړيکې ښې دي او مونږ به يې د پراختيا لپاره کار وکړو.
هغه زیاته کړې: افغانستان ټاپي پروژه یوه ملي پروژه ده او مونږ هر وخت چمتو یو، چې د پلي کېدو لپاره یې عملي ګامونه پورته کړو.
د لومړي وزیر دوه یم مرستیال وایي؛ د دواړو هېوادونو اړوند ادارې به د ټاپي پروژې د تطبیق لپاره د لازمو شرایطو د برابرولو لپاره کار وکړي.
د ترکمنستان د بهرنيو چارو وزارت مرستیال او ورسره مل پلاوي یې افغانستان ته په سفر کې څرګنده کړې، چې اوس په افغانستان کې د ټاپي پروژې د عملي کولو زمينه برابره شوې ده.
د ترکمنستان د بهرنيو چارو وزارت مرستيال او د ټاپي پروژې عمومي مشر محمد مراد امانوف او ورسره پلاوي د ټاپي پروژې د کار د ګړندي کېدو په موخه د هرات ته سفر کړې او هیله يي ښودلي، چې په افغانستان کې به د دې پروژې عملي چاري پیل کړي.
دافغانستان د اسلامي امارت د ویاند مرستیال ويلي، چې د راتلونکي هجري لمریز کال له پیل سره به په افغانستان کې د ټاپي پروژې عملي چاري پیل شي.
د افغانستان اسلامي امارت د ویاند مرستیال بلال کریمي وایي: مونږ به د راتلونکي لمریز هجري کال له پیله په افغانستان کې د ټاپي پروژې عملي چاري پیل کړو.
د افغانستان د سوداګرۍ او پانګونې خونې غړيو هم څرګنده کړې؛ که په هېواد کې د ټاپي پروژې عملي چارې پیل شي، په هېواد کې به ورسره سیمه ییز اقتصادي باور هم رامنځته شي.
د سوداګرۍ او پانګونې خونې مرستیال محمدیونس مومند ویلي؛ ټاپي پروژه د افغانستان د اقتصاد لپاره خورا مهمه ده او په هېواد کې د دې پروژې د عملي کیدو لپاره ستر فرصت رامنځته شوی دی.
د اقتصادي چارو کارو پوه تاج محمد تلاش څرګنده کړې د افغانستان له اسلامي امارت څخه غوښتي، چې له اوسني اقتصادي بحران څخه د وتلو یوازنۍ لار د لویو اقتصادي پروژو عملي کول دي.
د اقتصادي چارو کارپوهان په دې اند دي؛ اوس هغه وخت رارسیدلي، چې د افغانانو پر سترو اقتصادي دهلیزونو کارو نه پیل او ګټي اخستني ته وسپارل شي.
تازه خبرونه
افغانستان او چین په سیمه کې پوره همغږۍ او همکاریو ته اړتیا لري – امیر خان متقي
د بهرنیو چارو وزارت چارسمبالي ویلي، چې په سیمه کې وروستۍ پېښې او پرمختګونه ښیي، چې افغانستان او چین د ګډو ګټو د ساتلو لپاره پوره همغږۍ او همکارۍ ته اړتیا لري.
امیر خان متقي دغه څرګندونې په کابل کې د چین له سفیر ژاوشینګ سره په کتنه کې کړې دي.
د افغانستان بهرنیو چارو وزارت نن (سې شنبه د غویی څلورمه) په یوه خبرپاڼه کې ویلي، چې دواړو لوریو په سیمه کې د افغانستان او چین ترمنځ پر دوه اړخیزو سیاسي، اقتصادي او فرهنګي همکاریو او وروستیو پرمختګونو خبرې کړې دي.
د بهرنیو چارو وزارت چارسمبالي د دواړو هېوادونو ترمنځ د سیاسي، اقتصادي او فرهنګي اړیکو له پراختیا څخه خوښي څرګنده کړه او وایي، چې اسلامي امارت د سوداګرۍ او پانګونې په برخه کې ښه فرصتونه رامنځته کړي دي.
امیرخان متقي وایي: چین ته د انارو او جلغوزیو د صادراتو زیاتوالی او د مس عینک او واخان دهلیز په پروژو کې پرمختګونه د اسلامي امارت د متوازن اقتصادي سیاست ښکاره بېلګې دي.
د بهرنیو چارو وزارت د خبرپاڼې له مخې؛ د چین سفیر له افغانستان سره په بېلابېلو برخو کې شوي پرمختګونه مثبت وګڼل او زیاتوي: چینايي سوداګر او پانګوال به وهڅوي، چې له افغانستان سره د اوږدمهاله اقتصادي همکاریو په برخه کې خپل رغنده رول ولوبوي.
هغه دا ډاډ هم ډاډ څرګند کړی، چې هېواد به یې د واخان دهلېز د مسلې په اړه د دوه اړخیزو همکاریو لارې چارې او امکانات وارزوي.
تازه خبرونه
راشد خان د افغان بیسیم سوداګریز سفیر شو
د افغان بیسیم مخابراتي شرکت څرګنده کړې، چې راشد خان د دې شرکت د سوداګریز سفیر په توګه ټاکل شوی دی.
یاد شرکت په فیسبوک پاڼه کې څرګنده کړې؛ راشد خان ځوان، ټولنیز او نومیالی شخصیت دی، چې د هېواد د کرکټ په ډګر کې ښه ځلیدلی دی.
راشد خان هم په فیسبوک پاڼه کې د افغان بیسیم د سوداګریز سفیر په توګه د ټاکل کېدو په اړه خوښي څرګنده کړې ده.
هغه افغان بیسیم د یو غوره شرکت په توګه یاد کړی او څرګندوي، چې افغان بیسیم د مخابراتو په برخه کې یو مخکښ شرکت دی.
تازه خبرونه
د اسلامي همکاریو ټولنې پلاوي د اروپايي ټولنې له استازې سره ولیدل
د اروپايي ټولنې او اسلامي همکاریو ټولنې استازو په افغانستان کې د بشري او تعلیمي وضعیت په اړه خبرې وکړې.
په افغانستان کې د اروپايي ټولنې چارسمبالې رافایلا یودیچه په کابل کې د اسلامي همکاریو ټولنې له ځانګړي استازي طارق علي بخیت او مل پلاوي سره وکتل.
میرمن یودیچه په ایکس پاڼه کې لیکلي، چې دوی د افغانستان پر بشري، اقتصادي او تعلیمي وضعیت خبرې کړې دي.
هغې زیاته کړې: بنسټیز ملاتړ اوس هم د خلکو لپاره اړین دی. د ښځو غږ باید په افغانستان کې د هر راز خبرو اترو او رغنده تعامل برخه وي.
له دې مخکې د اسلامي همکاریو ټولنې پلاوي د اسلامي امارت له چارواکو سره کتلي دي.
-
لوبی5 days ago
د افغانستان فوټسال ملي لوبډلې له ایران ماتې وخوړه
-
نړۍ2 days ago
د جاپان دوه پوځي چورلکې بحر ته وغورځېدې
-
تازه خبرونه2 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی1 day ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه8 hours ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
تازه خبرونه2 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري
-
سیمه ییز خبرونه24 hours ago
د ایران ولسمشر پر درې ورځني سفر پاکستان ته ولاړ
-
سوداگري20 hours ago
د اوسپنې پټلۍ له لارې ترکیې ته د افغانستان صادرات پیل شول