سیمه ییز خبرونه
افغان ولسمشر حامد كرزى غواړي امريكا تر خپل نفوذ لاندې وساتي
![](https://www.ariananews.af/wp-content/uploads/2014/01/513.jpg)
د كابل- واشنگټن د امنيتي تړون پر سر اوس هم ناندرۍ پاى ته نه دي رسيدلي. كه څه هم له بېلابېلو خواوو څخه د دې سند د لاسليك غوښتنه كيږي؛ خو افغان حكومت بيا په دې برخه كې د امريكا له خوا د خپلو شرطونو پر منلو ټينگار كوي.
په دې وروستيو كې د امريكا د بروكنگز څيړنيزې موسسې د بهرني سياست رييس له آريانا سره په ځانگړې مركه كې وويل:
ولسمشر د دې سند د نه لاسليك له لارې د زيات واك اخيستو په لټه كې دى.
د امريكا د بروكنگز څيړنيز مركز د بهرني سياست رييس مایکل اوانلان وايي، زما په آند دوه اړخيز امنيتي سند؛ ځكه نه دى لاسليك شوى، چې ولسمشر حامد كرزى اړتيا لري پر امريكا نفوذ ولري. زما په فكر هغه فكر كوي، چې د امنيتي تړون له لاسليك څخه ډډه هغه ته نفوذ او واك وركوي او هغه لارده، چې د امريكا پر خلاف پرې عمل وكړي. نوموړى احساس كوي، چې مونږ اوس هم په مناسباتو كې ستونزې لرو. دى هغه څه غواړي، چې مونږ يي غواړو. فكر كوم تېروتنه كوي؛ خو زه فكر كوم، چې كه هغه پر خپل دې دريځ ودريږي، مونږ بايد زغم ولرو او ممكن تړون د هغه له ځاى ناستي سره لاسليك كړو.
نوموړى د افغان حكومت د پرمختگونو ساتنې ته په اشاره وايي، ولسمشر كرزى فكر كوي، چې امريكا په افغانستان كې د خپل حضور لپاره د درېيم پروگرام د عملي كولو نيت لري. دى ټينگار كوي، چې د واشنگتن د حضور مساله يوازې له افغانستان او امريكا سره اړونده ده.
ښاغلى مایکل اوانلان زياتوي:
ولسمشر حامد كرزى فكر كوي، چې، درېيم دليل هم شته؛ خو زما په آند تېروتنه كوي. هغه فكر كوي چې مونږ د نورو مقاصدو لپاره په سيمه كې اډې غواړو. لكه د چين، روسيې او ايران څارنه. سمه ده مونږ كله ناكله د افغانستان له خاورې د ايران ځينې برخې ليدلي، خو دا اساسي مساله نه ده؛ ځكه د ايران مهمه وړتيا دا ده، چې د فارس خليج تر څنگ پروت دى. ايران اتومي تاسيسات لري؛ خو مونږ له الوتكو، بېړيو او سپوږمكۍ څخه په استفاده پر فارس خليج څارنه لرو، نو په افغانستان كې زمونږ حضور د دې ښودنه نه كوي، چې مونږ به بل هېواد څارو. زمونږ د حضور دليل پر دوه هېوادونو پورې تړلې مساله ده. افغانستان او امريكا.
كه څه هم امريكايي چارواكو په ځلونو ټينگار كړى، چې د كابل او واشنگتن تر منځ امنيتي سند بايد ژر لاسليك شي؛ خو افغان ولسمشر حامد كرزى وايي، له امريكا سره به امنيتي سند هغه مهال لاسليك كړي، چې امريكا د افغانانو پر كورونو عمليات بند كړي او د سولې پروسه عملا پيل شي.
![](https://www.ariananews.af/wp-content/uploads/2020/09/ATNNewsNewLogo2020.png)
سیمه ییز خبرونه
په کویټ کې د اورلګیدنې له کبله ۴۹ کارګران مړه شوي
له بلې خوا د فیلیپین د مهاجرینو د کار وزارت تائید کړې، چې په کویټ کې د اور لګیدو له کبله د دغه هېواد ۱۱ کارګران هم ټپیان شوي دي.
![](https://www.ariananews.af/wp-content/uploads/2024/06/Kuwait-building-fire.jpg)
د کویت د کورنیو چارو وزارت اعلان کړی، چې په یوه ودانۍ کې د اور لګېدنې له کبله ۴۹ بهرني کارکوونکي مړه شوي دي.
د لومړنیو موندنو له مخې؛ دا پېښه د چارشنبې پر ورځ (د غبرګولي درویشتمه) د منکاف سیمې په دوه ودانیو کې د اور لګیدنې له کبله رامنځته شوې ده .
تر اوسه د اور لګېدنې د قربانیانو د هویت په اړه څه ویل شوي ندي.
رویټرز خبري سرچینې په کویت کې د هند سفارت د څرګندونو له مخې راپور ورکړی، چې په پېښه کې ۳۰ هندي کارکوونکي ټپیان شوي دي.
په کویت کې د هند سفارت ویلي، چې د ۴۷ کارکوونکیو درملنه په روغتونونو کې شوې ده.
له بلې خوا د فیلیپین د مهاجرینو د کار وزارت تائید کړې، چې په کویټ کې د اور لګیدو له کبله د دغه هېواد ۱۱ کارګران هم ټپیان شوي دي.
د کویت د لومړي وزیر مرستیال یوسف سعود الصباح د دې ودانۍ مالک له وانیزو پاملرنو څخه پر سرغړونه تورن کړ.
د کویت د کورنیو چارو وزیر شیخ فهد الیوسف الصباح د دغې پېښې مرګ ژوبله تایید کړې او د پېښې له ځای څخه یې د لیدنې پر مهال د ودانۍ د مالک د نیولو سپارښتنه کړې ده.
په دې پېښه کې د ځينو ټپيانو روغتيايي حالت د اندېښنې وړ ښودل شوی دی.
په کویټ کې کارګر کډوال د ټولنې ستره جوړوي.
د ملکي خوندیتوب او طبي ژغورنو ډلې توانیدلي، چې ۱۱ کسان ژغورل شوي دي.
د هند لومړي وزیر نریندرا مودي په ایکس پاڼه کې د اور لګیدلو خبرونه خواشینونکي وبلل او لیکي، چې: زه هغو کسانو ته، چې خپل نږدې او عزیزان او خپلوال یې له لاسه ورکړي خپلې خواخوږۍ مراتب وړاندې کوم او ټپیانو ته د ژر تر ژره رغېدو دعا کوم.
ویل کیږي د اورلګیدنې زیاتره مرګ او ژوبله د لوګي له کبله رامنځته شوې؛ خو د اورلګیدنې لامل تر اوسه معلوم ندی؛ خو په اړه یې څېړنې روانې دي.
دې ته ورته خبر::
ه نیویارک ښار کې له اورلګېدنې د ۹ ماشومانو په ګډون ۱۹ کسان مړه شوي
سیمه ییز خبرونه
په جمو کې ۴۲ هندو زیارت کوونکيو ته مرګ و ژوبله اوښتې – هندي پولیس
![](https://www.ariananews.af/wp-content/uploads/2024/06/Bus-India-attacked.jpg)
هندي پولیسو ویلي، چې د یکشنبې پر ورځ (د غبرګولي شلمه) د شکمنو تندلارو په برید کې ۹ هندو زیارت کوونکي وژل شوي او ۳۳ نور ټپیان دي.
د جمو د سیمهییزو پولیسو یوه چارواکي موهیټا شرما ویلي: وسلهوالو تند لارو پر بس برید کړی؛ بس په دره کې لوېدلی، چې له کبله یې ۹ کسان وژل شوي او ۳۳ نور ټپیان دي.
د هند پولیسو ویلي، چې د دې پېښې ټپیان نږدې روغتونونو ته لېږدول شوي او په سیمه کې د شکمنو بریدګرو د موندلو عملیات پیل شوي دي.
دا پېښه نن په داسې ورځ رامنځته شوې، چې نریندرا مودي د درېیم ځل لپاره د هند د لومړي وزیر په توګه لوړه وکړه.
د هندي زیارت کوونکیو وژنې ته په نغوته کې د نریندرا مودي د اپوزیسیون مشر راهول ګاندي پر ایکس پاڼه لیکلي: دا شرموونکې پېښه په جمو او کشمیر کې د خطرناک امنیتي وضعیت رښتینی انځور دی.
جمو او کشمیر، چې پاکستان یې هم د ملکیت ادعا لري؛ له لسیزو راپدیخوا د سخت دریځو اسلامپالو د تاوتریخوالي مرکز دی او لسګونه زره خلک پرې وژل شوي دي.
پر ۲۰۱۷ کال هم شکمنو وسلهوالو په جمو او کشمیر کې د هندو زیارت کوونکیو پر یوه بس برید کړی و، چې په کې اته کسان وژل شوي دي.
تېره ورځ د جمو د پولیسو مشر ویلي، چې په دې سیمه کې د ځايي تندلارو شمېر کم شوی، چې پر وینا یې یوازې په جمو کې له ۷۰ څخه تر ۸۰ بهرني تندلاري فعال دي.
له ۲۰۱۹ کال راپدیخوا، چې د هند د لومړي وزیر نریندرا مودي پر مشرۍ حکومت د کشمیر نیمه خپلواکي هم واخیسته؛ د هند پر وړاندې د کشمیري بېلتون غوښتوونکیو او تندلارو کرکه او غصه مخ پر زیاتېدو ده.
په ۱۹۴۷ کال کې د پاکستان او هند له خپلواکۍ وروسته، کشمیر، چې ډېري یې مسلمانان دي؛ پر دوه برخو ووېشل شو، چې یوه برخه د هند تر ادارې لاندې او بله یې د پاکستان تر ادارې لاندې ده.
هند او پاکستان – دوه اټومي وسله لرونکي سیال ګاونډیانو – د کشمیر پر سر دوه ځله جګړه کړې. که څه هم له دغو دواړو هېوادونو څخه هر یو د کشمیر یوه برخه تر خپلې ادارې لاندې لري؛ خو دواړه یې د بشپړ ملکیت ادعا لري.
سیمه ییز خبرونه
په پاکستان د یوې چاودنې له کبله ۷ پاکستاني پوځیان ووژل شول
![](https://www.ariananews.af/wp-content/uploads/2023/12/Pakistan-militants-attack.jpg)
د پاکستان پوځ د یکشنبې پر ورځ (د غبرګولي شلمه) ویلي، چې له افغانستان سره پولې ته څېرمه د پاکستان په شمال لویدیځ کې د پوځ پر یوه لارۍ د بمي چاودنې له کبله اووه پاکستاني پوځیان وژل شوي دي.
تر اوسه کومې ډلې د دې بمي برید مسوولیت ندی منلی.
د پاکستان د پوځ په خبرپاڼه کې راغلي، چې د پوځ یوه موټر ته څېرمه چاودنه شوې، چې له کبله یې د یوه افسر په ګډون اووه سرتېري وژل شوي دي.
دا پېښه د خیبر پښتونخوا قبایلي سیمې لکیمروټ په اړوند سیمه کې رامنځته شوې ده.
تحریک طالبان پاکستان په تېرو وختونو کې د ورته بریدونو مسوولیت منلی دی.
پاکستان تل ویلي، دا ډله په افغانستان او قبایلي سیمو کې شتون لري او د پاکستان د حکومت د نسکورولو لپاره وسلهواله مبارزه کوي.
د افغانستان اسلامي امارت تل د پاکستاني پوځ ادعاوې رد کړي او څرګندوي، چې په پاکستان کې د تاوتریخوالي زیاتوالی د اسلامآباد داخلي ستونزه ده.
-
سوداگري5 days ago
له یوه ایراني شرکت سره د تېلو پر معیاري چاڼخونې خبرې وشوې
-
سیمه ییز خبرونه4 days ago
په کویټ کې د اورلګیدنې له کبله ۴۹ کارګران مړه شوي
-
لوبی4 days ago
هند له امریکا لوبه وګټله او د ۲۰ اوریز نړیوال جام دوهیم پړاو ته یې ګام پورته کړ
-
لوبی3 days ago
د افغانستان کرکټ ملي لوبډلې پاپوا نیوګیني ته ماتې ورکړه
-
تازه خبرونه3 days ago
له شپږم پورته د نجونو د زدهکړو له ځنډېدا ۱۰۰۰ ورځې بشپړې شوې
-
لوبی2 days ago
کابل زلمی د کابل کرکټ غوره لیګ د دوهیم پړاو اتلولي خپله کړه
-
تازه خبرونه3 days ago
د افغانۍ ارزښت او په بانکونو کې د پیسو کچه مخ پر ښه کېدو ده – د افغانستان بانک
-
تازه خبرونه4 days ago
ترکیې د هرات له زلزله ځپلیو سره بشري مرسته وکړه