تازه خبرونه
افغان پوځیانو ته د حزب اسلامي پر مرکزونو د نه برید حکم شوی
افغان پوځیانو ته امر شوی،چې ګلبدین حکمتیار پهمشرۍ د حزب اسلامي پر پوځي مرکزونو برید ونکړي او که هغوی ته ګواښ متوجه وي د دفع کولو لپاره دې ترې ملاتړ وکړي.
افغان ولسمشر ټولو امنیتي ارګانونو ته امر کړی،چې د حزب اسلامي پوځي مرکزونه په نښه نه کړي او د یادې ډلې د وسلوالو د ادغام او د وسلو د تسلیمیدو د بهیرامنیت دې هم ونیسي.
محمد اشرف غني تېره شپه دا امر د یوه فرمان له لارې ورکړی او د ملي امنیت شورا یې موظفه کړې،چې د ملګرو ملتونو د امنیت شورا او متحده ایالتونو له تور لیسته د ګلبدین حکمتیار د نوم د لیرې کولو لپاره ګام پورته کړي.
د ولسمشر مرستیال ویاند دوا خان مینه پال وایي،چې ملي امنیت شورا موظفه ګڼل شوې،چې په دې اړه کوټلي ګامونه پورته کړي او افغان پوځیانو ته هم د یاد بهیرد امنیت د خوندیتوب مسوولیت ور په غاړه شوی دی.
د ولسمشر غني د دغه فرمان له مخې، اجرائیوي شپږ کسیز کمیسیون،چې په کې د حزب اسلامي او دولت استازي شته؛له حزب اسلامي سره د سولې د هوکړه لیک اجرا کیدو ته ورپېژندل شويدياو د ملي امنیت له شورا غوښتل شوي،چې د حزب اسلامي او د دغه ګوند د مشرانو پر وړاندې د بندیزونو د لیرې کولو لپاره اقدام وکړي.
د ولسمشر غني په فرمان کې ویل شوي دي،چېد افغانستان حزب اسلامي د اساسي قانون او نورو قوانینو د احکامو له مخې له ټولو مدني او سیاسي حقونو برخمن دی او د ګوندونو د قانون او د هېواد د نورو قوانینو په رعایت سره کولی شي سیاسي فعالیت وکړي او د دغه ګوند غړي کولی شي د افغانستان په هره برخه کې آزاد ژوند وکړي.
د دغه فرمان په یوې بله برخه کې راغلي، چې حزب سلامي دې خپل پوځي تشکیلات او تحرکات ودروي او لغوه کړي او ټول بندیان،چې ور سره دي، باید افغان دولت ته وسپارل شي.
د ولسمشر مرستیال ویاند شاه حسین مرتضوي وایي، د حزباسلامي او دولت تر منځ د سولې د هوکړه لیک د اجرا کولو کمیسیون به د سې شنبې په ورځ کار پیل کړي.
د حزب اسلامي د مرکچي پلاوي مشر محمد امین کریم هم وایي،چې د سولې هوکړه باید ژر پلېشي او د ولسمشر لخوا صادر شوی فرمان د سولې د هوکړې لپاره یو مهم ګام دی.
محمد امین کریم د جګړې دوام افغان وژنه بولي او ټینګار کوي،چې زیات طالب مشران له دولت سره خبرو ته چمتو شوي دي.
د مدني ټولنو د مجتمع رییسعزیز رفیعي وایي، د حکومت لخوا د اسلامي حزب مشر او غړیو ته د قضایي خوندیتوب پرېکړې مدني ټولنې اندېښمنې کړي دي.
د حزب اسلامي او دولت تر منځ د سولې هوکړه لیک د تلې په لومړی نېټه لاسلیک شو،چې شپږ څپرکي او ۲۶مادې لري. د ګلبدین حکمتیار حزباسلامي دطالبانو، حقاني شبکي او داعش تر څنک څلورمه یاغي ډله وه،چې په وروستیو کلونو کې یې د دولت پر وړاندې پوځي تحرکات کړي دي.
تازه خبرونه
د تورخم لار لنډمهاله تړل کیږي
د تورخم کمیشنر عبدالجبار حکمت ويلي؛ د تورخم لار به د پاکستان له لوري د ۳ ورځو لپاره د ناروغانو او مسافرو د تګ راتګ پر مخ تړلې وي.
عبدالجبار حکمت ویلي، چې دغه لار به د جمعې له ورځې ( د غویی اتویشتمه) څخه تر یکشنبې ( د غویی دېرشمه ) پورې د ناروغانو او مسافرو پر مخ تړلې وي.
هغه زياته کړې، چې دغه سوداګريزه لار به ٢٤ ساعته پرانيستې وي او د باروړونکیو موټرو تګ راتګ او د سوداګريزو توکو لېږد رالېږد به روان وي.
حکمت زياته کړې، چې د ناروغانو او مسافرو پر مخ د دې لارې د بندېدو لامل له پخوانۍ ودانۍ څخه نوې ودانۍ ته د پاکستان د سرحدي دفترونو لېږدول دي.
تازه خبرونه
د سولې په چارو کې د ملګرو ملتونو د عمومي منشي مرستیال کابل ته راغلی
د سولې په چارو کې د ملګرو ملتونو د عمومي منشي مرستیال ژان پیر لاکروا به د دوه ورځني سفر په بهیر کې له جګړې څخه د پاتې چاودیدونکیو توکو د خطرونو په اړه د پوهاوي پر لوړولو راوڅرخیږي.
د سولې په چارو کې د ملګرو ملتونو د عمومي منشي مرستیال ژان پیر لاکروا له یوه پلاوي سره کابل ته راغلی دی.
د ملګرو ملتونو د ویاند مرستیال فرحان له دې مخکې په یوه خبري غونډه کې ویلي وه، چې ین پییر لاکروا به افغانستان ته په خپل سفر کې د چاودېدونکیو توکو د اغېزو په اړه د اسلامي امارت له چارواکو سره خبرې وکړي.
په دغه سفر کې له نوموړي سره د ملګرو ملتونو د ماین پاکۍ د څانګې مشره هم مل ده.
هغه زیاته کړې، چې لاکروا به د مې تر اووهلسمې پورې په کابل کې وي او په دې سفر کې به د ملګرو ملتونو د ماین پاکۍ د څانګې مشره ایلین کوهن هم ورسره مل وي.
د ملګرو ملتونو دغه چارواکي ویلي، چې د افغانستان خلک د ماینونو له خطر سره مخ دي او د ۲۰۲۳ کال له جنورۍ څخه د ۲۰۲۴ کال تر مارچ پورې په افغانستان کې د ۸۲۱ چاودېدونکیو توکو د وژل شویو ۸۱ سلنه ماشومان ول.
تر اوسه اسلامي امارت په دې اړه جزئیات ندي ورکړي.
د سولې په چارو کې د ملګرو ملتونو د عمومي منشي مرستیال په داسې حال کې افغانستان ته سفر کوي، چې ټاکل شوې د روان کال په جون میاشت کې د افغانستان په اړه په دوحه کې درېیمه غونډه جوړه شي.
دا په داسې حال کې ده، چې د ملګرو ملتونو د څرګندونو پر بنسټ، له دې مخکې د سولې په چارو کې د ملګرو ملتونو د عمومي منشي مرستیال قطر ته د سفر پر مهال د دغه هېواد له چارواکو سره د سولې د ټینګښت او د ستونزو په اړه خبرې کړې وې.
تازه خبرونه
په غور ولايت کې د ژغورنې د عملیاتو پر مهال يوه پوځي چورلکه رالوېدلې
نن سهار (چارشنبه د غویی شپږویشتمه ) د غور ولایت په مرکز فیروزکوه ښار کې د ملي اردو یوه چورلکه راغورځېدلې، چې په کې ۱ کس مړ او ۱۲ نور ټپیان دي.
د ملي دفاع وزارت ویاند عنایت الله خوارزمي زیاته کړې؛ د هوايي ځواک «MI 17» ډوله چورلکه غور ولایت د یوه فلانکوچ موټر د هغو کسانو د جسدونو د راایستلو لپاره لېږل شوې وه، چې د هریرود سیند ته لوېدلی و. د ژغورنې له عملیاتو وروسته دغه چورلکه له تخنیکي ستونزې سره مخ او په فیروزکوه ښار کې د بېړنۍ ناستې پر مهال له یوه دیوال سره ولګېده او راوغورځېده.
آریانانیوز ته د دې چورلکې د رارسېدلې ویډیو له مخې؛ په اوبو کې د چورلکې د راغورځېدو پر مهال یو شمېر کسان هم لیدل کیږي.
ویل کیږي، چې یوه ورځ مخکې د فیروزکوه په غازي دره سیمه کې فلانکوچ موټر له سړکه واوښت او په هریرود سیند کې ډوب شو، چې له کبله یې دوه کسان مړه او یو بل ټپي شوی و.
-
تازه خبرونه4 days ago
الله ګل مجاهد د قتل پر تور ونیول شو
-
تازه خبرونه4 days ago
په بغلان کې سېلابونو ۱۹۴۵ کسانو ته مرګ او ژوبله اړولې
-
تازه خبرونه3 days ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
سوداگري4 days ago
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه
-
تازه خبرونه4 days ago
څو ایراني شرکتونو د افغانستان په کانونو کې د پانګونې پرېکړه وکړه – قدیر قیافه
-
لوبی2 days ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه2 days ago
د یوناما استازې د ایران له بهرنیو چارو وزیر سره وکتل
-
تازه خبرونه2 days ago
په ننګرهار کې د ناکامورا کانال پروژه بشپړه شوه