Connect with us

تازه خبرونه

افغانستان د پایښت او له منځه تلو په پړاو کې دی-اشرف غني

خپور شوی

د

(Last Updated On: لړم ۳, ۱۴۰۱)

د دولت جوړونکې  ټاکنیزې ډلې مشر اشرف غني په یوه جوړه شوې غونډه کې ویلي، چې افغانستان د پایښت او له منځه تلو په پړاو کې دی او د ولسمشرۍ ټاکنې د اوسني سیاسي نظام د پایښت یوازنۍ لار ده.

د طالبانو او امریکایانو تر منځ د سولې هوکړې په درشل کې یوازې همدا د ولسمشرۍ ټاکنو نوماند دی، چې خپل ټاکنیز کمپاین یې چټک روان کړی دی.

نوموړی په دې باور دی، چې را روانې ټاکنې په افغانستان کې د راتلوونکي نظام د پایښت یا له منځه تلو آزموینه ده؛ خو دا ځل د ملي وحدت حکومت په څېر واک نه ویشي.

د ولسمشرۍ دا نوماند له ټاکنو وروسته ائتلافي حکومت نه مني او وایي، واک به ونه وېشم.

هغه د برحال ولسمشر په توګه یو ځل بیا ټینګار کوي، چې له بهرنیو مرستو پرته به د ولسمشرۍ ټاکنې د افغانستان پر پیسو تر سره کړي.

اشرف غني په دې ټاکنیزې غونډه کې دوه پیغامه لرل؛ لومړی پر اوسني نظام د سولې په خبرو کې معامله نکوي او دوه یم دا، چې ټاکنې له بهرنیو مرستو پرته د افغانستان پر لګښت تر سره کوي.

د دولت جوړونکې ټاکنیزې ډلې مشر د سیاسي بهیر نورو سیالانو ته هم خبرداری ورکوي او وایي، په اقتصادي معادلاتو کې مداخله ونکړئ، بلکې په خبره یې په یوه ګوښه ځای کې د قرآن او نبوي سیرت زدکړې وکړئ.

د ولسمشرۍ ټاکنو ټاکنیز کمپاین په پیکه ډول پر مخ ځي، چې یو دلیل یې هم ښایي د امریکا او طالب استازیو تر منځ د سولې خبرې وي. ویل کیږي د دوی تر منځ د سولې هوکړه هم ژر لاسیلیک کیدونکې ده؛ خو ښاغلي اشرف غني ویلي، اوسنی ولسمشر د سولې په بهیر کې د پرېکړې کولو واک نلري او راتلوونکی حکومت، چې له ټاکنو وروسته به را منځته کیږي؛ په دې اړه به پرېکړه وکړي.

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!