Abdul Qahar Balkhi, spokesperson for Afghanistan’s Ministry of Foreign Affairs, says 1,119 Afghan civilians have been killed or injured in Pakistani military attacks on Afghanistan since the beginning of 2022.

In an interview with CNN, Balkhi said women and children accounted for most of the casualties.

He also referred to a Pakistani military strike on the Omid Addiction Treatment Centre in Kabul, claiming that hundreds of people were killed in the attack.

“Rather than making unsubstantiated allegations, Pakistan should address its security challenges through responsible engagement with its own people and genuine diplomacy with Afghanistan,” Balkhi told CNN.

His remarks come amid continued tensions between Kabul and Islamabad over security concerns.

د افغانستان کورنیو چارو وزیر سراج‌الدین حقاني په خوست ولایت کې د خلکو یوې غونډې ته د وینا پر مهال د امنیت پر پیاوړتیا، د خلکو ترمنځ د یووالي پر ټینګښت او له هېوادوالو سره د امنیتي مسوولانو پر ښه چلند ټینګار کړی او له دیني عالمانو، خطیبانو او قومي مشرانو یې غوښتي، چې د پخوانیو دښمنیو د پای ته رسولو او د عامه پوهاوي د لوړولو لپاره هڅې وکړي.

خلیفه سراج الدین حقاني د امنیت ټینګښت د ټولو هېوادوالو ګډ مسوولیت بللی او ټینګار یې کړی، چې دغه مسوولیت یوازې د پولیسو پر منسوبینو پورې محدود نه‌دی.

هغه له امنیتي مسوولانو غوښتي، چې د اسلامي امارت د مشرتابه د فرمانونو پر پلي کولو له هېوادوالو سره نرمښت ښکاره  او ورورګلوییز چلند وکړي او ښه اخلاق ولري.

د افغانستان کورنیو چارو وزیر د هېواد له اوسني وضعیت څخه د خوښۍ د څرګندولو تر څنګ ویلي، چې افغانستان له کلونو ستونزو او کړاوونو وروسته د ځان‌بسیاینې او ودانۍ پر لوري روان دی.

نوموړي دغه بهیر د الله تعالی لورېینه او نعمت بللی دی.

حقاني زیاته کړې، چې په هېواد کې امنیت پیاوړی شوی، اختلافات او دښمنۍ کمې شوي او د خلکو ترمنځ یووالی او همغږي پراخه شوې ده.

د نوموړي د څرګندونو له مخې، په ټول هېواد کې امنیتي پېښې نږدې صفر ته رسېدلې دي.

هغه دغه راز پرته له نوم اخیستلو ویلي، چې ځینې مغرض کسان هڅه کوي د خلکو ترمنځ اندېښنې او تشویشونه رامنځته کړي.

د امنیت په ټینګښت کې پر ګډ مسوولیت، د امنیتي ځواکونو مسوولانه چلند، د پخوانیو دښمنیو پای ته رسولو او د ټولنیز یووالي پیاوړتیا ټینګار په خوست ولایت کې د کورنیو چارو د وزیر د خبرو مهم ټکي وه.

« ډیپلوماټ» خپرونې په یوه راپور کې لیکلي، چې د اسلامي امارت د چارواکو له‌خوا د واخان ټرانزیټي سړک له پرانیستل کېدو سره– سره له دې لارې له چین سره د افغانستان عملي نښلېدا اوس هم له جدي خنډونو او د بېجینګ له امنیتي اندېښنو سره مخ ده.

د راپور له مخې؛ د اسلامي امارت چارواکو د اوکټوبر پر څلورمه د ۱۲۱ کیلومټره اوږد سړک پرانیسته وکړه، چې د شاوخوا درې کلونو کار په پایله کې جوړ شوی دی.

دا سړک د بدخشان ولایت له واخان ولسوالۍ څخه د چین تر پولې غځېدلی او ټاکل شوې، چې له چین او سیمه‌ییزو بازارونو سره د افغانستان د سوداګرۍ د پراختیا زمینه برابره کړي.

د« ډیپلوماټ» د راپور له مخې: د دې پروژې لګښت ۳۶۵ میلیون افغانۍ دی، چې شاوخوا ۵.۶ میلیون ډالرو سره برابرېږي؛ د اسلامي امارت د کلیو د بیارغونې او پراختیا وزارت له‌خوا ورکړ شوی دی.

دې خپرونې زیاته کړې، د افغانستان او پاکستان ترمنځ د روانو ترینګلتیاوو او د سوداګرۍ د درېدا له کبله د واخان لار له چین سره د افغانستان د سوداګرۍ بدیله لار کېدی شي او د پاکستان پر سوداګریزو لارو د کابل تکیه راکمولی شي.

په راپور کې ټینګار شوی، چې چین تر اوسه خپله پوله له دې لارې د منظمې سوداګرۍ د تګ راتګ لپاره نه‌ده پرانیستې.

همدارنګه بېجینګ د سړک د پرانیستې په مراسمو کې خپل استازی نه‌دی لېږلی او د دې پروژې بشپړېدل یې په ډیپلوماټیکه کچه هم تائید کړي. نه‌دي

د« ډیپلوماټ» د لیکنې له مخې؛ د چین امنیتي اندېښنې دې احتمال ته نغوته کوي، چې له دې لارې څخه به د ختیځ ترکستان اسلامي غورځنګ غړي د سین‌کیانګ په سیمه کې د فعالیت لپاره کار واخلي. د دې لارې په اړه د بېجینګ احتیاط  هم یو خنډ ګڼل کیږي.

« ډیپلوماټ» لیکلي: تر هغې، چې اسلامي امارت د چین امنیتي اندېښنې لرې نه‌کړي او د منظمې سوداګرۍ لپاره د پولې د پرانیستلو زمینه برابره نه‌شي؛ د واخان دهلیز به له افغانستان سره د چین یوه مهم سوداګریز دهلیز هم نه‌شي.

#آریانانیوز #افغانستان #چین #واخان‌دهلېز #سوداګري #بدخشان