Connect with us

تازه خبرونه

امریکا، د نړیوالې محکمې د یو شمېر غړیو پر ورتګ بندیز ولګاوه

خپور شوی

د

امریکا د جرمونو د څېړنې نړیوالې محکمې پر یو شمېر هغو غړیو بندیزونه لګولي، چې په افغانستان کې د امریکایي ځواکونو د جنګي جرمونو په اړه یې پلټنې کړې دي.

د جرمونو نړیوالې محکمې یا د هاک نړیوالې محکمې په افغانستان کې د طالبانو، افغان ځواکونو او امریکایي ځواکونو د احتمالي جنګي  جرمونو په اړه څېړنې پیل کړې دي.

د هاک نړیوالې محکمې دا کار د امریکا د ولسمشر، د دفاع او بهرنیو چارو وزیرانو او یو شمېر نورو امریکایي ملکي او پوځي چارواکو له تند غبرګون سره مخ شوی دی.

 دوی وایي، دا محکمه د دې کار صلاحیت نلري.

د امریکا ولسمشر ډونالډ ټرمپ د نړیوالې محکمې د دغې کړنې په غبرګون کې پر اړوند کسانو بندیزونه لګولي او د دغې محکمې غړي او د دوی د کورنۍ غړي نشي کولی امریکا ته نور سفر وکړي.

د امریکا د بهرنیو چارو وزیر  مایک پمپیو ویلي:  مونږ دا څېړنې غندو؛ د جرمونو له نړیوالې محکمې سره خپله همکاري ځنډوو او هغو کسانو ته به د امریکا ویزې ورنکړ شي، چې زمونږ د سرتېرو د کړنو په اړه څېړنې کوي. مونږ یې زغملی نشو، چې ځواکونه مو د یوې محکمې لخوا وګواښل شي.

امریکایي چارواکو دغه راز د جرمونو د نړیوالې محکمې مسوولین په سیاسي طرفدارۍ او پراخ مالي فساد تورن کړي او وایي دا محکمه لازم صلاحیت او واک نلري.

د امریکا دفاع وزیر مارک ایسپر وایي: امریکا د روم د تړون له مخې، چې د جرمونو نړیواله محکمه جوړه شوې، غړیتوب نلري او هیڅکله به اجازه ورنکړي، چې دغه ناقانونه بنست د  امریکایي سرتېرو څېړنه وکړي.

دغه محکه د امریکایي چارواکو دا اقدام د محکمې په کارونو کې مداخله بولي او څرګندوي، چې دا هڅې د قانون په حاکمیت او قضایي چارو کې د نه مننې وړ مداخله ده.

 د سپینې ماڼۍ سلاکار او د امریکا د عدلیې وزیر هم د جرمونو د نړیوالې محکمې دا اقدام د امریکا پرضد د یو شمېر هېوادونو سیاسي دسیسه یاده کړې.

د امریکا د عدلیې وزیر په افغانستان کې د امریکایي ځواکونو په اړه څېړنه، چې د ده په وینا د ترهګرۍ پروړاندې جګړه کوي او د سولې د ټینګښت هڅه کوي؛ د اندېښنې وړ بولي.

د جرمونو نړیواله محکمه په ۲۰۰۲ کال کې جوړه شوه. دا لومړنۍ محکمه ده، چې په نړۍ کې جنګي جرمونه، د بشریت پروړاندې جنایتونه او نسل وژنې څېړي.

افغانستان په ۲۰۰۳ کال کې د دغې محکمې غړیتوب ترلاسه کړی دی.

تازه خبرونه

چینايي کارګر د افغانستان پولې ته نږدې د لویې لارې جوړولو کار ته راستانه شول

د راپور له مخې، د ۲۰۲۵ز. کال په وروستیو کې د بنسټیزو ودانیو پر ډلو له خونړیو بریدونو او امنیتي اندېښنو وروسته د دې پروژې چارې درېدلې وې. هغه مهال د چین حکومت هم له خپلو وګړو غوښتي وه، چې سرحدي سیمې پرېږدي.

Published

on

اوراسیانټ رسنۍ راپور ورکړی، چې چینایي کارګر له څو میاشتو ځنډ وروسته د تاجکستان د دوشنبه–کولما لویې لارې د یوې برخې د جوړولو کار بېرته پیل کړی دی.

د راپور له مخې، د ۲۰۲۵ز. کال په وروستیو کې د بنسټیزو ودانیو پر ډلو له خونړیو بریدونو او امنیتي اندېښنو وروسته د دې پروژې چارې درېدلې وې. هغه مهال د چین حکومت هم له خپلو وګړو غوښتي وه، چې سرحدي سیمې پرېږدي.

اوراسیانټ لیکلي، چې تاجکستاني چارواکو بېجینګ ته د امنیتي ډاډ پر ورکولو د دې پروژې د بیا پیل زمینه برابره کړې او اوس د تاجکستان ځانګړي امنیتي ځواکونه د چینايي کارګرو امنیت ساتي.

په راپور کې راغلي؛ ټاکل شوې، چې د چین او تاجکستان امنیتي ځواکونه په سپټمبر کې ګډ پوځي روزنیزې هڅې ترسره کړي.

له دې مخکې دواړو هېوادونو د روان کال په می کې د «دوستۍ تړون» لاسلیک کړی و، چې د چینايي شرکتونو په ګډون یې د ۸ میلیارډ ډالرو پر ارزښت قراردادونو ته لاره هواره کړې ده.

Continue Reading

تازه خبرونه

هیڅ ګاونډ هېواد خپل بل ګاونډی له منځه وړلی نه‌شي؛ جګړه د حل لار نه‌ده – عبدالسلام حنفي

هغه دا څرګندونې په کابل کې د صنعت او کانونو د اوونۍ د پېنځم ملي او نړیوال نندارتون د پرانیستې په مراسمو کې وکړې او څرګندوي، چې په یوویشتمې پېړۍ کې جګړه د ستونزو حل نه‌دی او باید د هېوادونو سرچینې او انرژي د ویجاړولو پر ځای پر پرمختګ او ودې ولګول شي.

Published

on

د ریاست‌الوزراء اداري مرستیال عبدالسلام حنفي وایي، هیڅ ګاونډ هېواد نه‌شي کولی بل ګاونډ هېواد له منځه یوسي او د اختلاف په صورت کې دواړه لوري زیانمن کېږي.

هغه دا څرګندونې په کابل کې د صنعت او کانونو د اوونۍ د پېنځم ملي او نړیوال نندارتون د پرانیستې په مراسمو کې وکړې او څرګندوي، چې په یوویشتمې پېړۍ کې جګړه د ستونزو حل نه‌دی او باید د هېوادونو سرچینې او انرژي د ویجاړولو پر ځای پر پرمختګ او ودې ولګول شي.

عبدالسلام حنفي ویلي:« که مونږ له یو بل سره جګړه وکړو، ټوله انرژي به مو د یو بل پر ویجاړولو ولګیږي؛ ولې باید په دې پېړۍ کې خپله انرژي د ملتونو د پرمختګ لپاره ونه‌کاروو؟»

هغه د نړیوالو جګړو تجربو ته په نغوته کې ویلي: هغه هېوادونه، چې پخوا په جګړو کې ښکېل ول؛ اوس دې پایلې ته رسېدلي، چې جګړه حل نه‌ده او باید د پرمختګ او همکارۍ پر لوري حرکت وشي.

د ریاست‌الوزراء اداري مرستیال ټینګار کړی، چې د اسلامي امارت سیاست له ټولو هېوادونو سره د متقابل احترام او نه‌لاس‌وهنې پر بنسټ سوله‌ییز ژوند دی.

هغه زیاته کړې؛ د همدې سیاست له مخې هیڅ فرد یا ډله اجازه نه‌لري، چې د افغانستان له خاورې د نورو هېوادونو پر ضد استفاده وکړي او په مقابل کې هیڅ هېواد هم د افغانستان په کورنیو چارو کې د لاسوهنې حق نه‌لري.

حنفي همدارنګه ویلي، چې په دې نندارتون کې د کورنیو تولیداتو نندارې ته وړاندې کول د افغانستان د صنعتي ودې ښکارندویي کوي.

هغه زیاته کړې، چې څو لسیزو جګړو افغانستان له هر اړخه زیانمن کړی او اسلامي امارت د جګړې د پایلو د کمولو او د سوداګرۍ د پراختیا لپاره هڅې کوي.

حنفي وایي؛ هڅه کېږي، چې افغانستان له وارداتي هېواد څخه پر صادراتي هغه بدل شي.

هغه د صنعتکارانو د ملاتړ لپاره د شاوخوا ۲۵ ډول آسانتیاوو د برابرولو یادونه کړې، چې په کې د صنعتي ځمکو وېش، د مالیاتي معافیتونو او نورو آسانتیاوو برابرول شامل دي.

هغه له پانګه‌والو غوښتي، چې د هېواد په کانونو او نورو برخو کې پانګونه وکړي او له رامنځته شویو فرصتونو څخه بشپړه ګټه واخلي.

Continue Reading

تازه خبرونه

روسیې له افغانستان او پاکستان څخه د اختلافونو د ډیپلوماټیک حل غوښتنه وکړه

د یاد وزارت په خبرپاڼه کې پر ختیځو سیمو د پاکستان وروستیو هوايي بریدونو ته نغوته شوې او دا پېښه یې «غم‌لړلې» بللې ده.

Published

on

 

د روسیې بهرنیو چارو وزارت له افغانستان او پاکستان وغوښتل، چې د وروستیو ترینګلتیاوو د پای ته رسولو لپاره خپل اختلافونه د خبرو او ډیپلوماټیکو لارو حل کړي.

د یاد وزارت په خبرپاڼه کې پر ختیځو سیمو د پاکستان وروستیو هوايي بریدونو ته نغوته شوې او دا پېښه یې «غم‌لړلې» بللې ده.

مسکو ټینګار کړی، چې اسلام‌‌آباد او کابل باید وسله‌والې نښتې پای ته ورسوي او خپل اختلافونه د سیاست او ډیپلوماسۍ له لارې حل کړي.

دا په داسې حال کې ده، چې پاکستان افغانستان د وسله‌والو ډلو پر پناه ورکولو تورنوي؛ خو اسلامي امارت دا تور ردوي او څرګندوي: په پاکستان کې ناامني د هغه هېواد خپله کورنۍ مسئله ده؛ اسلامي امارت هیچاته اجازه نه‌ورکوي، چې د افغانستان خاوره د نورو هېوادونو پر ضد وکاروي.

Continue Reading
Advertisement

Trending

Copyright © 2025 Ariana News. All rights reserved!


Warning: Undefined array key "slug" in /var/www/vhosts/ariananews.af/httpdocs/wp-includes/class-wp-theme-json.php on line 2117

Warning: Undefined array key "slug" in /var/www/vhosts/ariananews.af/httpdocs/wp-includes/class-wp-theme-json.php on line 2117

Warning: Undefined array key "slug" in /var/www/vhosts/ariananews.af/httpdocs/wp-includes/class-wp-theme-json.php on line 2117