تازه خبرونه
امریکا او لویدیځ دې پر اسلامي امارت بندیزونه لرې کړي – چین
په ملګرو ملتونو کې د چین دایمي استازي جانګ جون ویلي، امریکا او لویدیځ باید ژر تر ژره د افغانستان پر اسلامي امارت بندیزونه لرې او د تعامل لار خپله کړي.
هغه د افغانستان په اړه د سیمې د ګاونډیانو او د سیمې د هېوادونو ګڼو ناستو او همدارنګه په قطر کې د ملګرو ملتونو غونډې ته په نغوته کې زیاته کړې: په ټولیزه توګه نړیواله ټولنه پر سولهییز، باثباته او هوسا افغانستان همغږې ده او هیله ده، چې د خبرو اترو له لارې په افغانستان کې سوله رامنځته شي او دوه اړخیز تعامل د افغانستان له چارسمبالي حکومت سره د ستونزو په حل کې مرسته وکړي.
نوموړي په افغانستان کې له بشري ناورین سره د مبارزې لپاره د ملګرو ملتونو له لوري غوښتل شوې بودجې ته په نغوته کې ویلي، چې تر اوسه د ۳ اعشاریه ۲ میلیارد دالرو بودجې یوازې ۹ سلنه ورکړ شوې ده.
جانګ جون څرګنده کړې: د خبرو اترو او تعامل د ودې لپاره د امنیت شورا د بندیزونو کمیتې ته اړتیا ده، چې د افغانستان د چارسمبالي حکومت د چارواکو د نړیوالو سفرونو لپاره د معافیت د ترتیباتو یوه بسته رامنځته کړي. د ملګرو ملتونو د امنیت شورا لخوا د اسلامي امارت پر اړوند چارواکو لګول شوي بندیزونه باید د وضعیت له پرمختګ سره سم پخپل وخت تعدیل یا لغوه شي.
دغه راز جانګ ټینګار کړی، چې په اوږد مهال کې باید نړیواله ټولنه له بشردوستانه مرستو ورهاخوا ګام واخلي او له افغانستان سره مرسته وکړي، چې په سیمهییزو اقتصادي او سوداګریزو همکاریو کې مدغم شي او د اقتصادي خپلواکۍ او تلپاتې پراختیا پر لوري حرکت وکړي.
په ملګرو ملتونو کې د چين دايمي استازي له افغانستان سره د پرمختللیو هېوادونو د بشري مرستو اندازه د منلو وړ ونهبلله او ټينګار يې وکړ، چې هېوادونه بايد بشري مرستې له نورو مسايلو سره ونهتړي.
نوموړي د امريکا له لوري د افغانستان د غصب شويو شتمنيو د ژر تر ژره خلاصون غوښتنه هم وکړه او څرګندوي، چې واشنګتن بايد پر بېلابېلو دلايلو دغه کار ونهځنډوي او د افغانانو کړاوونه ورسره ډېر نهکړي.
تازه خبرونه
چین په افغانستان کې له سیلاب ځپلیو سره سل زره ډالر مرسته کوي
په کابل کې د چین سفیر په افغانستان کې د وروستیو سېلابونو له قربانیانو سره د دغه هېواد د سره صلیب له لارې د سل زره ډالرو مرستې اعلان وکړ.
ژاو شينګ د دوشنبې پر ورځ (د غویي لسمه) د ریاست الوزراء له اداري مرستيال عبدالسلام حنفي سره په کتنه کې ويلي، چې دغه مرستې به ډېر ژر اړوند چارواکو ته وسپارل شي.
د ریاست الوزراء د اداري مرستیالۍ د خبرپاڼې له مخې؛ د چين سفير ويلي، چې د دواړو هېوادونو د اړيکو د پياوړتيا لپاره چين په بېلابېلو برخو کې افغان زدهکړیالانو ته د تحصيلي بورسونو زمينه برابره کړې ده. همدارنګه د افغانانو د ظرفیت لوړولو لپاره د طب په ګډون په بېلابېلو څانګو کې لنډ مهاله روزنیز کورسونه تنظیموي.
نوموړي په بېلابېلو برخو کې د پانګونې لپاره د چينايي سوداګرو او شرکتونو لیوالتيا هم ياده کړې او څرګندوي؛ د دواړو هېوادونو اقتصادي او سوداګريزې اړيکې په ښه حالت کې دي او چينايي سوداګر او پانګوال لیواله دي، چې په افغانستان کې پانګونه وکړي.
تازه خبرونه
روسیې پر اوکراین د شمالي کوریا توغندي توغولي
د ملګرو ملتونو د بندیزونو څارونکیو د امنیت شورا یوې کمیټې ته په یوه راپور کې څرګنده کړې؛ د اوکراین پر خارکوف لګیدلی توغندی ښیي، چې په شمالي کوریا کې جوړ شوی دی.
د رویټرز د څرګندونو له مخې: د ملګرو ملتونو د بندیزونو د څارنې ډلې په هغه راپور کې، چې پرون (دوشنبه د غوایی لسمه) یې امنیت شورا ته وړاندې کړ؛ په ډاګه کوي، چې د اوکراین په خارکوف ښار کې د جنورۍ پر دوهیمه د توغندیز برید پاتې شوني د شمالی کوریا Hwasong-11 بالیستیک توغندي دي.
مسکو او پیونګ یانګ دواړو دا تورونه رد کړي؛ خو تېر کال یې ژمنه کړې وه، چې پوځي اړیکي به پراخوي.
د ۲۰۲۴ ز. کال د جنورۍ پر دوهیمه له برید څو ورځې وروسته د خارکوف سیمې څارنوالۍ د توغندیو ټوټې رسنیو ته وښودلې او څـرګنده شوه، چې دا د روسیې له ماډلونو څخه توپیر لري او ممکن دا توغندی د شمالي کوریا لخوا چمتو شوی وي.
شمالي کوریا له ۲۰۰۶ ز.کال راپدیخوا د بالیستیک توغندیو او اټومي پروګرامونو د پراختیا له کبله د ملګرو ملتونو تر بندیزونو لاندې ده او له هغه وخت راپدیخوا دغه بندیزونه نور هم سخت شوي دي.
د ملګرو ملتونو د بندیزونو درې څارونکیو د روانې میاشتې په پیل کې اوکراین ته د توغندي د پاتې شونو د کتنې لپاره سفر وکړ؛ خو داسې شواهد یې ونهموندل، چې دا توغندی دې د روسیې لخوا جوړ شوی وي.
د راپور له مخې؛ دوی په خپلواکه توګه نشي کولی دا معلومه کړي، چې راکټونه له کوم ځای څخه او د چا لخوا توغول شوي.
دغو څارونکیو ویلي، چې د اوکرایني چارواکو لهخوا د دغه توغندي د توغولو په اړه ورکړ شوي معلومات ښيي، چې دا د روسیې له خاورې توغول شوی دی.
د دوی د څرګندونو له مخې؛ که دا تږغندی د روسي ځواکونو په واک کې و، نو ښایي دا په ډاګه کړي، چې روسیې ترلاسه کړی او دا د شمالي کوریا پر وړاندې د ۲۰۰۶ کال د وسلو له بندیز څخه ښکاره سرغړونه ده.
د سپینې ماڼۍ د ملي امنیت شورا ویاند تېر کال ویلي وه، چې شمالي کوریا په دې وروستیو کې مسکو ته د اوکراین پر ضد د روسیې په جګړه کې د کارولو لپاره بالیستیک توغندي او لانچرونه ورکړي، چې ځینې یې روسیې پر اوکراین توغولي دي.
د امریکا حکومت په دې باور دی، چې تېر کال د روسیې او شمالي کوریا د مشرانو له غونډې وروسته روسیې ته د شمالي کوریا لهخوا د بالیستیک توغندیو او توپونو د لېږلو لړۍ پیل شوې ده.
تازه خبرونه
د افغانستان د کانونو د اوومه توکو پروسس باید په هېواد کې دننه ترسره شي – شهاب الدین دلاور
د کانونو او پټرولیم وزارت چارسمبالي شهاب الدین دلاور د یوې چینايي کمپنۍ له مسوولینو سره په لیدنه کې ویلي، چې له هېواده بهر د کانونو د اوومه توکو پروسس او صادرولو ته اجازه ناشونې ده.
دلاور دا خبره د چین له دولتي شرکت ایم سي سي هولودا سره د لیدنې پر مهال کړې. دا په داسې حال کې ده، چې د میس عینک د استخراج قراردادي شرکت هم حضور درلود.
د کانونو او پټرولیم وزارت په خبرپاڼه کې راغلي، چې MCC هولودا په چین کې د مسو، سربو او جستو د استخراج او پروسس یو له سترو شرکتونو څخه دی.
په خبرپاڼه کې راغلي، چې دغه شرکت په افغانستان کې د مسو، سربو او جستو په کانونو کې پانګونې ته لیوالتیا ښودلې ده.
دلاور د دوى له لیوالتيا هرکلى کړی او څرګندوي؛ په باميانو، کندهار او غور ولايتونو کې د سربو او جیت کانونه شته او که دغه شرکت په افغانستان کې د کانونو د پروسس په برخه کې هوکړه وکړي، وزارت ورته د همکاري ډاډ وړاندې کوي.
دلاور د مس عینک د مسو د پروژې په اړه هم خبرې وکړې او د کار د چټکتیا غوښتنه یې وکړه.
-
تازه خبرونه2 days ago
د بغلان ولایت د غوري سمنټو تولید زیات شوی
-
لوبی5 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
تازه خبرونه2 days ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه2 days ago
په عراق کې به همجنسبازان پر۱۵ کاله بند شي –پارلمان
-
لوبی2 days ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل
-
سیمه ییز خبرونه1 day ago
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
-
تازه خبرونه2 days ago
له پاکستان څخه دې د افغان کډوالو د جبري ایستلو چټکتیا راکمه شي
-
تازه خبرونه20 hours ago
تېر کال د ۳۵ میلیون ډالرو پر ارزښت پراختیايي او بشري پروژې ترسره شوي