Connect with us

تازه خبرونه

پر اسلامي امارت د بندیزونو دوام ظالمانه او ناحقه دی – بلال کریمي

خپور شوی

د

د افغانستان اسلامي امارت د ویاند مرستیال بلال کریمي د نړیوالې ټولنې له لوري د اسلامي امارت د لوړ پوړیو چارواکو پر سفرونو د بندیزونو دوام ظالمانه او ناحقه بولي.

کریمي پر چارسمبالي حکومت د نړیوالې ټولنې بندیزونه ناعادلانه وبلل او ټینګار یې وکړ، چې د فشارونو او بندیزونو دوام به د افغانستان او نړۍ ترمنځ واټن نور هم زیات کړي.

هغه څرګنده کړې؛ که نړۍ غواړي، چې له اسلامي امارت سره تعامل وکړي باید ټول بندیزونه پای ته ورسوي.

بلال کریمي وایي: دا [د بندیزونو دوام] یوه داسې مسله ده، چې واټنونه پیدا کوي او دا روښانه ده، چې که دا واټن روان وساتل شي؛ دا بیا د هیڅ لوري پر ګټه نه‌دی.

هغه ټینګار کړی، چې مونږ کولی شو ستونزې حل کړو. کله، چې مونږ اړیکه، دیالوګ او د نظرونو تبادله ولرو.

د اسلامي امارت لوړ پوړیو چارواکو لپاره د سفر معافیت له پای ته رسیدو وروسته د ملګرو ملتونو امنیت شورا په دې اړه څو غونډې ترسره کړې؛ خو غړي یې په دې اړه یوې هوکړې ته نه‌دي رسېدلي او تر دې دمه د سفر محدودیتونه پر ځای پاتې دي.

د ۲۰۲۱ ز. کال د اګست پر ۱۵ اسلامي امارت په کابل کې بیا واک تر لاسه کړ او تر دې دمه نړیوالې ټولنې د یوه ټولګډونه حکومت جوړول، د بشري حقونو خوندي کول او له افغانستان څخه د تروریستي ګواښونو له منځه وړل؛ د اسلامي امارت د پر رسمیت پیژندلو او د بندیزونو د پای ته رسولو لپاره د اساسي شرطونو په توګه اعلان کړي دي.

تازه خبرونه

بایدن له افغانستان څخه د امریکايي ځواکونو د ایستلو له پرېکړې دفاع وکړه

بایدن د خپلو خاطراتو په نوي کتاب کې لیکلي، چې د امریکا د هغه وخت دفاع وزیر لویډ آسټین او د ګډو ځواکونو لوی درستیز جنرال مارک میلي له افغانستان څخه د امریکايي ځواکونو د وتلو د پایلو په اړه اندېښنه څرګنده کړې وه.

Published

on

 

د امریکا پخواني ولسمشر جو بایدن له افغانستان څخه د امریکايي ځواکونو د ایستلو په اړه له خپلې پرېکړې دفاع کړې او دا پرېکړه سمه بولي او وایي؛ که ورته شرایط بیا رامنځته شي، یو ځل بیا به همدا پرېکړه وکړي.

بایدن د خپلو خاطراتو په نوي کتاب کې لیکلي، چې د امریکا د هغه وخت دفاع وزیر لویډ آسټین او د ګډو ځواکونو لوی درستیز جنرال مارک میلي له افغانستان څخه د امریکايي ځواکونو د وتلو د پایلو په اړه اندېښنه څرګنده کړې وه.

نوموړي زیاته کړې، چې ډاډ ورکړ شوی و؛ د امریکايي ځواکونو له وتلو وروسته به د افغانستان حکومت لږ تر لږه شپږ میاشتې خپل دوام وساتي؛ خو دغه حکومت یوازې په څو ورځو کې ړنګ شو.

د یادونې ده، چې د امریکا متحده ایالتونو او اسلامي امارت د ډونالډ ټرمپ د ولسمشرۍ د لومړۍ دورې پر مهال د ۲۰۲۰ز. کال په فبرورۍ کې له افغانستان څخه د امریکايي ځواکونو د وتلو په اړه هوکړه‌لیک لاسلیک کړی و.

Continue Reading

تازه خبرونه

اروپايي هېوادونو روانډا ته د کډوالو پر لېږدولو هوکړه وکړه

تمه ده دغه هوکړه په ویانا کې اعلان شي.

Published

on

 

ټاکل شوې، چې د دوشنبې پر ورځ پنځه اروپايي هېوادونه( جرمني، اتریش، یونان، ډنمارک او هالنډ ) رونډا ته د هغو کډوالو د لېږدولو طرحه اعلان کړي، چې د پناه غوښتنې غوښتنلیکونه یې رد شوي دي. د دې طرحې له مخې، دغه کسان به په روانډا کې د کډوالو د بېرته ایستلو یوه مرکز ته ولېږدول شي.

تمه ده دغه هوکړه په ویانا کې اعلان شي.

دا هڅه د اروپايي ټولنې د هغو نویو مقرراتو له تصویب وروسته کېږي، چې د کډوالو د بېرته ایستلو بهیر چټکوي.

د دغو مقرراتو له مخې، د اروپايي ټولنې غړي هېوادونه کولی شي له ټولنې بهر د کډوالو د بېرته ستنولو مرکزونه جوړ کړي.

د دې طرحې ملاتړ کوونکي حکومتونو ویلي، چې بنسټیزه موخه یې د ناقانونه کډوالۍ مخنیوی او د کډوالو د تګ مخه نیول دي؛ خو د بشري حقونو بنسټونو د کډوالو د حقونو له احتمالي سرغړونې او حساب‌ورکولو لپاره د روښانه میکانیزم د نشتوالي په اړه اندېښنه ښودلې ده.

روانډا سره له دې، چې د بشري حقونو د وضعیت او سیاسي آزادیو د محدودیتونو له کبله له نیوکو سره مخ ده؛ ځان یې د هغو کډوالو د منلو لپاره وړاندې کړی، چې لویدیځ هېوادونه یې د بېرته ایستلو هوډ لري.

دا طرحه یوازې هغه کډوال رانغاړي، چې په اروپايي ټولنه کې د پاتې کېدا لپاره یې ټولې قانوني لارې کارولي، خو غوښتنلیکونه یې رد شوي وي.

Continue Reading

تازه خبرونه

ترکیې یونان ته د اوښتو په هڅه کې ۳۵ افغان کډوال ونیول

پولیسو د عملیاتو پر مهال د ژغورنې ۱۲ واسکټونه، د ژغورنې ټوبونه او درې پمپونه هم ضبط کړي دي.

Published

on

د ترکیې پولیسو هغه  ۳۵ افغان کډوال نیولي، چې غوښتل یې د دې هېواد له شمال لویدیځ بالیکسیر ولایت څخه د سمندر له لارې یونان ته واوړي. دغه راز د کډوالو د قاچاق پر تور څلور شکمن کسان هم نیول شوي دي.

پولیسو د عملیاتو پر مهال د ژغورنې ۱۲ واسکټونه، د ژغورنې ټوبونه او درې پمپونه هم ضبط کړي دي.

د پولیسو له کړنلارو وروسته؛ له څلورو شکمنو کسانو څخه درې د محکمې پر حکم زندان ته لېږدول شوي، خو څلورم کس د قضايي څارنې لاندې خوشې شوی دی.

۳۵ افغان کډوال هم د ناقانونه کډوالو مرکز ته لېږدول شوي دي.

Continue Reading
Advertisement

Trending

Copyright © 2026 Ariana News. All rights reserved!