Connect with us

تازه خبرونه

امریکا په افغانستان له سولې وروسته پر پروګرامونو کار کوی

خپور شوی

د

Last Updated on: چنګاښ ۳, ۱۳۹۹

بهرنیو دیپلوماتانو آریانا نیوز ته ویلي، چې امریکا له طالبانو سره د سولې له احتمالي هوکړې وروسته هم خپلې مرستې روانې ساتي او پر داسې پلان کار کوي، چې ورسره پرمختیايي، بېخبنایي، اقتصادي او د کارموندنې چارې روانې وساتل شي.

داسې ښکاري، چې نړیوال په افغانستان کې د سولې له ټینګښت وروسته له دغه هېواد سره د خپلو مرستو د دوام پر پلان کار پیل کړی دی.

یو شمېر بهرنیو ديپلوماتانو آریانا نیوز ته ویلي، چې امریکا له طالبانو سره د سولې له هوکړې وروسته د خپلو همکاریو پلان جوړوي. کارموندنه، په ټولنه کې د طالبانو ادغام، او پرمختیايي چارې د امریکا د نوي پلان پراخې برخې ګڼل شوې دي.

 په ناروې کې د افغانستان پخوانۍ سفیره شکریه بارکزۍ وایي؛ نه یوازې وسلوالو طالبانو ته د هېواد په ملي ځواکونو کې د کارکولو، بلکې په ملي او نړيوالو اقتصادي پروژو کې د پانګونې له لارې ورته د کارزمنینه برابرول او غواړي وویني، چې طالبان د بیارغونې یوه برخه ده.   

د افغانستان د روان کال د ملي بودجې یو سل و څوارلس میلیارد افغانۍ پرمختیايي چارو ته بېلې شوې دي، چې ډېره برخه یې د نړیوالو مرستې دي. په ځانګړي توګه امریکا اته اعشاریه څوارلس میلیارد افغانۍ مرسته کړې ده.

له بلې خوا افغان دولت د نوامبر په میاشت کې د ژنیو نړیوالې غوندې ته چمتووالی نیسي او تمه لري، چې د ژینو په غونډه کې به افغانستان ته د نړیوالو مالي ملاتړ تر لاسه کړي.

د مالیې وزارت ویاند شمروز خان مسجدي ويلي؛ په نوامبر میاشت کې د ژنیو د نړیوالې غونډې په اړه کار روان دي، چې وکولی شي افغانستان ته د نړیوالو مالي ملاتړ تر لاسه کړي.

د سولې په برخه کې د دولت وزارت ویانده ناجیه انوري ويلي؛ دوی وار له مخه څېړنې پیل کړي، چې له طالبانو سره سولې ته له رسیدو وروسته او مخکې هېواد څه ته اړتیا لري.

اټکل داسې دی، چې له سولې وروسته به د بیکاري د له منځه وړلو او په هغو سیمو کې، چې د طالبانو تر واکمنۍ لاندې پاتې شوي او کلونه له پرمختګ وروسته پاتې دي، د بیا رغونې چارې پیل شي.

د افغانستان د کانونو او صنایعو د عالي شورا رييس شبیر بشیري وایي: د افغانستان ستره ستونزه داده، چې اقتصادي خپلواکي نلري؛ ځکه، نو اړتیا داده، چې د اقتصادي خپلواکۍ پر لوري ډاډمن ګامونه پورته شي.  

د افغانستان په بیا رغونه د امریکا د څار ادارې د مفتش استازي او یو شمېر اقتصادي کارپوهانو له جنګ وروسته افغانستان د اقتصاد په اړه اندېښمن شوي او له امریکا او مرستندویانو یې غوښتي، چې له سولې وروسته د افغانستان د مالي او پوځي ملاتړ لپاره منظم پلانونه جوړکړي.

د طالبانو او امریکا په هوکړه لیک کې هم راغلي، چې امریکا به له نوي دولت سره په اقتصادي برخه کې همکاري کوي؛ خو په کورنیو چارو کې به یې لاسوهنې نه وهي.

د طالبانو او امریکا د سولې له هوکړې وروسته اوس هیلې داسې دي، چې ښايي د افغانانو له خپلمنځي خبرو وروسته د افغانستان دوه لسیزې جګړه پای ومومي؛ خو په امریکا کې انګیرنې ښیي، چې له جګړې وروسته افغانستان له سختو اقتصادي ستونزو سره مخ شي.

دوی ويلي، چې نړیوال او په ځانګړي توګه امریکا باید په افغانستان کې د غښتلي پوځ او نظام تر جوړیدو پورې له افغانستان سره خپلې همکارۍ روانې وساتي.

 د امریکا د پوځي پوهنتون د اقتصاد استاد واکر ویلي؛ افغانستان ته ورته هېوادونه، چې څو لسیزې په جګړه کې ول، له سولې او ټيکاو وروسته هم مالي او اقتصادي همکاریو ته اړتیا لري.

د افغانستان په بیا رغونه کې د امریکا د څار ادارې مسوولینو هم ويلي، چې له افغانستان سره له سولې وروسته مالي ملاتړ باید دوام ومومي او باید د مرستو ډېر تمرکز پر پوځي برخو وي.

له دې ټولو سره- سره افغانان اوس د خپلمنځي خبرو پیلیدو ته سترګي پر لار دي، چې ښايي په کې به روانه جګړه پای ومومي.

تازه خبرونه

سویډن د افغانستان د پخواني سفیر د پناه غوښتنه رد کړه؛ امریکا ته یې د لېږلو هڅه کوي

۷۷ کلن نویان د ۲۰۱۹ز.کال له نومبر څخه په سویډن کې د افغانستان د سفارت دنده لرله او د ۲۰۲۴ز.کال په وروستیو کې له هغې وروسته، چې اسلامي امارت د جولای پر یودېرشمه په اروپا کې د افغانستان د ۱۴ ډیپلوماټیکو استازولیو له‌خوا صادر شوي رسمي اسنادو د نه‌پېژنې اعلان وکړ؛ نوموړي خپله ډیپلوماټیکه دنده له لاسه ورکړه.

Published

on

 

د فرانسې« لومونډ» ورځپاڼې راپور ورکړی، چې سویډن په دې هېواد کې د افغانستان د پخواني سفیر عباس نویان د پناه غوښتنه رد کړې او غواړي هغه امریکا ته ولېږدوي.

۷۷ کلن نویان د ۲۰۱۹ز.کال له نومبر څخه په سویډن کې د افغانستان د سفارت دنده لرله او د ۲۰۲۴ز.کال په وروستیو کې له هغې وروسته، چې اسلامي امارت د جولای پر یودېرشمه په اروپا کې د افغانستان د ۱۴ ډیپلوماټیکو استازولیو له‌خوا صادر شوي رسمي اسنادو د نه‌پېژنې اعلان وکړ؛ نوموړي خپله ډیپلوماټیکه دنده له لاسه ورکړه.

د« لومونډ» د راپور له مخې، نویان اوس له معتبر اقامتي اسنادو پرته له خپلې مېرمنې سره د سویډن په جنوبي ښار هلسینګبورګ کې ژوند کوي او د ایستلو له ګواښ سره مخ دی.

نویان په سویډن کې د افغانستان د سفیر له ټاکل کېدا مخکې له ۲۰۰۵ز.کال څخه تر ۲۰۱۰ ز.کال پورې په کابل کې د افغانستان د پارلمان د غړي دنده ترسره کړې وه.

نوموړی له پارلماني دندې مخکې په امریکا کې هم اوسېدلی دی.

#آریانا‌نیوز #افغانستان #سویډن #عباس‌نویان #پناه‌غوښتنه #امریکا

Continue Reading

تازه خبرونه

افغانان په ملګرو ملتونو کې د غړیتوب اتیایمه کلیزه نمانځي؛ له پیله تر دې دمه د استازولۍ پر څوکۍ روان اختلاف

افغانستان په ۱۹۴۶ز.کال کې د ملګرو ملتونو د غړي هېواد په توګه ومنل شو. هغه مهال په امریکا کې د افغانستان استازي عبدالحسین عزیز په ملګرو ملتونو کې د دغه هېواد د غړیتوب سند لاسلیک کړ. همدارنګه محمدکبیر لودین د ملګرو ملتونو په ټولنه کې د افغانستان لومړني استازی ومنل شو، چې د غړیتوب په لومړیو کلونو کې یې دې ټولنې ته خپل اعتبارلیک وړاندې کړ.

Published

on

 

افغانان نن( پنجشنبه د لړم اته‌ویشتمه / د نومبر نولسمه) په ملګرو ملتونو کې د خپل رسمي غړیتوب اتیایمه کلیزه نمانځي. افغانستان په ۱۹۴۶ز. کال کې د ملګرو ملتونو غړی شوی دی.

افغانستان په ۱۹۴۶ز.کال کې د ملګرو ملتونو د غړي هېواد په توګه ومنل شو. هغه مهال په امریکا کې د افغانستان استازي عبدالحسین عزیز په ملګرو ملتونو کې د دغه هېواد د غړیتوب سند لاسلیک کړ. همدارنګه محمدکبیر لودین د ملګرو ملتونو په ټولنه کې د افغانستان لومړني استازی ومنل شو، چې د غړیتوب په لومړیو کلونو کې یې دې ټولنې ته خپل اعتبارلیک وړاندې کړ.

په تېرو اتیا کلونو کې افغانستان له پراخو سیاسي بدلونونو سره-سره خپل غړیتوب ساتلی؛ خو په ملګرو ملتونو کې د افغانستان د استازولۍ د څوکۍ پر سر اوس هم اختلاف روان پاتې دی.

په دې اته لسیزو کې افغانستان له پراخو سیاسي بدلونونو سره ـ سره په ملګرو ملتونو کې له شاهي نظام له پای ته رسېدا او د شوروي اتحاد له یرغل څخه نیولې تر کورنیو جګړو، د اسلامي امارت د دوه پېره واکمنۍ او د ۲۰۲۱ز.کال د اګست پر مهال د جمهوري نظام تر سقوط پورې خپل غړیتوب ساتلی دی.

په دې موده کې افغان ډیپلوماټانو د سولې، امنیت، پراختیا او بشري حقونو په اړه په نړیوالو ناستو او خبرو کې ونډه اخیستې ده. په دې لړ کې عبدالرحمن پژواک له ۱۹۵۸ز.کال څخه تر ۱۹۷۹ز.کال پورې په ملګرو ملتونو کې د افغانستان دایمي استازی و او په ۱۹۶۶ز. کال کې د دې ټولنې د عمومي غونډې د یوویشتمې غونډې د مشر په توګه وټاکل شو. همدارنګه عادله راز په ۲۰۱۹ز.کال کې د افغانستان لومړنۍ ښځینه دایمي استازې شوه. ثریا دلیل هم له ۲۰۱۵ څخه تر ۲۰۱۹ز. کال پورې په ژنیو کې د افغانستان دایمي استازې وه.

د ۲۰۲۱ز.کال د اګست له سیاسي بدلونونو وروسته په ملګرو ملتونو کې د افغانستان د استازولۍ موضوع نوي پړاو ته دننه شوه؛ غلام‌محمد اسحاق‌زي، چې هغه مهال د افغانستان دایمي استازی و د جمهوري نظام له سقوط وروسته په لومړیو میاشتو کې پر خپله دنده پاتې و او وروسته نصیراحمد فایق د ۲۰۲۱ز.کال په ډسمبر کې د افغانستان د استازولۍ چارسمبالي شو. په ژنیو کې هم نصیراحمد اندیشه د افغانستان پر استازیتوب خپلې هڅې روانې ساتلې دي.

اسلامي امارت په ملګرو ملتونو کې د افغانستان څوکۍ خپل استازي ته د سپارلو غوښتنه وکړه؛ خو د ملګرو ملتونو د عمومي غونډې د اعتبارلیکونو کمیټې تر اوسه د سیالو اعتبارلیکونو په اړه وروستۍ پرېکړه نه‌ده کړې او د تېر حکومت له‌خوا معرفي شوي استازي اوس هم د افغانستان د استازولۍ په څوکۍ کې پاتې دي.

دغه راز په ملګرو ملتونو کې د افغانستان د رایې حق له ۲۰۲۴ز.کال راپدېخوا د کلني غړیتوب د فیس د نه‌ورکړې له کبله ځنډول شوی دی. د افغانستان اوسنۍ استازولۍ د اسلامي امارت مالي سرچینو ته لاسرسی نه‌لري او د دغه هېواد د غړیتوب د پاتې پورونو ورکړه هم نه‌ده حل شوې.

ملګري ملتونه او د هغوی اړوند بنسټونه هم د افغانستان په بېلابېلو برخو کې فعالیت کوي.

دغه بنسټونه د بشري مرستو، روغتیا، زده‌کړو، پراختیا، بشري حقونو او د نړیوالو مرستو د همغږۍ په برخو کې کار کوي. په افغانستان کې د ملګرو ملتونو د مرستندویه پلاوي( یوناما) ماموریت په ۲۰۰۲ز.کال کې رامنځته شو او اوس هم د سیاسي تعامل، د بشري حقونو د وضعیت د څارنې او له نړیوالو شریکانو سره د همغږۍ په برخو کې فعالیت کوي.

په ملګرو ملتونو کې د افغانستان د غړیتوب له ۸۰ کلونو تېرېدا سره – سره اوس هم افغانستان د دې ټولنې غړی دی؛ خو د اوسني حکومت د استازولۍ او په عمومي غونډه کې د افغانستان د رایې حق موضوعات له هغو ناحل شویو ننګونو څخه دي، چې د افغانستان او دې نړیوال بنسټ ترمنځ په اړیکو کې پاتې دي.

#آریانا‌نیوز #افغانستان #ملګري‌ملتونه #غړیتوب #یوناما #اسلامي‌امارت #استازولي #بشري‌حقونه

Continue Reading

تازه خبرونه

اسلامي امارت په افغانستان کې د داعش خراسان د پیاوړتیا په اړه د ملګرو ملتونو اندېښنه رد کړه

مجاهد ویلي، چې افغانستان پیاوړي ځواکونه لري او اجازه نه‌ورکوي، چې بهرنۍ ډلې په هېواد کې پیاوړې شي او یا د افغانستان او نورو هېوادونو امنیت له ګواښ سره مخ کړي.

Published

on

 

د اسلامي امارت ویاند ذبیح‌الله مجاهد په افغانستان کې د داعش خراسان د وړتیاوو د زیاتېدا په اړه د ملګرو ملتونو د چارواکو اندېښنه رد کړې او دغه اندېښنې یې پر ناسمو معلوماتو ولاړې بللې دي.

مجاهد ویلي، چې افغانستان پیاوړي ځواکونه لري او اجازه نه‌ورکوي، چې بهرنۍ ډلې په هېواد کې پیاوړې شي او یا د افغانستان او نورو هېوادونو امنیت له ګواښ سره مخ کړي.

د اسلامي امارت دغه غبرګون له هغې وروسته څرګند شوی، چې د ترهګرۍ پر وړاندې د مبارزې په چارو کې د ملګرو ملتونو د سرمنشي مرستیال الکساندر زویوف د داعش خراسان د وړتیاوو د زیاتېدا او پرمختللو تجهیزاتو ته، چې بې‌پیلوټه الوتکې هم په کې دي؛ د داعش د لاسرسي په اړه اندېښنه څرګنده کړې وه.

Continue Reading
Advertisement

Trending

Copyright © 2026 Ariana News. All rights reserved!