تازه خبرونه
بريټانيا له یو اعشاریه ۸ میلیون افغانانو سره د ۱۰۰ ميليون ډالرو ملاتړ څرګند کړ
د بریټانیا د بهرنیو چارو وزیرې لیز ټراوس له ۱.۸ میلیون افغانانو سره د مرستې لپاره د ۱۰۰ میلیون ډالرو بېړنیو مرستو ژمنه وکړه.
د یکشنبې پر ورځ د بریټانیا د بهرنیو چارو د ګډو ګټو او پراختیا دفتر لخوا په یوه خپره شوې خبرپاڼه کې راغلي؛ ټراوس د شنبې پر ورځ د لیورپول په جي -۷ غونډه کې د افغانستان د مخ پر ډېرېدونکي بشري ناورین په اړه د یاد بنسټ وزیرانو ته دا هڅه په ډاګه کړه.
انګلستان به د افغانستان له یو اعشاریه اته میلیون څخه زیاتو خلکو ته خواړه، روغتیایي خدمونه، سرپناه او اوبه چمتو کړي.
د سرچینې د څرګندونو له مخې: دا حیاتي مرستې به د ملګرو ملتونو او نورو باوري ونډوالو له لارې ولېږدول شي او د خراب شوي بشري وضعیت په مخنیوي کې به مرسته وکړي.
ټراوس همداراز په افغانستان کې د کډوالۍ، سیمه ییزې بې ثباتۍ او بشري ناورینونو د خطرونو د مخنیوي لپاره د نورو ډېرو نړیوالو همکاریو غوښتنه هم وکړه.
بریتانیا په سږني ژمي کې له افغانستان سره حیاتي بشري مرستې کوي. هغه فنډونه چې نن اعلان شوي ژوند به خوندي کړي، د ښځو او نجونو ساتنه وکړي او په سیمه کې د ثبات سره مرسته وکړي. موږ هوډ لرو چې د افغانستان د خلکو لپاره هر څه وکړو.
انګلسټان ژمن دی، چې ۲۸۶ میلیون پونډو (۳۸۰ میلیون ډالرو) یوه ژمنه شوې برخه ده؛ سږ کال افغانستان ته ورکړي. دغه راز به د جنسیت پر بنسټ د تاوتریخوالي د قربانیانو لپاره د ملاتړ چمتو کولو او د ماشومانو د خوندیتوب اړینو خدمتونو د تمویل لپاره هم وکارول شي.
هغې ويلي: مرستندويه ادارې به هغو کسانو ته لومړيتوب ورکړي، چې د کورنیو مشران یې ښځې او معلولین وي.
دغه راز د ډبلیو اف پي یا د خواړو نړیوال پروګرام اجرائیوي مشر ډیویډ بیزلي ویلي: هغه څه، چې مونږ په ځمکه کې وینو غونی ځیږوونکي دي؛ ۲۳ میلیون خلک په هغه هېواد کې له سختې لوږې سره مخ دي، چې د وچکالۍ، جګړو، کرونا او اقتصادي ناورین له کبله له لوږې سره مخ دي.
نوموړي زیاته کړې؛ پر ښځې او ماشومان دغه کړاوونو تپل شوي او رنځ ترې وړي، چې د سخت ژمي له راتلو سره ورځ تر بلې د خوارځواکۍ او لوږې سره مخ کیږي.
د خواړو نړیوال پروګرام د بریټانیا د خلکو او حکومت له دې مرستې هرکلی کوي، چې له مونږ سره د ډېرو خلکو په ژوند ژغورنه کې مرسته کوي.
د افغانستان په اړه د شنبې پر ورځ د جي ۷ هېوادونو د بهرنیو چارو وزیرانو په ناسته کې د دې هېواد د مخ پر ډېرېدونکي اقتصادي ناورین په اړه پر نړیوال غبرګون خبرې وکړې. د بهرنیو چارو وزیرانو د افغانستان له اسلامي امارت سره د اړیکو پر څرنګوالي هم خبرې کړې دي.
تازه خبرونه
افغان او ایراني حکومتي مشرانو د سیاسي، اقتصادي، سوداګریزو او ټرانزیټي اړیکو پر پياوړتیا خبرې وکړې
د ریاستلوزراء اقتصادي مرستیال ملا عبدالغني برادر او د حکومت یو شمېر وزیرانو د ایران د ولسمشر له ځانګړي استازي او په کابل کې د ایران له سفیر حسن کاظمي قُمي سره وکتل.
د ریاست الوزراء د مرستیالۍ دفتر ویلي؛ د لیدنې پر مهال د سیاسي، اقتصادي، سوداګریزو او ټرانزیټي اړیکو پر پياوړتیا او په بېلابېلو برخو کې پر دوه اړخیزو همکاریو خبرې وشوې.
د ریاست الوزراء اقتصادي مرستیال د افغانستان او ایران اړیکې ښې او مثبتې وبللې او څرګندوي، چې د اړیکو د پراختیا او پياوړتیا لپاره ګډ کار ته اړتیا ده.
ملا برادر وایي: سږ کال د اورښتونه د ډېروالي له کبله نیمروز ولایت او د ایران سیستان ته د هلمند سیند اوبه ورسېدې، چې دا به د دواړو هېوادونو د ولسونو ډېری ستونزې حل کړي.
دغه راز ملا عبدالغني برادر اخوند د ایران له لارې اروپايي هېوادونو ته د افغانستان تولیداتو ته د ټرانزیټي اسانتیاوې له برابرولو خوښي وښوده او د دواړو هېوادونو ترمنځ یې د ټرانزیټ او سوداګرۍ کچې د زیاتېدو غوښتنه وکړه.
په کابل کې د ایران سفیر سیستان ته د هلمند سیند د اوبو رسېدو په اړه خوښي څرګنده کړه او د دواړو هېوادونو د اقتصادې ودې او پراختیا لپاره اړینه بولي، چې هېواد به یې له افغانستان سره د سوداګرو د بانکي ستونزو د له منځه وړلو، د چاپېریال ساتنې پر وړاندې د ګډې مبارزې، د کرنې سکټور عصري کولو او همدارنګه د ایران له لارې د افغانستان د سوداګرۍ او ټرانزیټ کچې زیاتولو په برخو کې همکاري وکړي.
د ریاست الوزراء اقتصادي مرستیال په ایران کې د میشت افغان کډوالو د ستونزو د یادونې تر څنګ له ایراني لوري وغوښتل، چې په جبري بڼه افغان کډوال را ونهباسي او په دې اړه د دواړو لوریو ترمنځ ښه همغږي رامنځته شي.
ویل کیږي، چې په دې لیدنه کې د اوبو او انرژۍ، کرنې، اوبولګولو او مالدارۍ، د اطلاعاتو او کلتور وزارتونو چارسمبالو او په تهران کې د افغانستان چارسمبالي استازي فضل محمد حقاني هم حضور درلود.
تازه خبرونه
ملا برادر د قزاقستان د لومړي وزیر له مرستیال سره د اوسپنې پټلۍ پر رامنځته کولو خبرې وکړې
د اسلامي امارت د ریاست الوزرا اقتصادي مرستیال او د قزاقستان د لومړي وزیر مرستیال سیرک ژومانګارین د ترکمنستان او افغانستان له لارې پاکستان ته د اوسپنې پټلۍ پر رامنځته کولو خبرې وکړې.
د افغانستان اقتصادي مرستیالۍ په خبربانه کې راغلي، چې په دې لیدنه کې ملا عبدالغنی برادر د دواړو هېوادونو د سوداګرو د بانکي ستونزو د حل، د افغان – قزاق د ګدو شرکتونو رامنځته کولو او سوداګرو ته د ویزو د ورکړې لپاره د هوکړه لیکونو پر لاسلیک ټینګار وکړ.
سیرک ژومنګارین په پام کې لري، چې د قزاقستان د صنعت او سوداګرۍ ګډه خونه او د دواړو هېوادونو د سوداګرۍ او کار ګډه ډله رامنځته کړي او چمتو دی، چې د برښنایي حکومتولۍ، صنعت، لوړو زدهکړو، پوهنې، روغتیا او بانکدارۍ په سکټورونو کې له افغانستان سره همکاري وکړي.
تازه خبرونه
ایران او پاکستان په افغانستان کې پر ترهګرو ډلو اندېښنه څرګنده کړه
ایران او پاکستان په یوه ګډه اعلامیه کې د یو سولهییز، متحد، خپلواک او له ترهګرۍ او نشهیي توکو قاچاق څخه د پاک افغانستان په اړه پخپلو ژمنو ټینګار څرګند کړی دی.
دواړو لوریو د ترهګریزو ډلو شتوالي ته په افغانستان کې نغوته کړې، چې سیمې او نړۍ ته امنیتي ګواښ دی؛ نو پر وړاندې یې پر مبارزه، همکارۍ او متحدې جبهې جوړولو ټینګار کړی دی.
دوی دغه راز د سیمې د امنیت او ثبات د ډاډمنولو لپاره د سیمهییزې او نړیوالې همغږۍ د اړتیاوو پر اهمیت خبرې کړې دي.
دواړه لوري د افغانستان حاکمیت او ځمکنۍ بشپړتیا ته د احترام کولو تر څنګ څرګندوي؛ د دې هېواد ټولې خواوې باید په بنسټیزو پرېکړو کې ونډه ولري، چې په هېواد کې د سولې او ثبات لامل شي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
تازه خبرونه2 days ago
راشد خان د افغان بیسیم سوداګریز سفیر شو
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ