تازه خبرونه
بیات بنیاد په کابل کې له اړمنو سره د خوراکي توکو مرسته وکړه
د بیات بنیاد مسوولینو ویلي؛ بیات بنیاد د کابل په لویدیځ کې له سلګونو اړمنو کورنیو او معلولانو سره د خوراکي توکو مرسته وکړه.
په افغانستان کې د وزګارتیا او اقتصادي بېوزلي د ډېروالی له دې کبله بیات خیریه بنیاد د ژمنیو مرستو په لړ کې دا ځل د کابل په لویدیځ کې اړمنې کورنۍ او معلولین تر پوښښ لاندې ونیول او پر دوي یې اوړه، وریجې او غوړي ووېشل.
په دې مرسته کې اوړه، وریجې او غوړي شته، چې موخه یې د اړمنو کورنیو لاسنیوی یادیږي.
د بیات بنیاد مرستیال حاجي محمد اسماعیل وایي: د بیات بنیاد مرستې، چې هر ژمې د ټولو ولایتونو اړمنو کورنیو ته وېشل کیږي او تر دې دمه بېلابېلو ولایتونو ته رسېدلي هم دي. نن مو هم د کابل لویدیځې سیمې اړمنو او معلولو کسانو ته اوړه، وریجې، غوړي او نور د اړتیا وړ توکي ووېشل او دا لړۍ مو روانه ساتلې او د بېلابېلو ولایتونو مستحقینو ته به ان شا الله ورسیږي.
بیات بنیاد دا راز تینګار کوي، چې خیریه بنسټونه دې په دې حساسو شرایطو کې د افغانستان له خلکو سره بشردوستانه مرستې وکړي.
اړمنو کورنیو او مستحقو کسانو، چې دا خوراکي توکي تر لاسه کړي؛ د بیات بنیاد له مرستو خوښ ښکاري او له نورو خیریه بنسټونو هم غواړي، چې په اوسني سخت حالت کې د اړمنو کسانو مرستې ته را ودانګي.
د مرستو تر لاسه کوونکی وایي: له بیات بنیاد مننه، الله پاک دې له خیر او اجرونو برخمن لري.
یو بل مرسته شوی وایي: د بیات بنیاد د مرستې له دې ټولګې مننه کوم؛ هیله ده، چې بیا هم مرسته وکړي؛ ځکه، چې ژمی دی؛ د خوراک او سون توکي نلري، ډېره ګراني ده او کارونه هم نه پیدا کیږي.
د شهیدانو او معلولانو ورثه د بیات بنیاد له مرستو مننه کوي او له نورو مرستندویه بنسټونو هم غواړي ، چې د بیات بنیاد په څېر په اوسنیو شرایطو کې له خلکو سره هر اړخیزې مرستې وکړي.
د اړوند سیمې د معلولینو او شهیدانو د ورثه وو مشر سید وحدت موسوي ویلي؛ د اقتصادي ناورین په درشل کې، چې معلولین معاش او عاید نلري او له کلونو راپدیخوا له ستونزو سره مخ دی؛ دا مرستې ورته دېرې اړینې او ګټورې دي.
د بیات بنیاد د مسوولینو د څرګندونو له مخې؛ د دغو مرستو لړۍ تر اوسه غزني، هرات، بلخ، خوست، کندوز، کندهار، پکتیا او بامیان ولایتونو ته رسېدلې او له بېوزلو کورنیو سره مرستې شوي او نورو ولایتونو کې به هم روانې وساتل شي.
تازه خبرونه
ایران او پاکستان د افغانستان په اړه ګډه اعلامیه خپره کړه
ایران او پاکستان په یوه ګډه اعلامیه کې د یو سولهییز، متحد، خپلواک او له ترهګرۍ او نشهیي توکو قاچاق څخه د پاک افغانستان په اړه پخپلو ژمنو ټینګار څرګند کړی دی.
دواړو لوریو د ترهګریزو ډلو شتوالي ته په افغانستان کې نغوته کړې، چې سیمې او نړۍ ته امنیتي ګواښ دی؛ نو پر وړاندې یې پر مبارزه، همکارۍ او متحدې جبهې جوړولو ټینګار کړی دی.
دوی دغه راز د سیمې د امنیت او ثبات د ډاډمنولو لپاره د سیمهییزې او نړیوالې همغږۍ د اړتیاوو پر اهمیت خبرې کړې دي.
دواړه لوري د افغانستان حاکمیت او ځمکنۍ بشپړتیا ته د احترام کولو تر څنګ څرګندوي؛ د دې هېواد ټولې خواوې باید په بنسټیزو پرېکړو کې ونډه ولري، چې په هېواد کې د سولې او ثبات لامل شي.
تازه خبرونه
له ۱۰۰۰ ډېر افغان مهاجرین له پاکستان څخه جبري وایستل شول
د مهاجرینو چارو وزارت ویلي، چې د غویي پر څلورمه د سپین بولدک له فرضي کرښې څخه ۱۰۰۱ افغان مهاجرین پر جبري بڼه خپل هېواد ته راستانه شول.
د کندهار سپین بولدک سرحدي آمریت د راپور له مخې؛ ۱۹۱ کورنۍ، چې ۹۹۸ کسان دي او درې کسان نور، چې له بنده ازاد شوي؛ په جبري توګه له پاکستان څخه هېواد ته راستانه شول.
د مهاجرینو چارو وزارت د څرګندونو له مخې؛ د مهاجرینو چارو له ریاست سره له نوم لیکنې وروسته د نورو مرستو لپاره د ملګرو ملتونو عالي کمېشنرۍ، د مهاجرت او د خوړو نړیوالې ټولنې دفترونو ته ور وپېژندل شول.
دغه راز له ۱۸ کلونو کم عمره دوه کسان، چې بندیان ول د مرستې لپاره OMPO موسسې ته ور پېژندل شوي.
ویل کیږي، چې له هرې کورنۍ سره د حکومت له لوري لس – لس زره افغانۍ نغدي مرسته هم شوې ده.
تازه خبرونه
د ټرانسپورټ او هوايي چلند وزارت چارسمبالي د ازبکستان په شپږ اړخیزه غونډه کې ګډون وکړ
د ټرانسپورټ او هوايي چلند وزارت چارسمبالي حميدالله اخوندزاده پرون (سې شنبه د غویی څلورمه) د يوه پلاوي پر مشرۍ ازبکستان ته سفر کړی او د دې هېواد پر کوبتوب یې د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ په شپږ اړخيزه غونډه کې ګډون وکړ.
د افغانستان پلاوي په دې کتنه کې د نورو هېوادونو له استازیو سره د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ د شپږ اړخيز دهليز له لارې د راکړې ورکړې د پراختيا په اړه خبرې وکړې.
د ټرانسپورټ او هوايي چلند وزارت ويلي، چې د دې غونډې په څنډه کې د دغه وزارت چارسمبالي د روسیې او بلاروس د ټرانسپورټ له مرستیالانو سره هم وکتل.
دغه راز د ټرانسپورت او هوايي چلند وزارت چارسمبالي د روسيې او بېلاروس د ټرانسپورټ وزارتونو له مرستيالانو سره د افغانستان او روسيې، افغانستان او بېلاروس ترمنځ د ټرانزيټي لارو د پراختيا او د ټرانسپورټي اسانتياوو د برابرولو په اړه خبرې وکړې.
ویل کیږي، چې د ټرانسپورټ او هوايي چلند وزارت چارسمبالي د افغانستان په چارو کې د ازبکستان د ولسمشر ځانګړي استازي او د ټرانسپورټ له وزیر سره دوه اړخیزې ناستې کړي او د دواړو هېوادونو ترمنځ یې د ټرانزیټ پر پراختیا بحث او خبرې کړې دي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه2 days ago
د ایران ولسمشر پر درې ورځني سفر پاکستان ته ولاړ
-
تازه خبرونه1 day ago
راشد خان د افغان بیسیم سوداګریز سفیر شو