Connect with us

تازه خبرونه

تر راتلونکي پسرلي به له افغانستان څخه ټول امریکايي سرتېري را ووځي- پمپیو

خپور شوی

د

(Last Updated On: وږی ۲۵, ۱۳۹۹)

د امریکا د بهرنیو چارو وزیر مایک پمپیو ویلي، چې تر راتلونکي پسرلي به له افغانستان څخه ټول امریکايي سرتېري را ووځي.

په قطر کې د خپلمنځي خبرو له روان بهیر سره – سره د امریکا د بهرنیو چارو وزیر مایک پمپیو له بریبارت اوبسایت سره په خبرو کې ویلي، چې د افغانانو خپلکنځي خبرې ډاډمنې روانې دي.

هغه زیاته کړې، چې واشنګتن به تر راتلونکي پسرلي پورې خپل ټول سرتېري له افغانستان څخه وباسي؛ خو دا وېره یې ښودلې، چې اوس هم ځينې کړۍ د خپلمنځی خبرو د ګډوډولو هڅې کوي او غواړي امریکا د شل نورو کلونو لپاره په افغانستان کې ښکېله کړي.

هغه له افغان حکومت او طالبانو غوښتي، چې خپلمنځی خبرې ناکامۍ ته پرینږدي.

دا په داسې حال کې ده، چې د افغانستان د سولې لپاره د امریکا ځانګړي استازي زلمي خلیلزاد پاکستان ته د سفر پر مهال په افغان سوله کې د اسلام آباد هڅې او مثبته ونډه ستایلې؛ خو د افغان ولسمشر اشرف غني لومړي مرستیال امرالله صالح طالبانو ته خبرداری ورکړی، چې که له خپلمنځي خبرو څخه پر شا شي؛ سخت زیان به وویني.

خلیلزاد له دې مخکې ویلي و، چې ځينې کسان د خپلمنځی خبرو د پیل له کبله ځان په خطر کې ویني.

د افغان ولسمشر لومړي مرستیال امرالله صالح ویلي، چې په نظام هیڅ ډول معاملې ته چمتو ندی.

د ولسمشر لومړی مرستیال  امرالله صالح وایي: پر نظام به معامله تر سره نشي. امریکا ډاډ څرګند کړی که طالبان د خبرو له چواته ووځي؛ زیان به وویني.

افغانان بیا له خپلمنځي خبرو دا تمه لري، چې په لومړي پړاو خبرو کې باید پر اروبند سلا رامنځته شي.

د حزب وحدت مردم افغانستان د ګوند مشر محمد محقق ویلي؛ یوه اندېښنه شته، چې مونږ به نه د اوربند پرلوري ولاړ شو او نه هم د طالبانو د خبرو پر لوري.

تمه وه، چې د اجندا له مخې به خپلمنځي خبرې د دوشنبې پر ورځ پیل شي؛ خو د مذاکراتو د اصولو پر سر خبرو دغه بهیر یو څه ځنډولی دی.

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!