تازه خبرونه
تر لس ورځو به د ولسمشریزو ټاکنو مهالوېش اعلان شي
د ټاکنو خپلواک کمیسیون سرچینې وايي، چې تر لس ورځو به د ولسمشریزو ټاکنو مهالوېش اعلان شي.
د ټاکنو خپلواک کمیسیون، چې د ولسي جرګې او ولسوالیو شوراګانو د ټاکنو لپاره چمتوالی ترسره کوي؛ د ارګ لخوا د یو بل مهم ماموریت د پیلولو دنده ورته سپارل شوې ده.
له ارګ څخه په خپره شوې خبرپاڼه کې راغلي؛ ولسمشر د ټاکنو خپلواک کمیسیون له مسوولینو د یکشبنې پر مازیګر وغوښتل، چې باید ژر تر ژره د ولسمشریزو ټاکنو نېټه هم اعلان کړي.
ولسمشر دغه راز غوښتي، چې ټاکنو ته د نوملیکنې له پایلې دې هم خلک ډاډه شي.
د حکومت اجرائیه رییس عبدالله عبدالله هم د وزیرانو په ناسته کې د ټاکنو خپلواک کمیسیون ته څرګنده کړې، چې د ملي وحدت حکومت د رهبرۍ له غوښتنې سره سم دې د ولسمشریزو ټاکنو د ترسره کیدو نېټه په ډاګه کړي.
د ټاکنو خپلواک کمیسیون مسوولین وايي، چې په لنډو څو ورځو کې به د ولسمشریزو ټاکنو مهالوېش اعلان شي؛ خو تر هغې دې روان سیاسي وضعیت هم د ښه کیدو لوري ته وغزول شي.
د ټاکنو خپلواک کمیسیون غړی سید حفیظ الله هاشمي وایي: د ولسمشریزو ټاکنو د تر سره کولو لپاره د سیاسي ګوندونو، جهادي مشرانو، مدني او نړیوالې ټولنې مرسته هم اړینه ده او په دې اړه هیله من هم یو.
د ولسي جرګې او ولسوالیو شوراګانو لپاره پیل شوي کارونه او عملیات د سیاسي ګوندونو له نیوکو سره مخ دي؛ خو که له دې سره همهاله د ولسمشریزو ټاکنو لپاره د عملیاتو د پیلولو غوښتنه کیږي.
اوس پوښتنه داده، چې آیا د ټاکنو خپلواک کمیسیون پر چارو به څه اغېزه وکړي؟
د دغې پوښتنې ځواب ته د ټاکنو خپلواک کمیسیون پخوانی رييس فضل احمد معنوي وایي: ولسمشرۍ پوهیږي، چې د ولسي جرګې او ولسوالیو شوراګانو ټاکنې بحراني کیږي؛ خو دا کار ولسمشري ډاډمنوي ، چې د ولسمشریزو ټاکنو وخت وغزوي.
د ټاکنو خپلواک کمیسیون پر چارو نیوکې تر دې بریده دي، چې ویل کیږي د نوملیکنې په شمېرو کې یې څو میلیون مبالغه کړې او ناسم شمېر یې اعلان کړی دی.
د ټاکنو خپلواک کمیسیون پخوانی ویاند نور محمد نور ویلي، چې دغه رهبري په خپلو کورنیو کارونو کې پاتې راغلې او نشي کولی د مهالوېښ له مخې چارې تر سره کړي.
ټاکل شوې، چې د تلې پر اته ویشتمه نېټه د ولسي جرګې او ولسوالیو شوراګانو ټاکنې تر سره شي؛ خو له دې مخکې د ټاکنو خپلواک کمیسیون د ولسي جرګې او ولسوالیو شوراګانو د ټاکنو او عملیاتو په اړه په اعلان شويو شپږ نېټو عمل نه دی کړی.
خبریال: علی اصغري
تازه خبرونه
د سولې په چارو کې د ملګرو ملتونو د عمومي منشي مرستیال کابل ته راغلی
د سولې په چارو کې د ملګرو ملتونو د عمومي منشي مرستیال ژان پیر لاکروا به د دوه ورځني سفر په بهیر کې له جګړې څخه د پاتې چاودیدونکیو توکو د خطرونو په اړه د پوهاوي پر لوړولو راوڅرخیږي.
د سولې په چارو کې د ملګرو ملتونو د عمومي منشي مرستیال ژان پیر لاکروا له یوه پلاوي سره کابل ته راغلی دی.
د ملګرو ملتونو د ویاند مرستیال فرحان له دې مخکې په یوه خبري غونډه کې ویلي وه، چې ین پییر لاکروا به افغانستان ته په خپل سفر کې د چاودېدونکیو توکو د اغېزو په اړه د اسلامي امارت له چارواکو سره خبرې وکړي.
په دغه سفر کې له نوموړي سره د ملګرو ملتونو د ماین پاکۍ د څانګې مشره هم مل ده.
هغه زیاته کړې، چې لاکروا به د مې تر اووهلسمې پورې په کابل کې وي او په دې سفر کې به د ملګرو ملتونو د ماین پاکۍ د څانګې مشره ایلین کوهن هم ورسره مل وي.
د ملګرو ملتونو دغه چارواکي ویلي، چې د افغانستان خلک د ماینونو له خطر سره مخ دي او د ۲۰۲۳ کال له جنورۍ څخه د ۲۰۲۴ کال تر مارچ پورې په افغانستان کې د ۸۲۱ چاودېدونکیو توکو د وژل شویو ۸۱ سلنه ماشومان ول.
تر اوسه اسلامي امارت په دې اړه جزئیات ندي ورکړي.
د سولې په چارو کې د ملګرو ملتونو د عمومي منشي مرستیال په داسې حال کې افغانستان ته سفر کوي، چې ټاکل شوې د روان کال په جون میاشت کې د افغانستان په اړه په دوحه کې درېیمه غونډه جوړه شي.
دا په داسې حال کې ده، چې د ملګرو ملتونو د څرګندونو پر بنسټ، له دې مخکې د سولې په چارو کې د ملګرو ملتونو د عمومي منشي مرستیال قطر ته د سفر پر مهال د دغه هېواد له چارواکو سره د سولې د ټینګښت او د ستونزو په اړه خبرې کړې وې.
تازه خبرونه
په غور ولايت کې د ژغورنې د عملیاتو پر مهال يوه پوځي چورلکه رالوېدلې
نن سهار (چارشنبه د غویی شپږویشتمه ) د غور ولایت په مرکز فیروزکوه ښار کې د ملي اردو یوه چورلکه راغورځېدلې، چې په کې ۱ کس مړ او ۱۲ نور ټپیان دي.
د ملي دفاع وزارت ویاند عنایت الله خوارزمي زیاته کړې؛ د هوايي ځواک «MI 17» ډوله چورلکه غور ولایت د یوه فلانکوچ موټر د هغو کسانو د جسدونو د راایستلو لپاره لېږل شوې وه، چې د هریرود سیند ته لوېدلی و. د ژغورنې له عملیاتو وروسته دغه چورلکه له تخنیکي ستونزې سره مخ او په فیروزکوه ښار کې د بېړنۍ ناستې پر مهال له یوه دیوال سره ولګېده او راوغورځېده.
آریانانیوز ته د دې چورلکې د رارسېدلې ویډیو له مخې؛ په اوبو کې د چورلکې د راغورځېدو پر مهال یو شمېر کسان هم لیدل کیږي.
ویل کیږي، چې یوه ورځ مخکې د فیروزکوه په غازي دره سیمه کې فلانکوچ موټر له سړکه واوښت او په هریرود سیند کې ډوب شو، چې له کبله یې دوه کسان مړه او یو بل ټپي شوی و.
تازه خبرونه
جاپان د لویدیځو هېوادونو پر مستقیمو اړیکو خپل ټینګار څرګند کړ
په افغانستان کې د جاپان سفیر تاکایوشي کورما د اسلامي امارت د ریاست الوزراء له سیاسي مرستیال مولوي عبدالکبیر سره په لیدنه کې ویلي، چې په افغانستان کې د لویدیځو هېوادونو د ډیپلوماټیک حضور نشتوالی د دې لامل شوی، چې دوی په افغانستان کې له مثبتو پرمختګونو بې خبره پاتې شي او پر وینا یې دا مناسبه ده، چې نړیواله ټولنه مستقیماً له اسلامي امارت سره اړیکې ولري.
تاکایوشي کورما زیاته کړې، چې جاپان له افغانانو سره د طبیعي پېښو د مخنیوي، پر نشهیي توکو د روږدو کسانو د درملنې او د افغان کروندګرو لپاره د بدیل کښت په برخو کې همکارۍ ته ژمن دی.
دغه راز مولوي عبدالکبیر په دې لیدنه کې ویلي؛ د ولسونو د ملاتړ له کبله اسلامي امارت بریالی شوی، چې ملي سوله رامنځته، سترې پروژې پیل او ګڼ نور اصلاحات رامنځته کړي.
ویل کیږي، چې اسلامي امارت د خلکو د اقتصادي ستونزو د اواري هڅه کوي او له نړۍ سره مثبت تعامل او پراخې اړیکې غواړي.
-
تازه خبرونه4 days ago
الله ګل مجاهد د قتل پر تور ونیول شو
-
تازه خبرونه3 days ago
په بغلان کې سېلابونو ۱۹۴۵ کسانو ته مرګ او ژوبله اړولې
-
تازه خبرونه3 days ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
سوداگري4 days ago
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه
-
تازه خبرونه3 days ago
څو ایراني شرکتونو د افغانستان په کانونو کې د پانګونې پرېکړه وکړه – قدیر قیافه
-
تازه خبرونه2 days ago
د یوناما استازې د ایران له بهرنیو چارو وزیر سره وکتل
-
لوبی2 days ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه1 day ago
په ننګرهار کې د ناکامورا کانال پروژه بشپړه شوه