سیمه ییز خبرونه
جنرال کيم دهوايي گزمو په مرسته دپولو په ساتنه کې مرسته کوي
دکونړ والي وايي چي:
په لومړي ځل د پاکستاني د بريدونو په غبرگون ورسره يولوړپوړې امريکايي قومندان دپولې په ساتنه کې دمرستې خبره کوي .داڅرگندونې په داسې مهال کيږي چې دکونړ چارواکي په سرحدي سيمو کې دپاکستاني ځواکونو دنويو پوستو په جوړولو اندېښمن دي.
په ختيځ کې دمېشتو بهرنيو ځواکونو قومندان جنرال کيم کونړ ته دخپل سفر پرمهال دکونړ والي اوامنيتي چارواکو سره په خبرو کې په دې ټينگار وکړ چې دکونړ په سرحدي سيمو کې به دهوايي گزموله لارې دپولې په ساتنه کې له افغان ځواکونو سره مرسته کوي اوټينگار کوي چې دپولې په څنډو کې دپاکستاني ځواکونو دنويو پوستو اوخوځښتونو په اړه دکونړ دخلکواوچارواکو انديښنوپه راکمولو کې به پوره هڅه کوي.
کيم داخبره په داسې حال کې کوي چې په تېرو څلورومېاشتو کې دپاکستان له سرحدي سيمو دافغانستان په خاوره له زرو زيات توغندي ويشتل شوي چې له امله يې خلکو ته درانه مالي اوځاني زيانونه اوښتي خوپه اړه يې افغان لوري کوم غبرگون نه دى ښودلى .
دکونړ والي سيدفضل الله وحيدي زياتوي دالومړى ځل دى چې دکونړ په سرحدي سيمو دپاکستاني ځواکونو دتوغنديزو بريدونو په غبرگون ورسره يو لوړپوړى امريکايي قومندان دپولې په ساتنه کې دمرستې خبره کوي خو نوموړى وايي داړتياپه صورت کې افغان ځواکونه او ولسي خلک ددې توان لري چې دجگړې په لومړى کرښه کې خپل دښمن ته ماتې ورکړي خو ټينگار کوي چې راولاړه شوې ستونزه بايد دخبرو له لارې هواره شي .
دافغان اوبهرنيوچارواکو لخوا داڅرگندونې په داسې مهال کيږي چې په ډيورنډ کرښه دپاکستاني ځواکونو نويو پوستو او خوځښتونو دسيمې خلک انديښمن کړي اوپه ويره کې دي چې يووار بيابه پاکستاني ځواکونه ددوي سيمې تربريد لاندې راولي .
سیمه ییز خبرونه
پوتین د ولسمشرۍ بله ۶ کلنه لوړه وکړه
د روسیې ولسمشر ولادیمیر پوتین د سې شنبې پر ورځ د غویی اتلسمه په کرملین ماڼۍ کې د یو لړ مراسمو پر مهال د دغه هېواد د ولسمشر په توګه خپل نوی شپږ کلن پېر پیل کړ.
پوتین له دې مخکې څلور ځله د روسیې د اساسي قانون د ساتنې لوړه کړې ده.
ولادیمیر پوتین له ۱۹۹۹ ز.کال راپدیخوا د روسیې په سیاسي ډګر کې د ولسمشر یا لومړي وزیر په توګه خپل واک ساتلی دی.
۷۱ کلن پوتین په تېر مارچ کې د روسیې د ولسمشریزو ټاکنو ګټونکی وپېژندل شو.
د هغه تر ټولو نومیالی سیال الکسي ناوالني یوه میاشت مخکې د شمالي قطب په یوه زندان کې ناڅاپه مړ شو.
د الکسي ناوالني میرمنې په یوټیوب کې د ولسمشرۍ د لوړې له مراسمو مخکې یوه ویډیو خپره کړه؛ پوتین یې ظالم او قاتل یاد کړی او له پلویانو یې وغوښتل، چې د پوتین پر وړاندې مبارزه روانه وساتي.
امریکا، بریټانیا او یو شمېر نورو هېوادونو د پوتین د لوړې له مراسمو ډده کړی ده.
د امریکا بهرنیو چارو وزارت ویاند مټیو میلر د دوشنبې پر ورځ ویلي: مونږ به د هغه د لوړې په مراسمو کې استازی ونلرو. مونږ د [روسیې] ټاکنې ازادې او عادلانه نه ګڼو؛ خو پوتین د روسیې ولسمشر دی او په اټکل کیږي، چې خپل کار به روان وساتي.
د آلمان خبري آژانس او د اروپايي اتحاديې د ډيپلوماتانو د څرګندونو له مخې؛ ځينو هېوادونو لکه فرانسې، هنګري او سلواکیا د پوتين د لوړې مراسمو ته د اړیکو د ساتلو لپاره خپل استازي استولي دي.
ولادیمیر پوتین، چې لږ تر لږه ۲۵ کاله په واک کې پاتې دی؛ تر ۲۰۳۰ پورې به د روسیې د ولسمشر په توګه خپلې دندې ترسره کوي.
سیمه ییز خبرونه
په هر حال پر رفح برید شونی دی – نتانیاهو
د رویټرز خبري آژانس د راپور له مخې؛ که د اوبند او یرغمل خوشې کولو هوکړه وشی او که نه، اسرائیل به د غزې په جنوبي ښار رفح کې د حماس پر ضد خپل عملیات ترسره کوي.
نتانیاهو د خپل دفتر په خبرپاڼه کې څرګنده کړې: دا نظر، چې مونږ به د ټولو اهدافو ترلاسه کولو مخکې جګړه دروو؛ پر بحث او خبرو نه ارزي.
سیمه ییز خبرونه
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
د دوبۍ واکمن شیخ محمد بن راشد آل مکتوم د یکشنبې پر ورځ په ایکس پاڼه کې لیکلي؛ د آل مکتوم نړیوال هوایي ډګر د مسافرینو د نوي ترمینل جوړولو لپاره ۱۲۸ میلیارډ درهم ( ۳۴ اعشاریه ۸۵ میلیارډ ډالر) تصویب شوي دي.
د رویټرز د راپور له مخې؛ د آل مکتوم نړیوال هوایي ډګر په نړۍ کې ترټولو لوی دی، چې د ۲۶۰ میلیون مسافرینو وړتیا لري او له دوبۍ نړیوال هوایي ډګر څخه به پېنځه چنده لوی وي.
دغه راز څرګنده شوې، چې په راتلونکیو کلونو کې به د دوبۍ هوایي ډګر ټول عملیات آل مکتوم ته ولیږدول شي.
د آل مکتوم هوايي ډګر به د ټرمینل ۴۰۰ دروازې او پېنځه ځغاستلیکې هم ولري.
د دوبۍ د اماراتو دولتي هوايي شرکت رییس شیخ احمد بن سعید آل مکتوم ویلي: دا هوايي ډګر به د اماراتو او د هغه د خور د لږ لګښت لرونکي هوايي شرکت فلای دوبۍ نوی کور وي او د ټولو هوايي شرکتونو له شریکانو سره، چې نړۍ له دوبۍ سره نښلوي؛ مل پاتې شي.
د دوبۍ د میډیا دفتر او د دوبۍ د هوایي ډګرونو اجرائیوي رییس پاول ګریفیټس څرګنده کړې؛ دا هڅه په نړۍ کې د هوایي چلند د مخکښ مرکز په توګه د دوبۍ موقعیت نور هم پیاوړی کوي.
-
تازه خبرونه1 day ago
الله ګل مجاهد د قتل پر تور ونیول شو
-
سوداگري4 days ago
ازبکستان او پاکستان د افغان ټرانس اوسپنېپټلۍ پروژې پر پیلېدا ټینګار څرګند کړ
-
لوبی4 days ago
ابو مسلم او عدالت فراه مساوي شول او میوند لوبډلې جوانان واحدي ته ۲ ګولونه ورکړل
-
تازه خبرونه4 days ago
تېر کال پر زړه د سوريو ۷۰۰ ماشومانو درملنه وشو – سره میاشت
-
نړۍ4 days ago
پر رفح د برید په صورت کې به پر اسرائیلو وسلوال ملاتړ ودرول شي – جو بایډن
-
تازه خبرونه4 days ago
سعودي عربستان ته د افغان حاجیانو د لېږد بهیر پیل شو
-
سوداگري1 day ago
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه
-
تحول5 days ago
تحول: د ملي دفاع وزارت له لوري د پاکستان د اردو د ادعاوو ردېدل