تازه خبرونه
درملوګ شرکت د چاڼ شویو رایو بشپړ راپور ټاکنو کمیسیون ته لیږلی
آلماني درمالوګ شرکت د چاڼ شویو بایومتریک رایو بشپړ راپور د ټاکنو خپلواک کمیسیون ته لېږلی؛ خو ټاکنو کمیسیون تر اوسه د درمالوګ شرکت کره معلومات رسنیو ته ندي وړاندې کړي.
د ټاکنو خپلواک کمیسیون ویاند ذبیح الله سادات ویلي، د درمالوګ شرکت راپو تر لاسه شوی؛ زمونږ له شننې او ارزونې وروسته به وروستی شمېر هېوادوالو ته وړاندې شي.
په ټاکنو خپلواک کمیسیون کې سرچینو ویلي، چې له درمالوګ شرکت څخه د دې راپور په اړه فني پوښتنې لري او د ځوابونو له تر لاسه کولو وروسته به یې پایلې ډاګیزې شي.
د ثبات او همپالنې ټاکنیزې ډلې څارونکي یونس نواندیش ویلي، چې ۱۳۷ زره اضافي رایې مونږ ته د منلو وړ ندي او درملوګ شرکت زمونږ پوښتنو ته قانع کوونکی ځواب ندی ورکړی.
د دولت جوړونکې ټاکنیزې ډلې څارونکی عبدالقادر هوتخېل ویلي، چې په ټاکنو کمیسیون کې د همغږۍ نشتوالي او د مدیریت بېوسۍ د ټاکنو او کمیسیون چارې له خنډ و ځنډ سره مخ کړې دي.
مخکې له دې درمالوګ شرکت اووه څلویښت زره رایې؛ عکس د عکس له مخې او د تکراري عکسونو له کبله له سیستم بهر کړې وې او د څېړنې وړ یې بللې وې.
د سولې او اسلامي عدالت ټاکنیزې ډلې څارونکی شېرآقا روحاني ویلي، چې شونې ده، چې د درملوګ شرکت د رایو د چاڼ په پایله کې ډېرې رایې د ارزونې او بیا شمېرنې لوری خپل کړي.
د ټاکنو خپلواک کمیسیون د تازه مهالوېش له مخې، د ولسمشریزو ټاکنو د لومړنیو پایلو اعلان ته ۱۳ ورځې پاتې دي؛ خو تر دې دمه کارونه د درملوګ شرکت او ټاکنو خپلواک کمیسیون لخوا پڅ او خنډني روان دي.
ویل کیږي، چې د ټاکنو خپلواک کمیسیون غړي د درمالوګ شرکت د کړنو په تړاو ډېرو پوښتنو ته ځواب نلري.
تازه خبرونه
د ترکیې سفیر د افغانستان سیلاب ځپلیو ته د ۶۷۰ ټنو مرستې اعلان وکړ
په کابل کې د ترکیې سفیر د اقتصاد وزارت له چارسمبالي سره په کتنه کې څرګنده کړې، چې سبا (جمعه د غویی ۲۸ ) ته به د افغانستان د وروستیو سیلاب ځپلیو لپاره د لومړنیو توکو څه باندې۲۰ ټنه مرسته راولېږدول شي.
د اقتصاد وزارت د خبرپاڼې له مخې؛ جنګ اونال له دین محمد حنیف سره په کتنه کې له ترکیې څخه د ۶۵۰ ټنو نورو بشري مرستو له رالېدولو هم خبر ورکړی، چې په کې خیمې، خوراکي توکي، درمل، جامې او نور توکي شامل دي.
هغه دا ډاډ هم ورکړی، چې افغانستان ته به دا مرستې د اوسپنېپټلۍ له لارې د هرات تورغنډۍ بندر ته رادننه شي.
په دې کتنه کې دین محمد حنیف له دغو مرستو څخه د هرکلي تر څنګ ویلي، چې د ترکیې هېواد د تاریخ په اوږدو کې د افغانستان یو ښه دوست او همکار پاتې شوی دی.
تازه خبرونه
ملګري ملتونه غواړي په افغانستان کې د ځمکو خړبولو لپاره سولري پمپونه ولګوي
د ریاست الوزراء اداري مرستیال عبدالسلام حنفي د سې شنبې پر ورځ ( د غویی پېنځهویشتمه ) د ملګرو ملتونو د پروژې خدمتونو د دفتر (UNOPS) له اجرائیوي رییس جورج موریرا داسیلوا سره وکتل.
په دې کتنه کې جورج موریرا داسیلوا اداري مرستيال ته د خپلو تېرو هڅو او لاسته راوړنو په اړه معلومات ورکړل او څرګندوي؛ دا اداره غواړي، چې په افغانستان کې د سولري پمپونو پر لګولو د کرنيزو ځمکو د خړوبولو يوه نوې پروژه پيل کړي.
عبدالسلام حنفي د دې ادارې د فعالیتونو او لاسته راوړنو د ستاینې ترڅنګ ویلي، چې اسلامي امارت په افغانستان کې د (UNOPS) ادارې له هڅو ملاتړ کوي او د پروژو د پلي کولو لپاره یې لازمې اسانتیاوې برابروي.
ویل کیږي، چې عبدالسلام حنفي له ټولو نړیوالو مرستندویه بنسټونو وغوښتل، چې کروندګرو ته د کوکنارو د بدیل کښت او افغان ځوانانو ته د کار د زمینې په برابرولو کې همکاري وکړي.
تازه خبرونه
روسي او هندي چارواکو د افغانستان پر حالاتو خبرې وکړې
د افغانستان لپاره د روسيې ځانګړي استازي هند ته د سفر پر مهال د دغه هېواد د بهرنيو چارو وزارت له چارواکو سره د افغانستان د مسايلو په اړه خبرې کړې دي.
د افغانستان لپاره د روسیې د ولسمشر ځانګړي استازي ضمیر کابلوف هند ته په سفر کې د هند د بهرنیو چارو وزارت له ګډ سکرټر سره د افغانستان د مسئلې په اړه غږیدلی دی.
د هند د بهرنیو چارو وزارت ویلي دواړو لوریو د افغانانو د هوساینې لپاره د پراختيايي مرستو پر اړتيا ټينګار کړى دى.
د هند د بهرنیو چارو وزارت په خبرپاڼه کې راغلي، چې ضمیر کابلوف او جې پي سنګ د افغانستان پر روان وضعیت خبرې کړي او د افغانانو د هوساینې د ملاتړ لپاره یې د پراختیايي مرستو پر دوام او اړتیا ټینګار وکړ.
همدارنګه د افغانستان لپاره د چین ځانګړي استازي هم له خپل ازبک سیال عصمت الله ارګاشیف سره د افغانستان په اړه کتلي او خبرې اترې کړې یې دي.
يوو شياویونګ په ایکس پاڼه کې لیکلي، چې د افغانستان د سولې او بيارغونې لپاره د همکاريو زياتول د دواړو خواوو د غونډې مهم ټکي دي.
د اسلامي امارت ویاند ذبیح الل مجاهد ویلي؛ د اسلامي امارت د ډیپلوماټیکو هڅو په پایله کې د افغانستان په اړه په سیمه کې د همکارۍ ښه روحیه رامنځته شوې او هېوادونه په دې پوه شوي، چې په افغانستان کې ثبات او امنیت د ټولو هېوادونو پر ګټه دی.
له دې مخکې د افغانستان لپاره د ملګرو ملتونو د عموي منشي ځانګړې استازې روزا اتونبایوا هم تهران ته په خپل سفر کې د افغانستان په اړه له ایراني چارواکو سره خبرې کړې وې.
ویل کیږي، چې په نږدې راتلونکي کې د ملګرو ملتونو د عمومي منشي پر مشرۍ د قطر درېیمه نړیواله ناسته جوړیږي.
-
تازه خبرونه4 days ago
الله ګل مجاهد د قتل پر تور ونیول شو
-
تازه خبرونه4 days ago
په بغلان کې سېلابونو ۱۹۴۵ کسانو ته مرګ او ژوبله اړولې
-
تازه خبرونه3 days ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
سوداگري4 days ago
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه
-
لوبی2 days ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه4 days ago
څو ایراني شرکتونو د افغانستان په کانونو کې د پانګونې پرېکړه وکړه – قدیر قیافه
-
تازه خبرونه2 days ago
د یوناما استازې د ایران له بهرنیو چارو وزیر سره وکتل
-
تازه خبرونه2 days ago
په ننګرهار کې د ناکامورا کانال پروژه بشپړه شوه