تازه خبرونه
د افغانستان او ترکمنستان ترمنځ درې اړینې اقتصادي پروژې پرانیستل شوې
د افغانستان ولسمشر اشرف غني او د ترکمنستان ولسمشر قربان علی بردي محمدوف نن ( د مرغومي ۲۵) له غرمې محکې د دواړو هېوادونو د هوساینې او اقتصادې ودې لپاره د یو لړ مراسمو پر مهال د دواړو هېوادونو ترمنځ درې اړینې اقتصادي او بېخبنایي پروژې پر رسمي پڼه پرانیستې.
ولسمشرۍ په ډاګه کړې؛ دغه درې واړه پروژې، چې په کې د آقینه ـ اندخوی اوسپنیزه کرښه، د کرکي ـ اندخوی ـ پلخمري ۵۰۰ کیلوواټه برښنا لېږد لین پروژه او د امام نظر ـ آقینه ـ سرحد آباد ـ تورغونډۍ د نوري فایبر د وصل پروژې شاملي دي؛ د ویډیو کنفرانس له لارې په کابل او د ترکمنستان په لباب ښار کې د دواړو هېوادونو د ولسمشرانو پر فرمان رسماً پرانیستل شوې.
د ارګ د څرګندونو له مخې؛ د افغانستان او ترکمنستان ولسمشرانو دغه پروژې د افغانستان او ترکمنستان ترمنځ د اړیکو د پراختیا او د سېمې د نښلولو په برخه کې اړینې یادې کړې.
د ولسمشرۍ ماڼې په څرګندونو کې راغلي؛ ولسمشر اشرف غني د دغو پروژو پرانیسته د دواړو هېوادونو تر منځ د اړیکو د پراخېدو لپاره ارزښتمن ګامونه وبلل او څرګندوي: دا د افغانستان لپاره لوی ویاړ دی، چې له یو سل او څو کلونو راوروسته د مرکزي آسیا له هېوادونو سره خپلې اوږدمهاله اړیکې نوي کوي. د افغانستان او ترکمنستان ترمنځ ملګرتیا د افغانستان د دولت او خلکو لپاره ارزښتناکه اړیکه ده.
President Ashraf Ghani: The inauguration of the Aqeena-Andkhoy railway and other infrastructural projects between the two countries are significant steps towards further deepening these relations and translating an important part of our regional connectivity vision into reality. pic.twitter.com/yQ3xVskH4P
— ارگ (@ARG_AFG) January 14, 2021
ولسمشر زیاته کړې، چې له اوسپنیزې کرښې، نوري فایبر، لویې پروژې لکه پاکستان ته د برښنا لیږد (ټاپ) هند او پاکستان ته د ګاز لیږد (ټاپي) ګټه اخیستنه او د نوري فایبر شبکه، چې سویلي آسیا سره نښلوي او د ځمکه له لارې به اروپا او نوره نړۍ سره ونښلوي؛ د افغانستان د خلکو د ژوندانه په شرایطو کې به د ښه بدلون لامل شي او د سېمې وضعیت هم ښه کوي او له بلې خوا دا پروګرام به د پرمختیا او ټولنیزې ودې لپاره دهلیزونه رامنځته کړي، چې زمونږ هېواد ته د ګړندۍ ودې زمینه برابروي.
نوموړي د مرکزي آسیا، سویل، ختیځ او لویدیځې آسیا د وصل کولو تر څنګ د خواف – هرات اوسپنیزه کرښه هم د اړینو اقتصادي او بېخبنایي پروژو رامنځته کېدل او د افغانستان د موقعیت پر اهمیت ټینګار وکړ. هغه وایي؛ دا، چې د سیمه ییز ارتباط په اړه زمونږ نظر نه خوب دی او نه هم یو نامنلی حقیقت.
اشرف غني ویلي: هغوی، چې فکر کاوه په افغانستان کې د اوسپنیزې کرښې شبکې جوړول ناممکن دي؛ باید یوځل بیا فکر وکړي.
هفه وایي؛ د افغانستان د دولت او خلکو په استازیتوب په لویو پروګرامونو کې د دواړو هېوادونو ترمنځ د دوامداره اړیکو او همکارۍ د رامنځته کولو، د لویو پروژو تمویل او پلي کولو لپاره د ترکمنستان له ولسمشر او سترملته مننه کوم.
د ترکمن ولسمشر په دغو مراسمو کې ویلي: زه ډاډمن یم، چې دا ډول پروژې به د افغانستان اقتصاد لپاره ځواکمن ملاتړ وي او د هېواد صنعت به یې هم اغېزمن کړي.
هغه زیاته کړې، چې دا پروژې به د افغانستان د خلکو باور پر ځان بسیا کړي او ترکمنستان به له افغانستان سره اقتصادي، سیاسي او ډیپلوماتیکې مرستې روانې ساتي.
ولسمشر محمدوف د افغانستان او ترکمنستان اړیکې تاریخي او ژورې وبللې او زیاتوي، چې په اوسني عصر کې دغه اړیکې د ترانسپورټ، مخابراتو او انرژۍ په برخو کې د نویو پروژو له په لاره اچولو سره نوې معنا او مفهوم په پام کې نیولی دی.
هغه زیاته کړې، چې دا پروژې به د روښانه ستراتیژیکو اهدافو او پراخه اوږدمهاله وړتیاوو پر بنسټ د افغانستان او ترکمنستان ترمنځ رښتینې ملګرتیا نوره هم پیاوړې کړي.
تازه خبرونه
اسلامي امارت آلمان ته خپل څلور نوي ډیپلوماټان لېږي
د سرچینو د څرګندونو له مخې، هدایتالله پکتین، محمدحکیم حکیمي، بشیر احمد افغان او سعید اکبر رستاد هغه څلور ډیپلوماټان دي، چې اوسمهال د آلمان د ویزې ترلاسه کولو لپاره د قطر په پلازمېنه دوحه کې دي.
د بهرنیو چارو وزارت باخبره سرچینې ويلي، دا وزارت غواړي د آلمان په برلین کې د افغانستان سفارت او د بن ښار قونسلګرۍ ته د فعالیت لپاره خپل څلور نوي ډیپلوماټان ولېږي.
د سرچینو د څرګندونو له مخې، هدایتالله پکتین، محمدحکیم حکیمي، بشیر احمد افغان او سعید اکبر رستاد هغه څلور ډیپلوماټان دي، چې اوسمهال د آلمان د ویزې ترلاسه کولو لپاره د قطر په پلازمېنه دوحه کې دي.
سرچینو زیاته کړې؛ بشیر احمد افغان په برلین کې د افغانستان د سفارت لومړي منشي او سعید اکبر رستاد دوهیم منشي ټاکل شوي دي. په داسې حال کې چې هدایتالله پکتین او محمدحکیم حکیمي به په بن کې د افغانستان د قونسلګرۍ د دوهیمو منشیانو دندې ترسره کړي.
سرچینې زیاته کړې، د آلمان حکومت دغو څلور استازو ته د ویزو له ورکړې سره موافقه کړې؛ خو د کابل او د آلمان د بهرنیو چارو وزارت چارواکو تر اوسه په دې اړه رسمي څه نهدي ویلي.
د راپور له مخې، دا پرمختګونه د برلین او کابل ترمنځ د قونسلي چارو د تنظیم او د هغو افغان پناهغوښتونکو د بېرته ستنولو د بهیر د آسانتیا لپاره د تخنیکي هوکړو په لړ کې رامنځته کېږي، چې د قانوني اوسېدنې حق نهلري.
د آلمان د حکومت د رسمي څرګندونو له مخې، شاوخوا ۴۵۰ زره افغان وګړي په دې هېواد کې مېشت دي او برلین د هویتي اسنادو د صادرولو او د کډوالۍ د دوسیو د سمبالولو لپاره د افغانستان د ډیپلوماټیکو او قونسلي استازولیو فعال پاتې کېدل اړین بولي.
آلمان نورو اروپايي هېوادونو ته ورته د ۲۰۲۱ز.کال له سیاسي بدلونونو وروسته اسلامي امارت پر رسمیت نهدی پېژندلی؛ خو د پناهغوښتونکو د ستونزې د مدیریت او د مجرمو کسانو د ایستلو پر موخه یې له کابل سره تخنیکي تعاملات پراخ کړي دي. د آلمان چارواکو ټینګار کړی، چې دا اداري او قونسلي همکاري د اسلامي امارت د رسمي سیاسي پېژندنې معنا نهلري.
تازه خبرونه
افغانستان په ملګرو ملتونو کې د غړیتوب اتیایمه کلیزه نمانځي
په ملګرو ملتونو کې د افغانستان د دایمي استازولۍ چارسمبالي نصیر احمد فایق د دوشنبې پر ورځ(د لړم پنځهویشتمه) ویلي، دا غونډه د افغانستان د استازولیو پر همکارۍ په نیویارک، ژنیو او ویانا کې جوړېږي.
په ملګرو ملتونو کې د افغانستان دایمي استازولۍ په دې ټولنه کې د دې هېواد د غړیتوب د اتیایمې کلیزې په مناسبت د یوې غونډې له جوړولو خبر ورکړی. په دې غونډه کې به له ملګرو ملتونو سره د افغانستان د اړیکو پر تاریخ، د دې هېواد د ډیپلوماټیک رول او د راتلونکو همکاریو پر امکاناتو خبرې وشي.
په ملګرو ملتونو کې د افغانستان د دایمي استازولۍ چارسمبالي نصیر احمد فایق د دوشنبې پر ورځ(د لړم پنځهویشتمه) ویلي، دا غونډه د افغانستان د استازولیو پر همکارۍ په نیویارک، ژنیو او ویانا کې جوړېږي.
د نوموړي د څرګندونو له مخې:« افغانستان او ملګري ملتونه؛ اته لسیزې تعامل، مشارکت او د راتلونکي لپاره زدهکړې» تر سرلیک لاندې دغه غونډه د نومبر پر اتهلسمه د انلاین او ژوندۍ بڼې له لارې ترسره کېږي.
فایق زیاته کړې؛ دغه غونډه به د افغانستان د خلکو د نظرونو او غوښتنو د څرګندولو او د سولې، انساني کرامت، برابرۍ او ښه راتلونکي لپاره د هغوی پر هیلو د ټینګار زمینه برابره کړي.
په ژنیو کې د افغانستان استازولۍ هم ویلي، چې په دې غونډه کې به په ملګرو ملتونو کې د افغانستان د حضور تاریخ، د هېواد ډیپلوماټیک رول او د راتلونکو همکاریو په اړه بحث وشي.
افغانستان د ۱۹۴۶ز.کال د نومبر پر نولسمه د ملګرو ملتونو غړیتوب ترلاسه کړ او سږ کال په دې نړیوالې ټولنې کې د خپل غړیتوب اتیایمه کلیزه نمانځي.
محمدکبیر لودین په ۱۹۵۲ز.کال کې د ملګرو ملتونو لپاره د افغانستان د لومړي دایمي استازي دنده پیل کړې.
دا په داسې حال کې ده، چې د ۲۰۲۱زږکال د اګست له سیاسي بدلونونو وروسته د ملګرو ملتونو د اعتبارلیکونو کمیټې تر اوسه د اسلامي امارت لهخوا د معرفي شوي استازي د منلو په اړه وروستۍ پرېکړه نهده کړې او د افغانستان استازولي اوس هم د پخواني نظام د ډیپلوماټانو لهخوا اداره کېږي.
تازه خبرونه
د اسلامي امارت استخباراتو پر شرعي چوکاټ ټینګار وکړ
عبدالحق وثیق ویلي، د اسلامي امارت له بیا واکمنېدا وروسته د استخباراتو عمومي ریاست لومړنۍ اداره وه، چې د اسلامي امارت د رهبر لهخوا ورته ځانګړي قوانین وضع شول.
د اسلامي امارت د استخباراتو عمومي رییس عبدالحق وثیق او د دې ریاست مرستیال تاجمیر جواد؛ د اسلامي امارت د رهبر د فرمانونو د اغېزو په اړه په یوه علمي او څېړنیز کنفرانس کې د دې ادارې د فعالیتونو او د شرعي نظام د ارزښتونو په اړه خبرې وکړې.
عبدالحق وثیق ویلي، د اسلامي امارت له بیا واکمنېدا وروسته د استخباراتو عمومي ریاست لومړنۍ اداره وه، چې د اسلامي امارت د رهبر لهخوا ورته ځانګړي قوانین وضع شول.
نوموړي زیاته کړې، دا اداره د ټاکل شویو قوانینو له مخې او د شریعت په چوکاټ کې فعالیت کوي، له ظالمانه شکنجو مخنیوی کوي، له جرمونو سره مبارزه کوي او د انساني کرامت ساتنه هم د خپلو ژمنو یوه برخه بولي.
دغه راز تاجمیر جواد ویلي: کله، چې امت د شرعي نظام د امامت له نعمت څخه بېبرخې شو؛ نو خپل معنوي ځواک یې په پراخه کچه له لاسه ورکړ او پردي افکار پرې اغېزمن شول.
هغه د اسلامي فکر او ارزښتونو د پیاوړتیا او د نظام د ثبات د ساتنې پر هڅو ټینګار وکړ او څرګندوي، چې شرعي امارت او امامت الهي امر او شرعي وجیبه ده او د اسلام او هېواد پرمختګ په همدې کې نغښتی دی.
-
تازه خبرونه2 days agoترکیې یونان ته د اوښتو په هڅه کې ۳۵ افغان کډوال ونیول
-
لوبی2 days agoپه آی ال ټي ۲۰ لیګ کې د افغان او اماراتي لوبغاړو ګډون اړین شو
-
تازه خبرونه5 days agoد ریاستالوزراء اقتصادي مرستیالۍ د سوالګرۍ د مدیریت طرحه نړیوالو بنسټونو ته وړاندې کړه
-
لوبی19 hours agoسرخپوشان خوافي د افغانستان فوټبال اتلانو لیګ نه ماتېدونکی اتل شو
-
لوبی3 days agoزیمبابوې له افغانستان څخه د دوهیمې ټسټ لوبې پر دوهیمه ورځ ۱۸۰ منډې مخکې شو
-
تازه خبرونه5 days agoروسي شرکتونه دې د کانونو، صنعت او بېخبناوو په برخو کې پانګونه وکړي – ملا برادر
-
لوبی2 days agoارمان افسي استقلال کابل ته پنځه پر صفر ماتې ورکړه
-
تازه خبرونه3 days agoپه جوزجان کې د بیات پاور ۴۰ میګاواټه ګازي برښنا تولیدي توربین بېرته فعال شو
