تازه خبرونه
د افغانستان بانک چارواکو له قانون سرغړونه کړې- مشرانو جرګې غړي
د مشرانو جرګې غړي وایي؛ د افغانستان بانک چارسمبالي اجمل احمدي د قانون خلاف د خپلو مرستیالانو او کارمندانو پرمنفکولو لاس پورې کړی او دا کار نه یوازې د زورواکۍ یوه بڼه ده، بلکې له قانون ښکاره سرغړونه هم ده.
دوۍ څرګنده کړې؛ د افغانستان بانک چارسمبالي او سرپرست له کوم قانونې دلیل پرته پر دغو کړنو لاس پورې کړی او ملت ته یې دا سې اسناد ندې وړاند کړي، چې اړوند ګوښه کیدنې پرې قانونې ثابتې شي.
په هغه انځوریزو څرګندونو کې، چې ټولنیزو رسنیو خپرې کړي؛ لیدل کیږي، چې ساتونکي دغه بنسټ ته د افغانستان بانک د ګوښه کړ شوي لومړي مرستیال وحید نوشېر د وردننه کیدو خنډ کیږي.
له دې مخکې د افغانستان بانک د دوه یم مرستیال په ګډون یو شمېر نور لوړ پوړي مامورین هم له ورته برخه لیک سره مخ شوي وه.
د مشرانو جرګې غړې ګلالۍ نو ساپۍ هم په د افغانستان بانک کې له روان وضیعته اندېښنه لري او وروستۍ کړنې د قانون خلاف بولي.
هغه په ډاګه کوي، چې که د افغانستان بانک مامورین د فساد قضیه لري؛ باید د عدلي او قضایې بنسټنو لخوا تر څارنې لاندې راشي.
د افغانستان بانک دوه یم مرستیال قسیم رحیمي هم رامنځته شوې کړنه د افغانستان بانک قانون د شلمي مادې او پېنځمې فقرې خلاف بولي او وایي: زمونږ په اړه شوې پرېکړه د هېواد له تولو بانکي قوانینو سرغړونه ده. که مجرم یم؛ نو باید د محکمې د حکم پر بنسټ پرېکړه شوې وای.
د افغانستان د حقوق پوهانو ټولنې غړي د افغانستان بانک پر مرستیالانو تر سره شوې کړنه د بانک د قانون خلاف عمل دی.
د افغانستان د حقوق دانانو تولنې رییس وحید فرضه یي وایي، چې: هغه کړنه، چې د افغانستان بانک مسوولینو په دې وروستیو کې تر سره کړې د بانک د قانون خلاف ده. که اشخاص پر فساد تورن وې؛ باید د عدلی بنستونو له پرېکړې وروسته منفک شوي وای.
د افغانستان د روڼتیا او څار ادارې مشر سید اکرام افضلي هم د افغانستان بانک د مسوولینو لخوا وروستۍ کړنې د اندېښنې وړ ګڼي او وايي؛ که دا لړۍ همداسې روانه وي، دهېواد دا سترمالي بنسټ به هم د سیاسي تربګڼۍ ښکارشي.
د اقتصادي چارو کارپوهان په د افغانستان بانک کې داسې بې باکه کړنې د افغانستان دغه مالي بنسټ ته خطر بولي او وایي، چې باید قانون ته درناوی وشي.
د اقتصادي چارو کارپوه شبیر بشیري وایي: مونږ پوهیږو، چې د اجمل احمدي وروستۍ کړنې قانونې نه، بلکه عقده یي دي او دا کار د افغانستان بانک له خطر سره مخ کولی شي.
دا، چې د افغانستان بانک نو ي مشر د کوم دول فساد په قضیه کې د دې بانک دوه مرستیالان له د ندو ګوښه کړي؛ په اړه یې له څه ویلو ډډه کوي؛ خو په یوه اعلامیه یې څرګنده کړې، چې وروستۍ کړنې یې د افغانستان بانک د قانون د شلمې مادې او درېیمې فقرې پر بنسټ تر سره کړی دی.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ5 days ago
د جاپان دوه پوځي چورلکې بحر ته وغورځېدې
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه5 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ