تازه خبرونه
د افغانستان په روانه جګړه کې افراطیت ته لمن وهل کیږي – لاوروف
د روسیې د بهرنیو چارو وزیر سرګې لاوروف د روسیې، امریکا، چین، ایران او پاکستان د منځګړیتوب پر بنسټ په مسکو کې د افغانستان د سولې ناستې ته، چې حکومتي او طالب استازیو هم په کې ګډون کړی؛ د وینا پر مهال ویلي، چې د افغانستان په روانه جګړه کې افراطیت ته لمن وهل کیږي.
د روسیې د بهرنیو چارو وزیر سیرګي لاوروف په مسکو کې د پنجشنبې د ورځې دغه اړین کنفرانس په رسمي بڼه پرانست، چې د سولې بهیر د ګړندي کولو لپاره په کې ښکېل لوري د حکومتي او طالب استازیو په ګډون راټول شوي دي.
لاوروف د غونډې د پرانیستې پرمهال څرګنده کړې؛ په افغانستان کې ناامني د داعش په ګډون افراطي ډلو ته د هڅو زمینه برابروي.
نوموړي څرګنده کړې؛ دا به سیمه وګواښي او ترهګري زیاته کړي.
هغه له امریکا او طالبانو وغوښتل، چې د دوحې تړون ژمنو ته، چې د تېر کال په فبرورۍ کې لاسلیک شوی ژمن پاتې شي.
لاوروف دا هم ویلي، چې د دوحې بهیر په افغانستان کې د سولې او پخلاینې لپاره مثبته پایله نده ورکړې؛ خو روسیه د مسکو په ناسته کې د پرمختګ تمه لري او مونږ ګورو، چې وضعیت ورځ تر بلې کړکېچن کیږي.
لاوروف زیاته کړې؛ روسیه په ځانګړي توګه د دې حقیقت په اړه اندښنه لري، چې په دوديزه توګه په افغانستان کې د هر پسرلي او دوبي په اوږدو کې شخړې ګړندۍ کیږي. مونږ ګورو، چې د جګړې دواړه خواوې د ملکي وګړیو ژوند په خطر کې اچوي.
په دې ناسته کې د افغانستان د سولې لپاره د امریکا ځانګړی استازی زلمی خلیلزاد هم شته، چې د پنجشنبې پر ورځ یې وویل، چې د دوحې خبرې اوسمهال یوې ډډې ته شوې دي.
د پاکستان، چین، ایران، ترکیې او قطر استازي هم پدې غونډه کې برخه لري.
دا په داسې حال کې ده، چې د افغانستان د ملي پخلاینې عالي شورا مشر عبدالله عبدالله د افغانستان د جمهوريت پلوي پلاوي د 12 کسيزې ډلې مشري کوي.
په دې ډله کې یوازې یوه میرمن حبیبه سرابي شامله ده.
د پنجشنبې پرماسپښین په یوه ټویټ کې د جمهوريت پلاوي پلاوي یوه استازي نادر نادري وویل، چې هغه تمه لري په میزونو کې د ښځو برابر شمېر باید نورم شي.
پداسې حال کې، چې د افغانستان په پلاوي کې یوه ښځه و ، خو طالبان د ښځینه استازیتوب څخه بې برخې ول.
د مسکو ناسته یوه له هغه دوه ناستو ده، چې د افغانستان د سولې لپاره پلان شوې او په راتلونکې اوونۍ کې به یې بله په ترکیه کې جوړه شي. دا دواړه ناستې د امریکا لخوا پر ښکېلو خواوو د نوي فشار یوه بڼه ده، چې دواړه جنګي اړخونه روان ۲۰ کلنه جګړه ودروي او سیاسي حل ومومي.
تازه خبرونه
چين مولوي عبدالکبیر ته په ټرانس – هیماليا ناسته کې د ګډون بلنه ورکړه
په کابل کې د چین سفیر ژاو شینګ د چارشنبې پر ورځ ( د غویی شپږویشتمه ) د ریاست الوزراء له سیاسي مرستیال مولوي عبدالکبید سره په کتنه کې هغه ته بلنه ورکړه، چې په ټرانس – هیمالیا فورم په غونډه کې ګډون وکړي.
په دې کتنه کې لومړی د چین سفیر له اسلامي امارت سره د خپل هېواد پر همکاریو ټینګار څرګند کړ او څرګندوي، چې د دواړو لوریو همکاري او متقابلې اړیکې د ستونزو په حل کې مرسته کولی شي.
ژاو شينګ ویلي؛ د چين ولسي جمهوريت په نړيوالو غونډو او په ځانګړي توګه د امنيت شورا په غونډو کې د اسلامي امارت د دريځ ملاتړ کوي او له اسلامي امارت سره خپلو همکاريو ته ژمن دی.
د افغانستان اسلامي امارت سیاسي مرستیال مولوي عبدالکبیر له افغانستان سره په بېلابېلو برخو کې د چین د خلکو جمهوریت له همکاریو مننه کړې او وایي، چې اسلامي امارت د یوه مسوول حکومت په توګه امنیت او ثبات ته ژمن دی او هڅه کوي، چې د سیمهییزو مسایلو، ثبات او پرمختګ په برخه کې فعال رول ولوبوي.
نوموړي د افغانستان په اړه په نړیوالو غونډو کې د چین همکاري او د اسلامي امارت له دریځ څخه د بیجینګ ملاتړ د افغانستان د خلکو په ګټه وباله او څرګندوي، چې د چین همکاري کولی شي په هېواد کې مثبت بدلونونه او اقتصادي وده رامنځته کړي.
تازه خبرونه
د تورخم لار لنډمهاله تړل کیږي
د تورخم کمیشنر عبدالجبار حکمت ويلي؛ د تورخم لار به د پاکستان له لوري د ۳ ورځو لپاره د ناروغانو او مسافرو د تګ راتګ پر مخ تړلې وي.
عبدالجبار حکمت ویلي، چې دغه لار به د جمعې له ورځې ( د غویی اتویشتمه) څخه تر یکشنبې ( د غویی دېرشمه ) پورې د ناروغانو او مسافرو پر مخ تړلې وي.
هغه زياته کړې، چې دغه سوداګريزه لار به ٢٤ ساعته پرانيستې وي او د باروړونکیو موټرو تګ راتګ او د سوداګريزو توکو لېږد رالېږد به روان وي.
حکمت زياته کړې، چې د ناروغانو او مسافرو پر مخ د دې لارې د بندېدو لامل له پخوانۍ ودانۍ څخه نوې ودانۍ ته د پاکستان د سرحدي دفترونو لېږدول دي.
تازه خبرونه
د سولې په چارو کې د ملګرو ملتونو د عمومي منشي مرستیال کابل ته راغلی
د سولې په چارو کې د ملګرو ملتونو د عمومي منشي مرستیال ژان پیر لاکروا به د دوه ورځني سفر په بهیر کې له جګړې څخه د پاتې چاودیدونکیو توکو د خطرونو په اړه د پوهاوي پر لوړولو راوڅرخیږي.
د سولې په چارو کې د ملګرو ملتونو د عمومي منشي مرستیال ژان پیر لاکروا له یوه پلاوي سره کابل ته راغلی دی.
د ملګرو ملتونو د ویاند مرستیال فرحان له دې مخکې په یوه خبري غونډه کې ویلي وه، چې ین پییر لاکروا به افغانستان ته په خپل سفر کې د چاودېدونکیو توکو د اغېزو په اړه د اسلامي امارت له چارواکو سره خبرې وکړي.
په دغه سفر کې له نوموړي سره د ملګرو ملتونو د ماین پاکۍ د څانګې مشره هم مل ده.
هغه زیاته کړې، چې لاکروا به د مې تر اووهلسمې پورې په کابل کې وي او په دې سفر کې به د ملګرو ملتونو د ماین پاکۍ د څانګې مشره ایلین کوهن هم ورسره مل وي.
د ملګرو ملتونو دغه چارواکي ویلي، چې د افغانستان خلک د ماینونو له خطر سره مخ دي او د ۲۰۲۳ کال له جنورۍ څخه د ۲۰۲۴ کال تر مارچ پورې په افغانستان کې د ۸۲۱ چاودېدونکیو توکو د وژل شویو ۸۱ سلنه ماشومان ول.
تر اوسه اسلامي امارت په دې اړه جزئیات ندي ورکړي.
د سولې په چارو کې د ملګرو ملتونو د عمومي منشي مرستیال په داسې حال کې افغانستان ته سفر کوي، چې ټاکل شوې د روان کال په جون میاشت کې د افغانستان په اړه په دوحه کې درېیمه غونډه جوړه شي.
دا په داسې حال کې ده، چې د ملګرو ملتونو د څرګندونو پر بنسټ، له دې مخکې د سولې په چارو کې د ملګرو ملتونو د عمومي منشي مرستیال قطر ته د سفر پر مهال د دغه هېواد له چارواکو سره د سولې د ټینګښت او د ستونزو په اړه خبرې کړې وې.
-
تازه خبرونه4 days ago
الله ګل مجاهد د قتل پر تور ونیول شو
-
تازه خبرونه4 days ago
په بغلان کې سېلابونو ۱۹۴۵ کسانو ته مرګ او ژوبله اړولې
-
تازه خبرونه3 days ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
سوداگري4 days ago
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه
-
تازه خبرونه4 days ago
څو ایراني شرکتونو د افغانستان په کانونو کې د پانګونې پرېکړه وکړه – قدیر قیافه
-
لوبی2 days ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه2 days ago
د یوناما استازې د ایران له بهرنیو چارو وزیر سره وکتل
-
تازه خبرونه2 days ago
په ننګرهار کې د ناکامورا کانال پروژه بشپړه شوه