لوبی
د افغانستان کرکټ لوبډله به نوره بې ارزښته ونهګڼل شي – ټراټ
افغان لوبډلې له دې مخکې هم د کرکټ نړیوالې شورا په سیالیو کې پیاوړو لوبډلو ته ماتې ورکړې وې؛ په ۲۰۲۴ کال کې افغانستان د شل اوریزو کرکټ نړیوال جام نیمه پای لوبې ته د رسېدو لپاره نیوزیلینډ او اسټرالیا ته ماتې ورکړې او د ۲۰۲۳ کال په شل اوریز کرکټ نړیوال جام کې یې انګلستان او پاکستان ته ماتې ورکړې دي.
د افغانستان کرکټ ملي لوبډلې مشر روزونکي جاناټن ټراټ د چارشنبې پر ورځ په اتلانو جام کې د انګلستان له ماتې وروسته ویلي؛ هیڅ لوبډله به افغان لوبډله بې ارزښته ونهګڼي.
افغانستان په لاهور کې د اتلانو جام په دوهیمه لوبه کې د انګلستان پر وړاندې ۳۲۵ منډې جوړې کړې او لوبه یې د ۸ منډو پر توپیر وګټله.
افغان لوبډلې له دې مخکې هم د کرکټ نړیوالې شورا په سیالیو کې پیاوړو لوبډلو ته ماتې ورکړې وې؛ په ۲۰۲۴ کال کې افغانستان د شل اوریزو کرکټ نړیوال جام نیمه پای لوبې ته د رسېدو لپاره نیوزیلینډ او اسټرالیا ته ماتې ورکړې او د ۲۰۲۳ کال په شل اوریز کرکټ نړیوال جام کې یې انګلستان او پاکستان ته ماتې ورکړې دي.
ټراټ په دې باور دی، چې د افغانستان کرکټ لوبډلې په اړه د نورو لوبډلو نظرونه بدل شوي دي.
هغه ویلي: “په ۵۰ اوریزه نړیوال جام او ۲۰ اوریزه نړیوال جام کې څه پېښ شول؟ او [اوس] زه لوبغاړو ته دا وایم: افغانستان به بیا هیڅکله کم ارزښته ونهګڼل شي.”
هغه زیاته کړې: “په تېرو وختونو کې شاید خلکو [د افغانستان پر وړاندې] لوبې ته کتل او فکر یې کاوه، چې د دې لوبډلې ګټل د هغه بل هېواد پر وړاندې د سیالۍ لپاره لږ څه اسانه دي؛ ځکه، چې هغو د خپل تاریخ په اوږدو کې ټیسټ لوبې کړې دي؛ خو په دې بڼه کې د شرایطو له مخې زه داسې څه نه وینم. زه هره لوبه، چې مونږ یې کوو د سیالۍ په توګه ګورم او ترې د ګټلو تمه لرم. آسټرالیا به مونږ بې ارزښته ونهګڼي.”
د چارشنبې د ورځې لوبه ډېره مهمه وه؛ ځکه، چې بایلونکې لوبډله له سیالۍ وتله؛ خو ګټونکې لوبډله به په مستقیم ډول نیمه پای لوبې ته ونهرسیږي، له همدې کبله د جمعې ورځې لوبه هم د افغانستان لپاره ډېره مهمه ده.
ټراټ وایي: “له هغه وخته، چې زه روزونکی یم؛ مونږ درې ځله له آسټرالیا سره لوبه کړې او په دې ټولو لوبو کې مو برخه اخیستې ده. زه لوبغاړو ته وایم، چې له نن شپې خوند واخلئ. زه غواړم ډاډ ترلاسه کړم، چې کله دوی سبا له خوبه راویښیږي؛ سمدلاسه به له آسټرالیا سره لوبې ته چمتو وي. له آسټرالیا سره پر لوبې راوڅرخئ. لوبغاړي به داسې وي او دا هغه څه دي، چې زه به یې مینهوالو ته ووایم.”
د هېواد کرکټ ملي لوبډلې مشر روزونکي هیله څرګنده کړې؛ ابراهیم ځدران، چې په ۱۴۶ توپونو یې ۱۷۷ منډې جوړې کړې؛ کولی شي د جمعې پر ورځ خپل “تلپاتې” هڅې تکرار کړي.
ټراټ دا هم ویلي، چې په سوداګریزو لیګونو کې د افغان لوبغاړو ګډون له افغان لوبډلې سره مرسته کړې ده.
د هېواد په ګوټ ګوټ کې د کرکټ مینهوال کولی شي د اتلانو جام ټولې لوبې پر ژوندۍ بڼه له آریانا ټلویزیون څخه وګوري.
د دې لوبو په اړه د معلوماتو ترلاسه کولو لپاره د آریانا ټلویزیون او آریانا نیوز ټولنیزو رسنیو پاڼې تعقیب کړئ.
لوبی
د افغانستان هندبال فډراسیون رییس د دې څانګې په نړیوال کانګرس کې ګډون وکړ
دغه ناسته د هندبال نړیوال فډراسیون د ۱۰۷ غړو هېوادونو د استازو په ګډون په قاهره کې جوړه شوې وه.
د افغانستان د هندبال فدراسیون رییس هدایتالله کامهوال د دې سپورټي څانګې په نړیوال کانګرس کې، چې په مصر کې ترسره شو؛ ګډون وکړ.
دغه ناسته د هندبال نړیوال فډراسیون د ۱۰۷ غړو هېوادونو د استازو په ګډون په قاهره کې جوړه شوې وه.
دا نړیوال کانګرس د ډسمبر له نولسمې تر دوهویشتمې پورې روان و، چې په کې د هندبال د نړیوال او آسیايي فډراسیونونو ټاکنې هم ترسره شوې.
د ټاکنو په پایله کې مصري حسن مصطفی د تر ټولو ډېرو رایو پر ترلاسه کولو د څلورو کلونو لپاره د هندبال نړیوال فډراسیون د رییس په توګه وټاکل شو.
دغه راز د آسیايي برخې په ټاکنو کې بدرمحمد ذیاب صالحالذیاب د هندبال د آسیايي فډراسیون د رییس په توګه وټاکل شو.
د افغانستان د هندبال فډراسیون مسوولانو ویلي، چې د دې نړیوال کانګرس په څنډه کې یې د هندبال له لوړو پوړو چارواکو سره په ځانګړې توګه د اسیايي هندبال د نوي رییس سره، لیدنې کړې دي. د دوی په وینا، د آسیايي هندبال رییس په دې لیدنه کې د افغانستان د هندبال پر پراختیا، ملاتړ او پرمختګ ټینګار کړی دی.
په دې نړیواله ناسته کې د افغانستان ګډون د سپورټي اړیکو د پیاوړتیا، د نړیوالو ملاتړونو د جلبولو او د هېواد د هندبال د ودې لپاره یو مهم ګام بلل کېږي، چې په وروستیو کلونو کې له بېلابېلو ستونزو او محدودیتونو سره مخ و.
لوبی
آریانا ټلویزیون د فیفا ۲۰۲۵ غوره فوټبال لوبغاړو د جایزو لسم پړاو مراسم خپروي
دا مراسم به په فیرمونټ کټارا سالون کې د پاري سنټ ژرمن او سي آر فلامنګو ترمنځ د فیفا انټرکانټینینټال جام له وروستۍ لوبې سره همهاله ترسره شي.
آریانا ټلویزیون په افغانستان کې د فیفا ۲۰۲۵ غوره فوټبال لوبغاړو مراسم پر ژوندۍ بڼه خپروي. د فیفا د څرګندونو له مخې؛ د جایزو دا تاریخي لسم پړاو د سېشنبې پر ورځ( د لیندۍ پېنځهویشتمه / د ډسمبر شپاړلسمه ) د قطر په دوحه کې ترسره او په کې به د نرینه او ښځینه فوټبال د مهمو جایزو ګټونکي اعلان شي.
دا مراسم به په فیرمونټ کټارا سالون کې د پاري سنټ ژرمن او سي آر فلامنګو ترمنځ د فیفا انټرکانټینینټال جام له وروستۍ لوبې سره همهاله ترسره شي.
په دې مراسمو کې به شاوخوا ۸۰۰ میلمانه؛ د فیفا رییس ګیاني اینفانټینو، د فیفا شورا غړي، د فوټبال افسانوي لوبغاړي او د فډراسیون غړي او استازي ګډون وکړي.
په جایزو کې غوره نرینه او ښځینه لوبغاړي، غوره روزونکي، ګولساتونکي او غوره ګولونه شامل دي.
ځانګړې جایزې لکه د فیفا د عادلانه لوبې جایزه او د مینهوالو جایزه به هم ورکړ شي. د ګټونکو په ټاکلو کې د مینهوالو له ۱۶ میلیون څخه ډېرې رایې رول لري.
په افغانستان کې د دې مراسمو مینهوال کولی شي په دې اړه وروستي معلومات د آریانا نیوز له اوبپاڼې، ټولنیزو پاڼو او د آریانا ټلویزیون د لیدلو له لارې ترلاسه کړي او د دغو مراسمو له ژوندۍ خپرونې خوند واخلي.
لوبی
کلکتې ته د مسي د سفر تنظیموونکی ونیول شو
د مراسمو تنظیم کوونکی ستاډرو دوټا د پولیسو لهخوا ونیول شو او هغه ژمنه وکړه، چې د ټکټونو لګښت به بیا ورکړ شي.
د ارجنټاین د فوټبال ستوري لیونل مسي د هند سفر د کلکتې په سالټ لیک لوبغالي کې له ګڼهګونې سره مخ او مینهوالو یې څوکۍ ماتې او شیان یې ډګر ته وغورځول. ټاکل شوې وه، چې مسي په دې لوبغالي کې ۴۵ دقیقې پاتې شي؛ خو له ۲۰ دقیقو وروسته ترې ولاړ.
د مراسمو تنظیم کوونکی ستاډرو دوټا د پولیسو لهخوا ونیول شو او هغه ژمنه وکړه، چې د ټکټونو لګښت به بیا ورکړ شي.
د لویدیځ بنګال اعلی وزیرې ممتا بنرجي د مسي او د هغه له مینهوالو بښنه غوښتې او د پېښې د بشپړې څېړنې او د مسوولانو د پېژندلو لپاره یې د یوې څېړنیزې کمېټې د جوړولو امر کړی دی.
مسي ټاکل شوې، چې هند ته د خپل سفر پر مهال د کلکتې، حیدرآباد، ممبي او نوي ډیلي په بېلابېلو پروګرامونو کې ګډون وکړي.
د لویدیځ بنګال ایالت د فوټبال د مینهوالو د زړهراکښونکې لېوالتیا او سپورټي ګډوډیو تاریخ لري او دا لومړی ځل ندی، چې د سالټ لیک لوبغالی د داسې پېښو شاهد دی.
-
تازه خبرونه4 days agoهند یو ځل بیا د افغانستان له روغتیایي برخې څخه د ملاتړ ډاډ څرګند کړ
-
تازه خبرونه4 days agoپه بدخشان کې د چینایي وګړو د شکمنو وژونکو پر ځاله افغان ځواکونو پرېکنده برید کړی
-
روغتيا4 days agoافغانستان په سنتي طب کې د هند همکارۍ وغوښته
-
تازه خبرونه1 day agoافغانان باید د یو کس د جرم بیه پرې نکړي – د بوش بنسټ
-
تازه خبرونه4 days agoپه کابل کې د قرغزستان د سوداګرۍ خونې له پرانیستې سره سم د اقتصادي همکاریو نوی پړاو پیل شو
-
تحول5 days agoتحول : د افغانستان په اړه د سیمې د هېوادونو لیدنې
-
سوداگري4 days agoافغان او قزاق چارواکو پر بانکي همکاریو خبرې وکړې
-
تازه خبرونه4 days agoپه روزګان کې د ۳۵۰ زره افغانیو پر ارزښت غلا شوي سرهزر ونیول شول
