تازه خبرونه
د امریکا سفارت چارسمبالې له قمر باجوه سره د افغانستان په اړه خبرې کړي
پاکستانیو رسنیو څرګنده کړې؛ په اسلام آباد کې د امریکا سفارت چارسمبالې انګېلا ایګلر د پاکستان د اردو له لوی درستیز جنرال قمر جاوید باجوه سره له افغانستان څخه د امریکایي ځوکونو له وتلو وروسته د سولې پر بهیر، سیمه ییز امنیت او دوه اړخیزو اړیکو بحث او خبرې کړي دي.
ډان نیوز څرګنده کړې، چې د امریکا سفارت د چارسمبالې او د پوځ د مشر ترمنځ غونډه د افغانستان په اړه د دواړو هېوادونو پر ښکېلتیا خبرې وې.
دا دوه اړخیزې خبرې د امریکا د بهرنیو چارو د وزیر انټوني بلینکن او شاه محمود قریشي تر منځ له ټیلیفوني خبرو وروسته راپورته شوې دي.
د دواړو هېوادونو د ملي امنیت سلاکارانو هم په ژنیو کې سره کتلي او د امریکا دفاع وزیر د اردو له مشر سره د ټیلیفون پر کرښه خبرې کړې دي.
آی ايس پي آر ویلي، د امریکا چارواکو په سیمه کې د سولې او ثبات راوستو لپاره د پاکستان له رښتینو هڅو درناوی کړیدی.
ډان نیوز په ډاګه کړې؛ داسې انګیرل کیږي، چې امریکا له افغانستان څخه د خپلو ځواکونو له وتلو وروسته په پاکستان کې د اډو غوښتنه کوي.
دا راپورونه د ولسمشر جو بایډن له هغو څرګندونې وروسته راپورته کیږي، چې امریکا به په سیمه کې د تروریزم پرضد د مبارزې وړتیاوو ته د پام وړ کتنه کوي. مونږ د طالبانو دې ژمنې ته، چې هیڅ ترهګرو ته د افغانستان له خاورې د ګواښ اجازه نه ورګوي؛ ډاډه یو.
د بهرنیو چارو وزیر قریشي د دې اوونۍ په پیل کې مشرانو جرګې ته ویلي وه، چې پاکستان به په دغه هېواد کې امریکايي اډو ته اجازه ورنکړي.
هغه ویلي: اجازه راکړئ؛ دا کور او د پاکستان ملت زما د شهادت شاهدي ورکړي، چې د عمران خان په مشرۍ به د پاکستان په خاوره کې هیڅ امریکایي اډه جوړه نشي؛ تېر، هیر ډاډمنه څرګندونه ده!
هغه وایي: د پاکستان حکومت په کلکه ویلي، چې مونږ به د بې پیلوټه الوتکو متحرک استعمال ته اجازه ورنکړو او نه هم مونږ ستاسې د بې پیلوټه الوتکو څارنې ته لیواله یو. دا د دې حکومت یوه روښانه پالیسي ده!
طالبانو په دې اوونۍ کې ګاونډیانو ته د بهرنیو ځواکونو له وتلو وروسته کوربه هېوادونو ته خبرداری ورکړ، چې بهرنیو ځواکونو ته د پوځي اډې جوړولو زمینه برابرول به تېروتنه، تاریخي شرم او د بښلو وړ نه وي.
تازه خبرونه
د متحده عربي اماراتو له بندخونو يوشمېر افغان بندیان خوشې شول
تازه خبرونه
ازبکستان او پاکستان د افغان ټرانس اوسپنېپټلۍ ډګرنۍ چارې پیلوي
دا هوکړه د پاکستان–ازبکستان د بین الحکومتي کمیسیون په لسمه ناسته کې، چې د سوداګریزو، اقتصادي او علمي–تخنیکي همکاریو په برخه کې جوړه شوې؛ ترلاسه شوې ده.
د ازبکستان د پانګونې، صنعت او سوداګرۍ وزارت په یوه راپور کې ویلي، چې ازبکستان او پاکستان د افغان – ټرانس اوسپنې پټلۍ پروژې په اړه ډګرنی( ساحوي) کار پیلولو لپاره یوې هوکړې ته رسېدلي دي.
دا هوکړه د پاکستان–ازبکستان د بین الحکومتي کمیسیون په لسمه ناسته کې، چې د سوداګریزو، اقتصادي او علمي–تخنیکي همکاریو په برخه کې جوړه شوې؛ ترلاسه شوې ده.
دغه ناسته د پاکستان د لومړي وزیر د صنعت او تولید چارو ځانګړي سلاکار هارون اختر خان او د ازبکستان د پانګونې، صنعت او سوداګرۍ وزیر لذیز قدرتوف په ګډه مشري کې ترسره شوه.
دواړو خواوو هوکړه کړې؛ د بین الحکومتي کمیسیون د منظم فعالیتونو لپاره نوې بڼې ته اړتیا ده، چې همغږي زیاته او د ګډو پروژو پلي کول ګړندي شي.
د افغان – ټرانس اوسپنې پټلۍ پروژه شاوخوا ۶۴۷ کیلومټره اوږدوالی لري او د ترمذ – نایبآباد–میدانښار– لوګر– خرلاچي له لارې تېرېږي؛ د پاکستان له اوسپنېپټلۍ سره نښلي، کراچۍ بندر او نورو سمندري ټرمینلونو ته د لاسرسي زمینه برابروي. د دې پروژې اټکلی لګښت ۴.۶ میلیارډ ډالر ښودل شوی دی.
اسلامي امارت هم تل ویلي، چې په سیمهییزو پروژو کې همکارۍ ته چمتو دی.
تازه خبرونه
د یوناما په کوربتوب د نشهیي توکو پر وړاندې د مبارزې حضوری او انلاین ناسته تر سره شوه
په دې ناسته کې د افغانستان اسلامي امارت د بهرنیو چارو، کورنیو چارو، کرنې، اوبو لګولو او مالدارۍ او د عامې روغتیا وزارتونو د استازو پر ګډون سربېره د یوناما، ملګرو ملتونو اړوند ادارو، نړیوالو او سیمهییزو بنسټونو، اروپايي اتحادیې، د اسلامي همکاریو ټولنې، ګڼو هېوادونو سفیرانو، استازو، ډیپلوماټانو او څانګوالو(متخصصینو) په حضوري او انلاین بڼه ګډون کړی و.
د افغانستان بهرنیو چارو وزارت د عامه اړیکو رییس ضیا احمد تکل د راپور له مخې؛ د کابل په ګرنډ هوټل کې د دوحې پروسې تر چتر لاندې دمخدره توکو پر وړاندې د مبارزې د کاري ګروپ څلورمه ناسته د یوناما پر کوربتوب پر حضوری او انلاین بڼه ترسره شوه.
په دې ناسته کې د افغانستان اسلامي امارت د بهرنیو چارو، کورنیو چارو، کرنې، اوبو لګولو او مالدارۍ او د عامې روغتیا وزارتونو د استازو پر ګډون سربېره د یوناما، ملګرو ملتونو اړوند ادارو، نړیوالو او سیمهییزو بنسټونو، اروپايي اتحادیې، د اسلامي همکاریو ټولنې، ګڼو هېوادونو سفیرانو، استازو، ډیپلوماټانو او څانګوالو(متخصصینو) په حضوري او انلاین بڼه ګډون کړی و.
ضیا احمد تکل زیاته کړې؛ د اسلامي امارت د رهبر پر فرمان په افغانستان کې د کوکنارو کښت تقریباً صفر ته راټیټ شوی. د امارت استازو د قانون د تنفیذ، بدیل معیشت او د معتادینو د درملنې په برخو کې د امارت لاسته راوړنې، ننګونې او همداراز وړاندیزونه او حل لارې وړاندې کړې.
دغه راز د اسلامي امارت مسوولانو د مصنوعي نشهيي توکو اړوند خپله اندېښنه څرګنده کړه او وایي، چې د یادو توکو سرچینې د افغانستان له پولو څخه د باندې دي او که مخه یې ونهنیول شي؛ نو نه یوازې افغانستان، بلکې سیمه او ټوله نړۍ به ترې زیانمنه شي.
بل لوري ته یوناما، د ملګرو ملتونو ادارو، نورو نړیوالو بنسټونو، ګڼو هېوادونو او اړوند څانګوالو له نشهیي توکو سره د اسلامي امارت د مبارزې له هڅو ستاینه کړې او څرګندوي، چې د کوکنارو د کښت اړوند د بندیز له فرمان څخه وروسته د کوکنارو په کښت کې ځانګړی کموالی راغلی او دا یې د افغانستان په تاریخ کې یوه غټه لاسته راوړنه وبلله.
همدارنګه ګڼو هېوادونو او بنسټونو په یاده مبارزه کې د مرستو ډاډ ورکړ او د نشهيي توکو پر وړاندې د مبارزې اړوند یې د دوحې پروسې تر چتر لاندې او همداراز په دوه اړخیزه توګه د پوره همغږۍ او ښکېلتیا وړاندیزونه وکړل.
د ناستې ګډونوالو ټینګار کړی، چې د یادو لاسته راوړنو د ساتلو لپاره باید بزګرانو ته د بدیل معیشت زمینه برابره او د معتادینو درملنه او په ټولنه کې د بیا مدغمېدا لپاره کار وشي.
-
تازه خبرونه3 days agoپه افغانستان کې د سنتي نبوي طب پوهنځی منظور شو
-
تازه خبرونه2 days agoد افغانستان ملي پراختیا سټراټیژي له خطر سره مخ ده – یوانډيپي
-
لوبی3 days agoد ۲۰۲۶ آسیا فوټسال جام اته وروستۍ لوبډلې ځانګړې شوې
-
سیمه ییز خبرونه4 days agoد ایران د بندرعباس په یوه ودانۍ کې د ګاز ډبې د چاودنې له کبله ۱۶ کسانو ته مرګ او ژوبله اوښتې
-
تازه خبرونه3 days agoد ګوزڼ په پیل شوي ملي کمپاین کې ۷.۳ میلیون ماشومان واکسین کېږي
-
تازه خبرونه3 days agoپه دوحه کې د افغانستان د ۵زره کلن تاریخ او کلتور نندارتون پرانیستل شو
-
تحول5 days agoتحول: د پاکستان په بلوچستان کې د بلوچ آزادي غوښتونکي پوځ همغږي بریدونه
-
تازه خبرونه3 days agoپه شانګهای همکاریو ټولنه کې د افغانستان فعال ګډون ممکن او عملي دی
