تازه خبرونه
د تاوتریخوالي وروستۍ څپې د پراخ برید ښکارندویې دي ـ اشرف غني
د افغانستان ولسمشر اشرف غني د دوشنبې پر ورځ( د کب ۴) په ډاګه کړې، چې زمونږ د خلکو پر وړاندې د تاوتریخوالي وروستۍ څپې د ټولنې پر وړاندې د پراخ برید ښکارندویي کوي.
د ملګرو ملتونو سازمان د بشري حقونو شورا شپږ څلوېښتمې عادي غونډې ته په وینا کې ویلي، چې موخه ییزې وژنې د تېرو ۲۰ کلونو راپدیخوا د افغان ټولنې د ژور بدلون د استازیو نرینه او ښځینه وو پر وړاندې له ګام پورته کولو بل څه ندي.
اشرف غني څرګنده کړې: د تاوتریخوالي وروستۍ څپې زمونږ د خلکو، مدني بنسټونو، بشري حقونو له ټولنو نیولې ان تر رسنیو، عدلي او ملکي بنسټونو او امنیتی ارګانونو پورې زمونږ د ټولنې د بزګرانو او سوداګرو پروړاندې د سیستماتیک برید ښکارندویې دي.
غني دا هم ویلي، چې د افغانستان خلک او دولت په دغو بېړنیو حالاتو کې له اړتیا وړ ژمنتیا، ډاډ او زړورتیا برخمن دي.
اشرف غني په ډاګه کړې: په ټولیزه توګه بشري او وګړنیز حقونه، ښځې، نجونې، ځوانان او ټولنیزې ډلې به د سولې په خبرو اترو کې د پام وړ وځلیږي.
هغه دا هم ویلي: د جګړې له ډګره د آسیا څلور لاري او نړیوالې همکارۍ ته ورتېرېدنه باید د غوراویو له سخت آزمونه ورواوړي.
د ولسمشر غني د څرګندونو له مخې؛ د افغانستان خلک او دولت د ملي، نړیوال او سیمه ییز ګډون په چوکاټ کې د سولې، بازار او دولت جوړونې په چوکاټ کې د ملت په توګه خپل ګډ تقدیرغښتلی او د سولې هڅې تر سره کړي.
دا په داسې حال کې ده، چې ولسمشر غني په یوه تازه مرکه کې ویلي، چې د بهرنیو سرتېرو پاتې کېدل د سولې بهیر چټکولی شي او دا پرېکړه به د دې سبب شي، چې طالبان سولې ته راودانګي او پدې توګه په افغانستان کې د سولې بهیر چټک او څلوېښت کلنه جګړه پای ته ورسوي.
تازه خبرونه
اسلامي امارت باید د تروریستي هڅو د ترسره کېدا اجازه ورنګړي – چین او پاکستان
چین او پاکستان په ګډه خبرپاڼه کې له اسلامي امارت غوښتي، چې له ترهګرۍ سره کلکه مبارزه وکړي او اجازه ورنکړي، چې د افغانستان خاوره د تروریستي فعالیتونو لپاره وکارول شي.
په دې ګډه خبرپاڼه کې، چې بیجینګ ته د پاکستان د لومړي وزیر له پېنځه ورځني سفر وروسته خپره شوې راغلي؛ دواړو لوریو د افغانستان د مسئلې په اړه د اړیکو او همغږۍ پر پیاوړتیا هوکړه کړې ده.
دوی د همغږو هڅو تر څنګ له نړیوالې ټولنې غوښتي؛ له افغانستان سره په مثبته توګه د بشري مسایلو او اقتصادي پرمختګ په برخو کې د ننګونو د حل لپاره مرسته وکړي، چې اسلامي امارت ټولګډونه سیاسي چوکاټ رامنځته، اعتدالي او د ښه ګاونډیتوب پالیسي غوره کړي.
دغه راز چین او پاکستان له نړیوالې ټولنې څخه د اسلامي امارت د هڅوولو غوښتنه کړې، چې له ترهګرۍ سره کلکه مبارزه وکړي او اجازه ورنکړي، چې د افغانستان خاوره د تروریستي هڅو لپاره وکارول شي.
دواړو لوریو هوکړه وکړه، چې له افغانستان سره د تلپاتي پرمختګ او په نړیواله ټولنه کې د ادغام لپاره د مرستې رغنده رول ولوبوي.
په سیمه کې پاکستان تل ادعا کړې، چې پر حکومت یې د بریدونو اصلي سرچینه افغانستان دی. اسلامآباد د بېلګې په توګه اعلان کړی، چې په خیبر پښتونخوا ایالت کې پر چینايي انجنیرانو برید په افغانستان کې پلان شوی او عامل یې افغان و.
دغه ادعا اسلامي امارت رد کړې او تل یې ټینګار کړی؛ اجازه نهورکوي، چې د افغانستان خاوره د نورو هېوادونو د امنیت پر ضد وکارول شي.
تازه خبرونه
اسلامي امارت ته مشوره مداخله نده؛ د تهران غونډه ورته ښه تریبون و، خوګډون یې په کې ونکړ
د افغانستان لپاره د ایران د ولسمشر ځانګړي استازي حسن کاظمي قُمي ویلي، چې اسلامي امارت ته مشوره او وړاندیز د مداخلې معنا نلري؛ د تهران غونډه د هغو کسانو لپاره یو ښه تریبون و، چې ګډون یې په کې ونکړ.
حسن کاظمي قُمي دغه څرګندونې په تهران کې د سیمهییزې اړیکډلې ( تماس ډلې یا مسکو فارمټ ) له دوهیمې غونډې وروسته په یوه خبري کنفرانس کې کړي، چې تېره ورځ په تهران کې د روسیې، چین، پاکستان او ایران د استازو ترمنځ د افغانستان لپاره ترسره شوې ده.
د افغانستان لپاره د ایران ځانګړي استازي قُمي زیاته کړې، چې په نړۍ کې هیڅ هېواد د افغانستان د خلکو د ملاتړ او له اسلامي امارت سره د اړیکو په برخه کې د ایران په شان عمل ندی کړی.
هغه په ډاګه کړې، چې د افغانستان ګاونډ هېوادونه په دې لټه کې دي، چې د دې هېواد لپاره د هر اړخيزې جوړونې نقشه چمتو کړي.
قُمي د افغانستان په اړه د دوحې لومړۍ او دوهيمې غونډې ته په نغوته ( اشاره ) کې ويلي؛ په دې غونډو کې داسې څه وړاندې نشول، چې د افغانستان له مسئلې سره مرسته وکړي.
هغه زیاته کړې، چې یو له هغو مسلو په افغانستان کې د ملګرو ملتونو لهخوا د ځانګړي استازي ټاکنه ده. په داسې حال کې، چې یوناما په افغانستان کې شتون لري.
د افغانستان لپاره د ایران ځانګړي استازي دا هم ویلي: تهران به له ټولو هغو کړنو سره مرسته وکړي، چې د یوه مسوول حکومت په توګه د اسلامي امارت لپاره لار اواره کړي؛ خو که کوم څه تحمیل او وتپل شي او یا کومه پایله ورنکړي، دفاع یې نهکوي.
هغه وایي؛ هڅې روانې دي، چې د دوحې د درېیمې ناستې اجنډا بدلون ومومي او پالیسي دا ده، چې په دې غونډه کې اسلامي امارت هم ګډون وکړي.
اسلامي امارت تأیید کړې، چې د تهران غونډې ته بلنه ورکړ شوې وه؛ خو هغه یې ونهمنله.
د بهرنیو چارو وزارت د درېیمې سیاسي څانګې مشر ذاکر جلالي ويلي؛ افغان حکومت تمه لري، چې د افغانستان په اړه غونډې باید د نویو میکانیزمونو پر ځای د عادي او شته میکانیزمونو له لارې ترسره شي.
ذاکر جلالي زیاته کړې؛ افغان حکومت د دوحې د درېیمې ناستې په اړه له اړوند چارواکو سره په خبرو بوخت دی.
د افغانستان په اړه په دوحه کې درېیمه غونډه د جون پر دېرشمه جوړېږي.
تازه خبرونه
د روسیې ولسمشر د کابل او مسکو پر نږدې اړیکو ټینګار څرګند کړ
ولادیمیر پوتین د سنټ پیټرزبورګ نړیوالې اقتصادي غونډې په څنډه کې خبریالانو ته ویلي، چې په افغانستان کې اسلامي امارت واکمن دی او دا حقیقت باید درک شي.
د روسیې ولسمشر ولادمیر پوتین ویلي؛ مونږ تل په دې باور یوو، چې باید واقعیت ومنو. طالبان په افغانستان کې واک لري. مونږ باید د طالبانو له حکومت سره اړیکې ټینګې کړو.
پوتین زیاته کړې، چې د روسیې او ازبکستان لپاره په افغانستان کې ثبات تر اقتصادي فرصتونو ډېر مهم دی؛ خو دی له اسلامي امارت غواړي، چې د یوه ټولګډونه حکومت د جوړولو په اړه خپلې ژمنې پوره کړي.
ولادمیر پوتین وایي: زمونږ او ازبکستان لپاره، په افغانستان کې امنیت او ثبات له اقتصادي فرصتونو څخه ډېر مهم دی. طالبان باید د ټولګډونه حکومتوالۍ په خورا حساسه موضوع کې د ټولو توکمونو او سیاسي ډلو په ګډون خپلې ژمنې پوره کړي. د ملګرو ملتونو د امنیت شورا ټولنې پر کچه لوی موضوعات هم باید حل شي.
په څه کم دوه اوونیو کې د روسیې حکومتي چارواکو په بېلابېلو کچو د کابل او مسکو ترمنځ د اړیکو پر پراختیا ټینګار کړی دی.
له دې مخکې د روسیې بهرنیو چارو وزیر سرګي لاوروف ویلي وه، چې مسکو غواړي د ترهګرو ډلو له نوملړ څخه د اسلامي امارت نوم لرې کړي.
د افغانستان لپاره د روسیې ځانګړي استازي ضمیر کابلوف په دې وروستیو کې ویلي، چې اسلامي امارت نور د روسیې دښمن نه ګڼل کیږي.
د افغانستان اسلامي امارت ویاند ذبیح الله مجاهد له روسیې سره د اړیکو له پراختیا هرکلی کوي او څرګندوي، چې افغانستان له ټولو هېوادونو سره د متوازنې پالیسۍ په چوکاټ کې ښې اړیکې غواړي.
له ۲۰۰۳ کال راپدیخوا روسیې د اسلامي امارت نوم د منع شویو ډلو په نوملړ کې شامل کړ؛ خو په افغانستان کې د اسلامي امارت له بیا واکمیدو وروسته په څه کم درې کلونو کې روسیې له اسلامي امارت سره ښې اړیکې ټینګې کړي او تر څنګ یې د اسلامي امارت ډیپلوماټان هم ومنل.
-
سیمه ییز خبرونه4 days ago
نریندرا مودي د هند په ټاکنیزو سیالیو کې له ډېر لږ اکثریت برخمن شو
-
تازه خبرونه4 days ago
سراج الدین حقاني او د متحده عربي اماراتو چارواکو په څو برخو کې هوکړې وکړې
-
لوبی1 day ago
د افغانستان کرکټ ملي لوبډلې د نیوزیلینډ پر وړاندې تاریخي بریا خپله کړه
-
تحول5 days ago
تحول: کابل د قزاقستان له وروستۍ پرېکړې هرکلی وکړ
-
تازه خبرونه4 days ago
افغان زعفرانو د نهم ځل لپاره په نړۍ کې لومړی مقام خپل کړ
-
تازه خبرونه4 days ago
اسلامي امارت له نړیوالې ټولنې سره خپلې ژمنې پوره کړې ندي – مارټین ګریفیټس
-
تحول4 days ago
تحول؛ د افغانستان لپاره د مسکو فارمټ ناستې جوړېدل
-
څار4 days ago
څار: متحده عربي اماراتو ته د کورنیو چارو وزارت د چارسمبالي سفر