Connect with us

تازه خبرونه

د ترهګریزو بریدونو پر ځاله د افغانستان د بدلېدو وړاندویېنې ناسمې ثابتې شوې – د امریکا استخبارات

کوهن په مریلینډ کې د ملي امنیت په اړه کنفرانس کې ویلي: ” له وحشته ډکې وړاندویېنې وړاندوینې رښتیا نه‌شوې.

خپور شوی

د

Last Updated on: وږی ۱۱, ۱۴۰۳

د امریکا د استخباراتو ادارې مرستیال ډیویډ کوهن ویلي؛ هغه خبرداری، چې د امریکايي ځواکونو له وتلو وروسته به افغانستان په ټوله نړۍ کې د تروریستي بریدونو پر ځاله بدل شي، ناسم و.

کوهن په مریلینډ کې د ملي امنیت په اړه کنفرانس کې ویلي: ” له وحشته ډکې وړاندویېنې وړاندوینې رښتیا نه‌شوې.

د ان‌بي‌سي نیوز د راپور له مخې: د امریکا د استخباراتو ادارې (سي آی ای ) مرستیال ویلي، چې واشنګټن په وروستیو کلونو کې د چین او روسیې پر وړاندې د خپل ملي امنیت لومړیتوبونه بدل کړي؛ خو ویلي یې دي، چې له ترهګرۍ سره مبارزه اوس هم د امریکا استخباراتي ادارې دنده ده او امریکا په کې نه ناکامیږي.

کوهن ویلي: مونږ په کې پانګونې روانه وساتو او د سرچینو ځای پر ځای کول به مو په کې روان وي.

هغه زیاته کړې، چې داعش او د هغې خراسانۍ څانګه اوس هم یو لوی ترهګریز ګواښ دی.

ډیویډ کوهن د امریکا هغو عملیاتو ته نغوته وکړه، چې پر ۲۰۲۲ ز. کال یې په کابل کې د القاعده مشر ایمن الظواهري وواژه او دا د ترهګرۍ پر وړاندې د مبارزې د یوې بریا بېلګه یاده شوخ؛ خو اسلامي امارت دا موضوع تائید کړې نده.

هغه دا هم ویلي؛ سي آی ای له اسلامي امارت سره خپلې اړیکې ساتلې، چې دا له ترهګرۍ سره د مبارزې ژمنو ښکارندویي کوي.

ډیویډ کوهن وایي؛ مونږ دا ټول وخت له هغوی سره له بېلابېلو لارو په اړیکه کې یوو، ځکه هغوی په له القاعده او خراساني داعش سره د مبارزې هڅې کړې دي.

دغه څرګندونې له هغې وروسته راپورته شوي، چې د امریکا جمهوري غوښتونکیو وکیلانو د بایډن پر ادارې د امریکايي پوځیانو د وتلو د څرنګوالي په اړه نیوکه وکړې او ادعا کوي، چې افغانستان یو ځل بیا د خراساني داعش په ګډون د ترهګرو ډلو پر خوندي ځاله بدل شوی دی.

سربېره پر دې؛ د ملګرو ملتونو د جولای د راپورله مخې؛ بهرني دولتونه په افغانستان کې د خراساني داعش په ګډون له مخ پر زیاتېدونکيو تروریستي ګواښونو اندېښمن دي.

دا په داسې حال کې ده، چې د افغانستان اسلامي امارت د ترهګرو ډلو شتون رد کړی او څرګندوي؛ د افغانستان له خاورې یې هیچا ته د نورو هېوادونو د امنیت پر ضد د ګواښ رامنځته کولو اجازه نده ورکړې.

تازه خبرونه

اسلامي امارت قطر او ترکیې ته خواخوږي وړاندې کړه

یاد وزارت دا پېښه خواشینوونکې بللې او د قربانیانو کورنیو ته یې خپله ژوره خواشیني او خواخوږي څرګنده کړې ده.

Published

on

د افغانستان اسلامي امارت بهرنیو چارو وزارت د قطر په اوبو کې د یوې چورلکې د راغورځېدا د مرګونې پېښې له کبله د قطر او ترکیې حکومتونو او خلکو ته خپله خواخوږي وړاندې کړې ده.

یاد وزارت دا پېښه خواشینوونکې بللې او د قربانیانو کورنیو ته یې خپله ژوره خواشیني او خواخوږي څرګنده کړې ده.

د راپورونو له مخې؛ د قطر په اوبو کې د چورلکې د راغورځېدا له کبله اووه کسانو خپل خوږ ژوند له لاسه ورکړی دی.

ویل کیږي، چې د دې پېښې لامل تخنیکي ستونزه ده.

Continue Reading

تازه خبرونه

پاکستان له افغانستان سره په روان جنګ کې د روسیې د منځګړیتوب غوښتنه وکړه

فیصل نیاز ترمذي د روسیې له «ایزوستیا» ورځپاڼې سره په مرکه کې ویلي؛ پاکستان له روسیې سره په اړیکه کې دی او د دې هېواد له «ځانګړي وړاندیز» څخه د کړکېچ د حل لپاره مننه کوي.

Published

on

په روسیه کې د پاکستان سفیر فیصل نیاز ترمذي ویلي: اسلام‌آباد له مسکو څخه غوښتي، چې له افغانستان سره په روان جنګ کې منځګړیتوب وکړي.

فیصل نیاز ترمذي د روسیې له «ایزوستیا» ورځپاڼې سره په مرکه کې ویلي؛ پاکستان له روسیې سره په اړیکه کې دی او د دې هېواد له «ځانګړي وړاندیز» څخه د کړکېچ د حل لپاره مننه کوي.

هغه زیاته کړې؛ د روسیې، چین، قطر، ترکیې او سعودي عربستان وړاندیزونه د لنډمهالي اوربند د هوکړې لامل شوي هم دي.

ترمذي ټینګار کړی: « مونږ له خپلو ټولو شریکانو غواړو، چې مهرباني وکړئ طالبانو (اسلامي امارت) ته ووایاست، چې له دې فرصته یوازې د بیا تنظیم، بیا وسلوال کېدا او بیا برید لپاره کار وانخلي؛ ځکه لوی هېوادونه لکه روسیه او پاکستان د ترهګریزو کړنو له لارې بې‌ثباته کېدی نشي.»

دې پاکستاني ډیپلوماټ ټینګار کړی، چې په افغانستان کې لسیزو جګړو نه یوازې کابل او اسلام‌آباد، بلکې ګاونډ هېوادونه لکه ایران، تاجکستان، ترکمنستان، ازبکستان او حتا روسیه هم اغېزمن کړي دي.

هغه زیاته کړې: « ځکه، نو مونږ ټول باید له یو بل سره سوداګري وکړو، ښوونې، هنر او کلتور ته وده ورکړو. تروریزم ناسمه لار ده.»

د منځګړیتوب دا غوښتنه په داسې حال کې راپورته شوې، چې د وروستیو اوونیو د تاوتریخوالي او شخړو د زیاتېدا په پایله کې سلګونه کسان ووژل شول او زرګونه نور بې‌ځایه شوي دي.

پاکستانيانو څو ځله ادعا کړې، چې په دې هېواد کې وسله‌وال بریدونه د افغانستان له خاورې  تنظیمېږي.

په داسې حال کې، چې اسلامي امارت تل د پاکستان دا ادعا رد کړې او څرګندوي؛ افغانستان د پاکستان د «امنیتي ناکامۍ» مسوول ندی.

Continue Reading

تازه خبرونه

نړۍ دې د افغانستان او پاکستان د پراخې جګړې مخه ونیسي – فایننشل ټایمز

یادې ورځپاڼې زیاته کړې: نږدې پېنځه کاله د اسلامي امارت له بیا واکمنېدا تېر شوي؛ خو د افغانستان په اړه د نړۍ د پاملرنې د کمېدا ترڅنګ دې رسنۍ پر ښځو محدودیتونه او د کابل او اسلام‌آباد تر منځ د اړیکو خرابوالی ته هم ګوته نیولې ده.

Published

on

د فایننشل ټایمز ورځپاڼې په یوه لیکنه کې، چې د یکشنبې پر ورځ خپره شوې؛ خبرداری ورکړی: د افغانستان او پاکستان تر منځ د کړکېچونو زیاتوالی د دې خطر رامنځته کوي، چې روان وضعیت پراخې جګړې ته واوړي؛ خو نړیواله ټولنه باید ژر تر ژره له دې سیمې سره بیا تعامل پیل کړي.

یادې ورځپاڼې زیاته کړې: نږدې پېنځه کاله د اسلامي امارت له بیا واکمنېدا تېر شوي؛ خو د افغانستان په اړه د نړۍ د پاملرنې د کمېدا ترڅنګ دې رسنۍ پر ښځو محدودیتونه او د کابل او اسلام‌آباد تر منځ د اړیکو خرابوالی ته هم ګوته نیولې ده.

د لیکنې له مخې: د پاکستان او اسلامي امارت تر منځ اړیکې له ۲۰۲۱ ز.کال راپدېخوا ډېرې خرابې شوې دي، ځکه اسلام‌آباد افغان چارواکي په خپله خاوره کې د دوی مخالفو وسلوالو ته پر پناه ورکولو او بریدونو تورنوي؛ خو دا ادعا تل اسلامي امارت رد کړې ده.

په وروستیو اوونیو کې تاوتریخوالی دومره زیات شوی، چې د هوايي او ځمکنیو بریدونو له کبله د یو شمېر راپورونو له مخې له زر ډېر کسان وژل شوي او له سل زره ډېر نور بې‌ځایه شوي دي.

دغه راز له تر ټولو خونړیو پېښو څخه یوه په کابل کې د روږدو د درملنې پر امید نومي روغتون د پاکستاني پوځیانو هوايي برید و، چې د افغان چارواکو پر وینا سلګونه کسان په کې وژل شوي دي.

ورځپاڼې خبرداری ورکړی، چې که تاوتریخوالی همداسې روان وي؛ نو ښايي د جنوبي او مرکزي آسیا ثبات له خطر سره مخ کړي او افغانستان یو ځل بیا د وسلوالو ډلو د فعالیتونو پر مرکز بدل شي.

دې ورځپاڼې د پاکستان پر پوځي پالیسۍ هم نیوکه کړې او څرګندوي، چې یوازې هوايي بریدونه د وسلوالو فعالیتونو د پای ته رسولو لپاره بسنه نه‌کوي.

دغه راز له لویو قدرتونو لکه امریکا او چین څخه غوښتي، چې فعاله ډیپلوماټیکه ونډه واخلي.

همدارنګه، د چین سټراټیژیکو ګټو ته هم نغوته(اشاره ) شوې، چې بیجینګ کولی شي د منځګړي په توګه رول ولوبوي.

د سولې پخوانیو ناکامو هڅو سره – سره ورځپاڼې ټینګار کړی، چې د نړۍ بې‌پروايي او بې‌تفاوتي به سیمه له پوره خطرونو سره مخ کړي.

Continue Reading
Advertisement

Trending

Copyright © 2025 Ariana News. All rights reserved!