تازه خبرونه
د تېرې شپې په زلزله کې د بلخ ولایت خلکو ته درانده زیانونه اوښتي
د بلخ ولایت ویاند عطاالله زید زیاته کړې؛ تر اوسه ۱۲ شهیدان او ۴۸۰ نور ټپیان لرو.
بلخ ولایت تېره شپه شاوخواه یوه بجه د ریښتر پر کچه ۶.۳ درجې زلزلې ولړزاوه، چې په کې ګڼشمېر خلکو ته مالي او ځاني زیانونه واوښتل.
د بلخ ولایت ویاند عطاالله زید زیاته کړې؛ تر اوسه ۱۲ شهیدان او ۴۸۰ نور ټپیان لرو.
د عامې روغتیا او سرې میاشتې ډلې ټپیان لېږدوي او درملنه یې روانه ده.
د بلخ ولایت مقام او سخي روضې په ګډون د ښار او ولسوالیو ګڼشمېر کورونه او ودانۍ ویجاړې او زیانمنې شوې دي.
دا په داسې حال کې ده، چې ملي دفاع وزارت ټینګار کړی؛ د هېواد امنیتي او دفاعي ځواکونه چمتو دي، چې په پاتې اغېزمنو سیمو کې ۲۴ ساعته شتون ولري او اړینې مرستې چمتو کړي. همدارنګه د مرستې تجهیزات او متخصصې ډلې به په زلزله ځپلیو سیمو کې د ستونزو د ارزونې او حل لپاره متحرک شي.