تازه خبرونه
د تېر یو کال پر پرتله په امنیتي پېښو کې ۹۰ سلنه کم والې راغلی – محمد یعقوب مجاهد
د اسلامي امارت د امنیتي او تصفیوي چارو کمیسون مشر او د افغانستان د ملي دفاع وزارت چارسمبالي محمد یعقوب مجاهد نن ( یکشنبه د مرغومي ۱۰ ) د تېر یو کال لاسته راوړنې د یو خبري کنفرانس په ترڅ کې وړاندې کړې او څرګندوي، چې د تېر یوکال پر پرتله په امنیتي پېښو کې ۹۰ سلنه کم والې راغلې دی.
د ملي دفاع وزارت چارسمبالي ویلي؛ په افغانستان کې د ټولې نړۍ امنیت تامین شوی دی. په تېرو دولس مياشتو کې د تېرو دولس مياشتو پر پرتله د شر او فساد په پېښو کې ٩٠ سلنه کموالى راغلى دى.
د ملي دفاع وزارت چارسمبالي ويلي؛ د هېواد په جوماتونو، خانقاوو، دیني علماوو او عامو وګړو په شویو بریدونو کې ټول بهرني اتباع په ځانګړي توګه د تاجکستان او پاکستان هېواد اتباع ښکېل دي.
د ملي دفاع وزارت چارسمبالي محمد یعقوب مجاهد د امنیتي او دفاعي چارو د کمیسیون په مطبوعاتي کنفرانس کې ویلي: په افغانستان کې د داعش پروژه نه ریښې لري او نه پایله. د دې پروژې ډیزاینران او سپانسران باید پهدې حقیقت پوه شي.
محمد یعقوب مجاهد وایي: د شر او فساد په اړه دومره باید ووایم، چې د دوی شتون یوازې په مجازي نړۍ کې دی او په افغانستان کې د پښې اېښودلو ځای نهلري.
هغه ویلي، چې امنیتي ځواکونو د دغو هېوادونو لسګونه دا ډول کسان په عملیاتو کې وژلي او یا هم نیولي دي.
د محمد یعقوب مجاهد د څرګندونو له مخې؛ داعش په افغانستان کې نشته. هغه هېوادونه، چې له لارې يي شریر بهرني عناصر افغانستان ته داخلېږي؛ باید خپل ځمکني او هوايي سرحدات په جدي توګه کنټرول کړي او پرېنږدي، چې افغانستان ته د دوی له لارې شریر عناصر را داخل شي.
هغه همداراز ویلي، چې د اسلامي نظام پر وړاندې هرډول نظامي فعالیت بغاوت دی او امنیتي ځواکونه د بغاوت کوونکیو پر وړاندې جدي اقدام کوي.
ده دا هم ویلي، چې په افغانستان کې اوس بشپړ امنیت دی او د افغانستان خاوره د هیڅ هېواد پر ضد نه کارول کېږي.
هغه ویلي: په تېرو ۱۲ میاشتو کې د امنیتي ځواکونو په ځانګړو عملیاتو کې سلګونه انسان تښتوونکي نیول شوي او ۲۵ کسان یې وژل شوي دي. ۵۰ کسان د تښتوونکیو له منګولو ژغورل شوي او د تښتونې کچه اوس نږدې صفر ته راکښته شوې ده.
نوموړي ویلي؛ د مخدره توکو د کښت او قاچاق پر تور ۸۲۸۲ کسان نیول شوي او د مخدره توکو د پروسس ۸۳۴ کارخونې او ۴۴۷۲ ټنه نشهيي توکي او د الکولي مشروباتو د توليد ۵۷ کارځي یې له منځه وړي دي.
هغه زیاته کړې؛ په تېرو ۱۲ میاشتو کې د امنیتي ځواکونو د عملیاتو په پایله کې سلګونه نامسووله وسلهوال او غله نیول شوي او یو شمېر یې وژل شوي دي. امنیتي ځواکونه د تېرو ۱۲ میاشتو په پرتله د وسلهوالو او غیرمسوولو غلاوو په ګراف کې د پام وړ کموالی راغلی دی.
د ملي دفاع وزارت چارسمبالي دا هم ویلي، چې کورنۍ او بهرنۍ متعصبې کړۍ غواړي له افغانستان څخه د سیمې او نړۍ هېوادونو ته اندېښنې پیدا کړي.
هغه زیاته کړې: د دغو متعصبو ډلو لپاره د ناسمو معلوماتو خپرول یو کار و بار ګرځېدلی. دوی له دې لارې غواړي ځانونه خپلو شومو سیاسي او مالي اهدافو ته ورسوي.
د هغه په وينا، ملګرو ملتونه او په ځانګړي توګه امنيت شورا د دغو کړیو د اغراضو ښکار شوي دى.
محمد یعقوب مجاهد وایي: افغانستان د ۲۰ ولایتونو او ۹۰ ولسوالیو له لارې له شپږ هېوادونو سره ګډه پوله لري او د ډیورنډ فرضي کرښې سره تړلی دی. په ۳۷ کمپونو کې نږدې ۶۳ پوځي پوستې لرو، ۱۰۸ پوځي مرکزونه او ۶۰۰ امنیتي پوستې له ټولو امکاناتو، وسایلو او تجهیزاتو سره د امنیتي ګواښونو سره د مبارزې لپاره په مناسبو او مطلوبو سیمو کې جوړې او فعالې شوې دي. د دغو کړنو په پایله کې زمونږ رسمي او غیر رسمي پولې تر ډېره حده خوندي شوي دي.
ویل کیږي، چې په افغانستان کې د پخوانۍ ادارې پاتې شوې وسلې، مهمات او پوځي تجهیزات خوندي او د مسوولینو په لاس کې دي. هغه ادعاوې، چې ګواکې دغه وسلې د ځینو ډلو لاس ته لوېدلې؛ تش تبلیغات او دروغ دي.
تازه خبرونه
اسلامي امارت به نړیوالو فشارونو ته تسلیم نشي – مولوي عبدالکبیر
د ریاست الوزراء سیاسي مرستیال مولوي عبدالکبیر د سې شنبې پر ورځ (د غویی یوولسمه) د کابل پولیتخنیک د زدهکړیالانو د فراغت په مراسمو کې څرګنده کړې، چې اسلامي امارت به نړیوالو فشارونو ته تسلیم نشي او نه به د هیچا پر فرمایش کار وکړي.
د کابل پولیتخنیک پوهنتون د زدهکړیالانو د فراغت مراسم د اسلامي امارت د چارواکو په حضور کې ترسره شول؛ خو ډېر پر سیاسي خبرو راڅرخېدل.
نوموړي په دې مراسمو کې زیاته کړې، چې د سیمې ټرانزیټ له افغانستان پرته ناشوني دی او چارسمبالی حکومت ترې ګټه پورته کوي.
د اسلامي امارت دغه لوړپوړي چارواکي ویلي، چې چارسمبالی حکومت له یوې خوا د پروژو پر پلي کېدا او له بلې خوا د کانونو پر استخراج کار کوي.
هغه دغه راز هېواد ته د مهاجرینو د راستنېدو لپاره د شرایطو پر برابرولو هم ټینګار وکړ.
د امربالمعروف او نهی عن المنکر او شکایتونو اورېدو وزارت چارسمبالي محمد خالد حنفي ویلي، اسلامي امارت په هېواد کې د عصري علومو د پراختیا مخالف ندی او غربي هېوادونه د اسلامي امارت پر خلاف په دې اړه منفي تبلیغات کوي.
د لوړو زدهکړو وزارت چارسمبالي ندا محمد ندیم ټینګار کوي، چې اسلامي امارت د جګړې په ډګر کې بریالی شوی؛ د اقتصاد، روغتیا او پوهنې په ډګرونو کې به هم بریاوې ترلاسه کړي.
له بلېخوا د لوړو زدهکړو وزارت یو شمېر نورو چارواکو ويلي؛ دغه وزارت هڅه کوي، چې د علمي او تحصیلي پراختیا په برخه کې پرمختګ وکړي او له نړیوالو معیارونو سره برابر شي.
د کابل پولیتخنیک پوهنتون د فراغت له دې پړاو څخه د ۱۷ څانګو ۵۳۷ زدهکړیالان فارغ شول او د اسلامي امارت د چارواکو لهخوا د فراغت سندونه ورکړ شول.
تازه خبرونه
افغان ـ ترکمن چارواکو په هرات کې د نورالجهاد سب سټیشن چارې وارزولې
د افغانستان برښنا شرکت څرګنده کړې، چې د دې شرکت د رهبرۍ او ترکمن پلاوي ترمنځ د هرات نورالجهاد سب سټېشن د پاتې تخنیکي چارو د ژر بشپړېدو، فعالېدو او پرانیستلو په اړه ګډه ناسته ترسره شوه.
د افغانستان برښنا شرکت عملیاتي رییس عبدالرحمن رحماني په دې ناسته کې ویلي؛ اوسمهال د نورالجهاد سب سټیشن چارې د بشپړېدو په حال کې دي او ټاکل شوې د دواړو لوریو ترمنځ د تخنیکي مسایلو له حل کېدلو وروسته نوموړی سب سټیشن فعال او ګټې اخیستنې ته وسپارل شي.
دغه راز د ترکمنستان نړیوالو پروژو رییس مراد آرتیکوف ویلي؛ د نورالجهاد سب سټیشن چارې د دواړو لوریو ترمنځ په ښې همغږۍ ترسره شوي او ډېر ژر به بشپړې شي.
د آرتیکوف د څرګندونو له مخې؛ ټاکل شوې د تجهیزاتو او نورو تخنیکي مسایلو پروتوکول هم په راتلونکیو ورځو کې تائید او وروستی شي.
ویل کیږي، چې د نوموړې پروژې له پرانیستې سره به هرات ته د ترکمنستان وارداتي برښنا کچه لوړه او زرګونه نوي پېرودونکي د برښنا له انرژۍ څخه برخمن شي.
تازه خبرونه
له ترهګرۍ سره په مبارزه کې له اسلامي امارت سره همکارۍ ته چمتو یوو- ایران
په کابل کې د ایران سفارت د دوشنبې پر ورځ ( د غویی لسمه) د هرات ولایت په یوه جوماتن کې له وسلهوال برید وروسته څرګنده کړې، چې له ترهګرۍ سره په مبارزه کې له اسلامي امارت سره همکارۍ ته چمتو دی.
یاد سفارت دا غبرګون په هرات ولایت کې د شیعهګانو پر جومات له وسلهوال برید وروسته څرګند کړی دی.
دا سفارت دا برید “ترهګریزه پېښه” بولي او په کلکه یې غندلې ده.
د دغه سفارت په خبرپاڼه کې راغلې، چې ايران غواړي د دغه «جرم» عاملين وپېژني او سزا ورکړي.
دغه سفارت زیاته کړې؛ ایران له ترهګرۍ سره د مبارزې په برخه کې له اسلامي امارت سره د همکارۍ د پیاوړتیا لپاره خپل چمتووالی اعلانوي.
د کورنیو چارو وزارت ویاند عبدالمتین قانع ويلي؛ تېره شپه (دوشنبه د ثور لسمه) د هرات ولایت د ګذرې ولسوالۍ په شهرک سیمه کې ناڅرګندو وسلهوال پر لمونځ کوونکیو د کلاشینکوف ډزې کړي، چې ۶ ملکي وګړي یې وژلي او یو بل ټپي دی.
قانع زیاته کړې، چې د دې پېښې جزئیات به وروسته وړاتندې شي.
تر اوسه کومې ډلې یا شخص د دې پېښې مسوولیت پر غاړه ندی اخیستی.
-
تازه خبرونه2 days ago
د بغلان ولایت د غوري سمنټو تولید زیات شوی
-
تازه خبرونه2 days ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه2 days ago
په عراق کې به همجنسبازان پر۱۵ کاله بند شي –پارلمان
-
لوبی2 days ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل
-
سیمه ییز خبرونه1 day ago
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
-
تازه خبرونه2 days ago
له پاکستان څخه دې د افغان کډوالو د جبري ایستلو چټکتیا راکمه شي
-
تازه خبرونه1 day ago
تېر کال د ۳۵ میلیون ډالرو پر ارزښت پراختیايي او بشري پروژې ترسره شوي
-
لوبی22 hours ago
اټک انرژي او موج ساحل د دوشنبې د ورځې لوبې وګټلې