Connect with us

تازه خبرونه

د دبلیو اف پي مرستیال په افغانستان کې له خلکو سره د مرستې ډاډ څرګند کړ

خپور شوی

د

Last Updated on: چنګاښ ۱, ۱۴۰۲

د ملګرو ملتونو د خواړو نړیوال پروګرام د اجرائیوي مدیر مرستیال کارل سکاو تېره اوونۍ افغانستان ته په څو ورځني سفر کې د دغه پروګرام کارونه له نږدې و ارزول.

کارل سکاو په دې سفر کې له اړمنو خلکو سره د دې پروګرام د بشري مرستو د کمښت شاهد و او لامل یې په مرستندویه موسسو کې د ښځو د کارونو ځنډول او د بودجې کموالی وباله.

هغه په دې اړه ويلي: دا ښکاره ده، چې د خواړو نړيوال پروګرام پلانونه هره ورځ په افغانستان کې د ډېرو خلکو ژوند ژغوري. په بېلابېلو سیمو کې د خوراکي توکو د وېش پر مهال د کورنیو چارسمبالو میرمنو را ته ویلي، چې د دبلیو اف پي مرستې د دوی او د دوی د ماشومانو لپاره ډېرې ژغورونکې دي او بزګرانو راته په ډاګه کړې، چې دوی څنګه کولی شي د دبلیو اف پي پر مرسته خپلې ټولنیزې شتمنۍ له ورانوونکیو سیلابونو او وچکالۍ خوندي او وژغوري. ما د حرفوي زده‌کړو په کورسونو کې وړتیا لرونکې افغان میرمنې هم ولیدې او اوس د دې توان لري، چې خپله پیسې ترلاسه او خپلو کورنیو ته پرې خواړه واخلي.

نوموړي د کابل ولایت بګرامي ولسوالۍ او د پروان ولایت چاریکار ښار ته په خپل پېنځه ورځني سفر کې د خواړو نړیوال پروګرام له اوسنیو فعالیتونو لیدنه وکړه.

نوموړي په کابل کې د ملګرو ملتونو له استازیو، دیپلوماتانو او نادولتي ادارو له مشرانو سره هم کتلي.

کارل سکاو د اسلامي امارت له چارواکو سره په خپلو خبرو کې د خواړو نړیوال پروګرام له فعالیتونو څخه د ملاتړ په برخه کې د ښځو پر حیاتي رول ټینګار څرګند کړ.

هغه ویلي: د خواړو نړیوال پروګرام نرینه او ښځینه همکاران او زمونږ د نادولتي موسسو ملګري، چې ما ورسره ولیدل ټول د زړه له کومي خپلو کارونو او زمونږ د ژوند ژغورلو او بدلون موخو ته ژمن دي. مونږ به په خپلو فعالیتونو کې د ښځینه کارکوونکیو د بشپړ ګډون لپاره کار روان وساتو؛ ځکه او په افغانستان کې نجونې، هلکان، ښځې او نرینه اړ دي، چې د دبلیو اف پي مرستو ته مساوي لاسرسی ولري.

د خواړو نړیوال پروګرام په راتلونکیو شپږ میاشتو کې د خپلو فعالیتونو د دوام او اړو کسانو ته د خوراکي توکو د برابرولو لپاره ۹۱۸ میلیون دالرو مرستې ته بېړنۍ اړتیا هم په ډاګه کړه.

کارل سکاو په افغانستان کې د خپل ماموریت د پای پر وخت د افغانانو لپاره د بشري مرستو د دوام غوښتنه وکړه څرګندوي: نړۍ نشي کولى د افغانستان خلکو ته شا واړوي. مونږ اړتیا لرو، چې د خپلو نرینه او ښځینه کارمندانو لپاره د خوندي او ملاتړي چاپېریال د رامنځته کولو لپاره لارې چارې ولټوو؛ خو له بشپړ ملاتړ پرته مونږ نشو کولی هغه مرستې چمتو کړو، چې په ټول هېواد کې د نجونو، هلکانو، ښځو او نرینه وو لخوا ورته اړتیا لیدل کیږي.

اټکل کیږي، چې په افغانستان کې له ۱۵ میلیون ډېر خلک د خوراکي توکو له ناامنۍ او پر اقتصادي ناورین سربېره د اقلیمي بدلون له منفي اغېزو سره مخ وي.

تازه خبرونه

د اسلامي امارت مالیې وزیر د ایران د مازندران له کرنیزو او تولیدي مرکزونو لیدنه وکړه

د مالیې وزارت په خبرپاڼه کې راغلي، محمد ناصر آخوند په مازندران کې له ځايي کارخونو، د کبانو له روزنتونونو او د تازه مېوو له بسته‌بندۍ مرکزونو لیدنه کړې ده.

Published

on

 

د اسلامي امارت مالیې وزیر محمد ناصر آخوند ایران ته د خپل سفر په لړ کې مازندران ته تللی او د دې ولایت له سیمه‌ییزو چارواکو سره یې د کرنې، سوداګرۍ او تخنیکي همکاریو په اړه خبرې کړې دي.

د مالیې وزارت په خبرپاڼه کې راغلي، محمد ناصر آخوند په مازندران کې له ځايي کارخونو، د کبانو له روزنتونونو او د تازه مېوو له بسته‌بندۍ مرکزونو لیدنه کړې ده.

د دغه وزارت د څرګندونو له مخې؛ د مازندران چارواکو د کرنې، سوداګرۍ او نورو اړوند برخو کې له افغانستان سره د مسلکي او تخنیکي همکاریو ډاډ ورکړی دی.

مازندران د ایران په شمال کې د کسپین بحیرې ترڅنګ موقعیت لري او د دغه هېواد له حاصل‌خیزو ولایتونو څخه دی.

د سیمه‌ییزو چارواکو د معلوماتو له مخې، دغه ولایت پراخ لیمو او مالټې بڼونه او د کبانو ګڼ روزنتونونه لري، چې د ایران په اقتصاد کې مهم رول لري.

Continue Reading

تازه خبرونه

د افغانستان ثبات د ټولې سیمې پر ګټه دی – سویس

دغه څرګندونې د افغانستان د بدلونونو او د هغو د سیمه‌ییزو اغېزو په اړه د یوې غونډې پر مهال د سویس د سفیر او د افغانستان لپاره د بریټانیا د ځانګړي استازي او په پاکستان کې د ناروې د سفیر له لیدنې وروسته مطرح شوې دي.

Published

on

 

په پاکستان کې د سویس سفارت ویلي، د افغانستان ثبات د ټولې سیمې پر ګټه دی او د دې موخې د ترلاسه کولو لپاره د نړیوالې ټولنې پرله‌پسې تعامل، د شریکانو ترمنځ نږدې همغږي او له سیمه‌ییزو هېوادونو سره د خبرو دوام اړین دی.

دغه څرګندونې د افغانستان د بدلونونو او د هغو د سیمه‌ییزو اغېزو په اړه د یوې غونډې پر مهال د سویس د سفیر او د افغانستان لپاره د بریټانیا د ځانګړي استازي او په پاکستان کې د ناروې د سفیر له لیدنې وروسته مطرح شوې دي.

په دې کتنه کې د افغانستان پر وروستیو بدلونونو او پر سیمه‌ییزو اغېزو خبرې شوې دي.

Continue Reading

تازه خبرونه

د خپلې واکمنۍ د ساتلو لپاره به مسلمانانو ته د جګړې اجازه ورنه‌کړم – د اسلامي امارت رهبر

نوموړي د مسلمانانو پر یووالي او پیوستون ټینګار کړی او څرګندوي، چې مؤمنان باید یو وجود وي او د یو بل ملاتړ وکړي.

Published

on

 

د اسلامي امارت رهبر شیخ هبة‌الله آخوندزاده په کابل پوهنتون کې د فرمانونو د اغېزو د څېړلو په اړه د علمي ـ څېړنیز کنفرانس ګډونوالو ته ویلي، د خپلې واکمنۍ د ساتلو لپاره به مسلمانانو ته د جګړې اجازه ورنه‌کړم.

نوموړي د مسلمانانو پر یووالي او پیوستون ټینګار کړی او څرګندوي، چې مؤمنان باید یو وجود وي او د یو بل ملاتړ وکړي.

آخوندزاده زیاته کړې؛ د فتنې د مخنیوي او د هغې د لارو د بندولو لپاره یې د اسلامي امارت مشري منلې او چمتو دی، چې د مسلمانانو د خوندي پاتې کېدا لپاره خپل ژوند قربان کړي.

نوموړي د دیني عالمانو پر رول هم ټینګار کړی او وایي؛ عالمان باید خلکو ته دین ورسوي، عامه افکار جوړ کړي او خلک د اسلامي امارت له تعریف او ماهیت سره بلد کړي.

هغه ویلي، د اسلامي امارت سیاست پر قرآن کریم او شریعت ولاړ دی او د امیر درناوی د رعیت درناوی دی.

همدارنګه آخوندزاده ویلي، د قصاص او شرعي حدودو فیصلې د ده له تنفیذي امر پرته نه تطبیقېږي او د اسلامي امارت له شتون پرته د شریعت پلي کول ناشوني دي.

په همدې کنفرانس کې د هېواد له بېلابېلو سیمو څخه راغلو یو شمېر جیدو دیني عالمانو هبت‌الله آخوندزاده ته د«شیخ‌الاسلام» لقب ورکړ.

Continue Reading
Advertisement

Trending

Copyright © 2026 Ariana News. All rights reserved!