تازه خبرونه
د دولتي چارواکود معاشونو د تنظیم د قانون طرحه په دوو فصلونو او اتو مادو کې تصویب شوه
ولسي جرګې د دولتي چارواکود معاشونو د تنظیم د قانون طرحه په دوو فصلونو او اتو مادو کې تصویب کړه. د دغې تصویب شوې طرحې له مخې، د اجرایی رییس میاشتنی معاش څه باندی دوه سوه شپیته زره افغانۍ او د مرستیالانو میاشتنی معاش یې څه باندې یوسلو دوه نوي زره افغانۍ په پام کې نیول شوی.
ولسي جرګې په داسې حال کې دغه ګام پورته کړ چې ځینې وکیلان په نیوکې سره وایي د اجراییه ریاست د حقوقي مشروعیت ستونزه لا نه ده حل شوې.
د ولسي جرګې د مالي چارو او بوديجې رییس امیر خان یار وايي:
«د لومړي بست معاش چې دېرش زره دوه سوه پنځوس زره ده د اجرایه رییس د ۸ عشاریه ۵ ضریب او د مرستیالانو یی ۶ اعشاریه ۲ په ضریب په پام کي نیول شوي دي.»
ځینې وکیلان بیا د اجراییه ریاست د قانوني مشروعیت مساله د بحث وړ ګڼي او وایي، دا ستونزه لا نه ده حل شوې.
په ولسي جرګه کې د هرات د خلکو استازی صالح محمد سلجوقي وايي:
«د ملی یووالي د حکومت د مشروعیت لپاره حقوقي حل لار نه ده پیدا شوې. ځینې داسې ادارې دې متن کې شته چې حقوقی ستونزه لري. د دي پر ځای چې قانوني ستونزې حل کړو، داسې تشکیل تصویبوو چې اصل کې یې تشکیلات حقوقي ستونزه لري.»
په ولسي جرګه کې د بغلان د خلکو استازی عبید الله رامین وايي:
«دا مهمه ده چې د دولت اساسي تشکلات لومړی پارلمان ته راشي هره ورځ د تشکیلاتو یوه برخه راځي چي دا ستونزه نه شي حل کولای.»
د ولسي جرګې د مالي چارو او بوديجې کمیسون وايي چې که څه هم د هېواد اقتصادي حالاتو ته په کتو دغه معاشونه لوړ دي خو دوی د اداري فساد د مخنیوي له پاره دغه ضریبونه په پام کې ونیول ترڅو په هېواد کې ښه حکومت داري رامنځ ته شی.
ولسي جرګې د دولتي چارواکو د معاشونو د تنظیم د قانون طرحه په دوه فصلونو او اتو مادو کې تصویب کړه.
خبريال: عبدالعزیز کریمي
تازه خبرونه
جاپان د افغانستان له سیلاب ځپلیو سره د بېړنیو مرستو ژمنه وکړه
په افغانستان کې د جاپان سفارت د پنجشنبې پر ورځ په ډاګه کړه، چې د افغانستان د شمال له سیلاب ځپلیو خلکو سره به بېړنۍ مرستې وکړي.
د سفارت د خپرې شوې خبرپاڼې له مخې؛ دا مرستې به د جاپان د نړيوالې همکارۍ ادارې (JICA) له لارې د سره صليب او سرې مياشتې ټولنې (IFRC) او افغاني سرې مياشتې ټولنې (ARCS) پر همکارۍ ترسره شي.
دا مرست خیمې، کمبلې او نور اړین توکي رانغاړي.
په یادې خبرپاڼه کې راغلي؛ جاپان پرېکړه کړې، چې ډېر ژر به د افغانستان د سيلاب ځپلیو خلکو د مرستې لپاره بېړنۍ مرستې وکړي. مونږ تل د افغانستان د خلکو تر څنګ ولاړ یوو.
دغه راز د ملګرو ملتونو د بشري چارو د همغږۍ دفتر (OCHA) ویلي، چې په بغلان، بدخشان او تخار ولایتونو کې د سختو بارانونو او سیلابونو له کبله ۸ زره ۹۷۵ کورونه ویجاړ شوي او یا هم زیانمن شوي دي.
روسیې هم د اړتیا په صورت کې د مرستې ژمنه کړې ده.
دا په داسې حال کې، چې د اسلامي همکاریو ټولنې (OIC) هم له اسلامي هېوادونو او مرستندویه ټولونو غوښتي، چې د افغانستان له سیلاب ځپلیو سره مرسته وکړي.
تازه خبرونه
د ترکیې سفیر د افغانستان سیلاب ځپلیو ته د ۶۷۰ ټنو مرستې اعلان وکړ
په کابل کې د ترکیې سفیر د اقتصاد وزارت له چارسمبالي سره په کتنه کې څرګنده کړې، چې سبا (جمعه د غویی ۲۸ ) ته به د افغانستان د وروستیو سیلاب ځپلیو لپاره د لومړنیو توکو څه باندې۲۰ ټنه مرسته راولېږدول شي.
د اقتصاد وزارت د خبرپاڼې له مخې؛ جنګ اونال له دین محمد حنیف سره په کتنه کې له ترکیې څخه د ۶۵۰ ټنو نورو بشري مرستو له رالېدولو هم خبر ورکړی، چې په کې خیمې، خوراکي توکي، درمل، جامې او نور توکي شامل دي.
هغه دا ډاډ هم ورکړی، چې افغانستان ته به دا مرستې د اوسپنېپټلۍ له لارې د هرات تورغنډۍ بندر ته رادننه شي.
په دې کتنه کې دین محمد حنیف له دغو مرستو څخه د هرکلي تر څنګ ویلي، چې د ترکیې هېواد د تاریخ په اوږدو کې د افغانستان یو ښه دوست او همکار پاتې شوی دی.
تازه خبرونه
ملګري ملتونه غواړي په افغانستان کې د ځمکو خړبولو لپاره سولري پمپونه ولګوي
د ریاست الوزراء اداري مرستیال عبدالسلام حنفي د سې شنبې پر ورځ ( د غویی پېنځهویشتمه ) د ملګرو ملتونو د پروژې خدمتونو د دفتر (UNOPS) له اجرائیوي رییس جورج موریرا داسیلوا سره وکتل.
په دې کتنه کې جورج موریرا داسیلوا اداري مرستيال ته د خپلو تېرو هڅو او لاسته راوړنو په اړه معلومات ورکړل او څرګندوي؛ دا اداره غواړي، چې په افغانستان کې د سولري پمپونو پر لګولو د کرنيزو ځمکو د خړوبولو يوه نوې پروژه پيل کړي.
عبدالسلام حنفي د دې ادارې د فعالیتونو او لاسته راوړنو د ستاینې ترڅنګ ویلي، چې اسلامي امارت په افغانستان کې د (UNOPS) ادارې له هڅو ملاتړ کوي او د پروژو د پلي کولو لپاره یې لازمې اسانتیاوې برابروي.
ویل کیږي، چې عبدالسلام حنفي له ټولو نړیوالو مرستندویه بنسټونو وغوښتل، چې کروندګرو ته د کوکنارو د بدیل کښت او افغان ځوانانو ته د کار د زمینې په برابرولو کې همکاري وکړي.
-
تازه خبرونه5 days ago
الله ګل مجاهد د قتل پر تور ونیول شو
-
تازه خبرونه4 days ago
په بغلان کې سېلابونو ۱۹۴۵ کسانو ته مرګ او ژوبله اړولې
-
لوبی3 days ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه4 days ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
تازه خبرونه3 days ago
د یوناما استازې د ایران له بهرنیو چارو وزیر سره وکتل
-
سوداگري5 days ago
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه
-
تازه خبرونه5 days ago
څو ایراني شرکتونو د افغانستان په کانونو کې د پانګونې پرېکړه وکړه – قدیر قیافه
-
تازه خبرونه3 days ago
په ننګرهار کې د ناکامورا کانال پروژه بشپړه شوه