تازه خبرونه
د صنعت او سوداګرۍ وزیر ترکیې ته ولاړ
د صنعت او سوداګرۍ وزارت د څرګندونو له مخې؛ نورالدین عزیزې به د سفر پرمهال د ۲۰۲۵ حلال نندارتون د پرانیستې په مراسمو کې هم برخه واخلي. دا فرصت به هغه ته اجازه ورکړي، چې د ترکیې د خصوصي سکټور له غړو سره وګوري او د افغانستان لپاره د زیاتو پانګونو د راجلبولو لپاره لار اواره کړي.
د افغانستان اسلامي امارت د صنعت او سوداګرۍ وزیر نورالدین عزیزي او ورسره مل پلاوی د ترکیې پر رسمي بلنه د اقتصادي همکاریو ټولنې (ایکو) د وزیرانو په غونډه کې د ګډون لپاره ترکیې ته سفر وکړ.
د صنعت او سوداګرۍ وزارت د څرګندونو له مخې؛ نورالدین عزیزې به د سفر پرمهال د ۲۰۲۵ حلال نندارتون د پرانیستې په مراسمو کې هم برخه واخلي. دا فرصت به هغه ته اجازه ورکړي، چې د ترکیې د خصوصي سکټور له غړو سره وګوري او د افغانستان لپاره د زیاتو پانګونو د راجلبولو لپاره لار اواره کړي.
د اقتصادي همکاریو ټولنه (ایکو) یو سیمهییز بنسټ دی، چې موخه یې د غړو هېوادونو ترمنځ د اقتصادي، سوداګریزو، کلتوري او تخنیکي همکاریو پراختیا ده.
ترکیې له افغانستان سره ډیپلوماتیک او اقتصادي ښکېلتیا ساتلې ده. که څه هم د اسلامي امارت نړیواله پېژندنه حل شوې نده.
ترکي شرکتونو اوس هم د افغانستان په ساختماني، هوايي چلند او انرژۍ سکټورونو کې فعال دي او انقرې د دوامداره اقتصادي همکارۍ لپاره لېوالتیا ښودلې ده.
د اقتصادي همکاریو ټولنې (ECO) چې افغانستان، ترکیه، ایران، پاکستان او د منځنۍ آسیا څو هېوادونه په کې شامل دي؛ موخه یې د سیمهییزې سوداګرۍ، ټرانسپورتي اړیکو او اقتصادي ملګرتیاوو پیاوړي کول دي.
د یادونې ده، چې ترکیې ته د نوموړي سفر له سیمې سره د افغانستان د اقتصادي اړیکو د پیاوړتیا لپاره یو اړین ګام دی.