Connect with us

سیمه ییز خبرونه

د فارياب په غورماچ ولسوالۍ كې ۱۷وسله وال طالبان وژل شوي- جنرال لونگ

خپور شوی

د

(Last Updated On: لړم ۳, ۱۴۰۱)

د هېواد په شمال كې د ملي اردو ذولفقار كماندو ځواكونه وايي، چې:

د فارياب ولايت په غورماچ ولسوالۍ كي يې د وسله والو طالبانو په يو مركز بريد كړى، چې په كې اوولس وسله وال طالبان وژل شوي او د دوى د يو مهم قومندان په گډون يې شل تنه وسله وال نيولي دي.

په همدې حال كې د فارياب والي وايي، چې:

د دغه ولايت په قيصار ولسوالۍ كې هم  امنيتې ځواكونو د وسله والو طالبانو يو مركز نيولى دى.

وسله والو طالبانو په دې باب څه نه دي ويلي .

د هېواد په شمال كې د ملي اردو ذلفقار كماندو ځواكونو كومندانۍ وياند احمد جاويد سليم وايي، چې:

افغان كماندو ځواكونو په يو لړعملياتو كې، چې د بهرنيو هوايي ځواكونو له خوا يې ملاتړ كيده د فارياب ولايت په غورماچ ولسوالۍ كې يې د وسله والو طالبانو يو مركز له منځه وړى او څلويښت تنه وسله وال طالبان يې وژلي او نيولي دي.

كوماندان جاويد وايي، چې دوى په دغو عملياتو كې شپېتنه ميله وسله ، بشكه يې ماينونه، د راكټ مرمۍ او پنځلس موټر سايكلونه هم نيولي دي .

د فارياب والي وايي، چې:

د دغه ولايت د قيصار ولسوالۍ په خواجه كنتي نومي سيمه كې، چې د څو مياشتو راهيسې د وسله والو طالبانو په ولكه كې وه د افغان او ناټو ځواكونو په عملياتو كې د وسله والو طالبانو له وجود پاكه شوه او دولتي ځواكونه په كې مېشت او د بهرنيو روزونكيو له خوا محلي پوليسو ته په كې روزنه پيل شوې ده .

قيصار او المار د فارياب هغه دوه ولسوالۍ دي، چې په تېرو درې كلونو كې يې امنيتي وضيعت د اندېښنې وړ او خراب و .

Advertisement
Click to comment

Leave a Reply

Your email address will not be published. Required fields are marked *

سیمه ییز خبرونه

پوتين د ستراتيژيکو همکاريو د پراختيا لپاره بېجينګ ته رسېدلی

Published

on

(Last Updated On: غویی ۲۷, ۱۴۰۳)

د روسيې ولسمشر ولاديمير پوتين نن (پنجشنبه د غویی اووه‌ویشتمه ) بېجينګ ته پر دوه ورځني سفر رسېدلی دی.

د رویټرز د څرګندونو له مخې؛ پوتین به چین ته په خپل سفر کې له خپل چینايي سیال شي جینپینګ سره د ستراتیژیکو همکاریو د پراختیا په اړه خبرې وکړي.

مسکو د دوه ځواکمنو هېوادونو ترمنځ، چې د امریکا “ژیوپولیټیک” سیالان دي؛ “ستراتیژیکه ملګرتیا” پراخه کړي.

پوتين له شينهوا خبري اژانس سره په مرکه کې له شي جينپينګ څخه مننه وکړه، چې له روسيې سره يې د ملي ګټو او متقابل باور پر بنسټ د همکارۍ په جوړولو کې مرسته کړې ده.

د روسیې ولسمشر زیاته کړې: مونږ به هڅه وکړو، چې د صنعت او پرمختللې ټکنالوژۍ، فضا او سوله ییزې اټومي انرژۍ، مصنوعي ځیرکتیا، د نوي کیدونکي انرژۍ د سرچینو او نورو نوښتګرو برخو کې نږدې همکارۍ رامنځته کړو.

پوتین د شپږ کلنې دورې له لوړې وروسته د خپل لومړي بهرني سفر لپاره چین وټاکه او غواړي، چې نړۍ ته د خپلو لومړيتوبونو پیغام په ځانګړي توګه له شي جينپينګ سره د لیدنې له لارې وړاندې کړي.

٧١ کلن پوتين او ٧٠ کلن شي جينپينګ به د پخواني شوروي اتحاد د چين د ولسي جمهوريت د پېنځه‌اویایمې کليزې د نمانځنې په مراسمو کې ګډون وکړي، چې په ١٩٤٩ ز.کال کې د مائو تسه‌تونګ لخوا اعلان شوی و.

چین او روسیې د ۲۰۲۲ کال په فبرورۍ کې بیجینګ ته د پوتین د سفر پر مهال “غیر محدوده ملګرتیا” اعلان کړه.

امریکا چین د خپل لوی سیال په توګه او روسیه د خپل حکومت او خلکو لپاره تر ټولو لوی ګواښ ګڼي.

په دغه سفر کې پوتین به د چین په شمال ختیځ کې د هاربین ښار ته هم ولاړ شي، چې له روسیې سره ژورې اړیکې لري.

دا سفر په داسې حال کې کېږي، چې چین په وروستیو کلونو کې د امریکا او متحدینو له‌خوا یې پر دغو دوه هېوادونو د لګول شویو بندیزونو له کبله له روسیې سره خپلې سوداګریزې او پوځي اړیکې زیاتې کړې دي.

د یادولو ده، چې د لویدیځو هېوادونو مشرانو په ځانګړي توګه امریکا له روسیې سره د بندیزونو په معامله کې د چین رول مهم بللی دی.

Continue Reading

سیمه ییز خبرونه

پر رفح د اسرائیلو بریدونه په نړیواله محکمه کې ارزول کیږي

Published

on

(Last Updated On: غویی ۲۶, ۱۴۰۳)

د ملګرو ملتونو د عدالت نړیواله محکمه به د پنجشنبې او جمعې په ورځو کې د جنوبي افریقا پر غوښتنه د غزې د جګړې پر مهال پر رفح د اسرائیلو د بریدونو په اړه بحث وکړي.

د نړیوالې محکمې د څرګندونو له مخې؛ د جنوبی افریقا پر غوښتنه به د غویی پر اووه ویشتمه  او اته‌ویشتمه / د می پر شپاړلسمه او اووه‌لسمه پر رفح د اسرائیلو پر بریدونو ناستې تر سره شي.

دا غوښتنه د هغو دوسیو یوه اړینه برخه ده، چې سویلي افریقا د جنوري په میاشت کې د اسرائیلو پر وړاندې ثبت شوې او دا هېواد یې په غزه کې د فلسطینیانو پر نسلي وژنې تورن کړی دی.

د یکشنبې پر ورځ مصر له ترکیې او کولمبیا سره د اسرائیلو پر ضد د درېدو غوښتنه وکړه.

د مصر حکومت په نړیواله محکمه کې د اسرائیلو پر ضد له درېدو وروسته اوس له دې رژیم سره د سیاسی اړیکو د کچې پر کمولو غور کوي.

د سکای نیوز د راپور له مخې؛ د مصر حکومت له اسرائیلو سره د سیاسي اړیکو د کمولو په اړه هڅې پیل کړې دي.

د مصر د بهرنیو چارو وزارت د یکشنبې پر ورځ څرګنده کړه، چې هېواد یې په رسمي توګه د جزا په نړیواله محکمه کې د اسرائیلي رژیم پر ضد د جنوبي افریقا له غوښتنې ملاتړ کوي.

د مصر د بهرنیو چارو وزارت ویلي: مونږ یو ځل بیا د ملګرو ملتو له امنیت شورا او نفوذ لرونکیو خواوو غواړو، چې د غزې په تړانګه کې د اوربند د ټینګولو او پر رفح د پوځی عملیاتو د بندولو لپاره بېړنۍ هڅې وکړي.

د جرمونو نړیوالې محکمې د تېرې میاشتې په پیل کې پر غزه د صهیونیسټ رژیم له‌خوا د ډله‌ییزې وژنې د ترسره کولو په اړه د جنوبی افریقا پر غوښتنه بیا کتنه وکړه.

دې محکمې له صهيونیسټ رژيم څخه وغوښتل، چې په غزه کې د نسلي وژنې د مخنيوي لپاره ټولې اړینې هڅې ترسره کړي.

دې محکمې امر وکړ، چې په يوه مياشت کې دننه د ټولو هغو اقداماتو راپور نړيوال عدالت ته وړاندې کړي، چې د نسلي وژنې د مخنيوي لپاره يې کړي دي. همداشان د دغې محکمې قاضي ویلي، چې د جزا حکم د صهیونیسټي رژیم  لپاره  نړیوال  مکلفیتونه  رامنځته کوي .

د دې ترڅنګ نړیوالې محکمې صهیونیسټ رژیم ته امر وکړ، چې په غزه کې د بېړنیو خدماتو او بشردوستانه مرستو د رسولو لپاره بېړني اقدامات وکړي؛ خو د اوربند رامنځته کولو حکم یې صادر نکړ.

Continue Reading

سیمه ییز خبرونه

پوتین د ولسمشرۍ بله ۶ کلنه لوړه وکړه

Published

on

(Last Updated On: غویی ۱۹, ۱۴۰۳)

د روسیې ولسمشر ولادیمیر پوتین د سې شنبې پر ورځ د غویی اتلسمه په کرملین ماڼۍ کې د یو لړ مراسمو پر مهال د دغه هېواد د ولسمشر په توګه خپل نوی شپږ کلن پېر پیل کړ.

پوتین له دې مخکې څلور ځله د روسیې د اساسي قانون د ساتنې لوړه کړې ده.

ولادیمیر پوتین له ۱۹۹۹ ز.کال راپدیخوا د روسیې په سیاسي ډګر کې د ولسمشر یا لومړي وزیر په توګه خپل واک ساتلی دی.

۷۱ کلن پوتین په تېر مارچ کې د روسیې د ولسمشریزو ټاکنو ګټونکی وپېژندل شو.

د هغه تر ټولو نومیالی سیال الکسي ناوالني یوه میاشت مخکې د شمالي قطب په یوه زندان کې ناڅاپه مړ شو.

د الکسي ناوالني میرمنې په یوټیوب کې د ولسمشرۍ د لوړې له مراسمو مخکې یوه ویډیو خپره کړه؛ پوتین یې ظالم او قاتل یاد کړی او له پلویانو یې وغوښتل، چې د پوتین پر وړاندې مبارزه روانه وساتي.

امریکا، بریټانیا او یو شمېر نورو هېوادونو د پوتین د لوړې له مراسمو ډده کړی ده.

د امریکا بهرنیو چارو وزارت ویاند مټیو میلر د دوشنبې پر ورځ ویلي: مونږ به د هغه د لوړې په مراسمو کې استازی ونلرو. مونږ د [روسیې] ټاکنې ازادې او عادلانه نه ګڼو؛ خو پوتین د روسیې ولسمشر دی او په اټکل کیږي، چې خپل کار به روان وساتي.

د آلمان خبري آژانس او ​​د اروپايي اتحاديې د ډيپلوماتانو د څرګندونو له مخې؛ ځينو هېوادونو لکه فرانسې، هنګري او سلواکیا د پوتين د لوړې مراسمو ته د اړیکو د ساتلو لپاره خپل استازي استولي دي.

ولادیمیر پوتین، چې لږ تر لږه ۲۵ کاله په واک کې پاتې دی؛ تر ۲۰۳۰ پورې به د روسیې د ولسمشر په توګه خپلې دندې ترسره کوي.

Continue Reading

Trending

Copyright © 2022 Ariana News. All rights reserved!