تازه خبرونه
د ملي دفاع وزارت: د دوست او دښمن روښانه تعريف پيداکوو
د ملي دفاع وزارت چارواکي وايي چې په کابل کې به د سیمه يیز امنیتي کنفرانس په ترڅ کې د دوست او دښمن روښانه تعریف پيدا شي. د ملي دفاع وزارت مرستیال همایون فوزي وايي چې په افغانستان کې د ځينو ګاونډيو هېوادونو له خوا لاسوهنې روانې دي او په افغانانو جګړه تپل شوې ده.
د ملي دفاع وزارت مرستیال همایون فوزي په هېواد کې د ګاونډیانو د لاسوهنې او تپل شوو جګړو د پراختیا له امله د اندېښنې په څرګندولو سره وویل چې په نږدې وخت کې به په کابل کې سیمه يیز امنیتي کنفرانس جوړ شي. د هغه په وینا به په دغه کنفرانس کې له دوست او دښمن څخه څرګند تعریف ولرو.
د ستراتیژۍ او پالیسۍ په برخه کې د ملي دفاع وزارت مرستیال همایون فوزي وايي: «زموږ ناروا ګاونډيانو پر موږ جګړې تپلې دي او نور هېوادونه يې هم زموږ پر وړاندي تحریک کړي دي، ژر به په کابل کې سیمه يیز امنیتي کنفرانس جوړ شي او هلته به دوست، دوست او دښمن به دښمن وپېژندل شي ترڅو د ګاوندیانو باور خپل کړو.»
ښاغلي فوزي د امنیتی ځواکونو له پیاوړتیا څخه خبر ورکوي او وايي چې د دښمن پر وړاندي به غلي پاتې نه شي.
د پالیسي او ستراتیژي په برخه کې د ملي دفاع وزارت مرستیال همایون فوزي وايي: «دښمن موږ نه پرېږدي خو موږ هم دښمن نه پرېږدو او په هر ځای کې چې وي پر وړاندې يې درېږو»
ښاغلي فوزي دا څرګندونې د کابل د پوځي تعلیمي مرکز د افسرانو، برید ملانو او سرتېرو د فراغت په غونډه کې وکړې، له دغه تعليمي مرکز څخه فارغ شوي افسران ژمن دي چې له خپل هېواد څخه به دفاع کوي.
برید مل عبدالصبور وايي: «هېواد له سختو امنیتي ستونزو سره مخامخ دی موږ تر هغه چې یو څاڅکی وینه ولرو له خپلې خاوري دفاع کوو.»
لومړي بریدمل احمد آغا وايي: «ښمنان نه پرېږدو او غاښ ماتوونکی ځواب به ورکوو.»
تر پنځه سوه ډېر افسران او سرتېري په داسې حال کې د کابل له تعليمي پوځي مرکز څخه فارغ شول چې هېواد له سختو امنیتي ستونزو سره لاس او ګرېوان دی.
خبريال: عبدالعزیز کریمي
تازه خبرونه
جاپان د افغانستان له سیلاب ځپلیو سره د بېړنیو مرستو ژمنه وکړه
په افغانستان کې د جاپان سفارت د پنجشنبې پر ورځ په ډاګه کړه، چې د افغانستان د شمال له سیلاب ځپلیو خلکو سره به بېړنۍ مرستې وکړي.
د سفارت د خپرې شوې خبرپاڼې له مخې؛ دا مرستې به د جاپان د نړيوالې همکارۍ ادارې (JICA) له لارې د سره صليب او سرې مياشتې ټولنې (IFRC) او افغاني سرې مياشتې ټولنې (ARCS) پر همکارۍ ترسره شي.
دا مرست خیمې، کمبلې او نور اړین توکي رانغاړي.
په یادې خبرپاڼه کې راغلي؛ جاپان پرېکړه کړې، چې ډېر ژر به د افغانستان د سيلاب ځپلیو خلکو د مرستې لپاره بېړنۍ مرستې وکړي. مونږ تل د افغانستان د خلکو تر څنګ ولاړ یوو.
دغه راز د ملګرو ملتونو د بشري چارو د همغږۍ دفتر (OCHA) ویلي، چې په بغلان، بدخشان او تخار ولایتونو کې د سختو بارانونو او سیلابونو له کبله ۸ زره ۹۷۵ کورونه ویجاړ شوي او یا هم زیانمن شوي دي.
روسیې هم د اړتیا په صورت کې د مرستې ژمنه کړې ده.
دا په داسې حال کې، چې د اسلامي همکاریو ټولنې (OIC) هم له اسلامي هېوادونو او مرستندویه ټولونو غوښتي، چې د افغانستان له سیلاب ځپلیو سره مرسته وکړي.
تازه خبرونه
د ترکیې سفیر د افغانستان سیلاب ځپلیو ته د ۶۷۰ ټنو مرستې اعلان وکړ
په کابل کې د ترکیې سفیر د اقتصاد وزارت له چارسمبالي سره په کتنه کې څرګنده کړې، چې سبا (جمعه د غویی ۲۸ ) ته به د افغانستان د وروستیو سیلاب ځپلیو لپاره د لومړنیو توکو څه باندې۲۰ ټنه مرسته راولېږدول شي.
د اقتصاد وزارت د خبرپاڼې له مخې؛ جنګ اونال له دین محمد حنیف سره په کتنه کې له ترکیې څخه د ۶۵۰ ټنو نورو بشري مرستو له رالېدولو هم خبر ورکړی، چې په کې خیمې، خوراکي توکي، درمل، جامې او نور توکي شامل دي.
هغه دا ډاډ هم ورکړی، چې افغانستان ته به دا مرستې د اوسپنېپټلۍ له لارې د هرات تورغنډۍ بندر ته رادننه شي.
په دې کتنه کې دین محمد حنیف له دغو مرستو څخه د هرکلي تر څنګ ویلي، چې د ترکیې هېواد د تاریخ په اوږدو کې د افغانستان یو ښه دوست او همکار پاتې شوی دی.
تازه خبرونه
ملګري ملتونه غواړي په افغانستان کې د ځمکو خړبولو لپاره سولري پمپونه ولګوي
د ریاست الوزراء اداري مرستیال عبدالسلام حنفي د سې شنبې پر ورځ ( د غویی پېنځهویشتمه ) د ملګرو ملتونو د پروژې خدمتونو د دفتر (UNOPS) له اجرائیوي رییس جورج موریرا داسیلوا سره وکتل.
په دې کتنه کې جورج موریرا داسیلوا اداري مرستيال ته د خپلو تېرو هڅو او لاسته راوړنو په اړه معلومات ورکړل او څرګندوي؛ دا اداره غواړي، چې په افغانستان کې د سولري پمپونو پر لګولو د کرنيزو ځمکو د خړوبولو يوه نوې پروژه پيل کړي.
عبدالسلام حنفي د دې ادارې د فعالیتونو او لاسته راوړنو د ستاینې ترڅنګ ویلي، چې اسلامي امارت په افغانستان کې د (UNOPS) ادارې له هڅو ملاتړ کوي او د پروژو د پلي کولو لپاره یې لازمې اسانتیاوې برابروي.
ویل کیږي، چې عبدالسلام حنفي له ټولو نړیوالو مرستندویه بنسټونو وغوښتل، چې کروندګرو ته د کوکنارو د بدیل کښت او افغان ځوانانو ته د کار د زمینې په برابرولو کې همکاري وکړي.
-
تازه خبرونه4 days ago
الله ګل مجاهد د قتل پر تور ونیول شو
-
تازه خبرونه4 days ago
په بغلان کې سېلابونو ۱۹۴۵ کسانو ته مرګ او ژوبله اړولې
-
لوبی2 days ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه4 days ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
تازه خبرونه2 days ago
د یوناما استازې د ایران له بهرنیو چارو وزیر سره وکتل
-
سوداگري5 days ago
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه
-
تازه خبرونه4 days ago
څو ایراني شرکتونو د افغانستان په کانونو کې د پانګونې پرېکړه وکړه – قدیر قیافه
-
تازه خبرونه2 days ago
په ننګرهار کې د ناکامورا کانال پروژه بشپړه شوه