تازه خبرونه
د ملي پخلاینې عالی شورا شپږ مرستیالان او ۴۰ غړي غوره شول
د ملي پخلاینې عالی شورا ویاند ویلي؛ د شورا لپاره شپږ مرستیالان ټاکل شوي او ټول څلوېښت غړي لري.
د مصالحې عالي شورا جوړښت، چې له میاشتو راپدیخوا ځنډيدلی و؛ اوس وروستی شوی او ټاکل شوې، چې ډېر ژر به په رسمي توګه اعلان شي.
د مصالحې عالي شورا ویاند فریدون خوځون وايي، چې د دغې شورا لپاره شپږ مرستیالان ټاکل شوي؛ عنایت الله بابر فرهمند، اسد الله سعادتي، سلام رحیمي، عطاالرحمن سلیم او یوه میرمن، چې د ولسمشرۍ لخوا معرفي کیږي، د مرستیالانو په توګه ټاکل شوي، چې څلور تنه د عبدالله عبدالله او دوه کسان د ولسمشر غني پلویان دي؛ خو د دې شورا د رهبرۍ د غړیو د غوراوي په اړه تر اوسه معلومات نشته.
څلويښت کسان د مصالحې د عالي شورا لپاره د غړیو په توګه غوره شوي؛ خو تر اوسه په رسمي توګه د هغوی د هویت په اړه معلومات خپاره شوي ندي.
د افغانستان د اساس نو حزب مشر احمدالله علیزی ويلي؛ د سولې په برخه کې د دولت وزارت لپاره د مصطفی مستور د معرفي کیدو پر سر د ولسمشر او عبدالله عبدالله ترمنځ اختلاف حل شوی او ټاکل شوې، چې فضل احمد معنوي به دغه پوست ته کاندید شي. دغه وزارت به د ملي پخلاینې د عالي شورا تر چتر لاندې د سولې تنخنکي چارې په مخ وړي.
د ملي پخلاینې عالي شورا د ولسمشر او عبدالله عبدالله تر منځ د واک د وېش پر سر د سیاسي توافق په ترڅ کې رامنځته شوې. ولسمشرۍ ماڼۍ وايي، چې دغه شورا به د سولې بهیر لپاره آسانتیاوې برابروي؛ خو سپیدار ماڼۍ وايي، چې دغه شورا د سولې په برخه کې د پرېکړې واک هم لري.
تازه خبرونه
له ټولې نړۍ سره سیاسي او اقتصادي اړیکې غواړو- د اسلامي امارت رهبر
د لوی اختر په درشل کې د افغانستان اسلامي امارت رهبر شیخ هبة الله اخوندزاده په خپل اختریز پیغام ویلي، چې لنډمهالي حکومت د اسلامي شریعت په چوکاټ کې د نړۍ له ټولو هېوادونو سره د سیاسي او اقتصادي اړیکو ټینګولو غوښتونکی دی.
نوموړي په دې اړه ویلی: اسلامي امارت له ټولې نړۍ او په ځانګړي توګه له اسلامي هېوادونو سره د شریعت په چوکاټ کې سیاسي او اقتصادي اړیکې غواړي او په دې برخه کې یې خپل مسوولیت ترسره کړی دی.
د اسلامي امارت مشر له ټولو هېوادوالو وغوښتل، چې د اسلامي نظام ساتنه او خدمت وکړي.
د پیغام په یوه برخه کې راغلي، چې واک ته له رسېدو وروسته اسلامي امارت د ټولو افغانانو امنیت او حقوق خوندي مړي، اسلامي شریعت پلی دی او د هېواد له خاورې ساتنه کیږي.
نوموړي په دې اختریز پیغام کې د نجونو لپاره له شپږم ټولګي پورته د ښوونځیو، لیسو او پوهنتونونو د پرانستې په اړه څه ندي ویلي؛ خو د ديني مدرسو د پراختيا په برخه کې د لازمو تدابير له نيولو ډاډ څرګند کړې دی.
دغه راز نوموړي د افغانستان په بېلابېلو ولایتونو او سیمو کې د سیلابونو له کبله د اوښتو زیانونو په اړه خواخوږي څرګنده کړې ده.
همدا راز د اسلامي امارت رهبري پلاوي د هېواد له سوداګرو وغوښتل، چې له زیانمنو شویو سره له هر ډول همکارۍ او مرستې څخه ډډه ونکړي.
تازه خبرونه
په کابل کې د یړک غاړې خوړو په اړه ځانګړی راپور
تازه خبرونه
له شپږم پورته د نجونو د زدهکړو له ځنډېدا ۱۰۰۰ ورځې بشپړې شوې
میرمن روسیل ویلي: پوهنه یوازې فرصتونه نه برابروي، بلکې نجونې په کوچنیتوب کې له ودونو، خوارځواکۍ او نورو روغتیايي ستونزو څخه هم ژغوري او له ناورینونو لکه ناڅاپي سیلابونو، وچکالۍ او زلزلو پر وړاندې، چې افغانستان ورسره په پرلهپسې ډول مخ دی؛ زغم پیاوړی کوي.
د ملګرو ملتونو د ماشومانو ملاتړ ادارې یا یونیسف ويلي؛ نن پنجشنبه د غبرکولي څلیریشتمه په افغانستان کې له لومړنۍ دورې څخه د پورته دورو د نجونو د زدهکړو د ځنډ زر ورځې بشپړې او درې میلیارډ درسي ساعتونه ضایع شوي دي.
د یونیسف اجرائیوي رییسې کاټرین روسیل په دې اړه ویلي: د یو نیم میلیون نجونو لپاره دغه سیټماتیک محرومیت نه یوازې د هغوی د زدهکړو له حق څخه ښکاره سرغړونه ده، بلکې د فرصتونو د کمېدو او د هغوی پر رواني روغتیا یې هم ناسمه اغېزه کړې ده. د ماشوماشونو په ځانګړي توګه نجونو د زدهکړو حق، ژوند، راتلوونکی، هیلې او خوبونه باید باید د سیاسي پرېکړو یرغمل نشي.
د ملګرو ملتونو د ماشومانو ملاتړ ادارې اجرائیوي رییسې ویلي، چې پر نجونو د زدهکړو بندیز یوازې نجونې نه زیانمنوي، بلکې روان بشري بحران نور هم سختوي او د افغانستان اقتصاد او د پرمختګ لار له جدي انشعاباتو سره مخ کوي.
میرمن روسیل ویلي: پوهنه یوازې فرصتونه نه برابروي، بلکې نجونې په کوچنیتوب کې له ودونو، خوارځواکۍ او نورو روغتیايي ستونزو څخه هم ژغوري او له ناورینونو لکه ناڅاپي سیلابونو، وچکالۍ او زلزلو پر وړاندې، چې افغانستان ورسره په پرلهپسې ډول مخ دی؛ زغم پیاوړی کوي.
نوموړې وایي؛ په افغانستان کې د دې ادارې کارکوونکي افغان ماشومانو ته د ملاتړ لپاره ډېرې هڅې کوي او د خپلو شریکانو پر ملتیا د لومړنیو ښوونځیو د ۷ اعشاریه ۲ میلیون ماشومانو او کلیوالي ټولګیو ۶۰۰ زره ماشومانو ته، چې له درې څخه دوه برخې یې نجونې دي د زدهکړو امکانات برابروي او هم ښوونکیو ته روزنه ورکوي او په دې هېواد کې د زدهکړو د بېخبناوو د بهیر د دوام لپاره خپلې هڅې نه سپموي.
میرمن روسیل ویلي: لکه څنګه، چې مونږ د دې تریخ او سخت پړاو یادونه کوو؛ زه د حاکمو چارواکو [طالبانو] څخه غوښتنه کوم، چې اړوند نجونو ته دې سمدستي د زدهکړو د بېرته پیلېدو اجازه ورکړي. زه له نړیوالې ټولنې څخه هم غواړم، چې د دغو نجونو د ملاتړ لپاره دې له بل هروخت څخه ډېر بوخت پاتې شي. هیڅ کوم هېواد کله، چې نیمايي نفوس یې شاته پریښی وي پرمخ نشي تللی.
د ښوونځیو د پرانیستلو انلاین کمپاین
یونیسف ادارې په افغانستان کې د طالبانو د حکومت لهخوا د نجونو پر زدهکړو د بندیز د زرو ورځو پوره کیدو پر مهال دغه اعلامیه په داسې حال کې خپره کړې، چې د بشري حقونو او د نجونو او ښځو د زدهکړو د ملاتړ دوه بنسټونو “اقراء ” نومی انلاین کمپاین پیل کړی دی.
د زغم بنسټ مشرې شهرزاد اکبر په ایکس پاڼه کې د دغه کمپاین د پیل په اړه ویلي، چې د جون پر څوارلسمه زر ورځې پوره کېږي، چې افغان نجونې له خپل انساني او شرعي حق زدهکړو څخه بې برخې دي. مونږ د نجونو د ښوونځیو د بیا پرانیستو لپاره یو غږ پورته کوو او د ‘اقراء’ کمپاین ستاسې پر ډاډ پیلوو.
شهرزاد اکبر له افغانانو غوښتي، چې د ښوونځیو د بېرته پرانیستلو لپاره دې دا غږ ورسره بدرګه کړي.
ټاکل شوې، چې په دې انلاین کمپاین کې به دغه دوه بنسټونه د هغو نجونو نظریات شریک کړي، چې د افغانستان په ۳۴ ولایتونو کې یې پرهغوی د زدهکړو د اغېزو په اړه ورسره خبرې کړې دي.
د نجونو د زدهکړو او د ښځو د حقونو یوه فعاله شفیقه خپلواک ددغه کمپاین د پیل پرمهال په یو ویډیوي پیغام کې ویلي، چې دغو نجونو په خبرو کې یو ګډ خبره دا وه، چې له دغه وضعیت څخه د وتلو لپاره نجونې د خپلو هغو افغانانو په تمه دي چې ددغه بندیز پر وړاندې خپل غږ اوچتولی شي او د هغوی پر وړاندې د بندو ښوونځیو دروازې په پرانیستلو کې مرسته کولی شي.
دغو بنسټونو له افغانانو غوښتي چې د نجونو د تعلیم مسله دې په خپلو حجرو، جوماتونو او د کوردننه مطرح کړي او له زدهکړو د بېبرخو نجونو د غږ په اوچتولو کې دې همکاري وکړي.
اسلامي امارت د ۲۰۲۱ کال د اګست پر ۱۵ په کابل کې له بیا واکمنېدو وروسته د نجونو د منځیو ښوونځیو او لیسو دروازې وتړلې او زدهکړې یې تر بلې سپارښتنې وځنډولې.
دغه راز د ۲۰۲۲ کال د ډسمبر په میاشت کې د نجونو پر مخ د پوهنتونونو او لوړو زدهکړو دروازې هم وتړل شوې او زدهکړې یې له خنډ او ځنډ سره مخ شوې.
د اسلامي امارت چارواکو ویلي؛ د نجونو د منځنیو ښوونځیو او لیسو پر زدهکړو بندیز دایمي ندی او لنډمهالې بڼه لري، چې د اړوند ستونزو له حل وروسته به د مساوي زده کړو زمینه برابره شي.
-
تازه خبرونه5 days ago
بریکس د افغانستان د کړکیچ پر سمدستي حل ټینګار څرګند کړ
-
سوداگري4 days ago
له یوه ایراني شرکت سره د تېلو پر معیاري چاڼخونې خبرې وشوې
-
تازه خبرونه5 days ago
له ۸۰ ډېر افغانان پاکستان ته د ناقانونه اوښتو پر تور ونیول شول
-
سیمه ییز خبرونه3 days ago
په کویټ کې د اورلګیدنې له کبله ۴۹ کارګران مړه شوي
-
لوبی3 days ago
هند له امریکا لوبه وګټله او د ۲۰ اوریز نړیوال جام دوهیم پړاو ته یې ګام پورته کړ
-
نړۍ5 days ago
د ملګرو ملتونو امنیت شورا په غزه کې د اوربند له طرحې ملاتړ وکړ
-
تازه خبرونه4 days ago
د پوهنې وزارت چارسمبالي د پوهنې وزيرانو دوهیم نړيوال فورم ته وينا وکړه
-
تازه خبرونه2 days ago
له شپږم پورته د نجونو د زدهکړو له ځنډېدا ۱۰۰۰ ورځې بشپړې شوې