Connect with us

تازه خبرونه

د م.م امنیت شورا پر طالبانو د څارډلې ماموریت وغزاوه

خپور شوی

د

(Last Updated On: ليندۍ ۲۹, ۱۳۹۹)

د ملګرو ملتونو امنیت شورا پرون په افغانستان کې د تاوتریخوالي پر ډېرېدو اندېښنه په ډاګه کړې او څرګندوي، چې دوی به د طالبانو د اړوند اشخاصو او بنسټونو پر وړاندې د بندیزونو د څارډلې دنده ۱۲ میاشتې نوره هم وغزوي.

دغه راز د ملګرو ملتونو امنیت شورا د طالبانو او افغان حکومت له هلوځلو هرکلی کړی، چې د افغانانو خپلمنځي خبرې روانې ساتي.

امنیت شورا دا ټینګار هم کړی، چې دوی باید له ځواکمن ملاتړه برخمن وي او معلوماتو راټولولو ته پوره لاسرسی ولري.

په ملګرو ملتونو کې د افغانستان دایمي استازې عادله راز د امنیت شورا په غونډه کې ټینګار غوښتنه وکړه؛ دوی به په افغانستان کې خپلې هڅې روانې ساتي، چې په ځانګړي توګه سولې او له القاعده سره اړیکو ته د طالبانو ژمنتیا وڅارل شي.

عادله راز په دې اړه زیاته کړې: مونږ غواړو ډاډ ترلاسه کړو، چې دا ژمنې د طالبانو په کړنو کې وځلیږي او وپوهیږو، چې دا دوی په ترهګریزو بریدونو کې لاس نلري او اوس هم له تروریستي ډلو سره همکاري نکوي.

همدارنګه عادله راز ویلي، چې د افغانستان د امنیتي ادارو او د دوی راپورونه توپیر لري.

هغې زیاته کړې: طالبانو د تاوتریخوالي کچه لوړه ساتلې او له تروریستي ډلو سره اړیکو ته دوام ورکوي. همدارنګه د طالبانو پروړاندې هر ډول انعطاف او نرمښت به له رښتیني پرمختګ او تحمل پرته کار ونکړي او د سولې خبرو ته به زیان رسونکي وي.

عادله راز په ډاګه کړې؛ د سولې په خبرو کې پر پرمختګ سربېره په افغانستان کې امنیتي وضعیت د ملکي وګړیو لپاره د اندېښنې وړ موضوع ده.

په ملګرو ملتونو کې د افغانستان استازی دا ټینګار هم کړی، چې مخالفې ډلې د ۹۲ سلنې بریدونو او ۹۵ سلنې وسلوالو جګړو مسولیت لري. په داسې حال کې، چې د ملګرو ملتونو د عمومي منشي د څرګندونو له مخې؛ د تېرکال پر پرتله سږکال په افغانستان کې تاوتریخوالی ۱۸ سلنه لوړ شوی دی.

هغې په دې اړه ویلي: طالبان په هدفي وژنو، په عامه بېخبنایي ودانیو لکه ښوونځیو، روغتونونو او پلونو کې لاس لري او خلک د ډال په توګه کاروي، چې دا د بشري حقونو له نړیوال قانون سرغړونه ده. دا د منلو وړ ندي او د یو پراخ اوربند لپاره د ملګرو ملتونو او حکومت بېړنۍ غوښتنې پیاوړې کوي.

دا په داسې حال کې ده، تاوتریخوالي په ځانګړي توګه هدفي وژنې خورا ډېرې شوي او د خلکو بېلابېلې  امنیتي اندېښنې یې راپورته کړې دي.

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!