تازه خبرونه
د نجونو د ښوونځيو د تړل کېدو اصلي لامل اقتصادي ستونزې دي- قلندرعباد
د عامې روغتیا وزارت چارسمبالي قلندر عباد څرګنده کړې؛ اقتصادي ستونزې د دې لامل شوي، چې له شپږم ټولګي څخه پورته د نجونو ښوونځيو ټولګي د زدکوونکیو پر مخ وتړل شي.
له بي بي سي سره په خبرو کې قلندرعباد ویلي؛ زدکړه د نجونو لپاره هومره اړینه ده لکه څومره، چې د هلکانو ته ده.
نوموړي ویلي: اصلي مسله اقتصادي ستونزه ده؛ ځکه، چې زمونږ ټوله پانګه په بهر کې تړلې ده. مونږ نه یوازې پر بېخبناوو کار کوو، بلکې د نجونو د ښوونځیو لپاره د ښځینه ښوونکیو او کارکوونکیو په ګډون د ټولو آسانتیاوو په برابرولو هم کار کوو.
د اسلامي امارت دغه لوړ پوړي چارواکي دا هم ویلي، چې د حجاب او په ښوونځیو کې د جلا نظام په اړه اندېښنې هم شته.
دغه راز په افغانستان کې د ښځو او بشري حقونو لپاره د امریکا ځانګړې استازې ويلي؛ په تېرو لس میاشتو کې د نجونو د ښوونځیو د نه پرانیستل کېدو لامل پر چارسمبالي حکومت بندیزونه ندي، بلکې علت یې د ښځو او نجونو په اړه نامناسبې کړنې دي.
د ښځو او بشري حقونو لپاره د امریکا ځانګړې استازې رینا امیري ویلي: مونږ د طالبانو( اسلامي امارت) د چلند له مخې قضاوت کوو. پر طالبانو(اسلامي امارت) بندیزونه او سزاګانې؛ ځکه لګول شوي او کمی په کې نه راځي، چې دوی د ښځو او نجونو پر وړاندې نامناسب چلند روان ساتلی او ښځې په کې له پامه غورزېدلي دي.
په تېرو لس میاشتو کې د هېواد په زرګونه هېوادوال له افغانستان وتلي، چې د نجونو د زدکړو د دوام او د بشري حقونو، د ښځو د زدکړو په برخه کې د چارسمبالي حکومت د ژمنو نه عملي کیدل دي.
د اسلامي امارت ځینو چارواکو په وار وار د نجونو د ښوونځیو پر پرانیستلو ټینګار کړی؛ خو تر اوسه د نجونو د ښوونځیو د بیا پرانیستلو خبر نشته.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ5 days ago
د جاپان دوه پوځي چورلکې بحر ته وغورځېدې
-
تازه خبرونه5 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
نړۍ1 day ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ