تازه خبرونه
د پاکستان حکومت بیا د بې اسنادو افغانانو د جبري ایستلو سپارښتنه وکړه
د پاکستان چارواکو د سې شنبې پر ورځ (د کب نههویشتمه) ویلي، چې دوی به له د افغان مهاجرینو د جبري ایستلو بهیر بیا پیل کړي.
د پاکستان چارواکو دغه څرګندونې له هغې وروسته کړي، چې د یکشنبې پر شپه د پاکستان پوځ د پکتیکا ولایت په برمل ولسوالۍ او د خوست ولایت په سپېرې ولسوالۍ کې د ملکي استوګنې پر کورونو هوايي بریدونه وکړل. د دغو بریدونو په پایله کې درې ښځې او درې ماشومان په پکتیکا او دوه ښځې په خوست کې وژل شوي دي.
د اسلامي امارت وياند ذبيح الله مجاهد ويلي وه: د ملي دفاع وزارت پر سپارښتنه د پاکستان د پوځ نهه اډې پر نښه شوي، چې په پايله کې يې پاکستانيو ځواکونو ته مرګ او ژوبله اوښتې؛ خو د پاکستانيو پوځيانو د مرګ او ژوبلې په اړه يې کره ارقام ورنکړل.
د ذبیح الله مجاهد څرګنده کړې؛ د پاکستانيو ځواکونو او اسلامي امارت تر منځ سرحدي نښته پر افغانستان د پاکستان له هوايي بريد وروسته پيل شوې وه او اوس پای ته رسېدلې ده.
د مهاجرت نړیوالې ټولنې (IOM) د روان کال په جنورۍ میاشت کې څرګنده کړې، چې له ۵۰۰ زره ډېر بې اسنادو افغان مهاجرین له هغې وروسته له پاکستان څخه ووتل، چې اسلامآباد په نومبر میاشت کې ورته ضرب الاجل ټاکلی و. د دغه مهالوېش له مخې؛ د افغانانو په ګډون له اسنادو پرته کډوال باید له پاکشتان څخه ووځي که نه؛ نو وبهنیول شي.
پاکستان د امنیتي اندېښنو او اقتصادي فشارونو له کبله د بې اسنادو مهاجرینو له ځپلو دفاع وکړه؛ خو شنونکي په دې باور دي، چې د اسلامآباد هدف د افغانستان او پاکستان تر منځ د پولې په اوږدو کې د تحریک طالبان پاکستان په ګډون د سخت دریځو د شتون په اړه د افغانستان پر اسلامي امارت فشار راوړل دي.
د خيبر پښتونخوا ايالت يوه لوړ پوړي دولتي چارواکي، چې نه يې غوښتل نوم يې په راپور کې واخيستل شي اي ايف پي ته وويل: د ناقانونه افغان کډوالو د ستنېدو دوهيم پړاو به له اختر وروسته پيل شي.
هغه زياته کړې، چې: د دې مرحلې جزئيات تر اوسه ندي په ډاګه شوي.
دغه راز د خیبر پښتونخوا ایالت په مرکز پېښور ښار کې د پولیسو یوه لوړپوړي چارواکي هم ای ایف پي ته تائید کړه، چې د “ناقانونه افغانانو” پر نښه کولو او د جبري ایستلو د عملیاتو دوهیم پړاو به له اختر وروسته پیل شي.
دغه راز یې د نوم د نه ښودلو پر شرط ویلي؛ د خیبر پښتونخوا پولیسو ته د هغو سیمو د لټون سپارښتنه شوې، چې هلته بې اسناده افغانان ژوند کوي.
د پېښور د پوليسو دغه لوړپوړي چارواکي دا هم څرګنده کړې، چې د خيبر پښتونخوا ايالت فډرال حکومت تر اوسه د دې عملياتو د څرنګوالي په اړه ځانګړې امر ندي کړي.
ده ويلي، چې پوليسو په سيمه کې د مېشتو افغانانو په اړه معلومات راټول کړي دي.
ویل کیږي، چې په وروستیو لسیزو کې میلیونونه افغانان له تاوتریخجنو جګړو څخه پاکستان ته کډه شوي دي.
تازه خبرونه
د اسلامي امارت مالیې وزیر د ایران د مازندران له کرنیزو او تولیدي مرکزونو لیدنه وکړه
د مالیې وزارت په خبرپاڼه کې راغلي، محمد ناصر آخوند په مازندران کې له ځايي کارخونو، د کبانو له روزنتونونو او د تازه مېوو له بستهبندۍ مرکزونو لیدنه کړې ده.
د اسلامي امارت مالیې وزیر محمد ناصر آخوند ایران ته د خپل سفر په لړ کې مازندران ته تللی او د دې ولایت له سیمهییزو چارواکو سره یې د کرنې، سوداګرۍ او تخنیکي همکاریو په اړه خبرې کړې دي.
د مالیې وزارت په خبرپاڼه کې راغلي، محمد ناصر آخوند په مازندران کې له ځايي کارخونو، د کبانو له روزنتونونو او د تازه مېوو له بستهبندۍ مرکزونو لیدنه کړې ده.
د دغه وزارت د څرګندونو له مخې؛ د مازندران چارواکو د کرنې، سوداګرۍ او نورو اړوند برخو کې له افغانستان سره د مسلکي او تخنیکي همکاریو ډاډ ورکړی دی.
مازندران د ایران په شمال کې د کسپین بحیرې ترڅنګ موقعیت لري او د دغه هېواد له حاصلخیزو ولایتونو څخه دی.
د سیمهییزو چارواکو د معلوماتو له مخې، دغه ولایت پراخ لیمو او مالټې بڼونه او د کبانو ګڼ روزنتونونه لري، چې د ایران په اقتصاد کې مهم رول لري.
تازه خبرونه
د افغانستان ثبات د ټولې سیمې پر ګټه دی – سویس
دغه څرګندونې د افغانستان د بدلونونو او د هغو د سیمهییزو اغېزو په اړه د یوې غونډې پر مهال د سویس د سفیر او د افغانستان لپاره د بریټانیا د ځانګړي استازي او په پاکستان کې د ناروې د سفیر له لیدنې وروسته مطرح شوې دي.
په پاکستان کې د سویس سفارت ویلي، د افغانستان ثبات د ټولې سیمې پر ګټه دی او د دې موخې د ترلاسه کولو لپاره د نړیوالې ټولنې پرلهپسې تعامل، د شریکانو ترمنځ نږدې همغږي او له سیمهییزو هېوادونو سره د خبرو دوام اړین دی.
دغه څرګندونې د افغانستان د بدلونونو او د هغو د سیمهییزو اغېزو په اړه د یوې غونډې پر مهال د سویس د سفیر او د افغانستان لپاره د بریټانیا د ځانګړي استازي او په پاکستان کې د ناروې د سفیر له لیدنې وروسته مطرح شوې دي.
په دې کتنه کې د افغانستان پر وروستیو بدلونونو او پر سیمهییزو اغېزو خبرې شوې دي.
تازه خبرونه
د خپلې واکمنۍ د ساتلو لپاره به مسلمانانو ته د جګړې اجازه ورنهکړم – د اسلامي امارت رهبر
نوموړي د مسلمانانو پر یووالي او پیوستون ټینګار کړی او څرګندوي، چې مؤمنان باید یو وجود وي او د یو بل ملاتړ وکړي.
د اسلامي امارت رهبر شیخ هبةالله آخوندزاده په کابل پوهنتون کې د فرمانونو د اغېزو د څېړلو په اړه د علمي ـ څېړنیز کنفرانس ګډونوالو ته ویلي، د خپلې واکمنۍ د ساتلو لپاره به مسلمانانو ته د جګړې اجازه ورنهکړم.
نوموړي د مسلمانانو پر یووالي او پیوستون ټینګار کړی او څرګندوي، چې مؤمنان باید یو وجود وي او د یو بل ملاتړ وکړي.
آخوندزاده زیاته کړې؛ د فتنې د مخنیوي او د هغې د لارو د بندولو لپاره یې د اسلامي امارت مشري منلې او چمتو دی، چې د مسلمانانو د خوندي پاتې کېدا لپاره خپل ژوند قربان کړي.
نوموړي د دیني عالمانو پر رول هم ټینګار کړی او وایي؛ عالمان باید خلکو ته دین ورسوي، عامه افکار جوړ کړي او خلک د اسلامي امارت له تعریف او ماهیت سره بلد کړي.
هغه ویلي، د اسلامي امارت سیاست پر قرآن کریم او شریعت ولاړ دی او د امیر درناوی د رعیت درناوی دی.
همدارنګه آخوندزاده ویلي، د قصاص او شرعي حدودو فیصلې د ده له تنفیذي امر پرته نه تطبیقېږي او د اسلامي امارت له شتون پرته د شریعت پلي کول ناشوني دي.
په همدې کنفرانس کې د هېواد له بېلابېلو سیمو څخه راغلو یو شمېر جیدو دیني عالمانو هبتالله آخوندزاده ته د«شیخالاسلام» لقب ورکړ.
-
لوبی3 days agoپه آی ال ټي ۲۰ لیګ کې د افغان او اماراتي لوبغاړو ګډون اړین شو
-
تازه خبرونه3 days agoترکیې یونان ته د اوښتو په هڅه کې ۳۵ افغان کډوال ونیول
-
لوبی1 day agoسرخپوشان خوافي د افغانستان فوټبال اتلانو لیګ نه ماتېدونکی اتل شو
-
لوبی3 days agoزیمبابوې له افغانستان څخه د دوهیمې ټسټ لوبې پر دوهیمه ورځ ۱۸۰ منډې مخکې شو
-
لوبی2 days agoارمان افسي استقلال کابل ته پنځه پر صفر ماتې ورکړه
-
تازه خبرونه3 days agoپه جوزجان کې د بیات پاور ۴۰ میګاواټه ګازي برښنا تولیدي توربین بېرته فعال شو
-
تازه خبرونه3 days agoپه تېرو دوه اوونیو کې له ایران او پاکستان څخه څه باندې ۹۵ زره افغانان افغانستان ته راغلي
-
لوبی2 days agoپه آی ال ټي ۲۰ سیالیو کې ۲۵ افغان لوبغاړو قراردادونه ترلاسه کړل
