Connect with us

سوداگري

د پاکستان سوداګریز پلاوي په کابل کې د مالیې وزارت له چارواکو سره وکتل

خپور شوی

د

پاکستاني پلاوي د سې شنبې پر ورځ د چنګاښ ۲۸ په کابل سرینا هوټل کې د افغانستان اسلامي امارت د مالي چارو له مسوولینو سره د دوه اړخیزو سوداګریزو مسایلو په اړه خبرې وکړې.

که څه هم د دې غونډې پایله معلومه نده؛ خو د اسلامي امارت مسوولین څرګندوي، چې پلاوی به له افغانستان څخه د ډبرو سکرو پر واردولو ډېر تمرکز وکړي او په ترانزیتي، اقتصادي او سوداګریزو برخو کې به د دواړو غاړیو د شته ستونزو د اواري په لټه کې شي.

د اسلامي امارت د ویاند مرستیال بلال کریمي وايي، چې پاکستاني پلاوي د افغانستان د مالیې وزارت له چارواکو سره  پر تجارتي او ترانزیتي آسانتیاوو او هغو تړونونو، چې نېټه یې پای ته رسیدلې؛ خبرې کړي دي.

د نوموړي د څرګندونو له مخې؛ پاکستانی پلاوی هڅه کوي، چې له افغانستان څخه دې هېواد ته د ډبرو سکرو صادرات دوام ومومي او د ترانسپورت ستونزې یې اوارې کړي.

دغه پلاوی د دوشنبې پر ماښام کابل ته راغلی او د سوداګرۍ او صنایعو وزارت له چارواکو سره یې تعارفي ناسته کړې؛ خو په روانه درې اړخیزه ناسته کې به د دواړو هېوادونو ترمنځ پر سوداګریزو مسایلو خبرې وشي.

د افغانستان د سوداګرۍ او صنایعو خونې مسوولینو ويلي، د ډبرو سکرو پر صادراتو یې ډېر تمرکز کړی او زیاته کړې یې ده، چې د شته ستونزو د اواري لپاره هڅې روانې دي او دواړه هېوادونه به په جوړ شوي چوکاټ کې سوداګریزې اړیکې ولري.

پاکستانی پلاوي په داسې حال کې د ډبرو سکرو په صادراتو کې د آسانتیاوو غوښتنه کوي، چې په نړیوال مارکیټ کې د دې توکو بیه لوړه شوې ده.

دغه راز  جيو خبري آژانس د سې شنبې پر ورځ خبر ورکړ، چې کابل ته د پاکستان د سوداګريز پلاوي له سفر مخکې اسلامي امارت يو ځل بيا د وارداتي ډبرو سکرو بيه لوړه کړې ده.

د پاکستان لومړي وزیر شهباز شریف په دې وروستیو کې له افغانستان څخه د برښنا د تولید لپاره د ډبرو سکرو د واردولو اعلان وکړ او ادعا یې وکړه، چې له دې سره به هېواد ته نږدې دوه میلیارد ډالر سپما شي.

هغه ويلي، چې د افغانستان د ډبرو سکرو بيه به د ډالرو پر ځاى پر پاکستانیو کلدارو وي.

جیو راپور ورکړی، چې د لومړي وزیر له اعلان وروسته د افغانستان اسلامي امارت د وارد شوي ډبرو سکرو بیه په هر ټن کې له ۹۰ دالرو څخه ۲۰۰ ډالرو ته لوړه کړه.

جیو د افغان رسنیو د راپورونو د ځرګندونو له مخې څرګنده کړې؛ د ډبرو سکرو بیه یو ځل بیا په یوه ټن کې ۸۰ دالره لوړه شوې ده.

جيو د افغانستان د کانونو او پټروليم وزارت د وياند عصمت الله برهان د څرګندونو له مخې  خبر ورکړى، چې د ډبرو سکرو نوې بيه به ټن پر ٢٨٠ ډالره وي.

اقتصادي کارپوه عبدالناصر رشتیا ويلي، چې له سیمه ییزو او ګاونډ هېوادونو سره د سیاسي او اقتصادي اړیکو ښه کېدل به هېواد د اقتصادي انسجام پر لوري بوځي او دغه اړیکې به په هېواد کې د پانګوالۍ د ودې او ملاتړ لامل شي.

دا په داسې حال کې ده، چې په دې وروستیو کې خصوصي سکتور له افغانستان څخه پاکستان ته د ډبرو سکرو صادرات د پام وړ ډېر کړي او په دې وروستیو کې اسلامي امارت هم پر صادرېدونکیو سکرو مالیه اوچته کړې ده.

سوداگري

د افغانستان او ازبکستان ترمنځ د اوسپنې‌پټلۍ له لارې د مالونو پر لېږدولو هوکړه وشوه

د دغې ادارې د خبرپاڼې له مخې؛ د ۲۰۲۶ز.کال د نومبر پر اته‌لسمه د ازبکستان د اوسپنې‌پټلۍ شرکت د مدیره پلاوي مشر ذبیح‌الله نارزولایوف او د افغانستان د اوسپنې‌پټلۍ ادارې رییس عبدالکریم فاتح ترمنځ د حیرتان په بندر کې غونډه شوې ده.

Published

on

 

د ازبکستان د اوسپنې‌پټلۍ ادارې ویلي، چې افغانستان او ازبکستان د اوسپنې‌پټلۍ په برخه کې د همکاریو پر پراختیا او د اوسپنې‌پټلۍ له لارې د مالونو د لېږدولو د کچې پر زیاتولو هوکړه کړې ده.

د دغې ادارې د خبرپاڼې له مخې؛ د ۲۰۲۶ز.کال د نومبر پر اته‌لسمه د ازبکستان د اوسپنې‌پټلۍ شرکت د مدیره پلاوي مشر ذبیح‌الله نارزولایوف او د افغانستان د اوسپنې‌پټلۍ ادارې رییس عبدالکریم فاتح ترمنځ د حیرتان په بندر کې غونډه شوې ده.

په دې غونډه کې دواړو لوریو د اوسپنې‌پټلۍ اړیکو پر پراختیا، له شته ظرفیتونو څخه پر اغېزمنې ګټې اخیستنې او د دواړو هېوادونو ترمنځ د مالونو د لېږدولو د کچې پر زیاتولو خبرې کړې دي.

په دې لیدنه کې ویل شوي، چې سږ کال د افغانستان او ازبکستان ترمنځ د مالونو دوه‌اړخیز لېږد زیاتېدا د پاملرنې وړ ده.

د شوې هوکړې له مخې؛ ټاکل شوې، چې د نایب‌آباد تم‌ځای په ټاکلي وخت کې پراخ شي او له حیرتان څخه مزارشریف ته د مالونو رېلي لېږد منظم شي.

ویل کیږي، چې دواړو لوریو د رېل‌ګاډو د ورځني تګ راتګ د شمېر پر زیاتولو او د اوسپنې‌پټلۍ په برخه کې د افغان کارکوونکو د مسلکي زده‌کړو او وړتیا لوړولو لپاره د زمینې پر برابرولو هم هوکړه شوې ده.

Continue Reading

تازه خبرونه

افغانستان او ایران د ګمرکي همکاریو پر پراختیا هوکړه وکړه

دا هوکړې د افغانستان مالیې وزیر محمد ناصر آخوند او د ایران د اقتصاد او مالیې وزیر ډاکټر مدني‌زاده ترمنځ په تهران کې د لیدنې پر مهال شوې دي.

Published

on

 

د افغانستان او ایران چارواکو د دواړو هېوادونو د ګمرکي نظامونو پر نښلولو، د ګمرکي فعالیتونو پر ۲۴ ساعته کولو، په بندرونو کې د موټرو د تګ راتګ پر زیاتولو او د سوداګرۍ د پراختیا لپاره د آسانتیاوو پر رامنځته کولو هوکړه کړې ده.

دا هوکړې د افغانستان مالیې وزیر محمد ناصر آخوند او د ایران د اقتصاد او مالیې وزیر ډاکټر مدني‌زاده ترمنځ په تهران کې د لیدنې پر مهال شوې دي.

د مالیې وزارت د څرګندونو له مخې، د اسلام‌کلا بندر ګمرکي فعالیتونه به د راتلونکې شنبې له ورځې ۲۴ ساعته شي.

دواړو لوریو په بندرونو کې د موټرو د ځنډېدا او د د ګمرکي محصولاتو د ورکړې ستونزې(خاک‌پولي) پر اواري، د قاچاقي توکو پر مخنیوي او ایران ته د افغان صادراتو لپاره د آسانتیاوو پر برابرولو خبرې کړې دي.

په دې لیدنه کې د پانګونې، سوداګرۍ، ټرانزیټ، سرحدي او ګمرکي مسایلو او د دوه‌اړخیزو اقتصادي همکاریو د ګډ کمیسیون پر فعالیتونو هم خبرې شوې دي.

Continue Reading

سوداگري

تاجکستان له افغانستان سره پر پوله د ګډ بازار جوړولو غوښتنه وکړه

د افغانستان سوداګرۍ او پانګونې خونې د خبرپاڼې له مخې؛ په دې لیدنه کې دواړو لوریو د اقتصادي او سوداګریزو اړیکو پر پراختیا، د دوه‌اړخیزو همکاریو پر زیاتېدا او د سوداګرو او پانګه‌والو لپاره د نویو فرصتونو پر برابرېدا خبرې کړې دي.

Published

on

 

د تاجکستان سفیر سعدي شریفي په کابل کې د افغانستان د سوداګرۍ او پانګونې خونې له عمومي رییس سید کریم هاشمي سره په لیدنه کې ویلي؛ هېواد یې لېواله دی، چې د دواړو هېوادونو په پوله کې ګډ بازار جوړ کړي.

د افغانستان سوداګرۍ او پانګونې خونې د خبرپاڼې له مخې؛ په دې لیدنه کې دواړو لوریو د اقتصادي او سوداګریزو اړیکو پر پراختیا، د دوه‌اړخیزو همکاریو پر زیاتېدا او د سوداګرو او پانګه‌والو لپاره د نویو فرصتونو پر برابرېدا خبرې کړې دي.

د تاجکستان سفیر ویلي، د هېواد مشرتابه یې له افغانستان سره د اقتصادي همکاریو د پراختیا او د دواړو هېوادونو د سوداګرو ترمنځ د ګډو فعالیتونو لپاره د زمینې برابرولو غوښتونکی دی.

د نوموړي د څرګندونو له مخې؛ په ګډه پوله کې ګډ بازار کولی شي د دواړو هېوادونو د وګړو او سوداګرو لپاره د راکړې ورکړې او اقتصادي تعاملاتو ډېر فرصتونه برابر کړي.

دغه راز د افغانستان سوداګرۍ او پانګونې خونې عمومي رییس وړاندیز کړی؛ په لومړي ګام کې تاجکستان ته د لږ تر لږه ۱۰ افغان سوداګرو د یوه پلاوي د سفر زمینه برابره شي، چې په دې هېواد کې له سوداګریزو او پانګیزو فرصتونو سره بلد شي.

Continue Reading
Advertisement

Trending

Copyright © 2026 Ariana News. All rights reserved!