تازه خبرونه
د کورنيو چارو وزارت: بغلان به ژر له وسله والو مخالفينو پاک شي
د کورینو چارو وزارت وایي، له پنځلسو ورځو څخه به په کمه موده کې بغلان کې روان عملیات پای ته ورسېږي او تر دې نېټې به ډنډې غوري او نورې سیمې په بشپړ ډول له وسله والو پاکې شي.
د کورنیو چارو وزارت د ویاند مرستیال وایي، بغلان کې روانه جګړه بهرني ترهګر رهبري کوي. په همدې حال کې د ملي دفاع وزارت وایي، بغلان کې طالبان له ماتې سره مخامخ دي او همدا اوس افغان ځواکونه په څوارلسو ولایتونو کې له کورنیو او بهرنیو ترهګرو سره نښتو کې ښکېل دي.
بغلان کې دا مهال د امنیتي ځواکونو او طالبانو تر منځ شدیده نښته روانه ده.افغان ځواکونو بغلان کې په شاوخوا یوې میاشتې عملیاتو کې د شهاب الدين ډنډ سیمهکې زیاتره برخې له وسله والو پاکې کړې دي.
امنیتي چارواکي وایي څو پورې یې چې وسله وال مات کړي نه وي، جګړه به دوام ولري. دوی زياتوي بغلان کې د جګړې رهبري بهرني ترهګر په ځانګړې توګه پاکستانیان په غاړه لري.
نجیب دانش د کورنیو چارو وزارت د ویاند مرستیال وايي:”موږ به په يوه يا دوو اونيو کې په بغلان کې خپل ماموريت پای ته ورسوو، طالبانو ته مو هلته بشپړه ماتې ورکړې.”
په څه باندې یوه لسیزه کې دا لومړی ځل دی چې ژمي کې هم جګړه دوام لري. افغان امنیتي چارواکي وایي، نن سبا په ۱۴ولایتونو کې دا مهال امنیتي ځواکونه له وسله والو سره جګړه کې دي او د بغلان او کندوز عملیاتو کې ډېرې لاسته راوړنې لري.
دولت وزیری د ملي دفاع وزارت ویاند وايي: “تر هغې چې بغلان په بشپړه توګه له طالبانو پاک شوی نه وي، زموږ علميات به ادامه ولري او د بغلان عمليات يوازې تر بغلان پورې اړوند نه دي، په دې معنی چې په بغلان کې د طالبانو ماتې په ټول شمال کې ماتې ده.”
د بغلان په غوري او شهاب الدين سیمو کې د نښتو له امله نږدې لس زره کورنۍ بې ځایه شوې دي. د امنیتي چارواکو په وینا، د بغلان جګړه کې سلګونو طالبانو ته مرګ ژوبله اوښتې ده.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه5 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ2 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ4 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
راشد خان د افغان بیسیم سوداګریز سفیر شو
-
لوبی4 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
لوبی2 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه3 days ago
د غزې په شمال کې د قحطۍ خطر ډېر دی
-
سیمه ییز خبرونه2 days ago
امریکا دې د بشري حقونو په اړه دوه ګوني سیاست ودروي – ترکیه