سوداگري
د ۱۴۰۱ کال په عوایدو کې ۳۷ سلنه زیاتوالی راغلی
د مالیې وزارت چارواکو ويلي، چې په ۱۴۰۱ لمریز لېږدیز کال کې یې له ۱۹۴ میلیارد افغانیو ډېر عواید راټول کړي، چې د اړوند ۱۴۰۰ کال پر پرتله ۳۷ سلنه زیاتوالی ښيي.
د مالیې وزارت د عوایدو ریاست عملیاتي مرستیال معراج محمد معراج وايي: تېر کال زمونږ عواید ۱۴۱ اعشاریه ۸ میلیارد افغانۍ و. سږ کال مو عواید ۱۹۴ اعشاریه ۴ میلیارد افغانۍ دی، چې ۳۷ سلنه زیاتوالی ښیي او دا رښتیا هم یوه لویه لاسته راوړنه ده.
د دې وزارت چارواکي وايي، چې د بودجې سند به تر یوې بلې اوونۍ د اسلامي امارت د مشرتابه له لوري تصویب شي.
د روان مالي کال په بودجه کې ۱۵۰ لویې او نیمې بشپړې شوې پرمختیايي پروژې هم شته دی.
د مالیاتي جرمونو معافیت، په ګمرکونو کې د کاري ساعتونو له ۱۶ څخه ۲۴ ساعتونو ته زیاتوالی، له اداري فساد سره مبارزه، د عوایدو الکترونیکي کول، په ګمرکونو کې د دیجیتل تلو نصبول، له افغان خاورې څخه د ترانزیت زیاتوالی؛ د دې ادارې نورې لاسته راوړنې دي.
د مالیې وزارت د ګمرکونو عمومي رییس عبدالمتین سعید وايي: تېر کال مو ژمنه کړې وه، چې اسلامي نظام او خلکو ته به خدمت کوو. اوس هم وایو، چې ستاسې پانګه به پر رښتینې بڼه لګول کیږي، فساد به نه وي او فساد به له منځه وړو.
د مالیې وزارت ویاند احمد ولي حقمل وايي: تېر کال له مالي پلوه ډېر ښه کال و. د مالیې وزارت د هېواد د اقتصادي بنسټونو د پیاوړتیا لپاره هره میاشت له ۸ تر ۱۰ میلیارد افغانۍ د معاشونو او نورو لارو بازار ته دننه کولې.
د چارواكو د څرګندونو له مخې، په تېر كال كې يې له ۱۷۰ ميليارد افغانيو ډېر صادرات او له ۵۹۹ ميليارد افغانيو ډېر واردات كړي دي، چې د ۳۲۶ خامو او خوراکي توکو په ګمرکي محصول کې له ۵۰ تر ۷۰ سلنه کموالی راغلی دی.
سوداگري
د خصوصي سکتور د ملاتړ صندوق پرانستل شو
نن (پنجشنبه د غبرګولي اووهلسمه ) د اسلامي امارت د ریاست الوزراء د اقتصادي مرستیال ملا عبدالغني برادر، د صنایعو او سوداګرۍ وزارت د چارسمبالي نورالدین عزیزي، د کورنیو چارو وزارت د مرستیالانو او د خصوصي سکټورد غړیو په حضور کې پرانیستل شو.
د خصوصي سکټور د ملاتړ صندوق د اقتصادي ودې او پرمختګ، د بې کارۍ د کمولو، د کار د نویو فرصتونو د رامنځته کولو، د سوداګرۍ د توازن د ساتلو، د خصوصي سکټور د فعالیتونو پر وړاندې د خنډونو او ګواښونو د کمولو او د سوداګرۍ او ټرانزیټ په برخه کې د اسانتیاوو د برابرولو لپاره جوړ شوی دی.
همدارنګه د خصوصي سکټور اړوند د پروژو او پروګرامونو د پلي کولو لپاره د باوري مالي سرچینې درلودل، د ملي بندرونو د کمیټې د پروګرامونو تمویل، په بندرونو کې د اړتیا وړ اسانتیاوو رامنځته کول، د لابراتوارونو جوړول او د وارداتي او صادراتي توکو د کیفیت د ازموینې لپاره د تجهیزاتو پیرودل او د شرایطو د ښه کولو لپاره له تصدیو سره مالي مرسته د دې صندوق یوه بنسټیزه موخه ده.
ملا عبدالغني برادر د دې صندوق له پرانیستې وروسته ويلي، چې د دغه صندوق له پرانېستلو سره به د بېکارۍ کچه راټيټه او هېوادوالو ته کاري زمينې برابرې شي.
د ریاست الوزراء اقتصادي مرستيال د خصوصي سکټور له استازو وغوښتل، چې خپل فعاليتونه چټک او په ښه کيفيت سره ترسره کړي.
دغه راز د صنايعو او سوداګرۍ وزارت چارسمبالي نورالدين عزيزي د وینا پر مهال څرګنده کړې: په هېواد کې سراسری امنیت تامین دی، د خصوصی سکټور پر همکارۍ په بازار کې توکې په پراخه کچه شتون لری او نرخونه هم له ګاونډ هېوادونو ټیټ دي.
نوموړي ویلي؛ د خصوصي سکټور د ملاتړ صندوق مشرتابه او تخنیکي کمیټې لري. د دې کمېټو په غړیو کې اقتصادي مرستیال، د چارو ادارې عمومي ریاست، د صنعت او سوداګرۍ، مالیې، کرنې اوبولګولو او مالدارۍ، اقتصاد، مخابراتو او معلوماتي ټکنالوژۍ، کانونو او مالیې، برښنا او اوبو وزارتونو استازي په کې دي.
داکمیټه د یو مسوول بنسټ په توګه ځان مسووول بولي، چې داخلی صنایعو او خصوصی سکټور د پراختیا لپاره زمینه برابره کړي .
د کمیټې اصلي دندې د وړاندیز شویو پروژو رهبري کول، تصویب یا رد کول، د بودجې لپاره د بسپنې اندازه ټاکل، د پروژو لومړیتوبونه، د تخنیکي کمیټې د فعالیتونو څارنه، د پروژو پلي کول او د پروژو د لګښتونو په اړه د راپورونو وړاندې کول دي.
دا صندق په ملی او نړیواله کچه د حقیقی او حکمی اشخاصو د اعانو، پر وارداتی او صادراتی توکو د ډېرکم فیس څخه تمویلږی.
سوداگري
د افغانستان لومړنۍ سووداګریزې لارۍ له لنډمهالو اسنادو سره پاکستان ته ننوتلې
د افغانستان د صنایعو او سوداګرۍ وزارت ويلي، د کابل او اسلامآباد ترمنځ د نوي تړون له مخې افغان باروړونکي موټر له لنډمهالو اسنادو سره پاکستان ته ننوته او اوس موټر چلوونکي د تګ راتګ لپاره پاسپورټونو او ویزو ته اړتیا نلري.
دوۍ زیاتو، چې د نوې هوکړې له مخې د پکتیا د ډنډپټان ګمرک له لارې پاکستان ته لومړی سوداګریزه لارې ولېږدول شوه او دا بهیر به نور هم پراخه شي.
د صنعت او سوداګرۍ وزارت زیاته کړې، چې د نوې هوکړې له مخې د دواړه هېوادونو موټر چلوونکي کولی شي له پاسپورټ او ویزې پرته د سوداګریزو توکو لېږد تر سره کړي.
افغان لوری هیله څرګندوي، چې دا هوکړه به د دې سبب شي، چې د هېواد صادارتي بهیر په پراختیا کې خصوصي سکټور ته اسانتیا وي برابرې کړي.
د صنعت او سوداګرۍ وزارت ویاند عبدالسلام اخوندزاده وایي: مونږ د افغانستان او پاکستان ترمنځ د صادارتو او سوداګرۍ د پراختیا لپاره له پاکسانيو مسوولینو سره داسې هوکړې کړي، چې د روان میلادي کال تر پایه به د دواړو لوريو موټر چلوونکي له ویزې پرته سوداګریز لېږد – رالېږ تر سره کوي.
د افغانستان او پاکستان د ګډې سوداګرۍ خونې اجرائیه رییس نقیب الله ساپي ويلي، چې د افغان سوداګرو سوداګریز توکي پرون پاکستان ته ورسېدل. هیله لرو، چې په روان کال کې د دواړه هېوادونو ترمنځ له ستونزو پرته سوداګري او ټرانزیټ تر سره شي.
د اقتصادي چارو شنونکي که څه هم د افغانستان او پاکستان ترمنځ نوې هوکړې ته هیله مندي ښيي؛ خو د صنعت او سوداګرۍ له وزارته غوښتنه کوي، چې له پاکستان پرته په نورو هېوادونو کې هم د افغان توکو لپاره بازرا ومومي، چې له دغه هېواد سره د ستونزو او کړکېچونو پرمهال افغان سوداګر زیانمن نشي.
سوداگري
په اردن کې د افغانستان په ګډون د منځني ختیځ د سیمهییزفورم کلنۍ ناسته تر سره شوه
د اردن پر کوربتوب د منځني ختیځ د سیمهییزفورم (UIC) د کلني پروګرام په درې ورځنۍ ناسته کې د افغانستان د ټولګټو چارو وزارت د اوسپنې پټلۍ مرستیال بخت الرحمن شرافت ګډون وکړ.
د ټولګټو چارو وزارت د څرګندونو له مخې؛ په دې غونډه کې د غړیو هېوادونو استازو د اوسپنې پټلۍ پر خدمتونو، د معیاري کولو، ډیجیټل کولو او برښنایي کولو په اړه خبرې کړې دي.
همدارنګه په بندرونو کې د سوداګریزو کالیو د لیږد پر چټکتیا، زیاتوالي او د اوسپنې پټلۍ پرمختګ ته پر پاملرنه ټینګار شوی دی.
د غړو هېوادونو ترمنځ د اوسپنې پټلۍ غځول، د نویو دهلیزونو جوړول، د لېږد رالېږد چټکتیا او د بیې راټیټول د خبرو اترو مهم ټکي دي.
د ټولګټو وزارت ویاند ویاند محمد اشرف حق شناس وايي، چې په دې غونډه کې د مخابراتو نوي سیستمونه هم معرفي شوي دي.
د کارپوهانو د څرګندونو له مخې؛ د ټولګټو چارو وزارت هڅه کوي، چې د هېواد په بېلابېلو بندرونو کې د بېخبناوو په ځانګړي ډول د اوسپنې پټلۍ، سړکونو او د سوداګریزو توکو د لېږد رالېږد ټرانسپورټي اسانتیاوې برابرې کړي.
د اقتصادي ډګر یو شمېر نور کارپوهان هم د اوسپنې پټلۍ په غځولو کې پانګونه د هېواد د اقتصاد د ودې او د سیمې له هېوادونو سره د افغانستان د نښلېدا لپاره اړینه بولي.
د هېواد خصوصي سکټور هم په افغانستان کې د صادراتو او سوداګرۍ د ودې لپاره د اوسپنې پټلۍ جوړول اړین بولي او په دې باور دي، چې د اوسپنې پټلۍ پراختیا د اقتصاد په وده او د هېواد د عوایدو په ډېرولو کې پوره اغېز رامنځته کولی شي.
-
لوبی3 days ago
افغانستان یوګانډا ته پر ۱۲۵ منډو ماتې ورکړه
-
سوداگري4 days ago
د افغانستان لومړنۍ سووداګریزې لارۍ له لنډمهالو اسنادو سره پاکستان ته ننوتلې
-
تازه خبرونه4 days ago
قزاقستان د اسلامي امارت نوم د ترهګرۍ له نوملړه وویست
-
د هوا حالاتو بدلونونه4 days ago
په هند کې د تودوخې له څپې ۵۶ کسان مړه شول
-
سیمه ییز خبرونه2 days ago
نریندرا مودي د هند په ټاکنیزو سیالیو کې له ډېر لږ اکثریت برخمن شو
-
تازه خبرونه3 days ago
له افغانستان څخه د افراطیت د نفوذ خطر مخ پر زیاتېدو دی – تاجکستان
-
لوبی3 days ago
د ۲۰۲۴ کابل کرکټ غوره لیک دوه یم پړاو سیالۍ پیل شوې
-
تازه خبرونه3 days ago
په افغانستان کې د روانو سیلابونو له کبله لسګونه زره ماشومان اغېزمن شوي