تازه خبرونه
د ۳۵ حذف شویو نوماندانو پرېکړه وروستۍ ده- کمیسیون
د ټاکنیزو شکایتونو خپلواک کمیسیون څرګنده کړې، چې د ۳۵ حذف شویو نوماندانو په تړاو رامنځته شوې پرېکړه وروستۍ ده او د چا د لاریونونو او اعتراضونو پروا هم نلري.
د ټاکنو خپلواک کمیسیون دروازې ته نږدې دا دوه ورځې کیږي، چې د هغو نوماندانو لاریون روان دی، چې له وروستي نوملړه ویستل شوي دي.
له وروستي نوملړه حذف شوې مریم کوفي وایي، حکومت او کمیسیون دې په دې تړاو سپیناوی وکړي؛ که نه، نو لاریون به روان وساتل شي.
د ټاکنیزو شکایتونو کمیسیون وایي، د قانون له مخې؛ دا کسان په جرمونو کې د ښکېلتیا پر تور له وروستي نوملړه ویستل شوي او دغه پرېکړه نه بدلیږي.
دغه راز د ټاکنو قانون د دري نوییمې مادې له مخې؛ د ټاکنیزو شکایتونو مرکزي کمیسیون پرېکړه د ټاکنیزو شکایتونو او اعتراضونو په تړاو وروستۍ ده.
د ټاکنیزو شکایتونو خپلواک کمیسیون منشي علی رضا روحاني وایي، چې د کمیسیون پرېکړه وروستۍ ده؛ ځکه، نو اندونه او خنډونه ګټه نلري.
د افغانستان د آزادو او عادلانه ټاکنو بنسټ اجرائيه رییس یوسف رشید وایي، د نوماندانو د حذف دلایل باید نوماندانو او څارونکیو بنسټونو ته ښکاره او څرګند شي.
د یادونې ده، چې د ټاکنیزو شکایتونو کمیسیون د شنبې پر ورځ( د زمري ۲۰) د ولسي جرګې د نوماندانو له وروستي نوملړه ضیاالحق امرخېل، اسدالله شریفي، مریم کوفي، فوزیه کوفي او مولوي تره خېل په ګډون د ۳۵ نوماندانو نومونه حذف کړل او د ولسي جرګې د نوماندانو وروستی نوملړ د ټاکنو خپلواک کمیسیون ته وسپارل شو، چې له همغې ورځې راپدیخوا یو شمېر حذف شويو کسانو د دغه کمیسیون پر ضد په مرکز او ولایتونو کې اعتراضونه پیل کړي او غواړي لویې لارې وتړي.
تازه خبرونه
جاپان د افغانستان له سیلاب ځپلیو سره د بېړنیو مرستو ژمنه وکړه
په افغانستان کې د جاپان سفارت د پنجشنبې پر ورځ په ډاګه کړه، چې د افغانستان د شمال له سیلاب ځپلیو خلکو سره به بېړنۍ مرستې وکړي.
د سفارت د خپرې شوې خبرپاڼې له مخې؛ دا مرستې به د جاپان د نړيوالې همکارۍ ادارې (JICA) له لارې د سره صليب او سرې مياشتې ټولنې (IFRC) او افغاني سرې مياشتې ټولنې (ARCS) پر همکارۍ ترسره شي.
دا مرست خیمې، کمبلې او نور اړین توکي رانغاړي.
په یادې خبرپاڼه کې راغلي؛ جاپان پرېکړه کړې، چې ډېر ژر به د افغانستان د سيلاب ځپلیو خلکو د مرستې لپاره بېړنۍ مرستې وکړي. مونږ تل د افغانستان د خلکو تر څنګ ولاړ یوو.
دغه راز د ملګرو ملتونو د بشري چارو د همغږۍ دفتر (OCHA) ویلي، چې په بغلان، بدخشان او تخار ولایتونو کې د سختو بارانونو او سیلابونو له کبله ۸ زره ۹۷۵ کورونه ویجاړ شوي او یا هم زیانمن شوي دي.
روسیې هم د اړتیا په صورت کې د مرستې ژمنه کړې ده.
دا په داسې حال کې، چې د اسلامي همکاریو ټولنې (OIC) هم له اسلامي هېوادونو او مرستندویه ټولونو غوښتي، چې د افغانستان له سیلاب ځپلیو سره مرسته وکړي.
تازه خبرونه
د ترکیې سفیر د افغانستان سیلاب ځپلیو ته د ۶۷۰ ټنو مرستې اعلان وکړ
په کابل کې د ترکیې سفیر د اقتصاد وزارت له چارسمبالي سره په کتنه کې څرګنده کړې، چې سبا (جمعه د غویی ۲۸ ) ته به د افغانستان د وروستیو سیلاب ځپلیو لپاره د لومړنیو توکو څه باندې۲۰ ټنه مرسته راولېږدول شي.
د اقتصاد وزارت د خبرپاڼې له مخې؛ جنګ اونال له دین محمد حنیف سره په کتنه کې له ترکیې څخه د ۶۵۰ ټنو نورو بشري مرستو له رالېدولو هم خبر ورکړی، چې په کې خیمې، خوراکي توکي، درمل، جامې او نور توکي شامل دي.
هغه دا ډاډ هم ورکړی، چې افغانستان ته به دا مرستې د اوسپنېپټلۍ له لارې د هرات تورغنډۍ بندر ته رادننه شي.
په دې کتنه کې دین محمد حنیف له دغو مرستو څخه د هرکلي تر څنګ ویلي، چې د ترکیې هېواد د تاریخ په اوږدو کې د افغانستان یو ښه دوست او همکار پاتې شوی دی.
تازه خبرونه
ملګري ملتونه غواړي په افغانستان کې د ځمکو خړبولو لپاره سولري پمپونه ولګوي
د ریاست الوزراء اداري مرستیال عبدالسلام حنفي د سې شنبې پر ورځ ( د غویی پېنځهویشتمه ) د ملګرو ملتونو د پروژې خدمتونو د دفتر (UNOPS) له اجرائیوي رییس جورج موریرا داسیلوا سره وکتل.
په دې کتنه کې جورج موریرا داسیلوا اداري مرستيال ته د خپلو تېرو هڅو او لاسته راوړنو په اړه معلومات ورکړل او څرګندوي؛ دا اداره غواړي، چې په افغانستان کې د سولري پمپونو پر لګولو د کرنيزو ځمکو د خړوبولو يوه نوې پروژه پيل کړي.
عبدالسلام حنفي د دې ادارې د فعالیتونو او لاسته راوړنو د ستاینې ترڅنګ ویلي، چې اسلامي امارت په افغانستان کې د (UNOPS) ادارې له هڅو ملاتړ کوي او د پروژو د پلي کولو لپاره یې لازمې اسانتیاوې برابروي.
ویل کیږي، چې عبدالسلام حنفي له ټولو نړیوالو مرستندویه بنسټونو وغوښتل، چې کروندګرو ته د کوکنارو د بدیل کښت او افغان ځوانانو ته د کار د زمینې په برابرولو کې همکاري وکړي.
-
لوبی4 days ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه4 days ago
په ننګرهار کې د ناکامورا کانال پروژه بشپړه شوه
-
تازه خبرونه4 days ago
د یوناما استازې د ایران له بهرنیو چارو وزیر سره وکتل
-
تازه خبرونه4 days ago
ملګرو ملتونو د دې ټولنې په عمومي ناسته کې د افغانستان د رایې حق وځنډاوه
-
د هوا حالاتو بدلونونه3 days ago
په تېرو ۲ زره کلونو کې د تېر کال اوړی له ټولو تود و – څېړنه
-
سوداگري2 days ago
د صنایعو او سوداګرۍ وزارت چارسمبالي د تاتارستان له ولسمر سره وکتل
-
نړۍ4 days ago
انټوني بلینکن اوکراین ته رسېدلی
-
سیمه ییز خبرونه3 days ago
پر رفح د اسرائیلو بریدونه په نړیواله محکمه کې ارزول کیږي